مشاكل البنات مع الشباب

افترقنا بعد ما رفض بابا الخطوبة ولكن

السلام عليكم انا بنت كنت بحب شاب واتقدملى للخطوبة وبابا رفض لانى لسه صغيره وخلاص من يومها وانا بعدت عنه ونسيته وليا 9 شهور مش بكلمه ولا اعرف عنه حاجه.
المشكله فين بقى ؟
المشكله انى شاعره وبكتب اشعار كتير اوى كتبت لا يقل عن 50 شعر لكن كنت كل مابكتب شعر بعطيه لحبيبى قصدى للى كان حبيبى وانا مش معايا منهم نسخه وبجد انا محتاجه اشعارى اوى وانا مش قادره اكتب اشعار تانى خالص ونفسى اشعارى ترجعلى نفسى احتفظ بيهم لنفسى.
فياترى اتصل عليه واطلب انى اقابله واخد اشعارى منه ولا لا؟
لكن انا لو اتصلت بيه ممكن يسجل رقمى عنده ويفضل يرن عليا كتير لانه الصراحه ماهيصدق انه لقانى لانى من يومها وانا اختفيت من حياته حتى رقمى غيرته.
وكمان لو قابلته ممكن تحصل مشاكل.
انا محتاره ومش عارفه اعمل ايه ممكن تساعدونى لو سمحتوا وانا وربنا اللى هتقولوا عليه انا هعمله وشكرا.

مشاكل وحلول ذات صلة

اضيف بتاريخ: Saturday, January 8th, 2011 في 22:37

كلمات مشاكل وحلول: , , , , , ,

13 رد to “افترقنا بعد ما رفض بابا الخطوبة ولكن”

  1. ابوالبتول
    20/01/2017 at 23:48

    انت تهمك الاشعار التي عندو الشاب ولاتهمك سمعتك وسمعة اهلك مافكرتيش في كلهذا وعواقب انك تتكلم معه او تقابليه بعد مارفضوه اهلك انسيه تماما ولاتفكري في الاتصال به لاي سبب مهما كانت الظروف انت باين عليك بنت محترمة ومتربية ومن عيلة كويسة لاتغلط غلطة العمر والشاب ممكن يورطك او يستغل اتصالك به ويوقعك في امور لاتحمد عواقباها ابدا بسبب تلك الاشعار المكتوبة اللي عنده اتركيها وانسي امرها تماما وحافظي على شرفك وسمعة اهلك والله يسترعليك ويصلح احوالك

    قَـيّـم هذا الحل: Thumb up 0 Thumb down 0

  2. ابواميرة
    09/07/2013 at 23:50

    اوعي تكلميه ابدا وخلي بالك انك لوتنازلتي وكلمتيه تبقافرطتي في شرفك وكرامتك وانسي موضوع الاشعاراللي عنده انت قادرةتكتبي غيرهاواحسن منهادامك محترمةلنفسك ولسمعةاهلك وربي يوفقك ويهديك

    قَـيّـم هذا الحل: Thumb up 0 Thumb down 0

  3. نور
    04/02/2011 at 13:46

    لا ياقمرمش تتصلى ولا تتكلمى لان فعلا فيها مشاكل وممكن انت الى تنحرجى وحاولى تكتبى انت وباذن الله ككلامك ده هيكون احلى من الى فات

    قَـيّـم هذا الحل: Thumb up 1 Thumb down 1

  4. زملكاوى
    13/01/2011 at 01:33

    ماهى مش هتبقى اشعار وبس
    دى ممكن تبقى مصائب
    لأنه بعد كدا هترجعوا لبعض بقااا وهتحصل مشاكل مع اهلك
    سيبك من موضوع الاشعار دا والمبدع بجد هو اللى يقدر يبدع ويعمل حاجات افضل
    اكتبى وابدعى وان شاء الله هتلاقى كلامك افضل من اللى فات

    قَـيّـم هذا الحل: Thumb up 3 Thumb down 0

  5. فيلسوف الصعيد
    09/01/2011 at 17:22

    انسي موضوع الاشعار ولا تتصلي به حتي لا تذكريه بالماضي وتفتحي مجال للكلام

    قَـيّـم هذا الحل: Thumb up 1 Thumb down 0

  6. الحبيب للرحمن
    09/01/2011 at 14:44

    انسى اى حاجه تربط بية لو مشعايزاه ولا اشعار ولا حاجه لانه سيرفض وهيتحجج باى شيء علشان يشوفك بيه
    فنصيحة انسى اى حاجه تفكرك بية والامر كلة مفوض ليكى

    قَـيّـم هذا الحل: Thumb up 0 Thumb down 0

  7. قلوب في الغربة
    09/01/2011 at 07:24

    لو ليكي أخ كلفيه هو يعمل كدا
    لو ما لكيش أخوات
    خلي حد من صحابتك القريبين تكلف أخوها بكدا.
    وعلى ما أعتقد إنه لو كان بيحبك ويحترمك
    هيديهمله على طول.

    قَـيّـم هذا الحل: Thumb up 4 Thumb down 0

  8. إسلام
    09/01/2011 at 03:30

    اياكى تتصلى بيه خاااااااااااااااااالص وإلا ممكن يكلمك بأسلوب يخليه يصعب عليكى وترجعيله وترجعى بعدين تندمى

    قَـيّـم هذا الحل: Thumb up 0 Thumb down 0

  9. ♣♥♣ فارس ♣♥♣
    08/01/2011 at 23:13

    ونعم البنت انتى والله برافو عليكى احترمتى نفسك واحترمتى اهلك و فعلا انتى ربنا هيوفقك جدا جدا ان شاء الله وبحييكى على قرارك وبارسلك رسالة شكر وتقدير على اخلاصك ووفائك لاهلك انا بكل صراحه من شده اعجابى برسالتك نفسى اقول لكل البنات يحتذو حذوك وردى على رسالتك انو انتى تبعدى تماما عن المشاكل والباب الى يجيلك منو الريح سدو واستريح لاكن انتى تقدرى تبعتى اى حد يجيبلك اشعارك من الشخص ده اكيد مش هيرفض حتى لو قال انا محتفظ بيهم طيب لو مرضاش يبقى تقولى لبابا هو الى هيروح وهيجيبلك كل اشعارك وتحتفظى بيهم لنفسك وربنا يوفقك ونصيحتى تستمرى على وضعك ده دايما وتحافظى على حياتك وحيائك ربنا يوفقك وشكرا

    قَـيّـم هذا الحل: Thumb up 2 Thumb down 0

  10. Just Peace
    08/01/2011 at 23:12

    السلام عليكم
    كلفى اى حد بالمهمه دى بدلا منكى يكلمه وانتى برضه تكلميه من سنتزال
    وتتفقوا انه الطرف ده هياخد منه الحاجات دى
    وشوفى
    وربنا يهديكى

    قَـيّـم هذا الحل: Thumb up 1 Thumb down 0

  11. semsem
    08/01/2011 at 23:00

    ممكن تكلميه من سنترال وتقوليله انك عاوزه الاشعار بتاعتك منه بس من سنترال مش من تليفونك وممكن تخلى حد تانى يكون ثقه يقابله وياخدها منه بس اوعى ياخد ويدى معاكى فى الكلام علشان باباكى رفضوا وخلاص انتى انسانه محترمه علشان قطعتى علاقتك بيه وربنا يوفقك

    قَـيّـم هذا الحل: Thumb up 0 Thumb down 0

  12. واحد وخلاص مش فارقه
    08/01/2011 at 22:49

    انتي واثقه من نفسك انك انتي مش هترجعيله لو قابلتيه ولا هتتحججي بالاشعار من الواضح انك هتقدري تبعدي ان شاء الله فلو هتكلميه متكلمهوش من رقمك ع الاقل لو مش هتعرفي تتصرفي من سنترال وتتفقي مع واحده صاحبتك انها تقابله وتاخد هي منه الاشعار او نسخه منها عشان لو هو حابب يحتفظ بنسخه وكده لو واثقه فيه بس وصاحبتك هي اللي تقابله وتاخد منه الاشعار وافق كان بها موافقش وقالك كلميني من رقمك ووحشتيني وكده يبقي انسي الاشعار احسن بس ياريت متجرحهوش ف المكالمه خلي بالك من كلامك معاه بس متكلمهوش من رقمك

    قَـيّـم هذا الحل: Thumb up 0 Thumb down 0

  13. ahlam
    08/01/2011 at 22:40

    اتسل بيه من هاتف عمومي وطلبي منو ان ياتي لبيتكم ويجيب معاه اشعارك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة