انا فتاة عندى 21 سنه معايا مؤهل عالى وعلى قدر من الجمال احببت شاب عندة 28 سنه مشكلتى كذا حاجه انى مبحبش اعمل حاجه من ورا حد بحس انى مخنوقه بحب كل حاجه فالنور صريحه للاقصى درجه ولمابكدب غصب عنى بكون مخنوقه ومبعرفش انام
اناحبيت الشخص دة جدا بس مش متاكدة من حبه ليا محتاجه حد يفهمنى
معلش هحكيلكم من الاول لان الموضوع كبير اووى انا اتعرفت عليه صدفه من 3 سنين وشويه وكان المفروض يتقدملى بس حصلت مشاكل او يمكن كانت حجج الله اعلم بس هو غريب اووى عكسى تمام انا رومانسيه جدا ومبعرفش اخبى حاجه وعندى موضوع الدين فى حاجات جامد يعنى لمااجى اعمل حاجه حتى لو مش متاكدة صح او غلط واتخيل لو عملتها ربنا هيكون راضى ولا زعلان بحس بخنقه فمبعملهاش لكن هو غريب علطول طول الوقت عايز يتكلم فالجنس انا مبحبش دة بتكسف مووت وبتخنق لانها حاجه كبيرة بالنسبه ليا وكمان عايزنى بمعنى الكلمه بيتحجج ان دة علشان هو بيحبنى جدا حاول معايا كتير عشان اوافق وانا مصممه عند راى ان الكلام والفعل حرام وكل ما ابعد يجى يعتذرلى ويقولى اديله فرصه ويرجع يغلط تانى انامش عارفه هل ابعد عنه خالص ولا ادى فرصه طالما بحبه اوى وطالما هحافظ على نفسى ومش هيعرف يوصل لحاجه معايا عشان نيتى خير وربنا معايا واشوف ناوى يجى يتقدملى حاليا او لا ولو اتحجج باى حاجه يبقى بيتسلى ولا هو بيتسلى من البدايه اصلا وعمرة ماحبنى برغم كل حبى ليه
مع العلم اننا بعدنا فترة لاكتر من سنه ومعرفتش احب غيرة حاولت بجد انى انساة واوافق على اى شخص متقدملى بس الصراحه معرفتش مكنتش عايزة اظلم حد لانى بفكر فيه24 ساعه ومش عارفه انساة
انابجد محتارة مش عارفه محتارة اوى مش عارفه ابعد عن اكتر انسان حبيته نفسى اكمل عمرى معاة وحلم حياتى يكون لينا بيت واسرة ويكون ليا طفل منه ولا اكمل وادى فرصه فى ساعتها يجى يتقدم اجرب يعنى واحاول اغيرة طالما هحافظ على نفسى وادعيله
انابدعيله علطوول ربنا يهديه حتى لو مكنش ليا يبقى لنفسه لانى بجد بحبه اووى
ارجوكم حد يفهمنى اتصرف ازاى لانى بجد محتارة وصليت كذا صلاة استخارة ومارتحتش بردة معرفتش اعمل ايه
الحب قبل الزواج
هل اكمل واشوف ناوى يجى يتقدملى او لا
اضيف بتاريخ: Tuesday, March 13th, 2018 في 05:24
كلمات مشاكل وحلول: الحب, الزواج, حب, زواج, شاب, فتاة
لا يابنتي اوعي تصدقيه فهو كداب ومخادع عايز يتسلى بك وعمرو ماهيتقدم لك كل المواشرات نؤكد انه كداب وعير جاد في الارتباط بك ولايستاهلك ابدا انت جوهرة ثمنية تستاهل من يقدرك ويصونك ويحافظ عليك ايه اللي جرى لك 3سنوات وانت معو على علاقة ومش عارفه انه واحد كداب ومخادع ولايقدر مشاعرك عايزك تقطع علاقتك به نهايئا وللابد ودوسي على قلبك وفكري بعقلك دون عواطف ولامشاعر وهتعرفي انك بكدا تعمل الصح وتصوني كرامتك والف من يتمناكي ياست البنات ربنا يبعث لك نصيبك مع ابن الحلال الصالح اللي يستاهلكي ويقدركي ويصون مشاعركي ويسعدكي العمر كله لوعاوزه الجواز وجادة فغعلا عندي لك عريس مناسب ابني شاب 23سنة ومهندس الكترونيات وعلى دين وخلاق وتربية ومش عاوز له الا وحدة بنت حلال محترمة وبنت اصول زيك كده
الشخص ده غير مناسب لك،،ولو استمريت معه فستفقد اخلاقك ودينك وتضيع عمرك،،عزيزتي الذي يريد الحلال يدق البيوت من أبوابها ولا يتحدث في الجنس قبل الزواج،،أنت له مجرد شهوة يضيع بها وقته ولن يتزوجك أبدا،،فانظر أي طريق تختارينه هل ترخصين نفسك وتضيعين اخلاقك وعمرك بدعوى الحب،،اقطع علاقتك به. فورا،،اماقصة انك لا تتصورين نفسك مع غيره فهذا الشيطان يصور لك ذلك،،ربما ستتعبين في بداية القرار لكن نفسك بعدها ستعتاد وحينها فقط سيبدلك الله بخير منه،،اما الاستمرار في هذه العلاقة فلن يكسبك الا ذنوبا ولن يزيدك الا تعلقا بوهم وسيضيع عمرك هباء بينما ولن تجد الشخص المناسب لإنك غارقة في الذنب حتى لو كنت تصديه فبمحرد من استمرارك بعلاقتك به هو وحده ذنب