هموم البنات

العرسان بيطفشوا

انا تقدملي تقدم لي عدد من الشباب ولكن كل مرة الموضوع يتعقد وميكملش . جالي عريس كويس أوي ومحترم وذو أخلاق ومن أسرة كريمة وارتحنا لبعض بس طلب أن الزواج يكون بعد سنتين علشان يقدر يكون نفسه في المدة دي وأنا كنت موافقة بس بابا رفضه ومسابلوش حتى مجال بعد مايكون نفسه انه يرجع يتقدم تاني مع العلم فاتت السنتين ولم يتقدم لي أحد في هذه الفترة. ثم تقدم لي شخص آخر وكان كويس بس شقته مساحتها صغيرة وبابا رفضه بردو علشان السبب ده . تقدم لي شاب بعده وقعدنا فترة نتعرف في وجود أهلي بس بعد ماقعد معايا تلات مرات قالي ان باباه رافض اي ارتباط رسمي خالص لغاية مايمر تلات شهور نعرف بعض اكتر وطبعا احنا مسمحناش بكده بأنه يفضل جاي كل شوية عندنا من غير مايكون فيه حاجه رسمي والموضوع اتعقد . وجالي شاب بعدة اكبر مني ب10 سنين وبعد ماشفنا بعض قالي بعتذرلك بس انا عاوزة واحده أجمل منك ويكون جسمها متناسق مع العلم ان انا رفيعه . خلاني افقد الثقة في نفسي وان انا مش حلوة ومش هعجب حد مع ان شكلي مش وحش وروحي حلوة .
انا مش مستعجلة على الزواج بس بزعل لما يجي موضوع وميكملش . وبابا من النوع العصبي أوي لما بيضايق مني بيقولي انتي محدش هيرضى بيكي ومش هتعجبي حد وبيخليني افقد ثقتي بنفسي اكتر . وكلامه ليا ده خلاني اتقدم لمكتب زواج مع اني ندمت بعد كده ومكررتش الموضوع ومبرضاش بحد يجي منه .

مشاكل وحلول ذات صلة

اضيف بتاريخ: Tuesday, June 30th, 2020 في 01:43

كلمات مشاكل وحلول: , , ,

اترك رداً أو حلاً لهذه المشكلة