مشاكل الخيانة الزوجية

خنت زوجي وخايفة من الفضيحة

بصراحه انا مش عارفه اكتب واقول ايه بس انا حابه اطرح مشكلتى وارجو منكم الحل انا متزوجة وعندى طفلين وانا احب زوجى وايضا انا كنت مريضه بسبب خلل في الهرمونات وزوجى كان اغلب الوقت مش متواجد فى المنزل ومن كثرت ضغط الاعصاب عليا بسبب تعبي النفسي بسبب مرضي وكثرت العلاج الذي اخذه وضغط الاطفال عليا وانا لواحدى معهم تعرفت على شخص على النت وكنت اتحدث اليه كثيرا حيث انه استغل الفراغ العاطفي الذي اعيشه واحبنى واحببته حيث كنت متوهمه ذلك وطلب ان يقابلنى ولكنى كنت ارفض كثيرا الى ان ضغط عليا بانه يتمنى ان يرانى ولو لمره واحده وبعد الضغط عليا قابلته وللاسف قامت بيننا علاقة ولكن للاسف بعد ذلك اليوم المشؤوم والذي اعلم بمدى خطائي الذي ارتكبته وهو خيانه زوجى لا اعلم ماذا جرى لى لقد كرهت ذلك الشخص جدا جدا واحسست بالذنب وبخطائي ولكن ذلك الشخص لا يتركنى فى حالى حيث قمت بقطع علاقتى معه عن طريق النت وعن طريق التليفون ولكنه ماذال يطاردنى عن طريق النت او التليفون وانا بصراحه خائفه جدا لينفضح امرى او ان يقول لزوجى على خطاى ولا اعلم ماذا افعل حيث اننى فكرت فى الانتحار بسبب ما فعلته واحساس بالخيانه يقتلنى وعدم مسامحة ربي على ما فعلته ماذا افعل ارجوكم ردو على سؤالى حيث اننى اعلم انى لا استحق اى شفقة من احد مع زوجة خائنه مثلي

مشاكل وحلول ذات صلة

اضيف بتاريخ: Sunday, February 19th, 2012 في 21:11

كلمات مشاكل وحلول: , , , , ,

64 رد to “خنت زوجي وخايفة من الفضيحة”

  1. ابوالبتول
    17/09/2018 at 14:40

    انت وحدة ***** خاينة بكل بساطة تعترفي بفعلتك السوداء وماتعرفي انك اصبحت زانية خلاص مافيش خوف من ربنا عزوجل ولارادع من دين ولاتفكير في سمعة وشرف جوزك المسكين اللي دنستيه بجريمتك البشعة مع هذا الشيطان الرجيم اللي اغواكي واستمتع بجسدك صدقيني انه لن يتركك في حالك هذا السافل الواطي سوف يلاحقك حتى تعودي اليه مرة اخرى وقد تضعف امام تهديده القذر لك وترجع حليمة لعادتها القديمة ليس امامك سوى التوبة الصادقة مع رب العالمين والاستغفار مع الندم على ماحصل منك وعدم العودة اليه وتغيري رقمك وايميلك لرقم اخر جديد واياك والجلوس على النت فهو سبب خراب كثيرا من البيوت وفسادها واهتم بزوجك واصلح من شانك وتقرب الى الله اكثر في المحافظة عل صلاتك والاكثار من قراءة القران والصوم والاستغفار والله يصلحك ويهديك ويقبل توبتك انت وكل عباده المذنبيين الخطائيين

  2. ابوالبتول
    29/11/2016 at 20:02

    اتفق مع الاخ -ابى عبدالله – جزاءه الله كل الخير على ماقاله للاخت صاحبة المشكلة ولاازيد على ماذكره ففيه الكفاية

  3. مصدومه من نفسي
    02/10/2016 at 04:42

    انا حصل نفس القصه بالضبط حتى المرض كان هو السبب والوحده لكن ارجو عدم الدعاء والسب لان الله علام بالقلوب اكثر من البشر وانا كنت مثلكم اتفاجاء واستحقر من تفعل هكذا لكن عرفت انه ابتلاء ويخرجك من مفسك التي تعرفها وتثق بها ادعو وبي يقدرني اعيش براحه. مع التوبه النصوحه وربي يقبلها لى ولصاحبه القصه

  4. الفهدالاسود
    01/06/2016 at 11:36

    عايز ارد على الاخت -شوق – التي قالت انها تعرضت لتحرش جنسي من شخص داخل المصعد الاصنصيل اقول لها ليه ما دافعت عن نفسك اوصرخت او عملت له فضيحة حتى ينال الكلب ده جزاءه الرادع ويكون عبرة للاخرين ام انك اعجبك الوضع ده ورضيت به فانك مشتركة معه في الفعل المحرم والغير اخلاقي توبي الى الله عزوجل واستغفريه واستري نفسك واحذري من الخلوة مع الرجال الاجانب اوالنظر اليهم حتى لاتقع في الفتنة والشبهات والله يسترعليك ويصلح احوالك وكل بنات المسلمين

  5. الفهدالاسود
    01/06/2016 at 11:28

    اختي صاحبة المشكلة لايجدي اللوم والعتاب ولاينفع البكاء على اللبن المسكوب انت معترفة بخيانتك لزوجك مع هذالسافل الوغد اللي اغواكي وغرربك استري نفسك فالله عزوجل يحب الستر على عباده فلاتفضح ستره عليك توبي الى الله توبة صادقة واستغفريه من الكبائر والمعاصي والذنوب فانه هوالغفور الرحيم ومسالة انك خايفة انه سوف يهددك اويفضحك فلا تشغل بالك بامره ثقي في الله عزوجل انه معك وانه سوف يحميك من شره دام انه سترك طوال تلك المدة وتاكدي انه شخص جبان وسافل وحقيرولن يقدر على ايذاكي فلا تعيريه اي اهتمام خالص وغيري ارقام هاتفك ورقم النت بتاعك ولاتردي على اي اتصال غريب ياتيك سوا على الموبايل اوالنت واسال الله ان يسترعليك ويقبل توبتك ويغسل ذنوبك ويطهر قلبك ويعصمك من المحرمات والمعاصي ويصلح احوالك ويهديك

  6. شوق
    28/10/2014 at 01:15

    انا ي جماعه كمان خنت زوجي كنت فاقده الوعي عن نفسي وزوجي كان في الدوام وكنت بالاصنصيل وطلع معي واحد والشيطان جمع بينا وقرب علي وعمل حركاات فيني جنسيه بسيطه وانا ندمانه وكل شوي افكر اني انكشف او انفضح ساعدوني ارجوووووكم وتوبة الى الله واطلب المغفره بس بقى فيني خووف اني انكشف

  7. هيبة
    13/08/2014 at 01:41

    حرام والله الله يشفيك

  8. هيبة
    13/08/2014 at 01:26

    حرم عليك انتي اوم اتقي ربك ده مش مبرار

  9. RAMI
    11/09/2013 at 15:15

    انتو صنف اعوذ بالله لان انا فى نفس الوضع بس عايز اساللك سؤال جوزك وولادك مجوش فى باللك خالص نهائى وانتى رايحه تقابلى الكلب ده طب انتى عملتى غلط وبتحاسبى عليه طب جوزك زنبه ايه عشان يحاسب كمان واكتر حاجه توجع اى راجل انه يعرف ان مراته خانته ربنا يسامحك ويسترك عليكى ويغفر للك يارب

  10. لحظة صدق
    11/03/2013 at 18:50

    الله غفورا رحيم اختى صاحبة المشكله اعرفي ان الله عمره ماراح يسيبك لانه علام الغيوب ربي يستر عليك وعلينا دنيا واخره ولاتلومي نفسك اكثر دامك تبتي الا الله وربنا يغفرلنا اجمعين

  11. ابواميرة
    01/02/2013 at 09:07

    اختي لابدمن الرجوع لله والتوبةوالاستغفار فالله يقبل توبة عباده المذنبين واقطع كافة العلاقة مع الكلب الحقيرالواطي اللي اغواك وغيري ايميلك ورقم تليفونك واحذري ان تخبري زوجك بماحصل الله سترك فلاتفضحي نفسك واستريها واهتمي بزوجك اكثرمن اي وقت كان وربي يسترعليك ويصلح حالك

  12. esam12000
    19/01/2013 at 22:07

    والله انتى على زمة رجل متزوجه وجوزك دفع تحويشه عمره علشان يجوز امرأة صالحة ويكون اسرة جميلة وانتى تجى بسهوله كده وتخنيه وتكلمى راجل غريب عنك على النت عايز يضحك عليكى ويفترسك وبدون مقابل وانتى اكيد تعلمينه حقيقته جيدا تعلمين انه حشرة وجرسومه لانه وافق ان تربطه علاقة بأمرأة متزوجة ولم يكتفى بذلك بل طلب مقابلتك بغرض اقامة علاقة محرمة معك ومع ذلك انتى وافقتى على مقابلته ولم تكتفى بذلك بل وافقتى ايضا على ان تزنى معه واضح انكم لم تتقابلو فى مكان عام واضخ ان المقابله كانت داخل شقه انتى رحتى معاه الشقه يعنى تعلمين جيدا ما سوف يحدث داخل الشقه والله حرام عليكى هتستفيدى ايه لما ترخصى نفسك بهذا الشكل الشخص اللى نام معاكى ده اول واحد هيحتكرك فى نفسه وزمانه بيحكى لاصحابه عليكى وبيقول عليكى كلام قذر وانتى فى نظره مصلحة وكمان زوجك زنبه ايه انك تخنيه وتجبيله اولاد مش اولاده يربيهم ويصرف عليهم وبعد ما يموت يورثوه مفكرتيش حضرتك ان ممكن علاقتك المحرمه دى ينتج عنها انك تحبلى وتجيبى لجوزك طفل مش ابنه يعنى يعيش مخدوع ويموت مخدوع انا بجد دوخت من اللى بسمعه اقولك ايه والله ياريت تطلقى وترحمى الراجل اللى انتى عايشه معاه الله يكون فى عونه

  13. النور
    22/12/2012 at 16:56

    اقولك شي حتي يفرج الله عنك همك قولي لااله الا الله العليم الحكيم لااله الا الله العلي العظيم لا اله الا الله رب السموات السبع ورب العرش العظيم وقوليها عن يقين وانشاء الله ،الله هيفرج عنك همك ويبعده عنك والله الموفق

  14. قلم رصاص
    28/10/2012 at 01:34

    مهما حصل لا ترجعي للمتلوم الحيوان اللي عملتي معاها علاقة وسخة ومفيش حاجة اسمها يعمل لك فضايح وتوبي واستري على نفسك وربنا يلطف بعباده
    أما من جهة غلطانة فأنتي أكيد غلطك أكبر من غلط الحيوان لأنك اديتيه فرصة

  15. الهادئه
    18/10/2012 at 06:38

    اولا ربنا يتمم شفاكي ،لكن اعتقد مهما كانت صعوبة المرض وبيكون الانسان فيها مكسور وضعيف بيدور علي ربنا بيتقربله بيصلي اكتر بيلح بطلب الشفا مش بيدور علي النت وعنده وقت يتعرف ويصاحب ويحب ويعمل علاقه محرمه ،المرض ليس مبرر الخيانه ،لكن انتي ندمتي اطلبي من ربنا يستر عليكي ويغفرلك وارجعي عن فكرة الانتحار كفياكي ذنوب وغيري نمرة التليفون واقفلي النت خالص وقربي من ربنا عشان يرضي عنك،وربنا يرضي عنا جميعا

  16. uosef gega
    04/10/2012 at 22:05

    الله يكون بعونه لو عرف اسكتي احسن والله كريم

  17. السويسى 55
    14/09/2012 at 05:16

    اختى العزيزة .. كلنا نخطئ كلنا زنوب .. لا تقنطى من رحمة الله وغفرانه .. ان الله يغفر الذنوب جميعا الا ان يشرك به .. توبى واخلصى التوبة واندمى على ما فعلتى وعدم الرجوع للمعصية وان شاء الله يغفر لكى

  18. الطائر الغريب
    22/06/2012 at 01:26

    عليكى بالدعاء الى الله فان الدعاء مخ العبادةو لن يتخلى الله ابدا

  19. سلمى
    19/06/2012 at 18:06

    استخيرى اللة وتوبى الى اللة وربنا هيكون معاكى وعيشى حياتك والجا الى اللة طالما ناوىة مترجعيش للطريق دة تانى وحاولى تقربى من زوجك اكتر حافظى على بيتك وربنا يغفرلك

  20. محمد المغربي
    08/06/2012 at 01:28

    المشكلة عندك تفرعت إلى مشكلتين ..1-الخيانة2-التهديد و الخوف بإخبار زوجك كونه يطاردك دائما…
    1-الخيانة
    كل ما قلته ليس مبرر لكي تخوني زوجك هذا مفهوم ..لأن كان لك الوقت الكافي للإخبار زوجك بمدى معاناتك و أكيد كان سيجد لك حلا ..ذي نقطة عليك مش لك ..أنت واعية كل الوعي بالكيفية التي خنت بها زوجك و هذه إضافة أخرى تعني أنك ذهبت إليه بطوايعية و بكل أقبال منك …السؤال المطروح كيف ستتعاملين مع زوجك بعد الخيانة ؟؟؟ فحتى لو قطعت جذور الرجل الذي خنته معه فلن ترتاحي أبدا بسبب ما ارتكبته في حق زوجك و أولادك ….و هنا أقول لك النسيان و كثمان الأمر و محاولة أعادة المياه لمجاريها على أن تكون توبة خالصة لله مش لأي شخص أخر …
    2-المطاردة و التهديد
    عليك أن تقيمي حجم الخسارة بمعنى أن تجمعي كل الفجوات التي تركتها حين كنت معه ..طبعا تنقصنا تفاصيل مهمة ..مثلا مكان الإلتقاء هل هناك شهود من أصحابه صور لأن رقم تلفونك و خط النيت و عنوان البيت يمكنه أن يتغير لكن مثلا ماذا عن الصور أو الفيديوا أو تبوت شهود أو حجم أسارارك البيتية و مدى أفشائها له لأنها تعتير دليل ضدك أيضا في حالة أخبار زوجك ..و هنا سوف اقول لك شيئا مهما و هو كالآتي
    -عليك أن تخبري عشيقك أنه تم استدراجك بالقوى حتى أغتصبك أي بالتهديد إذا لم يبتعد عن طريقك سوف تخبرين الشرطة بذلك و هذا ما يسمى الإغتصاب بالقوة ..و أنك لم تكن لك أية علاقة معه سابقا بل تعرض لك في الطريق …و تستطعين أن تقلبين عليه القدرة بأن تلبي دعوته و في نفس الوقت تشهرين بيه أمام العيان أنه يتعرض لك كما فعل في السابق على أنه ناولك مخدر …أيضا بالقوة
    و بهذه الطريقة سوف يرتدع لكن هذه الطريقة تتطلب جرءة و عدم خوف و الوقوف أمامه بالند و كأن كل شيء وقع فعلا حقيقة فهمتني….لا أنصحك بأن تخبري زوجك أولا قبل الإعلان بالتحرش معه و أمام العيان …حتى يتحرش بك ثم تخبرين زوجك …و هنا تضربين بحجرة عصفورين …و أكيد الرجل اللئيم تغلبه المرأة اللئيمة و توكلي على الله و رسمي خطة بكل تفاصيلها قبل القيام بأية خطوة ..و راجعيها في كل مرة و سد الثغرات بدراستك لها أولا نظريا ثم و نفذيها بالشكل الذي صورته مسبقا بدقة متناهية و بخطوات مدروسة ..و حاولي أن تدرس جميع الإحتمالات الممكنة قبليا و أن تجدي لها الحلول المناسبة و المتغير بحسب تغير الخطة ….
    و السلام

  21. التائبة
    28/05/2012 at 14:46

    اكيد انتى مكنتيش فى وعيك وده خلاكى مش حاسة باللى بتعملية ولما فوقتى حسيتى انك ارتكبتى زنب كبير فى حق نفسك وجوزك واولادك احمدى ربنا انة سترك وحاولى تكفرى عن زنبك وترضى ربنا وزوجك وتحافظى على ولادك واوعى ترجعى لمعصية ربنا تانى علشان ربنايحفظ اولادك واوعى تفقدى الثقة فى نفسك علشان تقدرى تواجهى الدنيا بمشاكلها وهمومها

  22. اقوي من الاحزان
    28/05/2012 at 03:41

    السلام عليكم شوفي هوا لو ميعرفش ليكي عنوان الحل انك تقفلي تلفونك او تغيري الشريحه والنت متخشيش عليه هوا ده الحل واسيب اتسويت الي يحكم

  23. دكتورمحمد
    27/05/2012 at 00:14

    أختى.لافائدةمن البكاء علي اللبن المسكوب.ما فعلتية هو خطأسواء هناك مبرر أم لا.أدعى اللة أن يغفر لكىويستر عورتك.ولا تعترفى لزوجك تخت أي ظرف.فهذة خطورة كبيرة.

  24. امل
    23/05/2012 at 11:24

    اولا السلام عليكم ثانيا احترم ارائكم جميعا لان لكل منا عقل وله طريقة تفكيره اختى العزيره انا اقدر ماانتى فيه تقولين انكى تحبين زوجك واولادك وتخافين على بيتك اطلبى ذلك من الله عاهديه على الا تكررى هذا الخطا ابكى وانتى ساجده اطلبى الرحمه من الله جاهدى فى سبيل طاعة ربك اكثرى من الاستغفار على مافعلتى واكثرى من الاستغفار لبقائك مع زوجك واولادك وعاملى زوجك باحسن معامله فهو اول اولوياتك عاهدى نفسك انك من الان لن تهمليه ولن تغضبيه مهما حدث اما الشخص الذى يطاردك ادعى الله دائما ان يلهيه بعيدومهما حدث لا تحاولى ان تخبرى زوجك ولا اى شخص اخر مهما كان قريبا منكى بما فعلتى واعتقد انكى عندما تفكرى براحة زوجك واولادك لن تجدى وقت للنت والافضل ان تبتعدى عن النت على الاقل سنه حتى لا يحتك بك هذا الشخص ابدا
    وان حدث ووصل اليك لا تستجيبى له وان هددك بزوجك لا تخافى فان الله موجود وهومقدر لكى ما سيحدث
    وان قال شيئا لزوجك لقدر الله قولى لزوجك انه دائما كان يضايقنى ويهددنى ان البى ما يقول وكنت ساخبرك ولكن لم يشغل بالى الامر
    ولا تبينى على وجهك اى ملامح خوف وثقى انكى تابه الى الله وربنا يسترها معاكى ومعانا ومع المسلمين اجمعين ولا تنسى اعملى ايميل اخر عسى ان يطلبه زوجك ليتفحصه

  25. أبو ياسين
    19/05/2012 at 08:25

    أمرك بيد الله ولا يعلم حقيقة التوبة الا الله فوالذى نفسي بيدهخ لو أنك تعملين بطاعة الله لما كان الذى حدث وكل من التمس له العذر كلامه قاصر عليه كما انا ما أقوله لا يتعدانى الى غيرى ولكن هذا رأيي بكل وضوح هو علاقتك مع ربنا في المقام الأول هي المقياس الحقيقى لعلاقتك مع زوجك واضعة فى الاعتبار أن الله رحمته سبقت غضبه وأنه غفور رحيم مع العلم أن الامر لو بيدى لقطعت رقبتك وقصمتك قطعا قكعا ورميت بك للكلاب الضالة وهذا من أبلغ الحكم في أن الذي يملك العفو والمغفرة هو الله عز وجل ولو صدقت توبتك اياك والافصاح بسرك لأحد وجرد انك تقفلى النت والتليفونات الكلب سيجد كلبة تشغله عن النباح عليك

  26. ليان
    13/05/2012 at 11:19

    اووختي خاايفة من الفضيحة ومش خايفة من الله انا ما اقول الا انك تتوبي وترجعي الى اللله
    لانوو حياتك ماراح تصطلح الااذا ا رجعتي وتوبتي واكثري من الاستغفار ع ما فعلتية فانتي لم تفعلي شئيا صغيرا الله يهديهك ويصلحك

  27. ناديه
    21/04/2012 at 22:33

    توضيح الخطا لاتدري =اقصد بها لاتدمري بيتك

  28. ناديه
    21/04/2012 at 22:30

    اختي الغاليه ربك غفور رحيم ولاتهتمي للكلام الجارح من بعض الاخوة فكلنا نخطىء المهم ان نتعلم من الخطأ ونصيحه نصيحه لاتخبري زوجك ابدا تحت اي ضغط وظرف حتى لاتدري بيتك واولادك وان اتى الشاب وفضح انكري بشده وحاولي ان تتقربي الى الله بالطاعات والتصدق على الفقراء ومساعده المحتاجين لعل الله يدفع عنك كل بلاء ربك ارحم من البشر اللي جالسين يشتمو فيكي خليك قويه ولاتهتمي من احد خلي بالك من طاعه ربك وحافظي على بيتك واولادك وزوجك ربنا يسعدك ويسعدني بالدنيا والاخرة والجميع

