مشاكل الحب الفاشل

مسيحية واحب شاب مسلم لكنه تجاهلني

قبل كتابة مشكلتى انا لا اتحدث فى الدين مطلقا واريد راى المشاركين فى موقع مشاكل وحلول من وجهة النظر الشخصيه والعاطفيه لا من وجهة النظر الدين بتاتا من فضلكم
انا فتاه مسيحيه جميله جدا الحمد لله تعرفت منذ خمس شهور على شاب مسلم معى فى الجامعه وقد اعجب بى من اول نظره واتشد ليه بطريقه مذهله وصارحنى بهذا الاعجاب من اول مرة وبالحب ايضا , اما بالنسبه لى فلم اكن اشعر بنفس هذا الاعجاب او الحب لكنى شعرت انه صديق عادى فسكت , وكان هو دائم التعبير عن حبه لى والاهتمام بى يتزايد يوم عن الاخر باتصالاته اليوميه ووجوده معى فى كل مكان وفى اى مكان واخبر كل اصحابه انى حبيبته وكنت انا سعيده بكل هذا رغم انه لم يكن حبيبى الامثل لكنى كنت احبه كانسان عادى وسعيده باهتمامه بى , لم اكن اعامله بصورة سيئه ولم اكن ايضا اغدق عليه المشاعر او العواطف بل كنت بارده الاحاسيس لانه كان بالنسبالى ليس فى قلبى بنفس الدرجه
المهم اننى فى احد المرات اثناء محادثه تليفونيه بينى وبينه قال لى كلمه ضايقتنى كثيرا فاغقلت الهاتف فى وجهه وقد اغضبه ذلك كثيرا واثار عصبيته وكلمنى بطريقه سيئه قاءلا : انتى اتجننتى ؟ ازاى تقفلى التليفون فى وشى ؟ فقلتله انا اسفه خلاص , انساها
فقال لى من هنا ورايح انتى ليكى معامله تانيه خالص
لم اضع الامر فى بالى واعتقدت انه يهدد لمجرد التهديد , لكنه بالفعل توقف عن الاهتمام بى وقلت اتصالاته واهتمامه السابق وكنا نتصل ببعض كل اسبو عمره او كل اسبوعين فقط لنسال على اخبارنا او نهنىء بعض فى الاعياد الرسميه ,
المهم قطعنا مع بعضا لحوالى 3 شهور ولم اكن اهتم بالامر تماما حيث اننى لم اكن احبه اصلا
ثم من شهرين فقط كانت امتحانتى للتيرم الاول فرايته صدفه وكنت مع اصدقائى وهو مع اصدقائه فترك اصدقائه على الفور واتى ليسلم عليه وجلسنا سويا نتحدث بامور عاديه ثم ذهب معى الى المحطه كى اركب واروح لبيتى
تذكرته وشعرت بحب كبير نحوه فاتصلت به وسلمت عليه فكان كلامه عاديا
ثم قررت ان اعبر له عن عواطفى عن طريق الاهتمام والرسائل وغيرها لكنه كان باردا جدا وغير مهتم تماما وحينما اراه صدفة بالجامعه لا يجلس معى مثلما كان
وظللت هكذا طوال شهرين معذبه بحبه وهو باردا جدا
الى ان قررت ان اصارحه بمشاعرى فقلت له بحبك , فسكت كثيرا ولم ينطق بكلمه واحده , فقلت له الو اعتقادا منى ان الخط ان انقطع فقال لى طيب واعملك ايه ؟ قلتله قول نعم ام لا فظل يمزح ولا يقول شيئا
ثم ثانى يوم تحدثت معه على الانترنت وقلت له اننى احبه كثيرا فقال لى مش هينفع , قلتله عشان الدين ولا ايه ؟ ماراداش يرد
وكلما الح عليه بكلماتى هذه يقول لى انتى مش عايزة تفهميها ليه ؟ ده حب مالوش اخر
وشعرت بالام نفسيه كبيره بعد كل هذا
فهل هو لم يعد يحبنى ؟ ام يحبنى لكنه يرفض مشاعرى من اجل الدين ؟ وهل لم يكن هذا الدين فى عقله من قبل ؟
ارجوكم ساعدونى انا معذبه نفسيتى تعبت انا بحبه جدا ولا اريد اى شىء لا زواج ولا اكثر اردت فقط معرفة مشاعره وهو يعذبنى

مشاكل وحلول ذات صلة

اضيف بتاريخ: Monday, April 23rd, 2012 في 14:35

كلمات مشاكل وحلول: , , ,

46 رد to “مسيحية واحب شاب مسلم لكنه تجاهلني”

  1. أنا جيل قديم
    01/08/2018 at 18:00

    أنا تعرضت لموقف مشابه تماما لموقفك :هى انسانة محترمة جدا من شبرا ، أنا خفت عليها جدا أنا حصرت كل كلامنا من خلال النظرات
    كلامنا كان محدود جدا منتهى الأدب والإحترام ، أنا سمعتها وهى بتتكلم مع زميلتها عليا وأخبرتهم عن اسمى هى جلست بجوارى فى المدرج أول
    يوم فى الجامعة ومن بعدها شعرت باهتمام بالغ فى نظرتها وبصراحة انا كنت مبسوط من ده وكنت بحب ده قوى بل أنا كنت بتبادل معها النظرات وده كان فى أضيق الحدود وبالذات بعد ما اكتشفت اختلافنا فى الديانة و ده أنا اكتشفته مع بداية سنة ثانية جامعه . أنا رأيى اختارى الطريق المؤلم ده وهو النهاية وتكونى قانعه تماما بذلك .

  2. Sami Saleh
    22/11/2016 at 05:30

    إن الدين عند الله الاسلام. الزواج من مسيحية جائز للمسلم قانونا و شرعا. لكن دائما الشيطان يكمن في التفاصيل. للأسف نحن كمسلمين ابتعدنا كثيرا عن أخلاق الاسلام العظيم. فربما بعد أن تفيقي من سكرة الحب لن تجدي إلا واقعنا السيئ كمسلمين ابتعدنا عن ديننا. الخلاصة: من يدخل في دين بسبب حبه لشخص ربما يخرج منه بسبب نفس الشخص عند تغير الحب إلى كره. كوني جريئة و ادرسي الاسلام لنفسك إن وجدتيه صالحا لنفسك بعيدا عن تأثرك بحب شخص أسلمي. و تزوجي الشاب الذي تحبي. و إن وجدتيه الاسلام كدين بعد دراستك له لا يصلح لكي. فالأفضل أن تبتعدي. ركزي على الأمور الباقية و دعكي من حب الأشخاص فقد يتحول الحب الى كره و سبحان مقلب القلوب.

  3. مسلم لله
    30/11/2015 at 13:42

    أولاً السلام عليكم ورحمة الله وبركاته، شرح الله صدورك للإسلام. إن كنتِ تؤمنين بالقرآن فالقران يقول ( ومن يبتغ غير الإسلام ديناً فلن يُتقبل منه وهو بالآخرة لمن الخاسرين) قد يكون من الصعب إقناع نفسك بالدخول إلى الاسلام ولكن الأمر سهل. فقد أنتي فكري لماذا الناس يلتفتون إليك بكل سهوله لأنك لم ترتدي الحجاب. وأود ان أنوه على نقطة بسيطة وهي أن ليس كل مسلم رجل صالح فهناك من لا يطبق الاسلام كما هو مطلوب. أعلم ان كلامي هذا ليس له علاقة بحبك ولكن فقط اقرأي عن الاسلام وستعلمين انك كنتي في ضلالاِ كبير.

  4. فيصل
    13/10/2015 at 00:54

    قال عليه السلام ،الدال علي الخير كفاعله

  5. فيصل
    13/10/2015 at 00:49

    بسم الله الرحمن الرحيم،انا بنصح الاخت انها تفكر علشان ده زواج مش لعب عيال ،شوفي يا اختي انت اللي بأيدك كل حاجه لو بس بصيتي قدام شوية حتلاقي الموضوع ساهل وبسيط ،اقعدي معي نفسك واحسبي كل حاجه بالنسبه لاهلك والناس وغيرو ،لو لاقيتي حل لكل ده خلاص اتزوجي ،صراحه لو منك افكر كويس ده قرار مصيري ،ربنا يهديكي للاسلام

  6. مارينا
    07/08/2015 at 18:51

    انسي هذا الشاب واتركيه فورا يا عزيزتي وانتبهي جيدا فهم لا يريدون مننا الا اعلان اسلامنا واذا احبك بصدق او بخداع فانتى في كل الاحوال في نظره مسيحيه ., يريد الزواج بك او سيعرض الزواج عليكي فقط ليجعلك مسلمه ولاشهار اسلامك
    صدقيني انا كنت مرتبطه بشاب مسلم . اخبرني انه يحبني وانا ايضا اعتقدت انني احبه وبعد علاقة حب ليست اكثر من ثلاث شهور عرض علي الزواج فقلت له والاهل ؟ فقال لي فلنهرب ورفضت لكنه الح علي ..ابتعدت عنه لكنه لم يبتعد عني ولم يتركني لحظه بل كان يلاحقني اينما ذهبت فحينما طلبت منه ان يرحل اصر على الكلام معي .. فوافقت وعدنا لنتحدث على الانترنت وبالهاتف ففوجئت انه يحاول اقناعي بالدين الاسلامي وبتعاليمه واعطاني قرأن لاقرأ منه ثم يحاول تعليمي الطقوس الاسلاميه من صلاة وصوم وعبادات غيرها
    المهم اخبرت اب اعترافي بذلك فغضب بشدة وحاول ابعاده عني بكل طريقة مكنه ثم عرض علي اهلي شاب مسيحي للزواج منه وقررت ان اوافق طلبهم
    لكنني فوجئت بهذا الشاب المسلم يحاصرني ويهددني بالقتل ان لم اقابله ., فقابلته مع احدا من افراد عائلتي وقال له ( دي بتاعتي وهخادها يعني هخادها )
    ولكن اختصارا للوقت الحمد لله استطعت السفر خارج البلاد وربنا ستر

  7. etqan54
    08/07/2015 at 12:26

    ابنتى العزيزة انصحك بنصيحة {الاخت حبيبة} فهى صاحبة تجربة عملية وعليكِ أن تعرضى عليه عرض الإسلام واختبريه اولا فإن كان صادقا فى مشاعره وعلى استعداد ان يواجه الدنيا لكى يفوز بك زوجة فى الحلال وفى ضح النهار فبها ونعمة .. أما إن كان ضعيف الشخصية ولا يستطيع المواجهة فإبتعدى عنه نهائيا لأنه ليس جديراً بك ولا بحبك ولا يشرفك الإقتران بمثله وإن شاء الله سيرزقك بمن يستحقك زوجة وحبيبة … تقبلى مرورى إبنتى

  8. mayar
    04/01/2014 at 23:37

    وانا كمان عندى نفس مشكلتك و مش لاقية حل 🙁 وانا مسيحية برضووو و هو مسلم و هو قالى انى حلوة جربت معاة انى بنت تانية و كلمتة من ايميل تانى وطلع انة هو بيحبنى و مخلص جدا بس انا مش عارفة اللى بعملة دة صح ولا لأ :O

  9. مصري
    10/05/2013 at 06:37

    الي كوني أقوى رقم 9
    مصر مفاش تعصب ديني الحمد لله احنا مسلمين مع مسيحين من الالالاف السنين وانا مسلم ولي اصاحب مسيحين بنات وولاد وبنهنىء بعض عادي وبنحتفل مع بعض بالاعيد واخرهم عيد شم النسيم عيد المسيحين
    ام انك بتقولي مسيحية الاصلا الحمد لله اسئلي اي مصري سواء مسلم او مسيحي هيقولك مصري
    احنا مش بلاد الشام اللي كلها حروب عشان الدين سواء في لبنان والان في سوريا
    قبل ما تغلطي في مصر شوفوا نفسكم الاول واقرائي تاريخ وحياتك
    (نعطيك الصعبه) …

  10. ناصح امين
    13/03/2013 at 11:04

    الاخت الفاضلة صاحبت الموضوع
    انا مررت سابقا بهذا الموضوع واشعر ماتشعرين بة ولكن لم اتحدث ولم اصارح لان مستواى المادى ضعيف وكنت عاطل بالاضافة ان الطرف الاخر لم يكن يبادلنى الحب صراحة الموضوع دة معقد وكبير واكيد اهلة مش هيوافقة وكمان اهلك ومعندكوش الاستقلالية المادية انكم تقدرو تفتحو بيت ودة اخطر تحدى والحياة صدقينى النهاردة بقيت صعبة قوى انتى لسة فى الجامعة الحياة الوردية لكن لو تعرفى الالم ومصاعب الحياة تفكيرك هيتغير تماما وبعدين لاحظى انك بتمرى بتجربة عاطفية ود احساس جميل بس للاسف بحكم انك مسيحية الخيارات عندكم تكون محدودة والفرصة تكون مرة واحدة فقط من وجهة نظرى طالما مش مهتم بيكى انسية ودة احسن اذا خسرتية فمش عايزك تخسرى نفسك وان شاء الله هتلاقى الشخص اللى يحبك ويقدرك ويحافظ عليكى ويضحى علشانك

