الحب قبل الزواج

بيلح عليا اوافق اقابله والا لا؟؟

اللي حبيته حكايتي بدات معاه بحاجه غريبه .
انا من المنصورة بس كنت خارجه في يوم القاهره انا وماما وبالصدفه لقيت واحد بيبص لي بنظرات غريبه انا كنت في البدايه اعتبرتها معاكسه بس هو فضل يمشي ورانا لحد ماوقف ماما وكلمها وطلب منها انه ياخد رقم بابا ويتقدم لي طبعا ماما رفضت في البدايه بس هو عرف يقنعها انه بيتكلم جد وكدا .. انا مانكرش اني اتشديت له جامد اليوم ده ومن موقفه ده كمان بس طبعا هو كلم ماما وقالها يجي امتى وكدا بس بابا كان مسافر وطلبت منه انه يستنى في الاجازة بس بعد فتره لقيت ماما بتقولي انه مارجعش اتصل تاني وطلبت مني انسى الموضوع مع اني ماكنتش مبينه لها اني مهتمه بس انا كنت جوايه مستغربه نفسي انا مشدوده له اوي كدا ليه المهم بعد فتره انا مقدرتش اصبر لاني شكيت ان ماما مخبيه عني حاجه وخدت رقم موبايله وكلمته وزي ماتوقعت ان ماما قالت له اني رافضه الارتباط اساسا وان بابا رافض مع انها معرضتش عليا الموضوع وطبعا كان فرحان جدا اني كلمته وقالي انه الفتره اللي راحت دي كلها كان عايز يوصلي باي طريقه بس معرفش وقعد يشكرني كتير اني كلمته .. انا مش عارفه ليه عملت كدا بس بصراحه مارتحتش الا لما كلمته وحست اني فرحااانه اوي واتكلمنا طبعا لفتره وقربنا من بعض اكتر بس ماكنش بينا الا تلفون لاني انا في المنصوره و هو من المنصورة بس بيشتغل في القاهره .. وهو دلوقتي بيطلب مني اننا نتقابل وان مينفعش نفضل كدا نتكم في التلفون بس انا رفضت في البدايه بس هو لسه مش مقتنع برفضي وبيلح عليا جامد انه يشوفني..
انا عايزة حد يقولي اعمل ايه انا اول مرة ابقى محتاره كدا وفي حياتي ماكنت اتصور اني اكلم واحد واتعلق بيه كدا بس مش متخيله نفسي اني اقابله لاني مش متعوده على كدا وحاسه ان دي حاجه غلط مش عارفه انا لو وافقت حتى هبقى في نظره ايه .. خايفه يفكر بيا اني زي ماقابلته قابلت غيره مع اني عمري ماعملتها . ياريت حد بجد يقولي اعمل ايه لانه بيقولي مش هينفع نستمر كدا وهو معاه حق لان انا اساسا ماما رافضه ارتباطي وانا في الكليه ولسه لي سنه وخلص غير ان بابا مسافر ومش بيجي الا في الاجازة وانا بجد مش قادره استغنى عنه .. وسوري عالاطاله بس محتاجه حد يقولي ايه الصح اللي المفروض اعمله..

مشاكل وحلول ذات صلة

اضيف بتاريخ: Friday, October 28th, 2011 في 09:39

كلمات مشاكل وحلول: , , , ,

10 رد to “بيلح عليا اوافق اقابله والا لا؟؟”

  1. aya
    06/01/2012 at 12:47

    بصى الاول اللى انتى عملتيه غلط بس الى حصل حصل وخلاص …انتى اهم حاجه ما تخرجيش تقابليه هو لو متمسك بيكى وبيحبك هيتقدم ليكى مره واتنين وثلاثه وانتى بدورك تحاولى تقنعى والدتك انكوا تقروا فاتحه لحد ما باباكى يجى من السفر وده الحل الوحيد

  2. جاكي
    31/12/2011 at 00:26

    نصيحتي لك ان تبتعدي عن الشخص لانة سيئ وجري جدا مش اسلوب صح ان يوقفك انت وامك ويكلمكم بالطريقة دية اصلا ماعرفش يكلمك كان معجب بك فقط ويطمح لشي صعب في نوعية من الرجال يحب يوصل لشي بطريقة صعبة لانة يحس فية المتعة لو كان راجل ماكان عمل الطريقة هذة لو كان معجب كان بيمشي وراكي حتى توصلي للبيت وشوف بنت مين انت ويشوف حد يكلم اهلك ويتقدم رسمياً هذا هو الاعجاب لكن انت غلطانة انك اتصلتي به خلاص اصبح يريد يشوفك ليش يريد ذلك اكيد لكي يغويكي ويوصل لهدفة لا تحاولي تتصلي بة مره ثانية والنسيان رزقنا بها الله ونعمة من عنده لاتفكري به كثيرا وشغلي نفسك باشياء ثانية وانت بتنسية لا تتصلي لة مرة ثانية ….

  3. زيزو
    27/12/2011 at 09:00

    ههههههه يابن اللعيبة 🙂 شكله ملهوش حل ومحوراتي كبير
    المهم .. انا في رأي اوعي طبعا تقابليه من ورا مامتك او من ورا اهلك مينفعش إطلاقا
    وانتي من المنصورة يعني أجدع بنات ربنا يحميكم بس في الاول و في الاخر مايصحش انك تقابليه لانك ماتعرفهوش كويس ..
    ممكن يكون مخاادع وعمل الحركة دي من 100 واحدة غيرك _ وممكن يكون طيب وقاصد خير الله اعلم انا مادخلتش في نيته
    اوعي تقابليه طبعا إالا بعد إذن مامتك
    وروحي صارحيها قول لي لها انتي ضحكتي عليا ليه؟ مينفعش الحركة اللي عملتها دي لازم تاخد رايك الاول وقول لي لها الصراحة انك معجبة بيه

    وربنا معاكي .. ولو كان في الخير ليكي يارب ينولوا لك

  4. محمدالمصرى مقيم بالكويت
    05/11/2011 at 15:00

    السلام عليكم اختى اسمعى اقولك شى انتى لا تقابلية مهما كان حتى لو اعطيكى عمروة كلوة ما تسمعى كلاموة ولو باس على رجيلكى ارفضى لان لو قابلتيها اول مرة اعرفى انهها هياخد فكرة عنك انك قابلتى شباب قبلوة ومش هيتجوزك اصلا لانه فى هذا الفترة هتكون فى الحرام من وراء اهلكطبعا وزى ما قابلتيها اول مرة هيتطل منك تانى وتالت ورابع واسمعى يا بنت الحلال هى كلمة واحدة (مفيش حد هياخد زوجة احد مهما كان يعنى زوجك هو زوجك مهما كان نصيبك موجود 9 وشكر واتمنا لكى التوفيق فى حياتك ربنا يبعد عنك اولاد الحرام

  5. ام عمار
    04/11/2011 at 23:59

    هل سالتي نفسك وماذا بعد المقابلة وانتي بتقولي ام مامتك رافضة الارتباط وانتي بتتدرسي ؟ بصي يا بنت الناس عاوز يستناكي يستناكي لو مش عايز يبقي يسيبك في حالك وحافظي علي نفسك هتكبري في نظره وقبل ده كله راعي ربنا في نفسك

  6. HanyMoh
    31/10/2011 at 05:06

    لنفترض أنكِ وافقت وقابلتيه، ماذا بعد..

    أريد أن أطرح عليكِ بعض الأسئلة..

    هل تعرفين عنه شيء؟
    بالطبع لا

    هل تثقي به وتأمنيه على نفسك؟
    بالطبع لا ليس بعد

    هل إذا غدر بكِ ستحتملين تبعات هذا الغدر؟
    لا لأني سأضيع..

    حسنا، هو يقول أنه يحبك، وهذا غير صحيح، لأن هذا إعجاب لأنه لا يعرفك ولا يعرف أخلاقك.. والحب أساسه الخلق والحب المتبادل..

    أنا أخشى عليك منه فمن الممكن أن يكون قد فقد الأمل فيكِ ويُقدم على فعل قد تندمين عليه طيلة حياتك..

    أرى ألا تقابليه مطلقا، وأن تحاولي قدر الإمكان من تقليل مكالمتك معه، واحرصي في التحدث معه، فكثيرا ما يسجل الشاب للفتاة المكالمة ويهددها بها بعد ذلك..

    أخبريه أنك بانتظاره حين عودة والدك
    وليتقدم ليعرف نفسه وليقرر والدك وأنت هل ستوافقان عليه أم لا..

    وللعلم أنا أخشى من جرأته بعض الشيء..

    الخلاصة
    لا تتحدثي معه إلا بشكل سطحي، أي لا تتحدثي في الحب والجنس في الهاتف..
    لا تقابليه أبدا أبدا وحدك..
    أخبريه أن يتقدم إلى أبيك وقت رجوعه..

  7. Osama Tawheed
    30/10/2011 at 15:59

    نصيحه من اخوكي اوعي تقابليه حتي لو باس رجليكي …. صدقيني هتبقي رخيصه في نظره وبعد كده ممكن يعايرك ويفكرك حتي لو ارتبط بيكي … خليكي غاليه دايما … وهو لو عاوزك هييجي ويرتبط بيكي

  8. احســـاس شاعر
    28/10/2011 at 23:44

    قولي له لو جد ماما رفضاك تعال للبيت وكلمها وعطيه العنوان اذا كان يحبك حب شريف رح يضحي ويتشجع ويجي ويصارح امك احذري تطلعي معاه لانه بيقول متل ما طلعت معي طلعت معا غيري واذا قال مينفعش نستمر قولي له … (شرفي فوق كل شي ) واذا تشتيني هاذا عنوان البيت امن طلعه وكلام فاضي لا

  9. مدمنة السهر
    28/10/2011 at 17:37

    لا تعملي شي قبل ما تتاكدي ان والدتك هيك حكيتلو لانو من الممكن يكون كذب عليكي وان شاء الله ما يكون هيك لكن لازم تصارحي والدتك وحرام تخبي عليها هيك شي ومادام شايفة انو غلط لا تعمليه بعدين تندمي والسلام عليكم ورحمة الله تعالى وبركاته

  10. شمس لا تغيب
    28/10/2011 at 16:50

    بصى يا حببتى الموضوع كان بادى جميل جدا وسليم جدا لكن انك تكلمى واحد من ورا اهللك ده فى حد ذاته غلط جدا جدا جدا لوخصوصا انهم مش موافقين اولا هو كده والله اعلم عايز يلعب لان الاكيد انك نزلتى من نظرو لان والدتك الواضح انها رفضتو وانتى رايحه تكلميه من وراها مش هطول عليكى الحل انك متقبليهوش ولو بيحبك جد قوليلو انو يكلم والدتك تانى وتالت ورابع لحد ما توافق ويبقى الموضوع رسمى صدقينى والله عن تجربه كل الحاجات اللى بتبدا غلط بتنتهى غلط مفيش احسن من الرسمى لكن اللف والدوران ده مش حلو اوعى تقابليه لان حاجه بتجر حاجه واغل الرجاله شاطرين انهم يثبتوللك حسن نيتهم والنيه يعلمها ربنا وحدو

اترك رداً أو حلاً لهذه المشكلة