  29. المهاجر
    13/04/2012 at 01:44

    بتقولي انك بتحبي زوجك ولما كنت على علاقة بالشخص التاني مافكرتيش في زوجك استحاله طبعا اكيد فكرتي ولكن لم تعيرية اهتماممافكرتيش في شعورة ايه لو عرف زنبه ايه اذا كان مخلص لك هل جزاء الاخلاص الخيانه طبعا لا ولكن فكرتي في شهواتك ولم تكبحي جماح نفسك والقيت بنفسك وسط الرزيله وكنت انانية في تصرفاتك هل فكرتي فيما لو فعلها زوجك ما هي ردة فعلك هل كنت ستسامحينه اما وقد حدث ما حدث فعليك بالتوبه الصادقة ومحاسبة نفسك حساب شديد والاخلاص لزوجك وادعي الله ان يسامحك ويسامحك زوجك ان عرف واذا رايت انه ممكن يسامحك فعليك باخبارة قبل ان يعرف من شخص اخر وتكون المصيبة اكبر

  30. ابو الياس من المغرب
    12/04/2012 at 16:47

    السلام عليك و بعد،ما قمت به لا شك عمل شنيع لكن ندمك الكبير دليل على توبتك التي ارجو ان تدوم،لانك ان استطعت بالفعل ان لا تفعلي ثانية فقد تنال من دون شك رحمة الله التي وسعت كل شيئاو هو الذي وصف نفسه بالرحمان الرحيم و احتفظ لنفسه ب 99 جزءا من الرحمة و انزل الى المخلوقات جميعا جزءا واحدا ليتراحموا به فيما بينهم ، لا تياسي يا اختاه لكن لا تعودي مرة اخرى الى هذا الفعل ، فانه لن يستطيع اخبار زوجك ابدا ،لان ما من احد فيه ذرة ايمان او يشهد ان لا اله الا الله و ان محمد رسول الله يجرؤ على ان يتباهى بفضائحه، اتمنى لك من قلبي توبة نصوحا و حبا قويا مع زوجك و الله اسال ان يغفر لي و لك و لجميع المومنين والمومنات و المسلمين و المسلمات امين .

  31. ريكو
    02/04/2012 at 02:13

    من الأخر شي صار و انتهى أفضل حل الاستغفار و الندم و من بعدها النسيان

  32. اسامه الشبانى
    29/03/2012 at 17:20

    اخى العزيزه يقول لكى الرسول عليه الصلاة السلام اتقى الله حيثما كنتى يعنى تقى الله فى ماللك وفى ولدك وفى بيتك وفى عملك وفى كل شى

  33. اسامه توحيد
    28/03/2012 at 07:06

    اختي : قد قرأت مشكلتك من فترة كبيره ولم استطيع الرد حتي اقرأ مارد به الاخوه من قبلي .. ولكني سوف ازيد عليهم بعض حيث اني قد شعرت بندمك الشديد علي فعلتك هذه .. فنحن جميعا بشر وخطائين ولاتوجد ملائكه تمشي علي الارض ولكننا نضعف احيانا امام اي مؤثرات وهذا ليس مبر لخطئك ولكني اتكلم بشكل عام فهناك من اخطأ قبلك كثيرين ولكن علينا ان نتعلم من خطئنا … ونكون اكثر حزما وصرامه مع انفسنا ولا نكرر اخطائنا مره اخري تقربي من زوجك كثيرا وتقربي من الله وسوف تجدي كل الراحه والسعاده …. ربنا يوفقك الي مافيه مع تنمياتي بكل سعاده وهناء مع زوجك

  34. samo
    26/03/2012 at 02:38

    بجد انتم بتستفزونا بكلامكم يعنى ايه قطعتى علاقتك بيه عن طريق الانترنت والتليفون ومازال يطاررردك على الانترنت والتليفون خلاصه الكلام انتى لو حاسه بالذنب وتانيب الضمير زى ما قولتى حل بسيط اميل جديد وخط تليفون ب 2 جنيه ونص ما ارخصهم لكن اوكد لك انتى متردده من بين رسايله وكلامه المعسول وبين شعورك بالذنب

  35. الطبيب المصري
    24/03/2012 at 06:14

    من الناحية الانسانية والنفسية فتصرفك طبيعي جدا ، مع الضغوط يضعف الانسان ، يحتاج الى الحنان والدفئ ، ومع الحنان والدفئ يأتي الجنس ،

    لكن تقاليد المجتمعات البشرية وبخصوص مجتمعاتنا تتصرف بحدة تجاه هذه التصرفات ، كما ان كونك امرأة يلقي عليك لوم اجتماعي اكثر لاننا نعيش في مجتمعات ذكورية تقدس الذكر وتزدري الانثى ، لو ان ما حدث كان العكس ، وان زوجك كان من اقترف الخيانة ، لكان اقصى ما نحلم به هو ان يعترف بخطأه ويعتذر! اما المرأة المسكينة في مجتمعنا فقد تفقد حياتها ثمنا لهذا

    ما حدث منك كان خطأ بمقاييس المجتمع ، خطأ مبرر ، نتعلم من اخطائنا ولا نلقي باللوم على انفسنا الضعيفة ، نهدأ ، نستجمع قوانا العقلية ونحاول ايجاد مخرج وحل لمشاكلنا

    بالتوفيق

  36. سالم
    22/03/2012 at 23:11

    حرام عليكم اتقوا الله يجعل لكم مخرجاً

  37. انسان عاقل
    17/03/2012 at 13:41

    اتقى اللة يجعل لكى مخرجن طهرى نفسك وقلبك طهرى بدنك وجوارحك بزكر اللة الابزكر اللة تطمان القلوب اجعلى دموعك طهوراللبدن واجعلى القران ترطيب للقلب اكثرى من السجود للة عسى ان يغفراللة ذنبك ان اللة يغفر الزنوب جميعامع الانسان التائب غيرى رقم تليفونك والاميل ويريت تنسى النت افضل شى لانة ممكن تكررى الموضوع تانى مع شخص تانى ونرجع لنفس المشكلة توبى الى اللة توبة بلارجوع واللة المستعان

  38. ahmed cnc
    16/03/2012 at 21:32

    الاخت الكريمه
    اياك وفقد الثقه فى نفسك اياكى ثم اياكى انها علطه ولعلها الغلطه الوحيده لكى فى الدنيا ولعلها معصيه تقربلك الى الله افضل من طاعه تبعدك عن الله اعيدى الثقه فى نفسك اعتبريها غلطه مر عليها الاف السنين يعنى مجرد ذكرى لا تجعليها تؤثر على نفسيتك سلبا صحيح الخيانه الزوجيه شئ ضخم ولكن المصيبه ان يمر الخطا فى حياتنا دون ان نكون اقوى من الاول اعيدى علاقتك مع الله فان بابه لايغلق فى وجه التائب ابدا ولا تفكرى فى الامر فلن يفعل شئ بل كل ما يريده هو ان يقابلك مره ثانيه ليس الا فكونى اقوى من الاول وثقى فى نفسك وعلمى ان التوبه مقبوله

  39. شامة
    11/03/2012 at 10:38

    pvحرام عليكى ذنبه ايه زوجك المسكين ولا علشان انه بيشتغل وبيشقه علشان يوفرلك طلباتك انتى واولادك ذنبه ايه لو امرك انفضح في الفضيحه هو واولادك واهلك انا بستغرب وانا ست زيك ازاي تترمي في احضان رجل غريب من اول لقاء وحتي لو كان القاء المليون انتى ليست الست التي يوجد لديها اي من الحياء مع العلم انكي تعلمي انه ذلك زنااااااااااا عمري مهتعاطف معاكي لانك مفكرتيش غير في رغباتك وبس وحتي لو كنتي مريضه كلنا مرضا وعندنا مشاكل وادعو الله ان يجزيكي في الدنيا لا في الاخرة

  40. اخصائيه حل مشاكل
    07/03/2012 at 15:32

    اختى في الله
    جميل جدا انك معترفه ان اللي عملتيه خطاء ودى بدايه التوبه لانك ندمتى المهم دلوقتى ترجعى لربنا وتوبي توبه نصوحة وغيري تليفوناتك عشان ميعرفش يتصل بيكى وكمان ايميلاتك واستغفري ربنا كتير واعرفي ان الله يغفر الزنوب جميعا الا ان يشرك بيه بس اهم حاجة مش تكرري غلطك دة تانى وربنا يعينك علي طاعته والبعد عن معصيته

  41. أبي عبدالله
    02/03/2012 at 03:40

    السلام عليكم ورحمة الله وبركاته ، لست متابع للموقع ولكن قدر الله ذلك .

    إلي الأخت صاحبة المشكلة، حل مشكلتك أولاً: بحسب الأولي لك والأهم .
    أقول وبالله التوفيق ، لقد وقع ماوقع من معصية الله جل وعلا ، وهذا الأمر من أكبر الكبائر ،

    قال تعالي (وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ أَثَامًا يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا إِلَّا مَن تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا). {الفرقان:68-70}.

    وقال تعالى: وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً{الإسراء:32}.

    وقال صلي الله عليه وسلم في الحديث المتفق عليه :(لا يزني الزاني حين يزني وهو مؤمن).

    وكبيرة الزنا شرع الله جل وعلا لها حداً في الإسلام ، أن جلد البكر 100 جلدة ، ورجم الثيب (المتزوج أو المتزوجة) حتي الموت ، وهذا إن رأي حالة الزنا أربع شهود من الرجال ، أو إعترف الزاني أو الزانية علي نفسه في بلد تقام فيها الحدود ، أما إن ستر الله عليه حتي ولو كان في بلد يقام فيه الحدود ، فالأولي له أن يستر علي نفسه ولا يذهب للولي ليقيم عليه الحد ، ولكن يتوب لله جل وعلا توبة نصوحا ً،
    لذا أقول للصاحبة المشكلة توبي لله وارجعي إليه ، إسأليه في كل صلاة أن يتوب عليك ، أبكي علي خطيئتك ، وأكثري من البكاء ، وقولي يارب عصيتك لجهلي بقدرك ، ياعظيم الشأن إغفر لمن لا شأن لها ، يامن وسعت رحمته كل شيئ وأنا شيئ ممن خلقت فلتسعني رحمتك ، يارب توب علي لأتوب ، وحول قلبي إلي طاعتك يامن بيده القلوب ، حافظي علي قيام الليل ، وخاصة في ثلث الليل الأخير فالدعاء مستجاب ، وكما تلذذت نفسك وقلبك بالمعصية إجعليهما يذلا لله بالطاعة حتي يتلذذا بتلك الطاعة ويحترقا كمداً علي تلك المعصية .

    واعلمي أن الكبائر لابد لها من توبة نصوح قبل الموت ، حتي لايعاقب عليها العبد يوم القيامة،إن صدقت توبته ورجعته لله جل وعلا ، وللتوبة الصادقة في مثل هذه المعصية خمسة شروط وهي :

    أولاً:الإقلاع عن المعصية أي أنه لا يكون هناك توبة إن كانت مازالت علي إتصال ولو حتي مجرد الكلام مع ذلك الشخص لأنه لا يتكلم إلا من أجل الوصول مرة أخري للفاحشة ،
    ثانياً: الإعتراف بالذنب ، أي تقرأ بأنها أذنبت في حق الله جل وعلا وفي حق زوجها وهتك الستر الذي بينها وبين الله ولم تحافظ علي شرف زوجها وعرضه ، وليس كما تقول بأنها كانت مريضة وتعبانة نفسياً ، ألم تتكلم معه مرة واثنين وثلاث ألم تسمع كلمة غزل ألم تسمع كلمة حب ألم تأخذ ميعاد ألم تخرج لتقابله ألم ألم ….ألي أخره . كل ذلك وكانت مغيبة ومريضة ، إن تصغير الذنب قد يكون أعظم مصيبة من الذنب نفسه لأنه قد يهلك صاحبه باستصغاره له أما الذنب حتي ولو وصل للشرك فعلم العبد ما فعله وعظم ذنبه فتاب تاب الله عليه .
    ثالثاً:الندم علي هذا الذنب ، إذا لايكون هناك توبة من غير نادم علي ذنبه أو مصر عليه أو معجب به .
    رابعاً:العزم علي عدم العودة ، فهما دعتها نفسها للشهوة واللذة فلتتذكر شدة عذاب الله وعقابه ، وتتخيل لو ماتت وهي في تلك الحال ستبعث يوم القيامة كما ماتت وستفضح علي رؤس الأشهاد، إلي جانب فضحها في الدنيا ولا حول ولا قوة إلا بالله ، وأكبر شيئ يعين علي عدم العودة والثبات علي التوبة قطع كل طريق وسبيل يوصل بذلك الشخص هداه الله وكف شره عن أعراض المسلمين ، وبقاء أي شيئ ذات صلة فهو دليل علي عدم الصدق في التوبة .
    خامساً : أن تكون في وقت يصح فيه قبولها ، فلابد أن تكون التوبة قبل بلوغ الروح الحلقوم ، وقبل طلوع الشمس من مغربها ، حيث بهذين الأمرين لا تصح التوبة ولاتقبل ، فلابد من المبادرة بها قبل فوات وقتها .

    قال رسول الله صلي الله عليه وسلم :(إن الله يبسط يده في النهار ليتوب مسيء الليل ويبسط يده في الليل ليتوب مسيء النهار حتى تطلع اشمس من مغربها)
    ياأمة الله إن الله غافر النب مهما كان عظيماً لأنه أعظم ، ولا يكون ذلك إلا لمن علم أنه الله عظيم وقدره كبير

    قال تعالى {وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ * اُوْلَـئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ }آل عمران136-135.

