الحب على النت

افاتح ماما ازاي واحكيلها على اللي حصل

بسم الله الرحمن الرحيم

انا *** بنت 18 سنه 3 ثانوى صناعى المهم انا حصل معايا موقف فى الفيس بوك انا عموما مش بقبل اى اضافات من اى ولد خالص معنديش على الصفحه بتعتى غير اخواتى بس يعنى مش بتكلم مع حد خاص خالص المهم انا بتكلم فى جروبات ومن كلامى معاهم هما فعلا ناس محترمه جدا وده انا عرفتو من كلمهم ادخل فى الموضوع علطول
جه واحد من الجروب الكنت بتكلم فيه وقعدنا نتكلم ساعه تقريبا على النت وبعد كدا فجاه لاقيتو بيقلى انا معجب بيكى كان ردى له انت ممكن تعجب بحد عمرك ما شفته ولا تعرفه كان رده مجربتش بس انا حاسس من كلامك انك من بيت محترم وملتزمه كان ردى الوحيد له الطريق الوحيد ليا هو باب بيتى
وقلتله انا مش نويا احب ولا ادخل فى علاقه حب الا انشاء الله مع واحد هيكون فى المستقبل جوزى انشاء الله كان رده وده اجمل طريق وهو ده العجبنى فيكى من غير ما اشوفك
بس هيا بقا المشكله ان والدتى مش مقتنعا بحب النت وحسى انه كلام وخلاص هيا لسه متعرفش الموضوع ده بس هقلها لاانى مش بعرف اخبى عنها حاجه
انا بس كنت محتاجه اتكلم مع حد قلت اكتبلكو المشكله دى وانتو لوسمحته تكتبولى اقتراحتكم
واسفه انى طولت عليكم الموضوع اها ونسيت اقلكم هو فى 2 كليه دلوقت وجزاكم الله كل خير يا رب شكرا سلام عليكم

مشاكل وحلول ذات صلة

اضيف بتاريخ: Wednesday, January 9th, 2019 في 14:58

كلمات مشاكل وحلول: , ,

2 رد to “افاتح ماما ازاي واحكيلها على اللي حصل”

  1. hema
    10/01/2019 at 08:05

    لعب عيال اقسم بالله انه غير صادق لو ده حصل بعد ما شافك اقولك اه لكن معجب بالكتابه هههههه خطك كان حلو اكيد ده واحد بيلعب ابعدى واقفلى الباب فى وشه

    قَـيّـم هذا الحل: Thumb up 0 Thumb down 0

  2. ابوالبتول
    09/01/2019 at 21:21

    شوفي ياحبيبتي انت غلطانة لما تكلمت مع الشاب من البداية وطالما انك عرفت ان الشاب معجب بك ويرغب في الارتباط وقصده شريف يبقى يجي حسب الاصول ويتقدم لك وانت لازم تصارحي امك بالحقيقة وماتخبيش عنها شئ واللي فيه الخير ربنا يكتبه لك وماحدش عارف نصيبه فين اصبح النت يساعد على الارتباط والزواج متى ماكانت النوايا صادقة و القصد شريف مش كما يفعل البعض من الشباب والفتيات يستخدموه لاغراض وحشة وللتسلية واللعب بمشاعر الاخرين ربنا يسترعليك ويكرمك بكل الخير ان شاء الله

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة