انا بنت عندي 17 سنه اتعرفت علي شاب في نفس المنطقه اللي ساكنه فيها عنده 23 سنه هو اللي بدأ وكلمني الموضوع بدأ انه جاب رقمي وكلمني وعرفني بنفسه وقالي انه كل يوم بيشوفني وهو يعرفني كويس اللي لفت انتباهي ليه في الاول اهتمامه بيا المهم اتكلمنا وشوفته كنا كل يوم نتكلم وهو يكلمني كذا مره في اليوم ويطمن عليا كنت بحسه مختلف وحسيته مختلف لان كان عندي اصحاب شباب قبليه بس كنا اصحاب بالاحترام .. واحد جارنا عرف اني بكلمه نصحني وقالي ابعدي عنه ده بتاع بنات ومش كويس بس انا مصدقتش وقولت لنفسي انا مشفتش منه حاجه وحشه ..اتكلمنا انا وهو في حاجات كتير تخصني وتخصه وفجأه بعد 3 شهور قالي بحبك وانا كنت في الوقت ده بحبه اوي واعترفنا بحبنا وهو كان كلامنجي كتير بيقول كلام حلو كتير كان دايما يسمعني كلام حلو اوي منه كنت بس اني طايره بحس ان ربنا اداني احلي حاجه في الدنيا بس لاقيت ان ربنا اداني حاجه مكنتش مستنياها ولا كنت عيزاها انا كنت متعلقه بالشخص ده اوي كان كل حياتي وصلت لدرجه اني مش عايزه حاجه تانيه غيره .. بعديها بشهرين لاقيت اهتمامه قل وان كلامه اتغير وتصرفاته اتغيرت معايا واجهته كذا مره وقولتله ايه السبب انت عرفت واحده قالي بصراحه اه بس انا معاها لغرض معين بقوله يعني ايه وايه هو الغرض ده قالي انا بنام معاها وهو موافقه وراضيه بكدا وعارفه ان انا بحب واحده تانيه والواحده دي هي انتي وانا والله بحبك انتي .. انا ساعتها مكنتش شايفه قدامي ازاي الانسان ده يعمل كدا المهم انا حاولت ابعد مقدرتش وهو مكنش بيديلي الفرصه ابعد كان بيقولي متبعديش عني انا عايزك والحاجه اللي بعملها دي انا عايز اعملها معاكي بس بالحلال والمشكله اني بصدقه وبصدق كلامه من غير تفكير وكان بيجي يقولي انا كنت معاها .. انا سامحته كتير بس تعبت و ساعتها طلبت منه ان هو لو بيحبني يبعد عن البنت دي وميعملش كدا تاني وهو قالي ماشي وكان بيقولي اانا يعدت عنها ومش بعمل معاها حاجه عشانك عرفت عديها من واحد جارنا يعرفه ان هو ولا بطل يعمل حاجه وكمان دخل في طريق تاني وهو الحشيش والمخدرات وبقي بيعرف بنات كتير المهم انا طلبت منه ابعد عنه وهو قالي انا كمان منفعكيش وهتلاقي الاحسن مني .. بعديها انا تعبت اوي وجاتلي حاله نفسيه ودخلت المستشفي ومكنتش بتكلم مع اي حد بس بعديها ربنا قدرني ورجعت لحياتي تاني فجأه لاقيته بيتصل وعايز يرجعلي بس انا رفضت بشده وقالي انه هيجي يتقدملي ويكلم بابا وانا قولتله انا مش عايزياك انا عمري ما هرضي بواحد حشاش وقفلت في وشه بعديها عيطت جامد اوي يعني الانسان اللي حياتي كانت معاه برفضه وبغلط فيه وانا كنت بتمني اكمل حياتي معاه المهم بعتلي رساله وقالي متزعليش من اللي هعمله بعديها بفتره جتلي واحده صحبتي قالتلي انه عايز يكلمها وهي رفضت عشان صاحبتي .. انا عارفه هو عمل كدا ليه قاصد يقولي ان لو انتي مش راضيه تكلميني في غيرك عايز وغيرك دي تبقي صحبتك .. بجد كانت فتره صعبه عليا اوي وحاسه اني مش قادره احب تاني ولا قادره انساه ولما بشوفه دلوقتي بيفضل يبوصلي اوي وبيحاول يلفت انتباهي بأي حاجه لو انا مكنتش واخده بالي منه ومن فتره لاقيت رقمه بيتصل بيا بس مردتش عليه وغيرت رقمي … يا ريت تساعدوني انا مش متخيله نفسي مع غيره كان اول حب في حياتي ومش عارفه احب بعديه وخايفه اظلم اي واحد واوهمه اني بحبه وانا قلبي مع واحد تاني ياريت المساعده..
