ياريت حد فعلا يقولى الراى الصحيح فى اللى هعرة عليكم دلوقتى انا صليت استخارة بخصوص انسان بحبة واتقدملى للزواج وحصل مشاكل وماتمش الزواج صليت استخارة اكتر من مرة اول مرة حلمت ان والدتة جت وقالت ليا ان انتو هتكتبو كتاب على طول وصليت مرة تانية تانى يوم والدة اتصل بيا بعد سنة ونص من عدم مكالمتى لباباة خالص وقالى هكتب كتابكو وكدة بس باباة كان بيضحك عليا وماحصلش حاجة وصليت استخارة للمرة التالتة وتانى يوم قدرت اطمن علية واوصلة وللعلم هو سافر وكان بقالى فترة كبيرة ماكلمتوس وعلى فكرة التلات مرات اللى صليت فيهم كانو على فترات متفرقة حوالى خلال سنتين ونص فعايزة اعرف هل الكلام دة يطمنى انى ممكن اكون لية وعلى فكرة فية مشاكل كتير تمنعنا من الجواز
تفسير الاحلام
صلاة الاستخارة للزواج
اضيف بتاريخ: Wednesday, September 29th, 2010 في 03:11
كلمات مشاكل وحلول: الاستخارة, الزواج, تفسير الاحلام, زواج, صلاة, صلاة الاستخارة, صلاة الاستخارة للزواج, معاني الاحلام
صلاةالاستخارة هي ارتياح تام للشخص قبل الاقدام على عمل شئ في حياته يستخير الله عزوجل ويطلب منه ان كان في هذالشئ خير له فليوفقه الله اليه ويقدمه له وان كان فيه شرا فليصرفه الله عنه ويبعده عنه هذة هي كيفية صلاة الاستخارة وليس كما فعلتي هداكي الله وعليك التسليم بالقضاءوالقدر والرضا بماقسمه الله لك في هذةالحياة ودام انه تقدم لك في السابق وحصلت مشاكل بين الاهل وتم رفض الزواج به فانصحك بنسيانه خالص وتفكري في نفسك وترضي باللي يكتبه ربنا لك في حياتك وربي يوفقك ويسعدك
بيتهيالى انه تفكير وليست رؤيا والله اعلم انتى صلى مرة اخرى واللى ربنا كتبه ليك سيتم واذا كان حصل بينكم خطا كلميه وقولى له انه يصلح غلطته معكى
انا يا جماعة ليا ظروف خاصة مع الشاب اللى اتقدم دة دة غير ان العيلتين مش موافقين على بعض بس احنا بنحب بعض وغلطنا مع بعض وعشان كدة انا مستنياة ومش عايزة غيرة والحمد للة احنا تبنا عن المعصية عشان كدة نفسى اعرف صلاة الاستخارة واللى حصل بعدها دة كلة علامة من ربنا ان احنا فعلا هنكتب كتابنا والا مجرد احلام فى دماغى انا نفسى احققها مع ملاحظة ان فى مرة صليت استخارة لقيت باباة بيكلمنى عشان نكتب كتابنا وطلع بيضحك عليا
اخشى يا سيدتي انك اذا قمتي لصلاة الاستخارة مرة رابعة بان تفاجأي بان الزمن قد مضى من حولك وتعدى العامين بعشرة اخرى .. وفيما يتعلق بموضوع الارتباط فانت الوحيدة القادرة على انهاء هذا الامر بطريقة او باخرى المهم الموضوع ميطولش اكثر من كده لان هذا الرجل سوف لا يتنظر كثيرا ومهما كانت المشاكل فالدنيا لا تخلو من المشاكل واذا انتظرنا ان نجد حلولا لمشاكلنا فلن نتقدم خطوة الى الامام .. والله ولي التوفيق …….
أنت تصلين استخارة وتنامين ، ثم تحلمين ، وأحلامك التي سردتها ما هي إلا انعكاسات لرواسب في العقل الباطن اللاواعي ..
الزواج لا يبنى هكذا ، استخدمي عقلك وفكري جيدا ، هل يناسبك هذا الشخص ؟ وهل أنت قادرة على احترامه ؟ هل هو مسؤول وقادر على تحمل أعباء الأسرة ؟ ثم ، هل تشعرين بارتياح نحوه … هو مشروع لابد من دراسته جيداً ، فالمشاريع لا تتم هكذا ..
السلام عليكم
بخصوص صلاة الاستخاره هي مش حلم هي ارتياح تام وربنا يسهلها ليك
انا حصلي موضوع ما في رمضان ووصليت في اخر الليل ودعية ربي
صدقيني جلست الصباح في بالي شي واحد فقط واحس برتياح تام وربنا سهلها لي الي ابعد الحدود
اللهم لك الحمد والشكر
بعد الصلاه شوفي ميولك وارتياحك
واتمنا لكم التوفيق
بس انا مش فاهم هوه اتقدم رسمى والا لسه
وانتى بتحبيه والا مش فارق معاكى لازم تدرسى الحاجات دى
يعنى هو واهله مناسبين لكم والا لا وهل هناك جديه وهل تحبيه والا لا
بصي ياقمر صلاة الاستخارة مش شرط تحلمي بعدها دا غير ما بتتعملش مرة واحده لا دا بتعمليها كتير ورا بعض مش علي فترات وبردوا مش شرط تحلمي بشئ ولكن اللي هيحصل يا الموضوع ربنا هيسهله فا هيتم وكدا يكون دا الخير ليكي يا هيتعقد الموضوع وما يتمش ودا هيكون الخير ليكي فا اعمليها تانى كتير وفي اليوم اكتر من مرة وانتظري شوي ايه اللي هيحصل وربنا يقدم ليكي اللي فيه الخير ياااااااااااااارب