مشاكل الازواج

تقاليد الزواج المصرى

تزوجت من بنت لم تعرفها كثيرا تعرفت عليها بالصدفة عن طريق النت عرضت عليها الزواج وافقت بدون اى تردد بل وتمسكت بى جدا بالرغم ان امكانياتى لا تسمح باحضار شقة منفردة وافقت هى ووالدتها على اقامتنا بمنزل والدتى وكانت شغوفة على ان يتم الزواج سريعا لان لها اخ مدمن وفى مصحة ادمان وكانت تخشى منه ان يعود قبل زواجها لانه يقوم بتعذيبها ولان كل اسرة ولها ظروفها تعاطفت معها كل عيلة فيها الحلو وفيها الوحش وده كان كلام والدتى وكانت هى فى خلال شهر قدرت تكسب قلب والدتى ولكن والدتها كاى اسرة مصريه عايزة قائمة المنقولات وفيها طبعا جرامات الدهب وعايزة مؤخر والبنت بتتحايل عليا اكتب اى حاجة عشان تمشى من بطش اخوها وهى عايزة تعيش وتستقر، وانا للاسف مغفل وصدقت كل ده حتى امى صدقت دموعها وبعد شهرين فقط من الزواج بع طبعا فى خلال الشهرين دول كانت بتحاول تستفزنا باى شكل المهم نزلت زيارة لوالدتها ولم تعود بل قامت برفع قضايا نفقة وطلاق وتبديد لقائمة المنقولات ومحضر ضرب كل ده بعد شهرين مع انها لم تحضر اى جهاز من عندها واحنا اصلا اتجوزنا فى غرفة عند والدتى وكل ده عشان اهل البنت لازم يضمنوا حق البنت بالمؤخر وقائمة المنقولات طيب والشاب بقى مين يضمن له حقه فى الظروف اللى زى دى مع العلم عندى كل الادلة والشهود على كل كلمة باقولها ارجوكم افيدونى

مشاكل وحلول ذات صلة

اضيف بتاريخ: Sunday, August 7th, 2016 في 19:16

كلمات مشاكل وحلول: , , , ,

2 رد to “تقاليد الزواج المصرى”

  1. مصرى
    21/09/2016 at 18:12

    ليست بنت اصل ولا عائله ارفع عليها قضيه وخذ حقك وممكن ترجعها لبيت الطاعه وتعلمها الادب وتخليها تتناذل عن كل شئى

  2. ابوالبتول
    08/08/2016 at 09:10

    اخي العزيز لو كل الكلام اللي حضرتك قلته صحيح فانت ضحية نصب وخداع من البنت دي واهلها ووقعت على حدش سم عليك ولازم ترفع عليهم قضية في المحكمة وتسترد كل شي اخذوه منك سوا المهروالشبكة والذهب والمنقولات والعفش وخلافه وتبقى راجل تعرف تاخذ حقك من الاوباش الحرامية دول وماتبقاش مسخرة واضحوكة في اعين الاخرين القانون معك وفي صفك وانت تقول معك الادلة والشهود على كلده مستني ايه وتاكد ان زواجك من البنت دي ومعرفتك بلها واهلها اكبرغلطة في حياتك واهم حاجة في الارتباط انك تسال عنها وعن اهلها من كل النواحي دين وخلق وتربية والوضع الاجتماعي والسيرة والسمعة الحسنة للبنت واهلها مش تنخدع بالمظاهر الكدابة والمشاعرالمزيفة والخادعة ده درس لك عشان تتعلم منه في حياتك وتحسن الاختيار لشريكة العمر وتختار الزوجة الصالحة وبنت الحلال المتربية الطيبة وفقك الله واصلح حالك

اترك رداً أو حلاً لهذه المشكلة