الحب الاول
سامحت الحب الاول بعد ما غلط مع بنت بس هو زودها
اضيف بتاريخ: Thursday, January 13th, 2011 في 20:19
كلمات مشاكل وحلول: اصحاب, البنت, الحب الاول, الحب الاول, الحشيش, المخدرات, بنات, بنت, شاب, مشاكل الحب
طالما انك عرفت انه بتاع بنات وفاسق ومنحط واعترف لك بانه على علاقة مع البنت المتزوجة وينام معاها يعني زاني وبرضو مستمرة معو في العلاقة مافيش عقل ولاتفكير عندك زي البهيمة اللي تذبح لهذة الدرجة صرت فاقدة الكرامة والغيرة مش عارف ايه جرى لكم يابنات الزمن ده من السهولة بمكان ان الواحد يضحك عليكم ويتسلى بكم كيفما يشاء دون وعي ولاتفكير منكم بعواقب الامور لاشك ان عقلك مغيب تماما ولن تفوقي من الوهم والكابوس اللي انت فيه الا بكارثة تحل عليك وتهز كيانك ساعتها سوف تعرف انك كنت غلطانة جدا في حق نفسك وحق اهلك وسمعتهم وشرفهم وكرامتهم ابعدي عنه فورا لولسه عندك ذرة من الكرامة والحرص على سمعتك وسمعة اهلك واقطع تلك العلاقة المحرمة بهذا الفاسق الخاين الزاني المنحط نهاية وللابد وربنا بيكرمك بخير منه بابن الحلال الصالح اللي يستاهلك ويسعدك طوال عمرك
للاسف انت بنت ساذجةوهبلا ماتعرفيش مصلحتك فين لوعندك ذرة من الكرامةوعزةالنفس تهدديه انواذاماتركك في حالك هتبلغ عنه الشرطة وتتهمي بالاعتداءعليك ومحاولة ابتزازك وصدقينى الاشكال القذرة دي جبانة وتخاف يكفى انه بتاع نسوان وخمرةوحشيش ودي اقل عقوبة فيها 10سنين سجن مع النفاذ كوني شجاعةوقوية ودافعي عن شرفك وكرامتك وسمعةاهلك امام السافل الحقير الواطي ده وخليه يعرف انك بنت ناس محترمة مش زي البنات اللي يعرفهم وربنايكفيك شره ويحميك ويسترعليك ويخلصك منه على خير
بعدكلهذة البلاوي انه يتاع بنات وينام معهن وبتاع حشيش ومخدرات وكداب وسافل ومنحط وكل الصفات القبيحة فيه وبرضك تقولي احبه ايه الوقاحةوقلة الادب والتربية اللي انت فيها خلاص الدين والاخلاق والكرامة مالهم قيمةعندكم يابنات اليوم الواحدة ماتفكر الا بالمشاعرالكدابة والعواطف الخادعة وتجري وراءالشاب كالبهيمة اللي مش عارفة اي حاجة ولماتقع في شر اعمالها تصيح وتولول وتقول ياليت اللي جرى ماكان ولاشفته ولاعرفته وتلعن اليوم اللي جات فيه للدنيا احمدي الله انو كشف لك حقيقته قبل فوات الاوان وقبل ماتغلطي معه وتجلبي العاروالفضيحة لك ولاهلك انسيه نهايا وارميه وراءظهرك وكانك ماتعرفيه وحافظي على شرفك وكرامتك وكرامةاهلك ماتنخدعي بكلام ذياب البشر دول شياطين الانس من الشباب الفاسدين المنحرفين ربي يسترعليك ويصلح احوالك
الولد بيكسب البنت من كلمتين حلوين وبس وده اللي بياكل عقلنا ومش اي حد يقلك انا بحبك يبقي بيحبك يعني خدي المثل ده عندك مثلا (( المذيع اول ما يخش علي المشاهدين يقول اعزائي المشاهدين مع انه ميعرفش حد منهم))
شوفي ياحبيبتي اديك من الاخر الشاب هذا لايصلح لك نهايا اتركيه للابد واقطع اي علاقة معه وربي يحبك عشان كدا فضحه لك قبل ان ترتبط فيه وبعدكلهذا خيانة وزنا وحشيش ومخدرات وبرضو تفكري فيه خلاص مافي عندك عقل اوكرامة اتركيه لابارك الله فيه واشتري سعادتك وراحة بالك مع الرجل اللي يستاهلك ويسعدك
يا حبيبتى و لا يهمك على فكرة اتنى زعقلك نبي عشان كشفلك و احد زى ده على حقيقته فى الو قت المناسب بدل ما كان يمثل عليكى دور الحب و تتبطى بيه و تكونى فى مشكلة مع واحد حشاش وبتاع مخدرات و الله اعلم مصاب بالايدز ولا ايه و لازم تعرفى ان دى مش نهاية العالم قربى من بنا اشكريه و احمديه عشان انقذك من و احد زى ده و انتبهى لدراستك و و حياتك و حالك و اتخطبى و انسيه و بعد كده اسمعى نصايح الناس اللى حواليكى زى جارك اللى نصحك ربنا يوفقك يا عمرى
قولي الحمد لله و ابعدي بجد لا و مش بس كده انسيه كمان و انتقمي منه بانك تكوني انسانه ناجحه في دراستك و شغلك و مع اهلك و اصحابك و انتي لسه صغيوره الحياه قدامك طويله و شيلي من مخك حب اولاني و مش هنساه دا كان تجربه و تجربه فاشله كمان
لا و عايزه اقولك علي حاجه كمان موضوع البت اللي كان بينام معاها هوه اصلا كان عايز يعمل معاكي انتي كده و ممكن يكون قالك كده الاول لما لقاكي محترمه قال يستفزك اكتر انه يمشي معاها بجد لحد ما تقوليلوا انك موافقه تعملي معاه كده
و انا و الله قبلني ناس كتييير زي حكايتك دي و بتنتهي في الاخر بمصايب فبجد ابعدي احسن ما يجي يوم و تقولي للندم ياااااريت 🙂 و ربنا يحفظك يااارب و يحميكي منه و مهاما عمل و لا تتاثري و لا يهزك خااالص انشالله يكلم كل بنات الارض شوفيه و تجاهليه و لا كانك تعرفيه علشان تحرقيه
واضح من كلامك انك انسانة محتلرمة ورقيقة واتعلقتي بيه اوي بس ربنا اراد انك تشوفيه علي حقيقته وسامحيني انتي لازم تبعدي عن الولد ده لان مش يستاهلك وكل تصرفاته غلط وربنا يبعتلك الانسان اللي يقدرك ويستاهلك ولازم تعرفي ان الحياة تجارب بس الذكي هو اللي يتعلم وميكررش الغلط ربنا يوفقك
سبحان الله شيء جميل جدا ان كل الاراء اجتمعت علي شيء واحد ان هذا الشاب لايصلح ان يكون زوجا محبا ووفيا لانه بدأ حياته بالزنا والعياذ بالله بل واصر علي المعصيه وتكرارها بما لا يدع مجالا للشك انه لا يصلح ان يكون زوجا او ابا وكيف ستعيشين معه وانت تعرفين ماضيه السيء القذر ابعدي عنه فورا وانتظري الزوج الصالح الذي يتقي الله فيكي
شوفي ياحببتي
انتي لسا صغيرة وصدقيني بعد بضع سنوات أو أيام مو بس سنوات راح تفرحي كثير لانك تركتيه
إهتمي بدراستك ومستقبلك وانسيه وماتفكري فيه لانه باين كله غلط في غلط
انتي ربنا بيحبك لانه نجاكي منه ونورلك طريقك
حاولي تنصحي صديقتك وتفهميها الي حصلك منه
لاتفكري في اي علاقة مع اي شب الا لما تسألي عنه كثير كثير وإلا لما يدخل من الباب مو من الشباك
يعني يابنتي البنت مالها الا شرفها والراجل الي يتقدملك بالأصول يكون شاريك أكثر من الراجل الي حابب يقضي وقت وبس
حافظي على نفسك وعلى مستقبلك ..وخليها عبرة لإكمال مسيرة حياتك بشرف
ربنا يصونك ويهديكي لطريقه القويم
ياقمر ياعسل ياكتكوته انتى تبعدى عنو ومتفكريش حتى لو بصلك تديلو اهتمام ده واحد عايزك عشان مطلش منك حاجه فاهمه وكان بيقولك كده عشان كان مفكر انك ممكن تقوليلو طب اعملها معايا ده كلب وحشاش وصايع وانتى عارفه دا انتى المفروض تروحى تصلى ركعتين حمد وشكر انك بعتى عن الشيطان ده ربنا كده بيحبك وهو اخرو ياخد واحده زيو وانتى بكره ان شاء الله هتقبلى الانسان المحترم الى يدخل البيت من بابو ويطلبك من اهللك ويحافظ عليكى دنا عايزه اقولك مبروك انك بعتى عنو وخلى بالك من نفسك ديه اغلى حاجه عندك البنت من غيرها ولا تسوى حاجه صدقينى
صديقتى والله مافى شى أسمه الحب الأول ربنا حيرزجك من حيث لا تعلمين بالزوج والحبيب والصديق فى نفس الوقت صونى نفسك وصونى كرامتك قبل كل شئ وخليكى فى صوب الله حتكسبى وليض
بصى انا هجاوبك بكلمات تشفى الصدور
يقول المولى عز وجل
الزانى لا ينكح الا زانية او مشركه والزانيه لا ينكحها الا زانى او مشرك
انتى قولتى انه زانى شوفى انتى بقى
تعرفي هذا انسان اخطا كثير في حقو و حقك انت عيشي حياتك بعيدة عنو لساتك صغيرة رح تنسيه بس ساعدي نفسك عشان النسيان الاغلبية ان لم اقل الكل عاش الحب الاول و كثير منا فشل فيه فهو اول تجربة يمكن سبب فشلها صغر السن و انت الحياة ان شاء الله طويلة قدامك و عندك اولويات كثيرة دراستك تخطيط لمستقبلك و ااكدلك رح تنسيه باذن الله الا اذا ابيتي لانو اصلا مش ذكرى حلوة ذا عذبك و عذب حالو كثير
المهم ابعدي عنو و ربنا يوفقك
يا إبنتي الصغيرة إبتعدى عن هذا الشاب المدمن الخائن وهو من البداية عرفك بسوء أخلاقه وإنعدام دينه فلماذا تحبين شاب بهذه الأخلاق البشعة , أنت مازلتى صغيرة وبالصبر والأستعانة بالله تستطيعين العزم على البعد عنه وربنا يرزقك بالزوج الصالح الذى لا يرى فى الكون غيرك ويحميك ويصونك .
نصيحة اخت
اذا جاءكم من ترضون خلقه ودينه فزوجوه
بلاش تكلميه وربنا هيعوضك
الحل طبعا معروف هو انك تسيبية وتنسية ولو مش قادرة حبى تانى لانة هاينسيكى ………….ومافيش حاجة اسمها ما اقدرش وبعدين انتى لسة عندك 17 سنة يعنى لسة فى مرحلة مراهقة …………..وسدائينى مع مرور الوقت هتنسية ……………وبعدين افتكرى لة الوحش وافتكرى انة بكدا بعيد عن ربنا …….الحب مش كلام حلو وبس الحب فعل ………….بجد انتى غلطانة …..يا ريت تكونى هتعملى بالكلام دا واكون افاتك ………..السلام عليكم ورحمة اللة وبركاتة
اول احب وانتي لسه كتكوته 17 سنه وكمان المصيبه انك بتحبيه حب اعمي واهبل يعني مافيش فيه اي شي كويس ولا يرضي ربنا ولا يعرف طريق ربنا بتاع سستات وزاني دي حاجه ووقح وبتاع بنات وكمان مخدرات هاتتخلي حياتك معاه هاتبقه ايه الا حياة منحته وهاتتعبي معاه استعيذي من الشيطان ولو اتصل فيكي تاني هزقيه وانتي خحافظي علي نفسك وخافي علي حالك ده شيطان في صورة انسان ولا تزعليش لو فيه حاجه عدله كنتي ازعلي وازعلي وموتي علي فراقه انما ده مافهوش حتي حاجه تصبري بيه عليه
بين من طريقة كلامك أنو شخص بيلحق البنات انسيه وشوفى حياتك
بصى يا صاحبتى الاول لازم تعرفى حدودك معاه يعنى تعرفى حاجه اسمها الحب فى الله خلاص ………..