  11. ميمو
    04/03/2013 at 01:55

    ادخلي في الاسلام فيشرح الله صدرك وييسر لكي امورك اللهم ارحمنا يا ارحم الراحمين يارب ادخل هذه الفتاة في الاسلام وفرج همها الا بذكر الله تطمئن القلوب صدق الله تعالى

  12. زياد
    22/01/2013 at 12:35

    ولا تساوي شي لاتزعلي وتقطعي الامل ولا تتفائلي كتير وتنتظري الي الله كاتبو هوو يلي رح يصير ولوو الك نصيب بشي رح يجيكي وان الله على كل شيئ قدير هدي الامور واتركي الشغلة للايام يابتاخديه نفسو يابتاخدي الي احسن منو بالوقت يلي بتكوني مقتنعة انو في احسن منو مو هلا بعد وقت محدد انتظريه

  13. احمد بيك
    24/09/2012 at 07:08

    لا يوجد حزن فى العالم يعجز الزمن عن تخفيفه انا كنت بحب زميله مسيحيه و طلبت انى اتزوجها سألتها سؤال . انتى نفسك طويل ولا هتقعى منى فى اول المشوار وهل هترجعى تقولى دول برده بابا وماما ولا تخليكى فى الاسلم ليكى احسن ؟ قالتلى انا عاوزاك بس خايفه . قولتلها لو راح منك الخوف انا تحت امرك وتقدرى تكلمينى من وقتها مردتش عليه وانتهى الموضوع

  14. اخاف الله رب العالمين
    23/09/2012 at 10:18

    الاخ ( من جيل الثوره ) انت بتكلم حبيب صاحبة المشكله ؟ وهو مش هنا ولا هيقرا كلامك ؟
    ولصاحبة المشكله اقول – انسيه خالص عشان المشكلة فى اختلاف الدين واللى انتى حساه ده مش حب دى هزه حصلتلك لما طنشك وسحب اهتمامه بيكى – كان بيطاردك بحبه وانتى مش حاسه بيه ولما توقف عنك اهتزت مشاعرك بسبب تحول مشاعره
    ابعدى عنه الان اسهل والمشاعر لسه فأولها احسن ماتتعلقوا ببعض وعندما يصبح الحبب مارد سيبحث له عن طريق يصل به للقمه وهى الزواج – لكن حيلاقى الطريق مسدود ويبقى الجرح صعب

  15. organza
    19/09/2012 at 22:00

    بصى حبيبتى انا مسلمة كل ما فى الموضوع انه لما اضايق منك وبعد عنك لفترة خلينا اكثر صراحة مع بعض كانت فترة تأديب هو فى الفترة دى فكر مع نفسه كويس فى الموضوع من كل الجوانب وشاف ان الموضوع بخصوص اختلاف الدين هيدخله فى صراع قد ينجح بمعجزة دا اتجاه
    اتجاه اخر انه ممكن يكون فى الاول مشدود ليكى او عاوز يوقعك زى ما بتقولى انتى فتاة جميلة جدا ولما الميزان اتقلب وانتى اللى بقيتى بتجرى وراه اتقلب من ناحيتك او بقيتى عادى دا رأيى وانتى اللى تقتدرى تحكمى اكتر لأنك تعرفى الانسان دا عن قرب

  16. shade
    31/08/2012 at 22:09

    بلا حب بلا هم الحب ياتي بعد الزواج

  17. زيزو
    31/08/2012 at 17:55

    بصى هو مش موضوع دين بس هو كان واخد العلاقه بينكم اخ واخته وصديق وصيقته مش حبيب وحبيته فحاولى تنسيه وتشوفى حياتك

  18. كوني أقوى
    23/08/2012 at 01:29

    بالمناسبة أنا ماني مصرية أنا سورية.. و لبنانية الأصل و أنا مسيحية الأصل.. على كل الأحوال نحنا هون بسوريا مافي تعصب ديني أد عنكون بمصر يعني بدك تنتبهي على حالك و برد بقلك الزواج من دينين مختلفين و حتتى مجرد الحب بجيب وجع الراس انتبهي على حالك يعني اذا نحنا عقولنا كانت منفتحة و قدرنا نتقبل اختلاف الاديان المجتمع ما بيتقبل !! و بدك تنتبهي على حالك البنت الحلوة بتتعرض لمشاكل كتيرة بحياتها و خصوصي اذا كان جمالها كتير ملفت النظر و كمان عم قللك عن تجربة …
    بدك تكوني أقوى من هيك .. و كمان بحب قلك شغلة مهمة بتخص قصتك ” هاد الانسان ما كان بحبك بس على فرض شخص تاني اتعرف عليكي و بحبك و أنت ما بتحبيه لازم تفهميه أننو ما بتحبيه و لا ترضي أننو يقدملك كتير شغلات و أنت ما بتحبيه … أنت هيك بتكوني عم تستغللي مشاعرو و هالشي حيوصلك للشعور بالذنب وقت تشوفيه تعلق فيكي كتير و أنت ما بتحبيه…
    انتبهي على حالك ولا تكوني مغرورة متل ما كنت أنا ..الغرور بحطك بقوقعة ما حتقدري تحبي من كل قلبك لتطلعي منها ..وشكرا

  19. كوني أقوى
    23/08/2012 at 00:58

    شيلي موضوع الدين على جنب…
    أنت ما بتحبيه بس تعلقتي بيه لأنك تعودتي عليه..
    هو كان بددو يتضحك عليكي و يقلل قدب و الدليل أنو حكى معك على التلفون بقلة قدب وقت سكرتي..و أننو خبر رفقاتو أننو أنت رفيقتو رغم أننو أنت ما وافقتي على هالشي… هو كان عم يلعب معك لأنك حلوة و عم يتسللا بيكي.. أسفة أنا مسلمة و بحب قلك أغلب الشباب المسلمين وقت بيتعرفو على بنت مسيحية بكون الهدف تقضاية و قت وقلة قدب و مو حب حقيقي يعني بكونو عم يتضحكو عالبنت .. طبعا مو كللون …(آسفة بس بشكل عام صح الحكي)
    انتبهي على حالك … انت تعلقتي فيه مو أكتر و يبدو أنك حاسة بالفرغ العاطفي و حسيتي أنك بحاجة لاهتمام و بحاجة لتعبي الفراغ بقلبك…
    مو مهم مسيحي أو مسلم بس الحب رح يجي و ما حيكون من النظرة الاولى هي ولدنة و صغر عقل و مياعة..لو هوة جدي بالعلاقة حتتى لو حبك من النظرة القولى كان رح يتردد ليقلك.. رح يستنى ليعرفك أكتر,, تذكري هالشي..
    و الحب من غير دين بجيب وجع الراس … كمان هي تذكريها
    حاولي تحببي واحد مسيحي متلك ….
    عندي نصيحة أخيرة من بنت حلوة متلك…رح ينعجب فيكي كتير عالم و خصوصي فايتة على جو الجامعة و الكل بحببو يتعرفو على بنات .. اذا كنتي حاسة بفراغ عاطفي عبيه بالتعرف على شلل يعني شللة كبيرة لا تتعرفي على شب و تعمقي علاقتك فيه و أنت ما بتعرفي حدا من صحابو
    يعني هاد بيعطي احتمال أكبر لأننو عم يتضحك عليكي…. وقت تحبي شخص لازم تكوني بتعرفي الاشخاص يللي بيمشي معون منيح … هي نصيحة مهمة كتير و رح تخففلك كتير مشاكل و عم قلك عن تجربة. بعدين الشب كل ما كان حكيو معسول بشكل سريع و من دون ما تعرفيه منيح كل ما زاد احتمال اننو هوي انسان لعوب,, بعدين لا تقولي محترم واضح انت ما بتعرفيه منيح لتقولي عننو محترم المظاهر بتغرررررررر..
    الله يوفقك و نشالله ايامك الجاية أحسن و لا تركدي ورا شب بهالطريقة و تزللي من قيمتك و على فكرة و ما بددي خوفك! بس هلأ علأغلب بكون طبل الدنيا أننو أنت قلتيلو بتحبيه و هو تركك..
    الله يوفقك بدراستك و بحياتك بشكل عام و عاطفيا بشكل خاص …موفقة

  20. (خالد ماندو)
    18/06/2012 at 05:40

    مع احترامي للمسيح مع احترامي للمسيح هو باين كان بيكلم معاكي بالطريقة دي علشان هو مسلم وانتي مسيحه بس لازم كلنا مانكرهش بعض اصل ايه هو احنا كلنا زي الاخوات عادي فاة هو بس علشان هو عمل معاكي كدة سبيه وحبي اللي بيحبك بجد ومتفكريش فيه تاني

  21. helal333
    03/06/2012 at 01:40

    با اختى المحترمة انسى هذا الشاب وحاولى البحث عن حب جديد حتى لايحتقرك اهلك واهلةوهذا الشاب نفسة سوف يحتقرك وهذا الشاب لوكان يحبك حب حقيقى لتمسك بكى رغم كل المعوقات مع احترامى لكى تحكمى فى مشاعرك

  22. انا مسيحى
    26/05/2012 at 10:34

    هكلميك بصراحه وممكن الرساله متوصلش المسيح علمنا المحبه وديه صفه يتصف بيها كل المسحيين وانتى جميله جدا لانيك اعترفتى للانسان ده بحبيك ليه وانا حبيت ناس كتير لكن مش شرط الحب من الجنس التانى يتصف بالضعف المعروف بنهايته الجواز لكن مش هدخل معاكى فى تفصيل اكتر من انيك لو مسيحيه حقيقيى ( افتكرى تعليم المسيح ) لو بعيدى عن المسيح افتكرى انيك جزء منه متفتكريش ( هو هيفكرك ) انا متربي فى بيت مسيحى متسمحليش انه يكون ليه سلوك مختلف ولو فى مسلم صح دينه وتربيته المستقيم ميسمحلوش انه يكون مختلف عن التربيه و النشاه بس افتكرى انتى بنت ميين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أ ن ا م س ي ح ي

  23. حبيبة
    16/05/2012 at 16:12

    بصى يا قمر انا شفت مشكلتك دى بالصدفة
    وكويس انى شفتها عشان هى تشبه حكايتى الى حد كبير
    انا كنت مسيحية واسلمت من سنين
    وبرضو كنت بحب واحد مسلم بس كان زميلى فى الشغل
    وطبعا موش هقولك انى اتجوزتو بسهوله انا لحد دلوقتى اهلى علاقتهم بيا موش تمام
    لازم تبقى عارفه كويس ان الطريق ده صعب شويه لان اهلك موش هيقفوا ساكتين
    انا عارفة ان الموضوع بالنسبالك ملوش علاقه بالدين
    وكان كده بالنسبالى برضو بس الاهل مبيشفوش كده ابدا
    كمان الولد ده ممكن يكون بيلعب بيكى
    انا مسلمة دلوقتى بس قلة الضمير موجوده عند المسلمين والمسيحيين على السواء
    ده خلق جوانا احنا
    ومعروف ان اى اتنين بيحبوا بعض لازم ده ينتهى بالجواز والا كانت الخطيئة يا حبيبتى
    وانت بنت جميلة ومحترمة وبتحبى ربنا واكيد مترضيش لنفسك بالخطيئة
    او ممكن الولد ده يكون فكر فى الموضوع وموش شايف انو يقدر يتحمل الى هيحصل من اهلك لانهم بالتاكيد موش هيسكتوا ابدا
    اما لو هو فعلا عندو استعداد يتجوزك قدام كل الناس ويتحدى الدنيا عشانك زى ما عمل زوجى انا قبل كده وهيتحمل كل الى هيحصل
    فاهلا بيه
    كمان انتى هتصمدى معاه ولا هتخافى تدافعى عن حبك وحياتك ده سؤال برضو
    انا مثلا اتهددت بالقتل بس كنت بحبو اوى وصمدت جنبو وانا ماسلمتش على فكرة الا بعد جوازنا بسنتين
    ممكن هو يكون خايف انك هتتخلى عنو زى ما قفلتى التليفون فى وشو قبل كده
    فشايف انك موش بتحبيه وهتبيعيه تانى فبيحاول ينسى وخلاص
    المهم يا حبيبه قلبى انتى شوفى بتعامليه ازاى
    وطبعا ده موش معناه انك تجرى وراه لا ده فى حدود الاحترام وتعاليم ربنا هو ممكن يحس انك بتحبيه من احترامك ليه واهتمامك بيه وادبك معاه مش انك تقوليلو انى بحبك وكده
    الحب شىء رائع وجميل بس المهم اننا نكون بنحب بجد موش بنتخلى ولا بنضحك على بعض ولا بنجرح بعض ابدا ربنا يقدرلك الخير يا حبيبتى
    ومترميش نفسك عليه يا حبيبتى عشان الرجل الشرقى دايما بيحب البنت التقيلة متبينيش ابدا اللهفة لانو ممكن يستغلها بشكل سىء خليكى فى حدود الاتزان فى معاملتك معاه
    واهم حاجه انك توصلى معاه لشكل رسمى للعلاقه دى يعنى من الاخر خطوبة وكلام عن الجواز بين كل الناس عشان ميبقاش فى حاجة فى الضلمة ابدا وعشان تعرفى نيتو ايه وصموده معاكى لحد فين
    وطمنينا عليكى يا حبيبتى دايما

  24. ustazi
    30/04/2012 at 19:46

    بسم الله الرحمن الرحيم :
    * أولا : الزواج من الكتابية لا شيئ فيه و قد أحله الله ، طالما كانت تقية صالحة ، ذات خلق حسن ، محصنة عفيفة شريفة ( الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِنْ قَبْلِكُمْ إِذَا آَتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ ).
    * ثانيا : الشاب ده كان عارف دينك من الأول ، بس لقاكي لقطة : جميلة جدا و قريبة منه و قدام عينه دايما و عيون أصحابه كمان .إزاي بقى ما يوريش مهاراته في الصيد الكبير ده قدانهم ؟!!
    * إزاي يقولك إنه بيحبك كده من أول مرة ؟!! و ليه بيعرف أصحابه كلهم إنك حبيبته؟! مع إنك ما كنتيش بتحبيه و لا حاجة ، و مع ذلك سكتي و ما اتكلمتيش ؟!!!مش ده استعراض و مراهنة عليكي !!!و ضعف و تساهل منك !!؟
    * كل ده إداله الجرأة إنه يتكلم معاكي في التليفون و يقول اللي ما يصحش يتقال ، بس انتي صدتيه جامد . ده كان مفاجأة كبيرة أوي و خبطة جامدة لكبريائه و غروره : إزاي انتي تمنعيه و تصديه وإنتي بتاعته هوه ، لوحده !!!
    * انتي مش بتحبيه ولا حاجة : مسألة تعود بس ؛ يعني اتعودتي تسمعي منه كلام الغزل و الغرام اللي يرضي غرورك بما أنك واحدة جميلة جدا ، زي ما بتقولي .
    * هوه عارف إن حجته جاهزة لما يحب يبعد عنك ، وإنتي كمان هتفكري فيها كده ، بس خلاص انتي ما عدتيش تلزميه .
    * ابعدي عنه ، و عفي نفسك بالحلال ، لأنه واضح كده إنه عارف نقطة ضعفك و بيلعب عليها .
    * أسأل الله لك الهدى إلى صراطه المستقيم ، إنه على كل شيئ قدير .
    *** و الله أعلم ***

  25. ناصح
    29/04/2012 at 11:42

    الباب الي يجي منه الريح..! سده واستريح” الاحوال في مصر حساسة في هذه الجوانب. فالافضل لكما الاثنين ان يكون لكل منكم فن هو على دينه. لان علاقة الحب مئالها الى شيئين اما علاقه عابره ويكون الهدف الاستمتاع ولا اعتقد فيك هذا بل انتي بنت محترمه اي ان يكون الطريق الاخر هو الطبيعي في هاكذا ارتباط…! وهذا الذي سيكون كحرب داحس والغبراء”حتى لو وافق اهلك” يبقى التأثير الخارجي كبير والذي سيكون له الاثر الاكبر في تدمير كل تقارب لوجود نوع من الاحتقان الطائفي.
    فلكم دينكم ولي دين وفقك الله للهداية

  26. basha
    29/04/2012 at 08:48

    يووووووووووه فكرتيني بالذي مضي.اول حب حقيقي كان في حياتي هو حبي لزميلتي المسيحية في الجامعة و نا مسلم. ما يفعله معك هو عبارة عن رد لطريقة انهائك للمكالمة معه فهو يثأر لرجولته و لكن اقول لك اللي يحب عمره ما يكره. هذا الحب يمكن ان يتوجه زواج اما بتضحيتك او بان تظلي علي دينك و تتزوجوا. رغم ظروف عدم قدرتي علي الزواج من حبيبتي في حينها الا انني لا اذكرها الا بكل خير وأتمني لقاءها و معرفة اخبارها و لكن لا اريد ان افسد حياتها.هو مازال يحبك و لكنه يكابر.

  27. سيمون
    29/04/2012 at 01:19

    نصيحة من اخ كبير الى اختة انا اخوكى فى المعمودية انا عارف ان البنت اما تحب لان البنت كلها مشاعر واحساس فى هذا السن لاكن اقولك مش ينفع هذا الحب لانه مش ح ينتهى زى اى حب لكن اقولك ياريت تتلتجى الى اب اعترافك وصلى كتير وروحى الكنيسة وصليلى انا اخوكى لان انا محتاج صلاة كل الناس

  28. اخصائيه حل مشاكل
    28/04/2012 at 20:08

    شوفتى يااختى حتى لو هو بيحبك فعلا وانتى بتحبيه هو يجوز في الاسلام ان مسيحيه تتجوز مسلم لكن خلينا في الواقع طبعا اهلك مش هيرضوا بالجواز دة ولا اهله فعشان كدة انصحك بالابتعاد عنه عشان مش تعيشي في عذاب اعتبري ان دة كان حلم وصحيتى منه ومتعايشيش نفسك في وهم اكتر من كدة لان نهايه اي حب لازم يكون الارتباط حكمى عقلك قبل قلبك وانتى تعرفي حل مشكلتك

  29. ustazi
    28/04/2012 at 15:01

    بسم الله الرحمن الرحيم :
    * ” الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُوا الْكِتَابَ مِنْ قَبْلِكُمْ إِذَا آَتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلَا مُتَّخِذِي أَخْدَانٍ ”
    * من الناحية الشرعية : إذا وُجِدتْ المرأةُ الصالحةُ ، و إن كانت من أهل الكتاب ، فالرجل الصالح التقِيُّ أحق بها : إعفافا لنفسه ، و دعوةً إلى الله فيها .
    * لا أظن أن هذا الشاب يحبك حقا ، بل أظنه كان يلعب و يتسلّى بك : كيف يحبك من أول نظرة و يكلمك في كل مكان ، و يُعرِّف كل أصحابَهُ أنك حبيبته ؟ أليس هذا من الفخر و التحدّي و إثبات الذات ؟!! هل كان يراهن نفسه و أصحابه عليك ؟ ربما .
    * رآك جميلةً جدا ، فكيف لا تكونين له أمام الجميع ؟!! : أجمل البنات تحبني أنا و تتمنى رضاي !!!
    * و لا أظن أنك أيضا تحبينه ، فقد اعتدتي الاستماع إلى الغزل و المدح منه ، و اعتدتي وجوده في حياتك ، فالنساء عقولُهن في آذانِهِن .
    * هو ظن نفسه قد امتلك حبك و قلبك ، فزاد من غروره و حدّثك بشيْ من الجرأة ، و لم لا !؟ و أنت لا تمانعينه في شيء ؟! ، فصدمه ردك و حزمك معه ،و كأنه لم يتوقع ذلك منك فأخذته العزة بالإثم : أنت عنده كخاتَمٍ في إِصْبَع الملك ، كيف تصدينه و لا ترضين غروره ؟
    * أتظنينه حفا لم يكن يعرف دينك ؟!!ألم يخبره أحد من أصحابه بذلك ؟ أم أرادها حُجةً له للابتعاد عنك بعدما أثبت بطولته أمام الجميع ؟!!( أنت نفسك ستفكرين فيها هكذا ) .
    * أعِفِّي نفسك ، و كوني عزيزة على مَن يطلُبُك ، فالرجالُ يلهثون وراء القويةِ الحصينةِ و إن أتعَبَتْهُم ، و يرمون الضعيفةَ القريبةَ المُحِبَّةَ ؛ سهلة المنال و إن أراحتهم .
    * أسأل الله أن يهْدِيَكِ إلى الهُدى و إلى صِراطه المستقيم ، فإنَّه على كل شيئٍ قديرٌ .
    *** و الله أعلم ***

