مشاكل التعليم الجامعي

في طب الاسنان ولا أحب التخصص الذي درسته

السلام عليكم
مشكلتي اني لما كنت في الثانوي ما كنتش عارفه عايزه ابقي ايه لما اكبر ولا ادرس اي تخصص في الجامعة
أنا كنت طالبة متفوقة جداً و كنت ادرس المواد العلمية و بعدين دخلت جامعة كويسة جداً و درست طب أسنان و رغم ان دا تخصص كتير من الناس بيتمنو يدرسوه بس أنا لم أجد نفسي فيه لقيت نفسي بقرف من شغل الأسنان و بكره شغل العيادات و بكره العيانين و اي حاجه في الكلية كنت بكره اخش المشرحة و اشرح الجثث بكره اعمل حشوات و بكره الدم و اللعاب و اي شي له علاقة بطب الأسنان و أنا بنت حساسه قوي
المهم اني واصلت في الجامعة و سقطت في بعض المواد و عدت بعض السنين عشان موضوع عدم الرغبة
وفي الاخر اتخرجت من الجامعة و المفروض اكون دكتورة اسنان …
أنا الان بفكر انو اغير مجالي تماماً و ادرس جامعة من اول و جديد بس المشكلة أن عمري راح في دراسة الأسنان و أنا حاسه اني لو درست تاني عمري حيضيع اكتر و الحياة مش كلها دراسة يعني أنا مفروض أشوف حياتي زي باقي البنات و احب و أتجوز بس الدراسة تاني أكيد حتأثر علي الموضوع دا أنا بصراحة عمري ٢٧ سنة يعني مش عارفه اعمل ايه
و في مصر مش حاقدر ادرس تاني عشان شهادتي الثانوية بقت قديمة يعني مفروض اروح ادرس في الهند او ماليزيا و كدا حتقل فرصتي جداً في انو القي عريس مناسب الموضوع صعب و مأثر علي نفسيتي جداً ياريت تنصحوني و شكرًا

مشاكل وحلول ذات صلة

اضيف بتاريخ: Friday, November 24th, 2017 في 01:20

كلمات مشاكل وحلول: , , , , , , ,

ردود to “في طب الاسنان ولا أحب التخصص الذي درسته”

  1. الباشمهندسه
    13/02/2018 at 20:51

    يعنى انتى فى مجال معين انتى مستميته عليه وشايفه انك لازم تدرسيه وحباه اوى ولا انتى بتقولى كدا على سبيل انك لسه هتكتشفى الحاجه الى بتحبيها وتدرسيه ف اولا انتى لازم تحددى الحاجه دى فعلا حباها من كل قلبك بتقدر تتعلميها بسهوله او عندك قابليه تعلمها وكدا ف حاولى تشوفى ليها كورسات او تدريب معظم الناس دلوقتى بتاخد كورسات وتشتغل بيها لو مالهاش حل غير انك تدرسيها ف توكلى على الله بجد ادرسيها وموضوع انك تلاقى عريس دا نصيب م انتى ممكن تشتغلى دكتوره وتقعدى فى بلدك وكل الى يتقدملك يبقى مش مناسب ليك لحد مثلا ماتتمى سن معينه هتندمى ةهتقولى ياريتنى كنت درست الحاجه الى عاوزاها كان زمانى مخلصه وفى نفس الوقت ممكن تشتغلى بشهادتك مع الوقت تحبى الموضوع وتقدرى تتاقلمى ف دى حاجه اتى هتقدرى تحدديها طبعا بعد ماتستخيرى وتدعى ربنا يوفقك للاصلح وموضوع الجواز دت نصيب متوقفيش حياتك عند نقطه عشانه و انا بس عايزه اقولك انى بدرس هندسه كهربا ومع الوقت اكتشتفت انى بكره المعدات الكهربيه وبكره الاسلاك او حتى اى كلمه فيها كهربا بكره القسم بطريقه بشعه وناويه لما اتخرج اخد كورسات لغه واشتغل مترجمه الحاجه الى انا حاسه انى حباها اوى بجد وربنا يوفقنا جميعا

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة