مشاكل العيون

علاج ضعف النظر الشديد بالليزر هل هو خطير

انا سنى 18 سنة وفى شهر 7 ان شاء الله هكمل ال 19 سنة ونظرى ضعيف مش بشوف من بعيد ولابسة النظارة حتى عملت عدسات لاصقة بس عينى حساسة ومش استحملتها وبقت دلوقتى بخرج ع طول بالنظارة ولابساها ع طول فى البيت بس المشكلة ان كل مروح اكشف ع نظرى القيه نزل عن الاول ومش عارفة اعمل ايه وانا الموضع ده مضايقنى اوى بس الحمدلله ع كل شئ وسمعت عن عملية تصحيح النظر باليزر بس فى ناس خوفتنى منها وان ممكن العميلة مش تنجح وافقد نظرى او ممكن اشوف بعد الليزر كويس وبعدين نظرى يضعف تانى وانا خايفة الصراحة اوى لان سنى صغير ونظرى ضعيف كدا وعايزة اعرف علاج ضعف النظر الشديد يكون ازاي وخايفة يفضل ينزل ع طول
ارجوكم افيدونى حفظكم الله

مشاكل وحلول ذات صلة

اضيف بتاريخ: Tuesday, April 5th, 2011 في 02:45

كلمات مشاكل وحلول: , ,

8 رد to “علاج ضعف النظر الشديد بالليزر هل هو خطير”

  1. ابواميرة
    18/12/2013 at 14:37

    ابنتي الدكتور هومن يفيدك هل انت بحاجةلعملية ام لا وماتسمعيش كلام احد غير الدكتور واللي اعرفه انوعملية الليزر ليست خطيرة وفي ناس عملوها ونتايجهامضمونة ولاباس عليك ماتشوفي شر ياقمورة ربي يشفيك والف سلامة عليك

  2. شهد
    31/12/2011 at 00:56

    الليزر عملية سهلة و بسيطو و اغلبية العيلة عندي عملتها بس انصحك انك متعمليهاش عشان انتي باين ان عندك سيكماتزم في احد العينين و مدام عندك السيكماتزم مش هتشوفي اوي لما تعمليها و انا عندي 14 سنة و اصغر منك ب 4 سنين بس انا بلبس نظارتي بقالي 9 سنين بقت هي جزء من ملامحي مبقتش بقلعها عشان ملامحي مبتبنش من غيرها
    و ربنا يشفيكي و يشفينا

  3. شهد
    31/12/2011 at 00:49

    انا من راي متعمليش عملية الليزر مش عشان هي مخيفة او مرعبة لا بس عشان الوصف اللي انتي بتحكيه ده ان انتي عندك السيكماتزم عال في عين سواء كانت يمين و لا شمال انا زيك كده و انا كتير في عيلتي عملوا الليزر و بقوا بيشوفوا بس اللي كان عندهم سيكماتزم بيشوفوا بس مش واضح اوي و انا زيك برده بس انا عندي 14 سنة و بلبس النظارة بقالي 9 سنين بقت جزء من ملامحي انا لو قلعتها ملامحي مبتبنش
    و ربنا معاكي و يشفينا يا رب

  4. مصرية 100 %
    09/07/2011 at 00:57

    حبيبتى عملية الليزك سهلة وبسيطة خالص وماتخافيش انا واحدة قريبتى عملتها وعمرها 17 سنة يعنى اصغر منك والحمدلله بفضله نجحت وبتشوف كويس اوى الحمدلله .. انا كمان عندى نفس مشاكل عينك وان شاء الله لما اوصل للسن المناسب للعملية هعملها بأذن الله .. حفظك الله

  5. أد / طارق مأمون
    17/06/2011 at 19:50

    الليزك بسيط وآمن وأيضاً مضمون النتائج. ولكن يجب أن يكون سمك القرنية مناسب لدرجة قصر النظر. وهذا يمكن قياسه بسهولة قبل الليزك.
    للحالات التى لا يناسبها الليزك يمكن زرع عدسات داخل العين. العدسات الحديثة آمنة جداً ولكنها تكلف أكثر من الليزك.

  6. ناصحه لوجه الله
    18/04/2011 at 23:39

    العمليه باليزر خطره لانها اثبتت فشلها اما باليزك هي الصحيحه وناجحه باذن الله اعملي اليزك واسالي الاطباء لان اخو زوجي عمل اليزك وماشاء الله الان بيشوف كويس اما اليزر لا اثبت فشله والله يسهلك يارب

  7. مواطنة مصرية
    18/04/2011 at 01:28

    ازيك حبيبتي ربنا معاكي ويوفقك حبيبتي اولا احب اطمنك ان في كتير اعرفهم عملوا العمليه وربنا وفقهم لكن اولا قبل العمليه لازم يكون في فحص شامل لعينك علشان يشوفوا عينك تصلح لليزك ام لان في عيوم المخروطية لا تصلح بتكون حدقة العين لا يصلح لها الليزك وصلي استخارة كتير لحد ماربنا يدلك على الخير لان الاستخارة تساعد كثير من الناس على اتخاذ القرار السليم لكن هي في نوعين ليزك وليزر واعرفي ايهما اصلح للعين وربنا معاكي حبيبتي ويوفقك وسيبها على الله وهتتغير حياتك وابقي طمنينا عليكي بعد العمليه اشاءالله علشان نعرف تجربتك مع الليزك ربنا معاكي حبي

  8. الجميل
    17/04/2011 at 11:08

    انا كمان نظرى ضعيف وانا عرفت من الدكتور ان هذه العملية تتعمل فى سن 12 سنة وانت عدت السن ده فعادى جدا تعمليها وبعدين هى مش صعبة ولا حاجة هى ليزر وبس وبعد كده عينيك هتتعدل وهتمشى من غير نظارة(وشكرا)

اترك رداً أو حلاً لهذه المشكلة