  30. saso
    27/04/2012 at 04:28

    على فكرة انا حسة بيكى اوى بس خدى بالك لان البنت العاطفة هى اللى بتحركها غير الولد حولى تبعدى

  31. تقى
    26/04/2012 at 21:10

    خدت بالى انك بتهيني نفسك وكرامتك فين هي مش لاقياها ومش بهينك والله بس لازم تاخدي بالك ان الافراط فاهتمام البنت بالشاب بيزيد استخفافه بيها وبيبدا يحس انها تافهة
    اقري دي وافهميها .. لك الخجل ولى الغزل فانا رجل وانت امراه
    يعني الشاب بشكل عام بيحب البنت المتوازنه مش معنى انه مجنون وحبك عشان جمالك وانا ضد الكلام ده لان لو هو هيمشي بالجمال يبقى هتلاقيه حب مليون غيرك فنفس الوقت وكل يوم هيشوف احلى منك والنوع ده ميتضمنش اصلا
    ولما انتى غلطتى وقلتى بحبك مكنتيش تفضلي تزنى عليه عالميل وكده عشان ميتخمش فروحه بزياده ويقول دي وقعت ويبقى عامل زي اللى بيربيكي مثلا امال فين كرامتك يعني
    انا عارفه ان نص كلامى هيضايقك بس انا شايله حكايه الدين من دماغى وبكلمك زيك زي غيرك اسمعي كلامى واللى عايزك هيعرف يجيبك ومتجريش ورا حد خليكي فحالك وافضل طريقه عشان تطنشيه ومتفكريش كتير انك تشغلى نفسك بالمذاكره والنشاطات ولا كان الشخص ده موجود وكل ماتفتكريه دوسي على قلبك بالجزمه وكونك مسيحيه وهو مسلم ممكن ده وحده يفركش الجوازه كلها وبردو خدي بالك ان الاحترام اهم حاجه ليه قفلتى السماعه فوشه انتى حسستيه ان ملوش خاطر عندك حتى لو ايه متعمليهاش تانى معاه ولا مع غيره انا متوقعه انه حاسس من الاول انك مش بتحبيه كمان رحتى قفلتى السماعه فوشه كملتيها لازم تتعلمى ازاى تمتصي غضبه متعرفيش تقوليله خلصت اللى عندك والله يسامحك وسلام متكلمنيش تانى اتعلمى تحسسيه بالذنب حتى لو انتى اللى غلطانه مش كل حاجه خبط ودفش كده .. اتمنى يكون كلامى مزعلكيش وربنا يكتب اللى فيه الخير ..

  32. magdy
    26/04/2012 at 10:00

    اولا أؤيد رأى الاخ محمد فهو بحق رأى محترم جدا
    ثانيا اود ان ارى تعليق صاحبة المشكلة
    ثالثا رأيى الشخصى ان مثل هذه الامور هى ما يشغل بال غالبية طلبة الجامعه واكثر شئ يشغلهم هى فكرة الحب المستحيل وكنت انا من هؤلاء فى يوم من الايام ووقعت فى مشاكل مشابهة ولكن الواقع فرض نفسه فمن احببتها تزوجت قبلى ب 13 عام تقريبا
    رابعا اختى اذا كنتى لا تريدين الحديث فالدين فان الدين هو العنصر والعامل الاهم فى مشكلتك ارجوكى لا تنظرى لمصلحتك فقط ولا لمصلحة شاب احبك او على الاغلب يتظاهر بحبك لاعجابه بجمالك او بفكرة علاقة بمسيحيه ولكن انظرى لاسرتك وبلدك وظروفها السيئة فهم لا يستحقون منكى كل هذا
    انا انسان مسلم ولكنى لا اكره اى نصرانى فقد تربينا سوينا واكلنا وشربنا ونمنا فى نفس الحجره ولاذلت صديقا لهم ولكن برغم علاقتنا الوطيدة والاخوة التى تجمعنا لم نفتح يوما حوار الدين لانه حساس ولا يحتمل جد او هزل
    اتمنى لكى حياة طيبة جميلة مع من ارتضاه ربك وقلبك ليكون شريكا لحياتك

  33. سهر
    25/04/2012 at 19:54

    بصى والله انا قلبى معاكى جدا جدا لانى بنت زيك وعارفه الحب الحقيقي بيعمل فالبنات ايه
    نصيحتى ليكى اعملى كنترول على مشاعرك وانسيه وربنا هيعوضك خير بس مع راجل من دينك عشان الحب اللى من النوع ده بيجيب مشاكل كتيره اعتقد انك فى غنا عنها
    انا عارفه كويس انك هتقولى مش قادره ومش عارفه وهموت لو راح منى والله والله صدقينى كل دى اوهام بنضحك عليها بمرور الزمن وربنا معاكى يا اختى اتنمالك الخير

  34. Ahmed
    25/04/2012 at 03:00

    اختى فى الله الامر صعب اسالى ربك اولا وفكرى فى اهلك ثانيا ثم بلادك وظروفها فاذا رايتى ان حبك الطاهر لن يضر باحد ولان يضر بنفسك وعلاقتك باسرتك فلا تتركية واعلمية ان حبكوم لان يؤذى او يضر باحد وان حبكم قادر على تخطى الصعاب دون ان يجرح او يضر باحد اخوكى فى الله

  35. HanyMoh
    25/04/2012 at 00:36

    السلام عليكم ورحمة الله وبركاته..

    كما أنصح الأخوات المسلمات، سأنصحك أيضا، فالمسلم بيته وعقله مفتوح للجميع..

    أولا يا أختاه، أنا لا أعرفك ولا أعرف شخصيتك، ولكن حسب معرفتي بالأخوات المسيحيات لا يلتزمن مثل المسلمات، أو على الأقل لا يجب الالتزام عليهن مثل المسلمة، لا علينا ولكن لنبدأ معًا..

