مشاكل الازواج

مبقتش طايقه جوزي من نفوره مني

انا 23 سنه متزوجه من سنتين من بدايه الزواج والمشاكل بينا مستمره من تاني اسبوع في شهر العسل بدا يخرج مع اصحابه ويرجع ليا متاخر كان دايما يقولي ان انا السبب وكانت حججه انه مش بيرتاح في الشقه نظافتها مش عاجباه واحيانا بيقول انه بيشم مني رائحه اثناء الجماع او اسلوبي في الخلاف مش عاجبه وسافر بعد اول شهر زواج لدوله عربيه وكان بيجيلي اجازات وكنت في كل مره بجرب معاه طريقه مختلفه في التعامل وكنت بروح لدكاتره عشان اعالج الرائحه بالرغم من ثقتي في نظافتي الشخصيه بس كنت بعمل بالاسباب ومفيش فايده نفس الخلافات بتتكرر ومكنتش بحس معاه لا بحب ولا بامان وحتي احساس انه خايف عليا محسيتوش معاه بعد شهر من الجواز اكتشفت ان انا حامل ولما قلتله مكنش مبسوط بده قلت عادي ممكن عشان لسه ما استقرناش مع بعض عشان كده زعلان المهم عدت الايام وجبت بنوته والمشاكل بينا مستمره لا فيه مراعاه ان انا والده قيصري وتعبانه ولا كان فيه مراعاه منه ساعت لما كنت حامل كانت مشاكلنا غالبا عن ان انا عايزه اسافر واستقر معاه وهو بيجيب اسباب كنت بحاول اصدقها فحصلت مشكله اتدخل فيها اهلي واهله والنتيجه انه جابني زياره شهرين عنده وكانت مشاكلي وانا معاه بسبب خروجه المستمر لاصحابه وبيجي قبل وقت النوم بشويه يتعشي ويقعد علي الموبايل وينام واثناء الجماع مكنتش بحس اني مبسوطه لانه كان بيقفل وشه كتير زي مايكون تقضيه واجب وكمان عرفت ان ليه اصحاب بنات في الغربه كتير فكنت كتير بساله عن اذا كان في حد في حياته يحلفلي ويقولي لا كلهم اصحاب ومصالح كنت بعدي الموضوع ده وبحاول اصاحبه عشان يحكيلي كل حاجه بالرغم من اني عمر ماكنت مقتنعه بالصحوبيه بين الراجل والست وحصلت مشاكل كتير بسبب حوارات البنات دي وفي مره كنا بنتناقش عادي قالي كلام فيما معناه انه مش مقتنع بيا جسديا وعلشان هو بيحبني مستحمل ده وانه قرر انه يعيش معايا كروح بس مش كجسد و قعد يقنعني بحوار الزوجه التانيه وده مش معناه انه بيكرهني وانا انهرت في التليفون لاني حسيت ان السبب في فتوره معايا اني مش ماليه عينه بالرغم من اني علي قدر عالي من الجمال بشهاده ناس كتير وجسمي مش رفيع بس حجم صدري مش كبير وانا مش عارفه اتصرف ازاي فكرت اعمل عمليه تجميل بس انا مبقتش طايقه جوزي وبفكر حاليا في الطلاق بجديه

مشاكل وحلول ذات صلة

اضيف بتاريخ: Monday, November 23rd, 2015 في 19:17

كلمات مشاكل وحلول: , , , ,

6 رد to “مبقتش طايقه جوزي من نفوره مني”

  1. ابوالبتول
    13/09/2016 at 13:33

    اختي الحل في انك تطنشيه تماما وتنفري منه اثناءالجماع وتعملي زيما يعمل معك قوليه ريحتك مش كويسه ولاعاجبتني واهتمي بحالك وفي ابنتك الصغيره وعيشي حياتك مثل بقية الستات الاخرين اخرجي مع صديفاتك واقضى وقتك معهن حتى يحس هذا البني ادم بقدرك وقيمتك كزوجة وست بيت وصدقيني تصرفات زوجك توكد ان في حياته امراه اخرى وانه شخص خاين لايحترم الحياة الزوجية ولاعمره يصونها اويحافظ عليها ولاانصحك بالبقاءمعه من الافضل طلب الطلاق منه فورا حتى تصوني كرامتك والف من يتمنى الزواج بك الله بيكرمك بخيرمنه نشاالله تعالى

    قَـيّـم هذا الحل: Thumb up 0 Thumb down 0

  2. أم مهدي
    16/03/2016 at 04:42

    يمكن زوجك من النوع الي ماتحلى في عينه غير لما تكون لغيره … أنصحك شوفي حياتك وطنشيه ولاتضيعي حياتك وشبابك معاه ، اتمكيجي واخرجي تفسحي واعملي صاداقات نسوان وطنشيه وأقلبي عليه الدور يعني اذا قربلك أنفري منه وقوليلو ان ريحته وحشة وجسمه مش حلو وانك مش مبسوطة معه في الفراش خليه يحس بلي حستيه وإذا ظروفك تسمح اطلبي الطلاق وشوفي حياتك مع إنسان يقدرك

    قَـيّـم هذا الحل: Thumb up 4 Thumb down 0

  3. مها
    22/12/2015 at 15:22

    يا بنتى اطلقى منه ايه زواج روحى ده ده عبيط ولا ايه معذرة يعنى بس اطلبى الطلاق وتزوجى باللى يهيم بيك عشقا ويجعلك ملكة حياته

    قَـيّـم هذا الحل: Thumb up 3 Thumb down 1

  4. Mazen ali
    26/11/2015 at 10:52

    اختي الكريمة ….
    اسأل الله ان يصلح لك زوجك وبيتك ويصرف عنكما كل شيطان رجيم

    اكثري الاستغفار والذكر وقراءة القرأن
    فقلت استغفروا ربكم انه كان غفارا واكثري من الدعاء انه ربنا يصلحلك بيتك وربنا عمره ماهيخذلك كل المطلوب منك تعاملي مع الله بيقين و لا تجرب معه)

    قَـيّـم هذا الحل: Thumb up 2 Thumb down 0

  5. مجنون نسوان
    24/11/2015 at 16:31

    عزيزتي ارجوك ماتزعليش منى وتجاوبنينى بكل صراحة عن اسلتي لك في اجابتك عليها تجدي الحلول الكاملة لمشاكلك مع زوجك 1-هل انت وزوجك تعرفا بعض قبل الزواج وكم كانت فترة الخطوبة بينكما2-هل انت وزوجك كانت لكما علاقة جنسية قبل الزواج 3-هل زوجك يتعاطى مخدرات اوحشيش اوخمرة 4-هل زوجك يودي الصلوات المفروضة اويقرا القران 5- هل له تصرفات عدوانية معك اومع الاخرين سباب وشتايم وصراخ وعصبية زايدة في اجابتك على تلك الاسئلة بكل امانةوصدق تجدي الحل لمشكلة مع زوجك وفي النهاية تقدري تقرري مصير حياتك معه ام البقاء معه لاجل ابنتكم اوطلب الطلاق منه وان كنت افضل لك الانفصال عنه لانو لاخير في العيشة مع شخص خاين وسافل ولايحترم الحياةالزوجية ولايقدرها والخيارلك وفقك الله

    قَـيّـم هذا الحل: Thumb up 1 Thumb down 0

  6. Ahmed
    24/11/2015 at 11:44

    ثق بنفسك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة