انا صليت صلاة الاستخارة علي شخص ارتبط بيه مع العلم اني مكنتش عايزة ارتبط لاني لسة خارجة من ارتباط وتعبانة نفسيا.
حلمت اننا صايمين انا وهو وركبنا ميكروباص هو كان قاعد جنب السواق وانا وراه بكرسيين.. كان معايا 5جنيه فكة فهو قالي عايز 2جنيه .. انا جوايا قلت ايه ده ازاي هو ميدفعليش ..قالي اخلصي 2جنيه فكة.. مش فاكرة السواق قالي ايه فعرفت ان هو دفعلي اساسا وان ال5 جنيه مش هينقصوا..
واحنا في الطريق كهربة الميكروباص فصلت .. قلتله وانا بهرج معاه مش معقول دي 5مرة علي التوالي نبقي مع بعض والكهربا تقطع.
الراجل نزلنا في مكان كده .. في واحدة اسمها جهاد كانت بتسأل ازاي ترجع الناحية التانية من الكوبري تاني .. انا وصفتلها الطريق.. بس انا مسكت ايده و مشيت مع الشخص ده من الناحية التانية.
الأذان كان بيأذن واحنا كنا ماشيين وسط المقابر وهو عمال يدعلهم او يقرالهم الفاتحة حاجة كده يعني حتي علي قبر واحد مسيحي وانا مكنتش خايفة بالعكس كنت معجبة بالي بيعمله.
وانا جه في دماغي ازاي امسك ايده كده اخويا ممكن يزعل.. فلقيته بيقولي مش مهم اتجوز علي طول دلوقتي لما اظبط الدنيا بس علي الأقل ارتبط قولتي ايه؟
انا عملت مش فاهمة قصده ايه وقولتله ايه في ايه وبس.
انا مسلمة.. 21سنة.. بصلي الحمد لله وبقرا قرآن.. مش مرتبطة
تفسير الاحلام
رؤية بعد صلاة الاستخارة مباشرة
اضيف بتاريخ: Friday, August 8th, 2014 في 04:33
كلمات مشاكل وحلول: احلام, الاستخارة, بنت, حلم, شاب, صلاة الاستخارة
وقديكون قصده شريف وصادق عاوز يرتبط بك لكن تاكدي من دينه واخلاقه قبل كل شي واحذري من الخروج والتساهل معه دون ارتباط والله اعلم
تفسيره انك مخدوعةفي الشاب ده ومش عارفةحقيقته حتى الان وممكن يكون مسيحي وانت مسلمة وانت مش عارفةديانته انصحك بقطع العلاقةمعه نهاياوللابد واحفظي دينك وشرفك وسمعةاهلك ماترخصيهاابدا