    وفي الحديث القدسي 🙁 يابن آدم إنك مادعوتني ورجوتني غفرت لك على ما كان منك ولا أبالي . يابن آدم لو بلغت ذنوبك عنان السماء ثم استغفرتني غفرت لك . يابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة ).
    أما ثانيها : لاتخافي من تهديداته مهما فعل حتي ولو وصل الأمر إلي معرفة زوجك وفضحك ، فأثبتي وأسألي الله الذي سترك حال المعصية ألا يفضحك بعد أن طهرت نفسك من آثام تلك المعصية ورجعت إليه طاهرة نقية ،
    أختي إياك أن تخافي من الفضيحة في الدنيا وتذلي مرة ثانية بإطاعتك لهذا اللعين ولا تخافي من الفضيحة يوم الدين علي رؤس الأشهاد أو لا تخافي من لحظة الموت التي قد تاتيك وأنت معه في هذا الحال الذي يهتز له عرش الرحمن ، أثبتي وأصبري وادعي الإله ، أن يسترك بعد رجعت إليه وأن لا يفضحك في الدنيا ولا في الأخرة .
    وعليك بهذا الدعاء قولي : اللهم اكفنيه بما شئت وكيف شئت ، اللهم غني أجعلك في نحره وأعوذ بك من شره .
    هذا وأسأل الله لك ولأمثالك أن يهديهم الله وأن يتوب عليهم وأن يقبل توبتهم وأن يغفر لهم ذلتهم ، اللهم آمين .

  42. نور -محمد خير سوريا
    01/03/2012 at 17:48

    عزيزتي الاسلام يجب ما قبله وان الله يقبل التوبة عن عباده ويعفو عن كثي والذي ارتكبتيه ذنب عظيم بينك وبين الله ولا تفضحي نفسك لانك تربي اجيال وداومي على تلاوة القرأن وحفظه وداومي على الصلاة

  43. المناعى
    29/02/2012 at 02:50

    اختى ان الله غفور رحيم افضل حل لاتخافى من هذا الشخص وغيرى اميلك ورقم تلفونك واتقى الله فى زوجك الذى يتعب ويعمل لكى يوفر لكى كل شى بلحياه اتقى الله فيه واعطكى ثقه غاليه حاولى اختى تقربى الى ربك بلصلاه والاستغفار وادعى ربك ان يسترك انتى وبنات المسلمين اجمعين

  44. HanyMoh
    29/02/2012 at 02:26

    حمدا لله على شفائك وتوبتك.

  45. حبيبى دائما
    28/02/2012 at 09:43

    ربنا غفور رحيم قابل التوبه عافر الزنب شديد العقاب
    المهم انى توبتك صادقه من قلبك
    وربنا يغفر الزنوب جميعا

  46. صاحبة المشكلة
    28/02/2012 at 05:33

    الى الاخ العادى اولا بشكرك على ردك ولكن انا مش بدرجة الفظاعة اللى وصفتونى بيها ياجماعة انتم ليه مش مقدرين انى كنت مريضه نفسيا وكنت باخد علاج لكده وانا وضحت دا فى مشكلتي وللاسف دا جالى فى فترة تعبي ولما اخدت العلاج وعرفت حالتي بالظبط ندمت على اللى حصل دا يعني مش بايدي اللى حصل ولا لاني عندى ولاد لان كلنا عندنا اطفال ولا لاني واحده مش كويسه بالعكس انا بحب زوجي جدا ارجوكم اقروا رسالتي الاول وبعدين قولوا رايكو

  47. mymagic
    27/02/2012 at 20:28

    انا مش عارف اقول ايه بس كل اللى اعرفه ان الله سبحانه وتعالى غفورا رحيم

  48. العادي
    26/02/2012 at 08:53

    أي واحد متعاطف معاكي من تعليقات الناس لو كنتي مراته كان شنقك لكن عشان انتي مش مراته هتلاقي اسامه منير بيكلمك علطول
    عموما انتي خايفه من الفضيحه مش من ربنا طبعا وزي ما انتي شرحتي ضغط الاطفال وضغط الوقت ولعب الضغط واي كلام والسلام وخلاص تبرري بيه ا
    عندك نقص دين ونقص عقل ونقص انسانيه ونقص مسئوليه
    انك تخوني واحد ائتمنك على اسمه واولاده
    ولو طبعا جوزك اللي عمل كدا كان زمانك ياما هنا يا ما هناك
    ولو فكر يتجوز عليكي في الحلال هتعلقيله المشانق
    عالعموم قوليله وسلميله رقبتك لو مكانك اعمل كدا يمكن يقتلك بدل ما تنتحري او يسامحك ويبقى كاسر عينك
    و

  49. moaa
    26/02/2012 at 01:39

    يعني اول مره تشوفيه تقومي تنامي معاه انتي فعلا مريضه راي تروحي لدكتور نفسي وهو يدي دوا يظبط الكيمياء في المخ ثانيا توبي لربنا واعرفي ان ربنا رحمته اوسع واكبر من اي زمب المهم توبي وانتي عندك ثقه في رحمة ربنا ثالثا انسي موضوع الراجل ده

  50. ملك
    26/02/2012 at 01:22

    مش عارفة اقول اية؟ياااااااااااااااااااااااااااااااااا رب قوينا وارحمنا. لولى عمرك ما هتنسى هتتعذبى اوى ربنا يقويكى ويسترها عليكى .وسامحينى انا متعاطفة مع زوجك اوى ونفسى يعرف . انا بشكرك اوىىىىىىىىىىىىىىىىىىىىىىىىىىىىى لانى صغيرة فى السنى ومتزوجة وتعيسة فى حياتى بسبب تصرفات زوجى وحولى كثير يتمننونى وساعات بكرة كل حياتى بس بقول علشان بنتى وبتقى الله فى نفسى وبنتى وزوجى . قصتك قوة ايمانى بالله وهتساعدنى انى اصبر وربنا يهديلى زوجى ويسعدنى ويغفرلك

  51. خالد
    26/02/2012 at 01:03

    لا تخبري زوجك و لا تردي على الشخص حتى لا يطلب منك مرة اخرى و اذا قدرت على تغيير المنزل و السفر للاقامة بمكان اخر افضل

  52. amro
    26/02/2012 at 00:01

    الى الاخت صاحبة المشكلة حاليا لا ينفع نقول لو عموما اللى حصل حصل اولا ربنا غفور رحيم وانا حاسس من رسالتك الاعتراف انى ندمانه وهو دا الضمير ضميرك صحى استغفرى ربك وغيرى رقمك وابعدى عن الشخص وربنا يغفر لينا جميعا

  53. والله كلنا فى ضغوط
    23/02/2012 at 07:38

    يا اختى كلنا والله فى ضغوط يعنى لو الزوجة اتخانقت مع جوزها وولادها شقاى تروح تتعرف على واحد وتزنى معاه الله يتوب عليكى وعلينا لو الناس سلمت للضغوط كل الناس هايكونا زيك يغلطوا الله يكون فى عون زوجك لو فعلا حملتى من هذا الشخص ايه ذنب جوزك المسكين اللى امنك على شرفه واداكى اسمه وماشى بين الناس راسة مرفوعه وليل نهار شغال عشانك وعشان ولاده ونفسه يجى اخر النهار يلائيكى مستنياه انتى واولادك وينسى تعبه وهمومه لما يبص فى وشك يلاقى ابتسامه مخلصه طاهره
    ولكن باب التوبة مفتوح وكل ابن ادم خطاء وخير الخطائين التوابين توبى عن حتى النظر الى غير زوجك هو حلالك والنظرة فى وجه زوجك ووجه اولادك برجالة العالم كله واى فراغ عاطفى تتحدثين عنه طيب ولادك اللى هما العاطفة كلها وجوزك اللى المفروض يملك كل عاطفتك واى خلل انا شايف ان الخلل مش فى الهرمونات الخلل فى عقولنا احنا
    الحل انك ماتدخليش النت ده خالص مرة تانية وتتوبى الى الله وترمى رقم التليفون اللى كنتى بتكلمى الشخص ده منه وماتفتحيش اى اميل تانى ولا فيس زفت وياريت تخلى جوزك يشيل النت خالص ويا اختى الحبيبة كل انساء خطاء بس ارجوكى واستحلفك بالله لاتدنسى طهارة العلاقة الزوجية مره اخره اغسلى دنسها السابق بدموع الندم والتوبة وامحى صوتها الكئيب بصوت الاستغفار فان الله غفور رحيم وقبلى اولادك بوسيهم وخديهم فى حضنك وابكى وادعى ربنا انه يخليهم ليكى ويحفظهم هم واولادنا ويتوب علينا جميعا ويغفر لنا والله كبير تواب رحيم بس اهم حاجه توبه نصوحه اخوكى الطيب

