حبيبي مليونير واحنا على قد حالنا|الحب قبل الزواج

الحب قبل الزواج

حبيبي مليونير واحنا على قد حالنا

انا بحب واحد وهو بيحبنى اكتر بس المشكله ان هو اهله اغنيا خالص وانا اهلى ناس عاديين واقل يهنى هو عايش فى فيلا وبيصرف فلوس من غير ماحد يساله وبيجيب عربيات و فى جامعه خاصه وكل يوم اكل برا البيت وسفر مصيف كل سنه واكتر من كده بكتير احنا حبينا بعض من غير مااعرف اللى عنده ولا يعرف اللى عندى حبينا بعض فى ثانوى وهو اكبر منى هو عرف يدخل جامعه خاصه وهايبقى دكتور مع ان مجموعه زباله وانا لسه فى 3ثانوى بس انا عارفه انى لو مجبتش مجموع مش هاعرف ادخل كليه محترمه عشان معندناش فلوس تكفى الخاص هو بيقولى عادى عشان انا بنت وشغلى مش هايفرق بس الحاجه اللى مدايقانى انى واثقه ان اهلو عمرهم ماهايسيبوه يتجوزنى وانا اهلى كده وظروفنا كده يعنى هو باباه بدل ليل نهار وعربيات وانا بابا بيشترى هدوم من الشارع وبيتبهدل فى المواصلات واخواته البنات بيلبسوا ماركات وهدوم غاليه وانا واخواتى بنجيب جزمنا وطرحنا من العتبه عشان رخيصه وكمان انا حاطه فى دماغى موقف لما هايجى يتقدم ويلاقى بيتنا عفش قديم ومتكسر وان بابا وماما ناس عاديين واخواتى مش بيتكلموا انجليزى عارفه ان هو نفسو مش هايعترض بس اهله اكيد هيشوفو اننا مش مقامهم وكمان المشكله الاكبر ان الناس راسمين عننا صوره اننا اغنيا جدا احنا فعلا اغنيا بس كنا اغنيا وحصلت ظروف بابا خسر اللى وراه واللى قدامه .انا مش شايفه اهلى وحشين بس مش عايزه حد يبصلهم نظره مش حلوه وكمان خايفه انه هو نفسه يلاقينى مش مستواه مع ان هو قال انه بيحبنى عشان انا بسيطه ونقيه وانى حبيته قبل مااعرف هو ابن مين ومش طمعانه فيه زى باقى البنات وده اللى حصل فعلا لان هو يوم ماعرفته كان بياخد درس فى سنتر وشفته صدفه انه تعب وكان بيرجع فانا الوحيده اللى ساعدته وقتها وباقى الناس قرفت منو يومها هو بوظلى هدومى كلها وفضلت اقولو عادى انا اصلا مش بحب الطقم ده وكان كل همى انه ميدايقش بعدها اتصل بواحد جه اخده والراجل ده سلم عليا وشكرنى وانا كنت فاكراه والده بس طلع بعدين البواب انا وقتها حبيته على اساس ان اهله زينا عاديين عشان هو وقتها موضحش وبعد ماعرفته بحوالى 3 شهور عرفت اهله يبقوا مين لما النتيجه طلعت وقاللى هادخل جامعه خاصه والجامعه دى غاليه جدا فقولتلوا هو اى حد بيدخلها دى هاتكلف اهلك كتير راح قالى دى ولا حاجه واخواتى جامعاتهم برا مصر هو كان بياخد كل دروسه خاص ماعداالدرس اللى قابلته فيه عشان المدرس مش بيرضى يدى خاص . دلوقتى انا بحس ان هو من عالم وانا من عالم تانى وخايفه لما يعرف ظروفنا الحقيقيه يسيبنى او اهله ميرضوش بيا .اوضحله ظروفنا كلها ولا كده ممكن بعدين احط اهلى فى موقف الفشخره الكدابه واننا لبسنا كويس عشانهم او اننا طمعانين فيهم وانى مش بحبه . اعمل ايه ساعدونى

مشاكل وحلول ذات صلة

اضيف بتاريخ: Tuesday, April 28th, 2015 في 15:45

كلمات مشاكل وحلول: , , , ,

12 رد to “حبيبي مليونير واحنا على قد حالنا”

  1. مجنون نسوان
    22/12/2015 at 12:30

    يابنتي الحبيبة لاتغرنك الحياةالدنيا ولايغرنك بالله الغرور القناعة كنزلايفنى واعلمي ان الفقراءوالمساكين هم اهل الجنة والله عزوجل جعل منا الغنى والفقير في هذي الحياة كي نسعى في طلب الرزق وكل واحدمنا يرضى بماقدره الله له في هالحياة من خير اوشر الانسان منا بدينه وخلقه وعمله الصالح وليس بامواله وغناه الفاحش ومظاهره البراقة احسن من عيشة البساطةوالتقشف والزهد مافيش احسن منها ابدا واستمع لهذي القصة حصلت حقيقة وهي ان احد التابعين الفضلاء رحمه الله كانت له بنت جميلة وعلى خلق ودين والكل يتمنى الزواج بها وخطبها امير المونين عبدالملك بن مروان لابنه الوليد وقال لابوها اننى ارغب في مصاهرتك ياشيخناالفاضل واطلب يدابنتك لولدي وولي عهدي الوليد فقال الشيخ ياامير المومنين نسبك ومصاهرتك شرف لابعده شرف ولكن اخشى ان افسدعلى ابنتي اخرتها بزواجهامن ابنك وتتلذذ في الترف والنعيم وتنسىهاالاخرة فرفض ان يزوجها لابن الامير وزوجها لحد تلاميذه البسطاء بعدماتاكد من دينه واخلاقه وتعلقه بالله وحرصه على طلب العلم واشتري لابنته السعادةوالخيروالفلاح في دنياهاواخرتها فهل اعتبرتي وخذتي العبرةوالعظة من ذلك وتاكدي ان هذالشاب لن يسعدك في حياتك لاختلاف المعايير والفوارق الاجتماعية بينكما فلاتكابري نفسك والمثل يقول -على قدلحافك مد رجليك- وايضا المثل يقول – اللي يبص لمن فوقه يتعب – فاحسنى الاختيار لشريك حياتك من دين وخلق وتربية حسنةواهل طيبين فكل شي في هالحياة زائل وفاني ومايبقى الا الدين والعمل الصالح فاختاري الزوج الصالح ذو دين وخلق خيرلك من الدنيا ومافيها وفقك الله واكرمك بكل الخير

    قَـيّـم هذا الحل: Thumb up 0 Thumb down 0

  2. رونق
    12/06/2015 at 13:11

    كما قال المنقذ فالامير عبد الله حب رانيا الفتات البسيطه والملك الحسين ذهب بنفسه طلب ايديها لكن هولاء ملوك ونسبهم هو العاطي اما بنسبه لك كوني على طبيعتك وكوني نفسك ولاتتظاهري بما ليس عندك اذا كان هو صادقا سو ف يقنع اهله البقيه تبقى على قوه شخصيتك للتعايش معهم اما اذا كان غير ذلك فابتعدي عنه لان ليس جادا او اقلها لا يحبك بمستوى يتنازل عن الطبقه الذي العايش فيها

    قَـيّـم هذا الحل: Thumb up 0 Thumb down 1

  3. المنقذ
    31/05/2015 at 00:34

    انا سمعت عن قصه حقيقيه وليست من الخيال وحدثت في عصرنا الحديث ان امير عربي اعجب بفتاه عاديه واقل من مستواه الاحتماعي والمالي بسبب شخصيتهاوجمالها وذكاءها ولن تصدقي انها هي التي كانت متردده في الزواج منه لدرجه ان هذا الامير قد بعث احد الاصدقاء للتوسط من اجل ان توافق واخيرا وافقت وجاء والده الملك الي منزلهم المتواضع وتمت الخطبه
    فلا تقلقي وكوني علي طبيعتك التي حببت ذالك الشاب الغني فيكي ولتعلمي ان الزواج قسمه ونصيب فان كان قد كتبه الله لكي فلن تكون هناك قوه علي وجه الكره الارضيه ستمنع هذا الزواج

    قَـيّـم هذا الحل: Thumb up 1 Thumb down 0

  4. عادل الشوبري
    11/05/2015 at 11:55

    ختي العزيزه انا الغنه غنا النفس والله هوا بيحبك وعيزك هيعمل المستحيل علشانك دااه اللي اقد اقوله بس اوي تسبيه يعمل اي حاجه مثلا لمسه ايد بوسه في التليفون داه بيكون ترخيص افهمي الكلام كلام ملوش لازمه بس موهم

    قَـيّـم هذا الحل: Thumb up 2 Thumb down 1

  5. ندى
    10/05/2015 at 12:36

    السلام عليكم و رحمة الله وبركاته

    عزيزتي في البداية عليك ان تكملي دراستك للحصول على مجموع ممتااز حتى وان قال لك الشخص الذي تحبينه ليس مهما لانك فعلا لا تدرين ماذا سيحدث غدا ربما يمر هو بظروف لا سمح الله كما مر والدك ويخسر ثروته فلن يكون هنالك سلاح الا شهادتك .

