السلام عليكم انا أ.أ من مصر عمرى 15 سنة انا بقيت عصبى جدااااااا مش عارف ليه
انا كنت بحب واحده اسمها أ المهم حصلت عركة بسببها البنت دى كان مستواهم المادى احسن منى وهى من الكويت وكانت بتزور مصر المهم اتجننت وحبتها حب حقيقى والله وبعدين اتغيرت معايا لان ابن عمها كان بيحبها وهى بقت تحبه وكنا بنتكلم بالساعات فى الموبيل وفجاءة اتقطعت الاتصالات وقالت لى ان والدها اخد منها الموبيل وبعديها بيومين لقيتها ماشيه وفى اديها الموبيل وجاء واحد صاحبى وصاحب ابن عمها الى بقت تحبه قالى ان هى ما بقتش تحبك وبتحب ابن عمها وكمان حضانها وهما كانوا فى البحر وبعدين انا اتصلت بيها وقولتلها لو مش عايز تكلمينى قولى عاااادى قالتلى عايزه اكلمك بس والدى اخد الموبيل مع انى شوفته فى اديها
وبعدين اتعركت مع واحد صاحب ابن عمها عشان لما انا كنت فى سنى 12 سنة ضربى او 11 سنة مش متذكر بالضبط لما بقى عندى 15 سنة ضربتوا المهم جاء ابن عم البنت بتاعتى والولة الى ضربتوا ومعاهم شلة كبيره وانا كان معايا شلة المهم شلتى مافيش حد دافع عنى غير 3 من اصحابى وهما كانوا 10 افراد والباقى فضل واقف المهم انى اضربت علقة جامده وكان شكلى وحش وانا بضرب المهم ما فيش حد ادخلى ومن ساعتها وانا بقيت مش بلعب كورة ومش بعمل اى حاجه غير انى بروح الجيم واقعد على النت واصحابى الى فى المدرسة بكلمهم عاااادى جدااا بس بقى فى طبع غريب بقيت مش واثق ان اى بنت تحبنى المهم بعد العركة بعشرة ايام البنت بتاعتى اتصلت وانا كنت سايب الموبيل فوق فى الشقة وكنت واقف فى الشارع وهى اتصلت عشان تقولى ان النهارده عيد ميلادها وافتكرت ان انا ما رضيت ارد عليها ……….. فيوم خليتها ماشية فى الشارع وقولتلها انا اسف بس كان فى واحد صاحبى واقف معايا مافيش غيرنا فى الشارع وعليت صوتى اكنى بكلم صاحبى وقولتله انا اسف انا بحب ماكانش قصدى …….. لقيتها بعديها بيومين بعتتلى واحد صاحبى وصاحبها بيقولى امنية بتقولك بطل الى انتا بتعمله ده هى نستك
انا دلوقتى بقال 2 سنة مش عارف اتاقلم مع صحابى و انابقيت عصبى وغدار جدا لدرجة انهم سمونى الافعى
مع العلم انى كنت بحب البنت دى جداا ولحد دلوقتى بس هى مش من مستوايا وكمان احنا لسه صغيرين وهى بتحب ابن عمها قلولى اعمل ايه
انا عارف ان الموضوع كبير بس سامحونى
بس أحسن حل أنك متعبرهاش ولا تكلمها ولاتبصلها ولاكأنك تعرفهاولو كلمتك امشى وسيبها ولو كلمتك على الموبايل اقفل فى وشها الموبايل لغاية متتعلق بيك
دى باين عليها أمنية مقطعه السمكة وديلها المهم زى ما بتعاملك عاملها والله اهتمت بيك اهتم بيها سابتك سيبها حبتك انت بس وسابت ابن عمها عشان خاطرك وكلمتك انت بس حطها جوا عنيك
أخي العزيز…. تجربة مش حلوة و لكني هاقولك تعمل ايه….انت لسه امامك العمر فسييبك منها و هتعرف بنات بعدد شعر رأسك… حاول تحسن علاقتك باصحابك لان لا تتخيل هينفعوك اد ايه بعد كده… انزل كتير و العب رياضة و اتعرف علي بنات كتير و هتلاقي بسرعة بنت ترتاح لها و الضربة اللي متتقتلش تقوي
بص يابن الحلال البنت دى مع احترامى ليك وليها استحالة تكون بتحبك لأسباب كتير منها انها شكلها لعابيه تانى حاجة بتسمح لنفسها تعمل حاجات غلط زى انها ت…..ابن عمها ده…..غير كدة وكدة انت كمان يابابا شكلك لسة فى سن المراهقة يعنى مشاعرك مشوشة ومش عارف تحدد دا حب ولاحاجة عابرة بص ياأخى انا هقولك على حاجة كل ماتيجى فى بالك البنت دى استغفر كتييييييييييييييير بجد والله ومش تندم عن تجربة شخصية تانى حاجة حافظ عالصلاة جدااااااااااااا فى المسجد واسمع كلامى فى دى بجد بعد كدة بقا تنساها ونفذ قاعدة اللى يبيعك بيعه وثق تماما ان ربنا مادام بعدها عنك يبقى انت تستاهل حد أحسن منها بكتييييييييييييير واحدة تكون محترمة جدا وملتزمة وتحبك بجد وتصونك وتحافظ عليك …..انتى بقا حاول تتعايش مع وضعك الحالى ده وغير حياتك واهتم بدراستك وقرب من كل النس اللى بتحبك وحاول تقف جنبهم فى كل موقف يتعرضو ليه وربنا هيوفقك جااااااااااااااااااامد باذن الله وهتقول أختى سمسمة قال
هههههههههههه يلااااهوى عملت كل دا
بتحبها اوى كدا يعني
طب لما امنيه نسيتك متنسهاش ليه
وكمان حضنت ابن عمها وايه دا امال هتعمل ايه بعد كدا
اولا انا هتجاهل سنك صغير سنك كبير مبقاش في حد صغير دلوقتي
بس هقولك حاجتين بجد فكر فيهم كويس
اولا البنت لما بتحب مش بتشوف حد غير حبيبها ادامها
ومادام هي ارتضت انها تحب ابن عمك او تكلمه حتى دا معناه انها مش بتحبك
وكمان لما تبعتلك حد وتقولك بطل اللى بتعمله امنيه نسيتك
هي فاكره نفسها الملكه رانيا ؟
يابني خلى عندك كرامه فين كرامتك ماطظ فامنيه ولا بطيخه المهم انت
انت ايه راجل اشطه يبقا متتذلش ولو بتموت فيها
اللى هيعوزك هيسيب الدنيا عشانك
تانى حاجه حابه اقولك عليها حاول تجري ورا البنت المحترمه المؤدبه اللى تصونك بين ميه راجل
وانت دلوقتي فالسن دا عيش لنفسك وفكك من هبل صحابك دا والله شغل افلام
ولما امنيه تقولك نسيتك قولها وانا نسيتك بردو واقلع الجزمه واديها على دماغها هي فاكره نفسها مين بهزر اكيد مش هتديها بالجزمه
بس بتصرفاتك هتقدر تديها ميه جزمه
خليك واثق من نفسك واعرف ان كمان سنتين بالظبط هتضحك على امنيه
عارف انت لما تشوفها وتلف وشك ولا تعبرها هتبقى اديتها قلم جامد اوى ياصحبي
و كام سنه هتعرف بنوته تانيه اموره وقطقوطه ومحترمه واخد بالك انت محتررررمه بس مش للعب بقا دي هتخطبها
وابقى حافظ عالصلاه يا اخي وروح الجيم واعمل كل حاجه بس سيبك من البنات دلوقتي بكرى تخش الجامعه وتلاقي المصوره ضربت ههههههه
والله انا بكلمك كانك اخويا الصغير عشان انت والله شكلك طيوب بس هي شايفه روحها حبتين شوف روحك تلات حبات وهتبقى تمام
بجد معلش افتكر كلامى اعصر على نفسك لمونه ومتعبرهااااااااش
متعبرهاش ولا تبصلها ولا تضحكلها ولو جت كلمتك قولها بتكلميني ليه مش نستيني عايزه مني ايه امشي وسيبها خليك تقييل هي فاكره روحها عشان كلكو وراها لما تحس ان في عنصر نقص هتبدا تحس ان في حاجه غلط وثقتها فنفسها هتقل
وكمان بيني وبينك البنات بتحب الواد التقيل اللى مش مدلوق دا
وقدر نفسك الاول عشان غيرك يقدرها
وولو عالغدر واللقب اللى مسمينك بيه حاول تسكت كتير
والله الصمت افيد حاجه ليك عشان يمكن لما بتكلم بتلبخ او بتغلط
حاول كل مره تكلم فيها يبقى كلام موزون وفمحله
ربنا يوفقك ويعينك يااخى