  54. lole
    23/02/2012 at 03:04

    بص يااستاذ فيلسوف اولا انا متشكره على ردك على رسالتي ولكن انا عايزه اوضحلك شوية حاجات اولا انا مش ببرر لنفسي الغلط لاني معترفه انه غلط وكل ابن آدم خطاء ومفيش حد فينا يعني معصوم من الغلط ولو كنت انا طرحت مشكلتي دا اكبر دليل على اني معترفه بغلطتي ولا انا انسانه بالصوره البشعة اللى انت وصفتني بيها دي على العكس الحمد لله انا عارفه ربنا كويس بس اذا كنت ضعفت واخطات ما اعتقدتش ان دا وحش يعني وبعدين هل انت كرجل عمرك ما غلطت فى اى شئ فى حياتك ولو غلط طفيف واعترفت انك غلط ياريت بلاش تحلل الغلط لنفسك وتحرمه على غيرك بل المفروض عليك النصيحه مش ردك ليه انك تجيب ليه عقده من شئ حصل ودا كان غصب عني وعايزه اقولك اخيرا ياريت تقرا رسالتي كويس لانى هتوضحه باني كنت مريضه وباخذ علاج من مرض عندى واللى حصل ليا دا كان فى وقت كنت بعيشه لوحدي والطرف الاخر مكنش هنا اصلا واللى حصل دا كان غصب عني واخيرا انا بشكرك برضه على اساتك ليه

  55. فليلسوف
    21/02/2012 at 18:07

    اولا اى علاقة انك ترمى نفسك فى حضن واحد متعرفهوش ومن اول مرة كمان اى علاقة ده كلة بالضغوط اللى عليكى انا اعرف ان لما واحده تتعرض لضغوط تسكر عشان تنسى ولا تشرب سجاير انما تعملى اللى عملتية ده بجد حرام عليكى جوزك واطفالك متحوليش تخلقى لينا ولنفسك مبرر ان الضغوط السبب عارفة لو الضغوط السبب كانت كل ستات الدنيا بلا استثناء عملت عملتك ده ثانيا ازاى كنتى رافضة تقبلية وجاتلك جرئة غريبة ومن اول مقابلة انك تقابلية فى مكان خاص وانك تسلميلوا لحمك هل للدرجاتى انتى شايفة نفسك رخيصة ؟ وطبعا نتيجة انك رخصتى نفسك وبدون مقابل كمان خلا الشخص يطاردك فريسة سهلة ومن اول مرة وببلاش ومش بنت بنوت عشان تقولوا اجوزنى ثالثا ازاى بتحبى جوزك وعندك طفلين وتعملى كده ؟ بجد انت خوفتينى وانا كنت فاكر ان الزوجة ممكن تخون لو حبيبها هاجرها او مش طايقاه بجد انت خوفتينى خلتينى احس ان حتى لو مراتى بتحبنى اوى وعندى عيال وسنها معدى ال 40 مش مقياس انك أأمن ليها انا عارف ان مش كل الستات زيك بس للاسف الحسنة بتخص والسيئة بالتعم ياريتك ماكنتى حكيتى قصتك ويارتنى ماكنت قريتها بجد انتوا صنف ملكوش امان ياريتك كنتى خليتى قصتك جواكى تتعزبى بيها لوحدك عشان متسئيش للمتزوجات بجد انت مثال سيىء للزوجة حراااااام عليكى وربنا يقدرنى ومخدتش اللى بحبها بزنبك وبسبب فعلتك

  56. صاحبة المشكلة
    21/02/2012 at 03:34

    انا متشكره اوى لكل اللى رد على رسالتي بالحلو او بالغلط ولكن صدقوني انا عايزه اوضحلكم حاجه انت مختوش بالكم منها لكنى كنت مركزه اني اكتبها ليكم علشان تفهوموها وهي اني كنت بتعالج من خلل فى هرمونات جسمي فى هذه الفترة وكنت باخد ادوية كتير جدا فدا غصب عني ولان الطرف التاني اللى هو زوجى واقرب انسان ليا المفروض يبقي جانبي كان بعيد عني فطبعا لما ظهر الشئ دا ملقتش غيره قدامي انا عارفه انه غلط لكن مش بايدى حاجه هل في انسان مننا يقدر يتحكم فى تغيرات جسده صدقوني لا وربنا يشفي كل مريض بس صدقوني خلل هرمونات الجسم دا كان بيوصلني فى اغلب الاوقات لدرجة الجنون والهستريا ولا اتحكم فى اعصابي بالمره ودا كان بيأثر على بيتي وأولادى اكيد لكن لما لقيت الشخص دا قرب ليا فقلل الضغط على اعصابي شوية اينعم انا انجرفت وراه في الغلط بس بحمد ربنا اني ما تمادتش فيه ضغط على نفسي بقدر الامكان وبقربي لربنا قطعت صلتي بيه وقربت فعلا لبيتي وأولادى وزوجي كمان ولكن خوفي بس الان من اى شئ ممكن يضر بيتي لاني مرتبطته بيهم جدا ولست منجرفه ولا اى غريزه تضرني

  57. حازم حمام
    21/02/2012 at 00:10

    اختى العزيزة السلام عليكم…
    تحية طيبة الى امرأة طاهرة عفيفة صدقت فى التوبة مع الله .
    بادئ ذى بدئ لا تنظرى لنفسك على انك امرأة حقيرة لا تستحق الشفقة من احد , حتى لا تكونى فريسة لاى امراض نفسية بسبب هذا الشعور.
    واعلمى ان كل الناس مثلك عصاة , عصوا ربهم ولكن بصور مختلفة وهم يعلمون بان لهم رب غفور رحيم يغفر لهم اذا تابوا اليه فلا تقلقى فان الله غفور رحيم.
    اما بالنسبة للخظأ الذى ارتكبتيه فهو نتيجة طبيعية لأمرأة مثلك تعانى من الفراغ العاطفى فلا تشعرى ناحية زوجك باى مشاعر جميلة. مما يجعلك غير مستمتعة جنسياً معه .
    فانت الان اصبحتى تعانى من الفراغ العاطفى وانعدام المتعة الجنسية مع زوجك .لان المرأة لا تستمتع جنسياً الا فى احضان رجل تعشقه, واذا فقدت الحب فقدت المتعة الجنسية .
    وهذا الحرمان دفعك الى البحث عن الحب والجنس خارج عش الزوجية, الى ان وجدتيه على النت .
    وتيقنتى بان هذا هو الحب الذى بحثتى عنه وقد طال انتظاره .وسرعان ما اكتشفتى بان هذا الحب هو سراب ووهم كبير, وتشعرى الان بكراهية شديدة ناحية هذا الشاب الذى عرفتيه على النت.
    وشعورك بالكراهية الشديدة ناحية هذا الشاب الذى عرفتيه ,هو شعو طبيعى لعلاقة جنسية فاشلة معه .لانك كنتى تريدى ان تصلى معه الى مرحلة الاشباع الجنسى الذى تفتقديه منذ سنوات ولكن هذا الشاب فشل فى الوصول بكى الى هذه المرحلة , فلم تستمتعى معه جنسياً , وهذا هو سبب الكراهية التى تشعرى بها ناحيته الان .
    اما لو كنتى مبسوطة ومستمتعة معه ما كنتى كرهتيه بل كنتى استمريتى معه , لأجل غير مسمى . ولكن نحمد الله على انه رجل ضعيف وغير قادر على اشباع رغباتك القوية الجامحة .
    وفى نهاية رسالتى اقول لكى اذا كنتى تعانى من الفتور فى علاقتك بزوجك لكى الحق ان تطلبى الطلاق وتتزوجى بمن تحبى . وهذا حق لكى شرعاً وقانوناً.
    اسأل الله العظيم ان يغفر لكى ذنوبك ويثبتك على الطاعة ونحن معكى ان شاء الله.

    حازم حمام
    صعيد مصر ـــــ سوهاج

  58. سيف
    20/02/2012 at 18:27

    سبحان الله خايفه من الفضيحه أكتر من خوفك من عقاب ربنا الحل الوحيد فى ايدك انتى توبى واستغفرى والجأى الى ربنا سبحانه وتعالى هو الى حيستر عليكى واطلبى منه المغفره والستر

  59. ام عمار
    20/02/2012 at 18:04

    الله المستعان . بصي يا اختي لو واثقة انه ميعرفش عنوانك او اي معلومات عن زوجك يبقي تغيري رقم تليفونك وتغيري ايميلك خالص او متدخليش علي النت اصلا . واستغفري ربنا كتير علي اللي عملتيه وادعي ربنا يسترك وان شاء الله يبعد عنك ويسيبك في حالك

  60. المتقى ربه
    20/02/2012 at 12:56

    السلام عليكم طبعا اكيد اللى انتى عملتيه ده غلط ولزم تكونى عارفه كده كويس علشان تتوبى وترجعى لربنا تكونى ندمانه على الفعل اللى عملتيه انا من راى انك متفضحيش نفسك قدام زوجك علشان اكيد البيت هيدمر وانتى عندك اولاد يعنى الاولاد هيضيعو بنكم وتسترى على نفسك وتحاولى تستغفرى ربنا وتوبى اليه اما من نحيه الشخص اللى مبيستحى من ربنا ده اولا غيرى رقم موبيلك ثانيا امسحيه من على الايميل وياريت مدخليش نت من اساسه وحاولى انك تقطعى علاقتك بيه تماما لو حاول يطردك فهميه انك متجوزه وعندك اولاد وشكرا خلاص مينفعش انك تكلميه تانى وربنا يغفرلك ما فعلتيه

  61. wael
    20/02/2012 at 10:53

    بسم الله الرحمن الرحيم
    (( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ

    إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

    برجاء التوبة والندم وعقد العزم علي عدم العوده الي ذلك الاثم.
    اما عن من يطاردك.
    غيري رقمك خالص.
    وغيرير ايميلك في النت.
    واكثري من الاستغفار والتوبه والدعاء
    والله المستعان

  62. نونه
    20/02/2012 at 08:47

    انتى حاسه بالذنب ودا شئ كويس ربنا هيقبل توبتك ان شاء الله متحكيش لجوزك عن حاجة وحبى جوزك اوى وانسى الراجل دا وياريت متكلمهوش تانى ع النت او التليفون غيرى ايميلك ورقم تليفونك واقربى من ربنا وتوبى لذنبك واهتمى بجوزك واولادك وميهمكيش من الحيوان دا لانه ميقدرش يعمل حاجة لانه انسان زباله انه يفكر ف انسانه متزوجه ويعمل معاها علاقة وخلى بالك من جوزك واولادك وادعى ربنا وهو هيغفرلك وهيبعد عنك ابن الحرام دا واتمنالك حياة هادية ومستقرة وكلها حب مع جوزك ان شاء الله

  63. HanyMoh
    20/02/2012 at 01:51

    السلام عليكم ورحمة الله وبركاته..

    مرحبا أختي الكريمة، أود أن أخبرك أن التوبة يعقبها الندم

    ولكل ذنب طريقة للتوبة

    فالتوبة من السرقة برد المظالم لأهلها إن أمكن

    والتوبة من الغيبة بمدح المغتاب في مجلس آخر أو نفس المجلس

    والتوبة من الزنى تكون بالتضرع إلى الله والعزم على عدم العودة له مرة أخرى وخاصة أنك متزوجة!!!!

    أختاه أنصحك بألا تخبري زوجك وأن تقطعي علاقتك بالإنترنت بشكل كامل (طالما أنه يضرك لهذه الدرجة وأنت شخصية ضعيفة لا تقدر على السيطرة على مشاعرها وشهواتها)

    انسي هذا الرجل وانسي الأمر إلا للاستغفار، واعلمي أن الله يغفر الذنوب جميعا طالما لا يوجد إصرار على الذنب.. لا أريد الإطالة ولكني سأدعو لك بالتوفيق من الله وأن يسعدك بزوجك ويسعده بك ويسترك أمامه ويستركما أمام الناس جميعا.. 🙂

  64. متزوج بمزاجي
    19/02/2012 at 23:23

    حرام عليكي لنفترض حصل حمل ذنبه ايه زوجك الطيب يربي ابن مش ابنه . مش عارف ايه اللي جري للستات اصبحت الخيانه سهله كده عندهم لاسباب تافه ومبررات تحرق الدم . انا مؤمن بانه لا توجد اي مبررات للخيانه وخصوصا الخيانه الجسديه بين الزوجين وبعدين كل وحده تخطأ تقول اكتشفت ان اتلعب بيا . شئ طبيعي ان بعض الشباب المستهتر ما بيصدق لاقي وحده ضعيفه يصطادها . عموما بصي استغفري ربنا وابكي ليل نهار وتوبي علشان ربنا يسامحك واحسني من معاملة زوجك اكثر واكثر وبعدين متدخليش الشات تاني ابدا ادبا وغيري ايملاتك والفيس بوك بتاعك وكل موقع ممكن الكلب ده يوصلك من خلاله وغيري تلفونات . اتصرفي باي طريقه بحيث تقطعي اي اسلوب اتصال مع الشاب ده . ربنا يسترها من عنده انا اتعقدت من مشكلتك يا شيخه

اترك رداً أو حلاً لهذه المشكلة