    من وجهة نظري الشخصية هذا الشخص ليس الشخص المثالي الذي أرجوه لفتاة مسلمة ملتزمة، أو حتى فتاة مسيحية طيبة القلب ومخلصة ولا تكذب، فليس من حق المسلم أن يتلاعب بقلب فتاة وإن كانت غير مسلمة..

    أما عن رأيي في زواجك منه، فهو في شرعنا غير محرّم أبدا، فللرجل الحق في التزوج بالمسيحية، حتى وإن رفض أهله ذلك..

    إذا أردتِ النصح، فأنا أقول لك ابتعدي عنه إن لم يتقدم لخطبتك بشكل رسمي، حتى لا تندمي بعد ذلك، فالشباب لا يراعون ضمائرهم (بغض النظر عن دينهم) وأنا يعز عليَّ أن يظلم شاب مسلم فتاة مسيحية، مثل أن يظلم فتاة مسلمة..

    كوني جادة معه، وأخبريه أنه لا معارضة شرعية لزواجكما في الإسلام، فإن ثبت على رأيه ورفض فاقطعي علاقتك به، حتى لا تحدث بسببكما مشكلات طائفية مصر في غنى عنها..

    وأخيرا أرجو التوفيق من الله لِما فيه الخير والفلاح لكِ وله..

    والسلام عليكم 🙂

  36. ما رينا
    24/04/2012 at 14:03

    على فكرة دا بيادبك بس اسمعى منى كلهم كدة بس انتم عندكم مشكلة كبيرة اوى الدين ياما لو بتحبية وهو بيحبم لازم تاسلمى زية علشان حبكم لاكن لو مش عاوزة انسية فورا علشان حبكم كان غلطة من الاول انا اسفة بس دية الحقيقة

  37. مصرى مصرى
    24/04/2012 at 13:29

    الراجل ده بيحبك وبقول كده لسبب واحد لهفته عليكى عندما تقابلتم بالجامعه وجرى سلم عليكى ووصلك للمحطه
    بس لازم تعلمى جبدا ان اخر مطاف الحب الزواج والزواج المسلم بالمسيحيه (جاااائز)ولكن الافضل زواج المؤمنة افضل ولان اعجبتكم
    انتى جد فتحيه تانى ومتيأسيش بس طبعا كرمتك فوق كل شئ وربنا يهديكى ويحميكى للخير

  38. محمد
    24/04/2012 at 00:04

    لاتريدى كلام فى الدين مع ان الدين هو من يفرض نفسه فى مشكلتك — امرك محير هل فعلا تحبيه ام انكى كنتى مستمتعه بحبه لكى وعندما بعد عنكى شعرتى من داخلك انه بدأ يهرب فاردتى ارجاعه لكى مره ثانيه — قصتك معه كل يوم تحدث بين الشباب وفى النهايه يحدث الفراق او الزواج — اسالى نفسك سؤال صريح اعتقد انكى لم تسأليه لنفسك ماذا تريدى من هذا الحب هل تريدى زواج او مجرد اشعار الذات بانكى مرغوبه ومحبوبه لدرجة ان شاب من دين اخر احبك هل سالتى نفسك هذا السؤال لان اجابة السؤال عندك وليست عند اى شخص اخر ماذا تريدى من هذا الموضوع او بمعنى اخر ماذا تريدى بصدق من هذه العلاقه زواج ام مجرد استمتاع بالحب فقط
    وانا استطيع بعدها ان اعطيكى الحل – فان اردتى الزواج وانكى احببتيه بصدق ورايتى فى اخلاقه الزوج المثالى الدى تتمناه كل بنت فهنا فقط سيدخل الدين الذى تهربى من الكلام فيه او الذى لاتريدى اقحامه فى موضوعك لانكى لاتريدى اى عوائق تريدى حب وزواج بدون مشاكل ولكن للاسف مشكلة الدين هذه هى اكبر المشاكل فى شريعتنا يجوز للمسلم ان يتجوز من اهل الكتاب اليهود والنصارى ولكن هذا سيواجه رفض تام عندكم فابوكى فى الكنيسه سيرفض مجرد الكلام فى الموضوع ويكون وقتها القرار المصيرى الذى به ستحددى حياتك القادمه كلها وهو اعتناق الاسلام والاسلام لايحتاج من يدخله بدافع حب اورغبه للزواج من انسان بل الذى يدخله يدخله لانه مقتنع بانه دين الحق هذا مايريده الدين ان تدخليه عن اقتناع وليس لرغبه او نزوه قد تزول مع الزمن فكفانا نحن المسلمين مايلصق بنا من اننا نخطف المسيحيات ونجبرهم على الاسلام كفانا مانحن فيه — اما ان كان مجرد الاحساس الذى بداخلك هو مجرد شعور بانك بنت وان هناك من يحبك وتستمتعى بهذا الحب فالافضل لكى وله ان تغلقى هذا الموضوع وان تبحثى عن شخص من دينك يعوضك هذا الاحساس

  39. مهندس عمرو
    24/04/2012 at 00:03

    يا اختى العزيزة الحب لا يرتبط بالدين بس ممكن حبيبك اهتم بيكى وانتى تجهلتيه فبتالى بيعاملك نفس معملتك وممكن بينظر بنظرة الدين وكلنا نعلم مدى التعصب اللى نحن فيه من ناحية الدين وحب شاب مسلم لفتاة مسيحية ممكن يسبب مشاكل لكى كثيرة وله ايضا المطلوب الجلوس معه ومعرفة الحقيقة هل خائف من نتائج الحب وما يترتب عليه من مشاكل ام هو له حب اخر فى حياته اتمنى ان اكون افدتك فى حل مشكلتك

  40. ابو عمر
    23/04/2012 at 22:22

    الاخت الفاضله صحيح المشاعر جميله وليس لها دين لكن الواقع بيقول ان فيه خلاف وانتى عارفه ان هذا الامر من الصعب تقبله من المسيحيين اكثر من المسلمين وطبعالا يخفى عليكى احداث من هذا النوع فى المرحلة السابقة هو اكيد بيحبك لكن فكر كويس وعلى فكره مفيش حب من غير زواج و الخوف ان هذا الحب بدون هدف ممكن اذا تماديتم فيه يحصل لا قدر الله خطا وانا ارى ان الصداقه فى ظروفك افضل ويا حبذا لو على خفيف عشان العلاقه بعد كده تكون عاديه وربنا يرزقك بشخص يناسبك وتتزوجى بدون مشاكل مع فرحة الاهل والاصدقاء

  41. عمرو
    23/04/2012 at 21:59

    لازم تسيبيه….مافيش حل غير كدا….عشانك وعشانه هو كمان…..والعلاقه اساسا شبه مستحيله انها تتطور عن كدا…لاختلاف الاديان…..وعاوز اقولك على حاجه…انا ايام الجامعه كنت ببقى حريص على انى اصاحب بنات مسيحيه….وده عشان سبب واحد بس….انى انا كنت بتحدى اصحابى ع اللى يصاحب بنات مسيحيه…انما مش عشان سواد عيونهم……..ما فكرتيش مره ايه اللى خلى صديقك ده يصاحب واحده مسيحيه؟؟ اشمعنه مسيحيه يعنى؟؟ صدقينى حتى لو مش هو بيلعب بيكى…..العلاقه دى اخرها الفشل ………..نصيحه انك تبعدى عنه…وربنا يهدى

  42. عثملن ابو دية
    23/04/2012 at 20:45

    عزيزتي .. الشاب . كان بيهتم فيكي اول فترة .. بعدين حصل خلاف بسيط بينكم ..
    وقرر انو يعاملك معاملة تانية .. بس للأسف عزيزتي انتي لم تذكري لماذا قفلتي الخط في وجه الشاب … اولا قفل الهاتف في وجه شاب .. يعاملك هذه المعاملة . هي جرح لكرامة الشاب .. ووقت انتي سكرتي الخط بوجهو .. انجرحت كرامتو الشب .. لانو هو كان بيعتبرك شيئ كبيييييير بالنسبة الو .. لا ابالغ انه كان يعتبرك أغلى انسان في حياته .. فعندما قفلتي الخط بوجهو الشاب قال .. انا لو تعلقت اكتر بهالبنت .. ورح تعاملني بالطريقة .. اكيد انا مش حقبلها على نفسي .. وثانيا ..
    لما اجيتي انتي وصارحتيه انك انتي بتحبيه ..

    سيدتي .. في ديننا .. الزواج من غير المسلمات شرعه بعض العلماء .. لكن كثير من شباب المسلمين تحصل لهم هذه المشاكل .. انهم يحبون من غير دينهم .. ويتعثرون دائما عند الزواج . بسبب عدم قبول اهل الشاب او اهل البنت .. لذلك عزيزتي … يفترض ان تكون بينكم الصراحة موجودة فالصراحة هي الطريقة الوحيدة اللتي ستريح قلبك

  43. نور عيني
    23/04/2012 at 19:31

    اولا ازيك ثانيا انا بنت زيك واقدر اريح قلبك برائي بصي اولا الموضوع كدا كدا كان هيخلص ب مع السلام ولا انتي من دينا ولا احنا من دينك دى اول حاجا وياريت كلامي مضايقيش ودى الحقيقه حاولي توجهي نفسك ومتضحكيش عليها ومتقوليش انا ولا عايزه اتجوزو ولا حاجا عايزه اعرف مشاعره نحيتي لا انتي كدا بتضكي علي نفسك وانتي لو مش همك تجوزيه عشان تعرفي مشاعره ليه هماكي في اى مشاعره غير كدا ثانيا هو ماكنش بيحبك بيحبك بمعني الحب هو مجرد شب واعجب بواحده جميله زى مانتي بتقولي يعني حب الشكل وهما كدا الشباب اول مالوالحد يكلم البنت يحسسها انها ملكة زمانها وبعد كدا يرميها رمية الكلاب وثالثااحنا كبنات فعلا مابنبداءش نفوق غير لمه حبيبنا بيمشي من حياتناوهو كان معاكي مكنتيش حاسه بيه لانه اداكي حب كبير خلاكي متحسيش من نحيته بأى شيء ومتخيلتيش لحظه ان الراجل علي قد مابيحب اوى ممكن يبيع اللي بيحبه دا في ثانيه لو حبيبه دا جه عليه هما الشباب بيقدرو يتحكمو في مشاعرهم علي فكره انتي حبتيه فعلا وكل ماهايبعد عنك هاتحبيه اكتر واكتر الممنوع مرغوب حاولي تبعدى عشان كل امه تقربي كل ماهو هايتخنق منك وهايبعد اكتر وكدا هاتتعبي نفسيا اكتر وممكن تتدمرى اكتر واكتر لا وبذات الانسان دا في مجالك يعني الله يكون في عونك يمكن لو كان بعيد عن عينك كان هايبقي بعيد عن قلبك ربنا يعينك مستنيه رائيك

  44. محمد عمر من المغرب
    23/04/2012 at 16:19

    سلام عليك و بعد ،ان صديقك هذا يا عزيزتي لا اعتقد انه لا يحبك لانك لست من دينه ابدا فالحب لا يعرف حدود الدين و لا حدود الجغرافيا و لا حتى اي حد من الحدود المتعارف عليها انسانيا،لا تيأسي انه يحبك من دون شك لكن لانك لم تبال به في اول الامر و هو المحب اولا ، كما اكدت انت فانه من الطبيعي ان يثأر لنفسه لما احس منك الميل تجاهه ،ستصير الامور ان شاء الله كما تشائين لكن بعد شيء من المعاناة ،و لتعلمي انه لولا هذه المعانات ما كان ليسمى ابدا حبا ،فالحب الاسمى هو حب مفعم بكل ارقى احاسيس الغيرة و الايثار و التقدير و الاحترام و …الخ من المعاني السامية التي جبل عليها بنو البشر، بشيء من التروي و كثير من الصبر و طول النفس مع احترامك لنفسك قبل غيرك بمعنى اوضح اياك ان تكوني دمية يلعب بها كيف يشاء و الا فان قيمتك الانسانية انا لا اقول قيمتك الدينية ،سوف لن يكون لها معنى ،و اتمنى لك من قلبي كل السعادة و الهناء يا اختاه من ادم و حواء .

  45. اميره
    23/04/2012 at 15:25

    متتعبيش نفسك معاه وانسيه لان الحب اخره جواز وهو مسيره يتجوز واحده من دينه وانتي كمان مسيرك تتجوزي واحد من دينك والعلاقه دي محكوم عليها بالفشل وهو ممكن يكون حس بكده لما ابتدى يتعلق بيكي وخلع عشان فكر في الموضوع شويه

  46. انا من جيل الثورة
    23/04/2012 at 14:58

    ربنا يبارك فيك يا اخي بادلها مشاعرها وتزوجها وادخل بيها الجنة والله فرصة كبيرة لا تعوض قال رسول الله صلى الله عليه وسلم ” لئن يهدي الله بك رجلا خير لك من الدنيا وما فيها ” وفي رواية انه لئن يهدي الله بك رجلا خير لك من حمر النعم ” فتزوجها واجعلها نصرة للاسلام سيفتح الله عليك وتكسب اجرا عظيما لا يناله كل الناس

اترك رداً أو حلاً لهذه المشكلة