السلام عليكم
لوسمحت انا بعد الفجر حلمت باني كنت طالع العماره عندي بالاسانسير وكان معايا مراتي وبنتي وفي ناس كتير كانوا مستنين الاسانسير التاني وانا ركبت ف اسانسير تاني فاضي وفضلت انده ع مراتي ومكنتش راضيه تيجي او مش سمعاني و في ناس ركبوا معايه والاسانسير طلع وبعد كدا وقع بينا كلنا ومتنا وكنت ماشي ف الشارع اكني طيف ومحدش شايفني ولا سامعيني ومراتي كانت بتعيط عليا وكانوا جايبين ناس تتعرف ع الجثث الي في الاسانسير ولما حبيت اتاكد اني مت ببص ملقتش حد ميت.. بعد كده كنت بحاول اكلم مراتي لقيت صوتي بتسمعه بس مكتوم وبقوله قولي الموضوع لبنتي بالتدريج عشان متزعلش
فممكن تفسير للحلم بعد اذنك مع العلم كنت نايم بعد ما صليت الفجر ومتوضي
تفسير الاحلام
بعد الفجر حلمت اني مت
اضيف بتاريخ: Friday, May 10th, 2019 في 19:27
كلمات مشاكل وحلول: احلام, بنت, حلم
هذا الحلم يشبه احلام المصابين بامراض شيطانية وسحر وحسد ،مشاهد فيها خوف وحزن، ولا يمكن تفسر الى اي شيء فيه خير، لكن الفائدة انك تعرف ان الشر والشيطان قريب منك لتحذر وتلاتزم بعمل اي شيء ممكن يحميك منه ويقيك شره،
وعليكم السلام ورحمة الله وبركاته ، الأخ الفاضل تحية : لا تُفسّر هذا الحلم ولا تٌحدّث به ، ولا تقلق مُطلقاً ، في أي وقت تأوي الى النوم تعوذ بالله من الشيطان الرجيم ، وأقرأ سورة الفاتحة ، وآية الكرسي ، والإخلاص ، والمعوذتين ، ثم تقول ( بإسمك ربّي وضعتُ جنبي ، وبإسمك أرفعه ، إن أمسكت نفسي فأرحمها وإن أرسلتها فأحفظها بما تحفظُ به عبادك الصالحين ) ثم تقول ( اللَّهُم إني أسألك رؤيا صالحة، صادقة غير كاذبة ، نافعةٌ غير ضارّة ، حافظةٌ غير ناسية ) وإذا زدت في قرائة القرآن مهما يكن فهو أحسن وأكثرٌ خيرا ، بإذن الله عز وجل لا يضُرك شيء ، اتمنى لك الحفظ ، والسلام ، السبت 11 مايو أيّار 2019 م