مشاكل حب المراهقة

انقطعت عن حبيبي وخايفة الاهل يرفضوا زواجنا

انا بنت عندى 15 سنه وقعت فى حب شخص من غير ما اعرف ازاى ؟؟؟ هو اكبر منى باسبوعين بس ازهرى فدخل بدرى وهو دلوقتى فى اولى الثانوية الازهرية وانا فى الشهادة الاعدادية تالته اعدادى , بحبه اووووووووووى بقالنا اكتر من 4 شهور وهو بيحبنى من قبلها بكتير بس انا مكنتش بطيقه حبى ليه جه ازاى معرفش لحد ما فى يوم كلمنى على الفيس وبعدها كلمته فون بس كل الكلام بينا كان ازيك سلامات اخدنا فتره نتكلم فون وبعدين بطلنا وخليناها فيس بس ومش على طول فى الاسبوع مره هو سمع فديو بيقول ان كلامنا حرام جه فى يوم بيقولى ا    نا عرفت انه حرام ومش هنتكلم تانى ,هو كان عايز يكلمنى من جواه بس مش عايز يعمل حاجه حرام وحاسس انه ظلمنى لانه بكلامه ليا ممكن ناس تقول عليا كلام مش كويس محدش يعرف الحقيقه او كلامنا مع بعض ازاى , فقال لمامته وقالتله هاخدهالك بس متكلمهاش تانى كلمنى وقالى كده وطلب منى اقول لمامتى قلتلها وانا قلتلها بس مقلتلهاش انى كلمته خفت منها بس هى كان رايها فيه انه صعيدى احنا منديش بناتنا لصعايده بالرغم من انه متفوق جدا ومؤدب جدا ومحافظ على صلاته وقرب يتم حفظ القرآن ماما قالتلى انسيه , لما قلتله لقيته بيضحك لحد ما عيط وقالى اسمعى كلام مامتك رضاها بالدنيا انسينى دلوقتى وافتكرينى بعدين انا جى اتقدملك لما تبقى فى اولى جامعه وكمان قالى اربع حاجات احافظ عليهم هم صلاتى وتفوقى الدراسى واحفظ القران والبس النقاب وفصل . احنا اتكلمنا تانى على الفيس فى جوانا يقين اننا لبعض بس دلوقتى بقالنا فتره مش بنتكلم . عايزة اعرف حبى وتعلقى بيه ده غلط ولا ايه؟؟؟ لان اهلى ممكن ميوافقوش , وعايزة اعرف حبنا هيدوم ولا لا وحبه ليا ده حب صادق ولا لعب عيال

مشاكل وحلول ذات صلة

اضيف بتاريخ: Sunday, July 29th, 2012 في 06:20

كلمات مشاكل وحلول: , , ,

9 رد to “انقطعت عن حبيبي وخايفة الاهل يرفضوا زواجنا”

  1. نور العيون
    06/03/2013 at 04:46

    الراجل محترم وعنده اخلاق ومبين من حكيه انو بيحبك عشان كده بطل يحاكيك فون لأنو خاف عليك. استنيه دام يخلص دراسه ليتقدملك وحافظي على اللي بينك وبينه ما تزيدي واصحك توعي في الحرام….

  2. ابواميرة
    14/12/2012 at 11:05

    الراجل محترم واخلاقه كويسة ايش المانع اهلك يرفضوه انت لومقتنعه به ماتفرطيش فيه ابدا حاولي مع اهلك واقنعيهم بانو العريس المناسب لك وجملي صورته اكتر امام اهلك ونشاءيوافقو عليه ويكون من نصيبك وفقكماالله

  3. ......
    06/11/2012 at 15:48

    استغفر الله ==”””
    انا من ناحيتي انسية ولا عليك منة ولا تفكيرين هو يحبك والا يكرهك والله بيجيب لك خير
    لو انك تركتي المعصية ’ حبية في نفسك وفي الله , بس لا تكلمينة , خلي كل شيء على حالة,
    والله يجيب لك افضل وافضل ^.^

  4. merna cannibal
    09/08/2012 at 07:32

    انشاء الله حبك عيدوم بس انتو حافظوا عليه لازم تتكلمى معاه عشان لو متكلمتيش معاه كدا انتو بعاد عن بعد يعنى ممكن حبكوا يروح

  5. الفيلسوف
    03/08/2012 at 04:49

    ضعى فى حسبانك ان اختيارك الان وفكرك سينضج بعد عدة سنوات
    لكن باذن الله تكونوا من نصيب بعض الزمى الصبر لله وتاكدى ان ربنا هيكتبلك الخير

  6. نادية
    03/08/2012 at 03:26

    انا براايي انو الكلام معاة بحد ذاتة خطا لايجوز انو تتكلمي مع حد غريب عنك لان حتى لو حسيتي انو كويس وصاحب اخلاق.نصيحتي ما تتكلمي معاة لان حرام وهذا اهم شي وبالاخر هالخطوة بتفتحلك الباب لمشاكل انتي بغنى عنها وانتي لساتك صغيرة

  7. Wadboram
    30/07/2012 at 11:59

    الأخت العزيزة…. كلنا حبينا و اتحبينا في هذا السن و لكن بصراحة الحب ده في معظم الحالات لا يدوم و الأسباب كثيرة….نصيحته لك تدل علي انه شخص محترم و يخاف عليكي… حاولي تركزي في دراستك و تقربي من الله و تأكدي انه لو مكتوب لك تتجوزيه هتتجوزيه…و تذكري الحديث (ما أصاب المؤمن لم يكن ليخطئه وما أخطأه لم يكن ليصيبه)

  8. AOS
    29/07/2012 at 16:03

    من ترضونه دينه و خلقه فزوجوه….و يا أبت إن خير من أستأجرت القوي الأمين…من بعيد الرجل يبدو محترم و إبن ناس و قد فعل الصواب…قد تكون هذه فعلاً فترة مراهقه لأنك لن تتزوجي علي أي حال حتي ال18…رأيي أنك قولي له أنك تحترميه و تقدري فعلته و أنكم قد تتخطبوا إن شاء الله بعد 3 سنوات من الأن فعليه أن يركز في دراسته و يجتهد ليعمل عملا جيداً حتي يوافق عليه أهلك إن شاء الله

  9. just (forget)ME
    29/07/2012 at 15:44

    انا فى نفس سنك وفاهماكى كويس بصى هوا شكلو كدا بيحبك ومتمسك بيكى بس ماتنسيش بردو اننا فى سن المراهقه انتى فاهمه بأه يعنى ممكن نحب ونعجب بأكتر من واحد فى نفس الوقت بس لما هنكبر شويه هنفهم انوكان لعب عيال والمشاعر دى هتختفى من ناحيه الاشخاص دى وهتروح لشخص تانى خالص هو اللى هيقدرها وهيحافظ عليها وبعدين شيليه من دماغك دلوقتى واللى فيه الخير ربنا يقدمولك انشاء الله

اترك رداً أو حلاً لهذه المشكلة