مشاكل الضعف الجنسي

زوجى ضعيف جنسيًا لايستطيع ممارسة العلاقة الحميمية بدون منشطات

متزوجة من 12سنة وعندى اولاد، من اول يوم فى حياتى وهو لايستطيع ممارسة العلاقة الحميمة بدون منشطات جنسية الى ان اصبحت لافائدة منها معه.

لا احصل على حقى الشرعي بالشهور مما يؤثر علي نفسيا واشعر بان كرامتى مهانه من عدم اهتمامه حتى انه يراضيني او يحاول يتعالج او اى شيىء.

احبه ويحبني لكنه فى هذا الامر سلبى جدا، ويقولى انا مش عارف مالى مش مظبوط الايام ديه ليه، وكأنها حاجة عارضة مش موجودة فيه من اول حياتنا.

حتى لما ضغطت عليه وراح للدكتور كذب عليه وقاله كنت كويس ومش كويس اليومين دول ومش بيكمل اى علاج للدكتور بياخد بمزاجه وبس.

مش عارفه اتعامل مع سلبيته تجاه الموضوع ده، ازاى هو شايف نفسه عادى فى رجاله زيه كتير بحكم ما بيسمع من اصحابه وعادي لو كانت العلاقة كل شهر ولا شهرين مرة ايه المشكلة وساعات بيحسسنى ان انا اللى مش مظبوطة عشان بحس بالاحتياج للعلاقة اكتر منه.

هو لما اطلب ان يكون في بنا علاقة زوجية حميمية مرة فى الاسبوع ابقى انا كده شهوتى مش طبيعية؟ ولا هو بيجيب ضعفه فيا انا.

افيدونى بجد انا حاسه انى طول الوقت متهانة ماهو ربنا ما احلش الجواز عشان ناكل ونشرب ونغسل ونمسح وبس، فى مشاعر محتاجة اعيشها بقيت والله بموتها جوايا عشان اتعايش مع ظروفه ديه، بس بجد نفسيتي بقت زفت بسببه.

مشاكل وحلول ذات صلة

اضيف بتاريخ: Thursday, July 15th, 2021 في 16:32

كلمات مشاكل وحلول: , , ,

6 رد to “زوجى ضعيف جنسيًا لايستطيع ممارسة العلاقة الحميمية بدون منشطات”

  1. اربعينى
    08/03/2022 at 11:03

    انتى صح وطبيعية جدا وبتطلبى اقل من حقك
    بس انتى صبرتى كتير 12 سنة
    عموما لازم المواجهه ويبقى فيه مهلة للعلاج ولا لكى حرية الاختيار
    اما تقبلى الوضع او تطلبى الطلاق للضرر ودة حقك الشرعى

  2. خالد
    10/09/2021 at 02:25

    اختى /لازم المواجهه هذا حقك الشرعي فى طب وعلاج والقرآن الكريم عرفنا الحقوق والواجبات النساء لهن الحق فى كل شئ تماما كالرجال

  3. samer
    28/07/2021 at 15:39

    في البداية انتي محقة والطبيعي ان تكون هناك علاقة واثنين كل اسبوع ولكن انا طبيب وممكن اسئلك كام سؤال هل زوجك يعاني من امراض كالسكر او القلب

  4. خبير علاقات اُسرية
    26/07/2021 at 12:43

    السلام عليكم سيدتى،
    الطبيعى فى حالتك مره او مرتين اسبوعياً،
    زوجك مريض ويجب ان تزورو الطبيب سوياً ويداوم على العلاج حتى تنتهى مشكلته،
    أعفك الله

  5. jmzhr
    24/07/2021 at 09:39

    اعملي له وجبات لذيذة واطباق متنوعة ، اذا كان لا يدخن هذه تعبئ عنده الوقود وتجعله يشتغل ، لازم تكون اغذية غنية بالبروتين والمعادن والفيتامينات واذا لم يكن لديه مشكلة صحية هي الحل

  6. وائل
    21/07/2021 at 10:16

    اكيد عندك حق وانتي مش اوفر ولا حاجة بس احنا مشكلتنا في مصر او الوطن العربي ان احنا نخاف علي بيتنا واستقرارنا اكتر من اي حاجة وده مش عيب بس بيكون عائق في مثل هذه الحالة .. حبي نفسك حبي اولادك وتصنعي التطنيش ليه ولا تسئلية عن شي خالص لانه بارد

اترك رداً أو حلاً لهذه المشكلة