    و ايضا يا عزيزتي حاولي ان تثقفي نفسك بقراءة الكثير من الكتب والاطلاع على كل شي حتى اذا حانت وقت الخطوبه تظهرين امامهم بالمظهر العقلاني الرائع والمثقف .

    ولا داعي للتمثيل يا عزيزتي وحتى ان كان اهلك بسيطون و يشترون من الشارع ليس من الجيد ان تظهرو امامهم بالمظهر الغني وبعدها سيكتشفون الحقيقه.

    برأي من الافضل ان تذهبي لزيارة اهله معه وتاخذي خلفية عن طباع اهله ان كانو صارمون ام لينون و من الجميل لو انك تحضرين لهم اكلة من صنع يديدك كالبسكوت او الكيك والاهم من ذلك كووني طبيعيه وما دمت لا تطمعين ب نقوده ف كل ذلك سيكون واضح وهذا شي جيد

    ولا تنسي ان تدعي في كل صلاتك ان كان خيرا لك فاليقربه الله منك وان كان شرا لك فاليبعده الله عنك

    تحياتي

    قيم هذا الحل سلباً او ايجاباً: Thumb up 5 Thumb down 0

  6. بيد
    08/05/2015 at 03:01

    انتي وضحي له ان ضروفك المادية متوسطه وان باباكي خسسر اللي وراه واللي قدامه واذ ا اتقبل الموضوع واتفهم واحترم وضعكم فهذا شئ حلو ودليل انه ما بيتركك عشان الموضوع دا
    واذا م اتقبل انسسيه وشوفي حياتك …
    اهلك هم اولئ الناس بحيااتك لا تنحرجين منهم ابدا وخليك واثقة المال مو كل شئ فالحييااة .

    قَـيّـم هذا الحل: Thumb up 2 Thumb down 0

  7. ابواميرة
    05/05/2015 at 16:24

    شوفي يابنت الناس الغنى والفقر دي بيدالله عزوجل جعل منا الغني وجعل مناالفقير واهم شي في الدنيا هوالعمل الصالح الذي سوف يسالناالله عنه يوم القيامة وتاكدي ان الغنى ساعة يكون نقمة على صاحبه في هالحياة اذااساء التصرف في استخدامه وتعالى وتكبر على الاخرين ارضى بماقدره الله لك في هالدنيا واحمدي الله واشكريه على نعمة الايمان والصحةوالعافية وتاكدي ان القناعة كنز لايفنى ابدا واحسنلك ان تعيشي فقيرة ومستورة بدلامن عيشة الاغنياء والغنى هوغنى النفس وربناسوف يحاسبك على كل شي تعمليه وياماناس طغوا وافسدوا لمااغتنوا في حياتهم وخير لك تعيشي مع انسان على قدحاله ياكل من عرق جبينه ورزقه كله حلال في حلال تلاقي معه السعادةوالهناءوالاستقرار في حياتك الحب مش كل حاجة في الحياة لازم تعرفي الشي ده وتاكدي ان الفوراق الاجتماعية بينكما وبين اهله واهلك اكبرعقبة في طريق سعادتكماوان ابدوا موافقة على زواج ابنهم منك فلن تتغير نظريتهم لك ولااهلك من اصغر مشكلة تحصل بينكم قد تجعله يسرع في طلاقك فورا اواهانتك واذلالك انت واهلك فلاتتسرعي في الارتباط به وحكمي عقلك قبل كل شي وزني الامور جيدا وربنا بيكرمك نشاءالله بابن الحلال الصالح اللي يستاهلك ويقدريصونك ويسعدك في حياتك

    قَـيّـم هذا الحل: Thumb up 1 Thumb down 0

  8. حل
    04/05/2015 at 21:46

    الحب لا يقاس مباركة أو الملابس . أحسدك أتمنى انو يحبني غني وانا مستعدة لأجل مستحيل حقيقة فقط في يعترف لي بحبه وستري. ……هنيئا مسبقا

    قَـيّـم هذا الحل: Thumb up 1 Thumb down 0

  9. إنسان عادي
    04/05/2015 at 18:50

    السلام عليكم ياأيتها الإنسانة الطيبة
    صلي على النبي الكريم
    أولا
    رتبي أمورك وابدأي واحدة واحدة
    أولاحبيبك لازم يكلم أهلو عليكي ويكلم أهلو على إنك بنت ناس حالتهم المادية عادية
    ثانيا لازم يشوف ردة فعل أهلو ويقنعهم إنها حبيبتو وإنها فعلا تحبو من قلبها
    موتحبو عشان فلوسو وبس
    لكن الشي الثاني
    الحب من شروط وقوانين الحب
    إنو مايكون في عوائق لااجتماعية ولاقانونية ولامادية عشان يكون في زواج
    وحبيبك غلط غلطة كبيرة إنو حبك وماكلم أهلو عليكي من بدري قبل مايكبر حبك لحبيبك في قلبك
    وحبيبك لازم يتصرف بشكل كبير لازم ينزل لك لأنو يحبك بمعنى مايكلمك كإنسان غني يكلمك
    كإنسان يحبك يخطبك بشكل ماتحسي فيه باي فروقات وبأي غصة حزن في داخلك لأنك حالتك المادية عادية
    لازم يجي يكلم أهلك ولازم يكلم أهلو ولازم يكون جدي ويكون قوي في كلامو ومقنع ويكون رجل قد كلامو
    والآن عليه إنو يخطبك ويرتب أمورو ولاتسوي اي شي إنتي الموضوع كلو بيد حبيبك
    ومن ناحية أهلك أكيد من ناحيتك راح تعرفي تقنعيهم
    على العموم خلي حبيبك يكون جاد في حبو لكي ويخطبك ويكلم أهلك مرة ومرتين وعشرة إلين أهلك يوافقوا
    وربك يسهل إنتي لاتشيلي هم لوكان فعلا الرجل هذا بيسعدك ربي راح يوفقك وحيزوجك وتعيشي حياة سعيدة مع زوجك
    ولوكان الرجل هذا مستقبلا بيتعسك ربي ماراح يخليكي تتزوجيه
    وخليكي واثقة في ربك إن إختيار ربك هو الأصح وخليها على الله الموضوع سهل
    والإنسان ضعيف وجاهل ورتبي أمورك وخليكي هادية وفكري بهدوء وخلي حبيبك يقوم بكل شيء

    قَـيّـم هذا الحل: Thumb up 2 Thumb down 0

  10. zahra box
    02/05/2015 at 15:44

    بصى يا حبيبتى اللى يحبك عمروا ما حيفكر يسيبك عشان هو غنى و انى مش مستواهم اهم حاجة كلميه ف النقطة دى كويس و قوليلو لو حتستحى بيا بعد الجواز او باهلى فاحسن تاخد قرارك دلوقتى و لما تعرفى اهلو كمان خليكى ع طبيعتك اوعى تتكسفى باهلك ولو لقيتى منهم القبول و التواضع اوك غير كده لا حتى لو هو وافق

    قيم هذا الحل سلباً او ايجاباً: Thumb up 5 Thumb down 0

  11. mostafa
    30/04/2015 at 02:23

    فيه ناس اغنيا بس عندهم اخلاق كويسة و مبيبصوش للفروق المادية و في ناس اغنية تانية عندهم اخلاق و بيهتموا بالفروق المادية و في ناس اغنيا لا اخلاق و لا نيلة و المشكلة مش ماديات بس ، حياتكوا انتوا الاتنين اتقابلت بالصدفة البسيطة انما الاوساط ذات نفسها مختلفة و مش هتعرفوا تتفاهموا بعد كدة مع بعض جايز يكون اللي عاجبلك فيه انك شايفة فيه شيئ مختلف و هو يكون شايف فيكي شيئ مختلف مش شايفه في الوسط اللي حواليه لكن ده مش كفاية ابدا و لو استمريتوا مش هتعرفوا الراحة ابدا و انتوا لسه في بدايتكم و مينفعش تجروا ورا حاجة عاجباكم دلوقتي و خلاص و مش عارفين تأثيرها بعدين ايه و الاحسن انك تركزي في دراستك عشان خاطر تعب والدك ده

    قَـيّـم هذا الحل: Thumb up 2 Thumb down 0

  12. KOKO
    28/04/2015 at 16:43

    كملي معاه وخلاص بالعكس انتي قصتك زي الافلام التركيه 🙂

    قَـيّـم هذا الحل: Thumb up 3 Thumb down 0

اترك رداً أو حلاً لهذه المشكلة