وعايزك تفكرى بعقلك شويه هل هو بطل الكلام ال كان بيعمله زى البنت ال بيكلمها والحاجات التانيه ولا ايه .وبعدين افكر ارد عليه فى التليفون واقله انا موافقه ولا مش موافقه وخلى بالك وانتى بتحكمى عليه ومتضحكيش على نفسك وتقولى انه بيحبنى وواجهى نفسك بال هو بيعمله لو كان لسه مستمر فيه ولالا لانك هتحكمى على حياتك معاه لو اتقدملك وحاولى تتقربى من ربنه هو هيجمد قلبك وانتى بتواجهى نفسك .وحكايه انك مش لاقيه نفسك مع حد تانى ده عشان انتى مشوفتيش حد غيره ونصيحه منى ابعدى نفسك لفتره عن الارتباط عشان تقدرى تفكرى صح عشان حالتك النفسيه دلوقتى مش مالظبطه حاةلى تشغلى نفسك باى حاجه زى الخروج مع اصحابك او المذاكره او اى حاجه . وبعد متهدى ابداى فكرى وبعدين قولى قرارك الاخير …..اخوكى اسلام
انت لسة صغيرة والامور دى تحتاج وقت للنسيان وانت كل ما تفكرى فى عيوبه هاتقرفى منه اكتر دا انسان بلا مبادئ يعنى يقبل يعمل الحرام اللى يغضب ربنا ومش بعيد انه كان يحاول يعمل دا معاك احمدى ربنا انه نجاك منه دا غير ان المدمن والحشاش دا شخص غير مؤهل لتحمل المسئولية شخص مغيب العقل يعنى ممكن تصدر منه اى افعال حتى القتل ماتضيعيش حياتك مع واحد كدةحب يعنى امل فى الجوازوالجواز يعنى حياة واطفال تقبلى يكون ابو اولادك مدمن منحل اخلاقيا وياريت ما تعمليش علاقات ولا تسمحى لحد يتصل بك لا هو ولا غيره اللى يحبك هو اللى يخبط على بابك واهلك يوافقوا عليه ساعتها هايبقى رسمى ومش سرقة من وراء اهلك بدل ما تتوجعى تانى الشباب دلوقتى بيتسلو وانت مش لب ولا سودانى للتسلية ولا ايه
بتحبي فيه ايه انسان لاعبي بتاع بنات , ابسط حاجة تخليكى تنسيه نهائي انه زانى , خارج من رحمه ربنا بيرتكب اكبر المعاصي وانتى الحمد لله بنت كويسة اوى وبتخافي ربنا ومتسامحة , للاسف هو مش هيتغير وهيفضل كده من بنت لبنت , وكل اما يحس انك بعدتى عنه هيحاول يرجعلك تانى لانك بالنسبة له نجمة في السماء بيحاول يمسكها بس لو ضعفتى هتخسري بصي لنفسك وقولى ده فارس احلامى
هو ده اللى هيكون ابو اولادى , لو قبلتى ارجعيله وافتكرى ان وقتها هتقولى يارتنى .
ربنا يحفظك ويصونك
صلى وادعى ربنا يرزقك بزوج صالح يحبك وتحبيه وقولى لو فيه خير ليا قربه لو في شر ابعده عنى وهتلاقيه نفسك هديتى وبالتدريج هتنسيه .
هو انا ليا رأى بس ممكن يكون قاسى شويه بس ياريت تستحمليه منى وتاخديه بصدر رحب وتقريه للأخر
اولا البنى ادم دا لو كان وحش بعيد بقى عن اى حاجه كل شاب بيعمل الصح وبيعمل الغلط بس التفكير فى المستقبل دا اهم من اى حاجه وكل شاب بيجى عليه لحظه ومواقف فى حياته بتبقى فاصله بيفكر فيها صح بيفكر فيها غلط دى بتبقى حسب الظروف اللى هو بيبقى فيها ساعتها لحظه ذى لما قالك انا منفعكيش وهتلاقى اللى احسن منى انتى متعرفيش كان هو مالو او فيه ايه ممكن يكون حاجه خانقاه او حاجه مضايقاه خلتو يفكر بأسلوب معين فى كل حاجه ودليل ان هو انسان محترم فعلا ان هو اول ما راجع نفسو وعرف انو غلط انو ضيع من ايديه جوهرة فعلا كانت بتحبو باخلاص وبصدق وهو يستاهلها وهى تستاهلو رجع وكلمك والمرة دى حب يدخل من الباب انتى ليه تقفلى الباب فى وشو الراجل شاريكى ومن كلامك انو هو كل تصرفاتو معاكى انو شاريكى وفضل شاريكى لاخر لحظه
وكل شاب ليه حاجات فى حياته بتبقى مش صح اه ممكن يعرف دى ودى بس دى ودى عارفين هما تمامهم ايه لكن اللى بيبقى فى القلب واااااحده بس ملهاش تانى هيا اللى الانساس بيقرر انو يكمل مع البنى ادمه دى حياتو وميسبهاش ذى ما هو كان عاوز يعمل وانتى للأسف سديتى كل الببان فى وشه.
انا اسف لو كان كلامى جارح ليكى بس انتى طلبتى رأى وانا دا رأيي المتواضع واتمنى انك تقبليه وتفكرى فيه كويس البنى ادم دا بيحبك بجد بجد بجد على حد كلامك وفعلا محدش لاقى حد يحيه كدا اليومين دول الحقيه قبل ما تيجى واحده متستاهلهوش تاخده منك.
seif
انتى طيبه جدا حظ قلبك وقعك مع واحد محترف حشاش وقح بيصارحك بخيانته وقله ادبه ويتمنى تكونى انتى الفريسه ::لسه العمر امامك وقلبك هايحب غيره بصدق وعاطفه رزينه ليست كالتى تمرى بها الان لانها عاطفه مراهقه وها تتأكدى من كده بعدين لما يدق باب قلبك إنسان محترم خلوق يحطك جوه عنيه ويقدرك انتبهى لنفسك ومستقبلك احسن *
انتي خلاص حليتيها لنفسك
بجد انتي ما شاء الله عليكي عرفتي تتصرفي وبذكاء
عارفة هو عايز يرجعلك اوي كدة ليه ؟؟
عشان مستكبر انتي اللي تختاري تسيبيه علشان هو كذا وكذا وكذا
انتي كدة صح
وربنا ان شاء الله هيوفقك ف اللي احسن منه ويستاهلك 1000 مرة
علشان بس معرفتيش حد تانى ادى لنفسك فرصة تحبى غيره ودايما افتكريله الوحش وعيوبه اكتر من مميزاتهدة ولد لعبى البيحب حد بيبقى مخلصله ويعمل اى حاجى علشان يثبت لحبيبه بجديةالحب دة اشغلى نفسك بحاجة ونصيبك واليستهلك هتلاقيه انشاء الله انتى لسة صغيرة
المشكلة معاكى أن ده كان حبك الأول
وطبيعى أن الحب الأول بيترك علامة فى القلب
لكن أوكد لك أنك هتنسيه تماماما مع ألأيام وتحبى بعديهأكتر من مرة
أنتى لسه صغيرة ياقلبى وربنا هيعوضك بالحلال إن شاء الله
وبجد احمدى ربنا أنه نجاك من شخص فاسد زى ده وبتاع بنات وما عندوش ضمير وبيدمر كل اللى قدامه
وإياكى ترجعيله لأنه بجد إنسان فاسد
ربنا معاكى ياقلبى
صدقينى يا حبيبتى انتى لسة صغيرة اوى وبلاش حكاية الحب والكلام دة دلوقتى وعن تجربة حب او ما يسمى بالحب خمس سنين اقولك ان الانسان يقدر يحب تانى وتالت بس صدقينى اهم حاجة تحبى واحد بس اللى هو جوزك ويكون انسان يعرف ربنا لانة لما يعرف ربنا هيتقى اللة فيكى لكن الولد اللى انتى بتقولى علية دة حشاش وبتاع بنات وشوية بس يطول اللى عايزة منك وهيرميكى صدقينى ابعدى عنة واعرفى انك لسة صغيرة جدا والحياة لسة قدامك وفكرى بعقلك اهم حاجة لان لو سبتى نفسك لقلبك بس هتخسرى كتير ودايما قبل ما تعملى اى حاجة فكرى هيا هترضى ربنا والا لا وربنا يوفقك يا رب
بوصى ياقمر حتى لوكان بعد كل الرف دة عايزيك انتى بردوا انسية انسية انسية لان حبيك لية معاة هيكون اكبر عذاب دة اولا مش بيستحرم ودى مصيبة وبيعرف بنات وانتى عرفتى هتعيشى طول عمريك تعرفى وترضى عشان الى بيتنازل مرة بيتنازل طول العمر عارفة انيك تعبانة وحاسة بيكى بس تعب شوية وتقابلى واحد تانى احسن منو احسن من تعب العمر كلة ابعدى عنو وانتى لسة صغيرة ياما هتقبلى فكرى بعقليك مش بقلبيك وربنا يوفقك ياقمر يارب
اختاى العزيزة انا من وجهة نظرى تبعدى عنه والله يسهله بصديقتك ده جواز مش مسابقة بينك انتى وصديقتك وربنا يكرمك باحسن منه
ازاى تقبلى على نفسك تجوزى ةاحد زانى زانى
وكمان حشاش
انتى ايه بتفكرى ازاى
ابعدى عنه نهائيا
وقربى من ربنا
وربنا يهديكى
اول حاجة بصراحة ومن غير زعل الانسان دة مش مناسب ليكى خالص ازاى لسه بتحبي واحد بيعمل كل الكبائر بيزنى وبيحشش وعلى فمرة لو بيحبك عمرة ما كان بص حتى لغيرك انا بحب ابن عمى وبقالى 4 شهور مشفتهوش وهتجنن عشان يشوفنى والله كل يوم بحس ان حبه ليا بيزيد هو محبكيش اصلا وحتى لو حبك فعندة اولويات تانيه ويوم ما تفكرى فيه افتكرى الخيانه ال خانهالك وانصحى صحبتك واحكلها على ال حصل منه من نحيتك ويوم ما تتخطبي لواحد بيحبك وتشوفى بيعمل قد ايه عشانك عشان تضي عنه وعشان تحبيه هتنسي التانى دة خالص وبالعكس هتندمى انك حبيته وضيعتى وقت معاها وهتحبي خطيبك وربنا يقويكى اهم حاجة افتكرى ال عمله فيكى والخيانه وحاول متفكريش فيه كتير
نصيحتى ناتجه عن تجارب سابقه من امثال هذا الشخص لو عايزه نصيحه جاده هو مينفعكيش لانو ممكن اى واحد يتوب عن الى بيعملو ما عدا بتاع المخدرات لان عقلو خلاص اتدمر واتلوث حتى لو يحبك ويموت فيكى ولو جينا لتحليل قصتك هو كان عايز يعمل معاكى الى بيعملو مع البنات وينام معاكى لاكن مجاتلوش الفرصه وابتدا يكلمك ويقولك انا بنام مع واحده وهيه عارفه انى بحب غيرها كان عايز يلفت انتباهك انو عايز ينام معاكى انتى بس مكانش قادر يقولها كان عايزها تيجى منك انتى لاكن ربنا وقف جنبك وحافظ عليكى يمكن كمان علشان ربنا اراد انو يحفظ اهلك من الفضيحه وبالنهايه بقولها صريحه اى انسان ممكن يتوب الزانى ممكن يتوب السارق ممكن يتوب المرتشى ممكن يتوب النصاب ممكن يتوب ما عدا الى بيتعاطى مخدرات ده يستحيل يتوب ولو فعلا اتقدملك واتجوزتيه والله لتكونى عرضه للضرب والاهانه و اكيد الطلاق فيما بعد انتى اخذتى موقف كويس خلك على موقفك هو يحب صاحبتك حتى يتجحوزها مش مهم الاهم انك تاخدى بالك من نفسك وبيكفيكى صدمه خلتك تروحى من اجلها المستشفى مش عارفين الصدمه الى بعد كده ممكن تعمل فيكى ايه ممكن تقضى عليكى تماما انتى كده حره نفسك وبكره لما يتقدملك الى احسن منو تعرفى انك فى يوم من الايام قلتى لواحد بحبك وهو مكانش يستاهلها من قلبك الطيب ده ربنا ويفقك وشكرا
طبعا ابعدى عنة لان دة واحد مش امين ممكن لو اتجوزتية يعمل كدة مع غيرك وانتى مراتة يبقى تبعدى دلوقتى ولا تبعدى بعد الجواز انتى دلوقتى مش خسرانة حاجة لاكن لو اتطلقتى هتخسرىة كل حاجة ابعدى عنة دة مينفعش يبقى زوج يعنى مش بنات بس دة كمان حشيش ومخدرات بلاش يا حبيبتى اخترى الزوج الصالح المحترم اللى يحافظ عليكى وبكرة تنسية انتى لسة صغيرة اوى حافظى على نفسك وربنا يبعد عنك الوحش وتتجوزى احسن منة على الال يعرف ربنا مش زانى وكمان حشاش