مشاكل الازواج

بعد ضرب زوجي لي قررت اطلق منه

فتاه من اسره ميسورة الحال و متعلمه تعليم عالي و من مستوي ثقافي و اجتماعي عالي و بشتغل و بشارك في مصاريف البيت حصل مشاكل بيني و بين زوجي من بدايه الزواج و كنت بحاول اعدي المشاكل و اتجاوزها بكل عقل و بدون تدخل الاهل.. مره من المرات ضربني بالقلم ع وشي ووداني لابويا.. وابويا نبهه ان الغلطة دي متتكررش ابدا و ميضربني و صالحني و عديت الموقف.. بعد كام شهر كنت حامل و انا ف الشهر الثامن ضربني جامد جدا بالاقلام ع وشي و زقني جامد و جرني جامد و شتمني و اهاني جامد جدا و بلغني اني لو كلمت اهلي هبقي طالق و انا كلمتهم بالفعل لاني كنت تعبت و مقدرتش استحمل الضرب و خفت منه يضربني اكتر.. مع العلم ان المشكله لا تتعدي حد المناقشه او العتاب …
جه اهلي و اهله و غلط فيا قدامهم و غلط ف ابويا و بابا خدني عنده البيت و ابوه جالنا بعدها باسبوع و بيطلب ان ارجعله تاني و ببايا رافض لاني لو رجعت هو مش هيبقي مطمن عليا ابدا مع العلم انه من ساعه المشكله مفكرش يجي لابويا و لا حتي يكلمه …
انا قررت اطلق منه.. خايفه ارجعله تاني…
عايزة اعرف هو القرار دا صح ولا غلط.. ولو غلط طب ايه القرار ال لازم اخده…

مشاكل وحلول ذات صلة

اضيف بتاريخ: Tuesday, February 2nd, 2016 في 08:37

كلمات مشاكل وحلول: , , ,

3 رد to “بعد ضرب زوجي لي قررت اطلق منه”

  1. ام يوسف
    04/02/2017 at 00:34

    اولا مش معروف ايه سبب ضربه ليكي بس بعد ماسمعت مشكلتك اوعي ترجعه له لانه معدوم الضمير والحكمة

  2. قلم ومضة قلم
    23/02/2016 at 12:14

    أختي أنا بشوف إنّو تعطيل. فرصة عشان أنتي حامل منو هوا أكيد هيتغير بعد ما يشوف ابنو ،،

  3. مجنون نسوان
    02/02/2016 at 09:37

    شوفي يااختي الزواج مودةوالفةوتراحم واساس كل شئ هوالاحترام والتقدير بين الزوجين وده للاسف معدوم نهائيا عندزوجك الله تعالى يقول- وجعل لكم من انفسكم ازواجا لتسكنوااليها وجعل بينكم مودةورحمة – وقال ايضا- امساك بمعروف اوتسريح باحسانا- وقال الرسول الكريم- مااكرم النساءالا كريم ولااهانهن الا لئيم – وقال ايضا- استوصوابالنساءخيرا- خيركم لااهله واناخيركم لااهلي – والرجل الذي يضرب الزوجة ضربا مبرحالايستحق العيشة معه اوالبقاء عنده من حقكي طلب الطلاق منه دون تردد اوتاخير كي تصوني شرفك وكرامتك وكرامةاهلك وده هوالقرار الصح الذي مفروض تعمليه ومسالة انك حامل وفي شهورك الاخيرة تبقى في بيت اهلك حتى تضعي مولودك وتنتهي مدة النفاس بعدالولادة وهومخير اما يرجعك اذا قبلتي بالرجوع اليه او تقضي العدة كونك مطلقة وبعدهامن حقكي الزواج من شخص غيره وهوملزوم بالنفقة عليك وعلى مولودك ولاتسقط عنه النفقة نهاية حسب الشرع والقانون في هذةالحالة وربي يوفقكي ويرزقكي بالخلفة الصالحة ويعوضك خير في هذةالحياة

اترك رداً أو حلاً لهذه المشكلة