مشاكل الحب الفاشل

حياتي ادمرت بسبب الحب

انا هحكي حكايتي بأختصار يمكن تكون عبرة لاي بنت و تتعلم منها , من سنتين اتعرفت علي شاب علي النت و حبيتو اوي و ارتبط انا و هو وهمني انه بيحبني و وهمني انه ممكن يكلم ماما و بابا و يحكيلهم عن علاقتنا و وهمني بالحب لدرجة انه كان بيسافر مخصوص علشان يجي يشوفني من بعيد كمان بس و اتعلقت بيه بدرجة كبيرة جدا و بدا يلغي شخصيتي و يأثر علي ثقتي في نفسي لحد ما بقيت بجد مقدرش استغني عنه و في الوقت دة قرر هو اللي يبعد عني و بعد محاولات كتيرة للصلح بينا كان بيرفض مع اهانتي و جرحي بس كنت مش قادرة استغني عنه لحد ما بعدت انا عنه رجع كلمني هو و طلب نكون اخوات و فضلنا فترة طويل اوي يمكن سنة بنتعامل تحت مسمي الاخوات لكن كل كلامنا فيه مشاعر تانية و فيه غيرة و حجات كتير و خلاني اتعلق بيه اكتر لحد ما وصل تعلقي بيه بدرجة تخليه يذلني ببعده عني و جرحه ليا و هو بالنسبة لي كان كل حياتي بسببه خسرت كل الناس و لحد ما قررت في يووم اني هقول لا و هبعد عنه و هو كمان قرر في نفس الوقت انه يرتبط و يحب غيري اضطريت اقوله وقتها اني اتخطبت علشان ابعد عنه بكرامتي و فعلا بعدت عنه لكن ضعفت و رجعت كلمته و انا بعيط و في حالة انهيار خلاني اعترفله بحبي و بكل حاجة بدا يجرحني و يذلني رغم انه اعترفلي اني عمري ما كنت اخته بس بدا يجرحني و يقولي ابعد عنه و اعصابي تعبت اوي و قفلت معاه و انا في حالة انهيار بعدها بعتله رسالة علي الفيس بوك بهدلته بصراحة و خرجت كل احساس جوايا بس المرة دي كانت كلها احساسيس كره و احتقار و تهديد انه مش يقربلي و بعدت عنه للابد
بس كتير بحس باكتئاب و بحزن و بحس اني ضيعت سنتين من عمري مع العلم انه مستواه الاجتماعي اقل مني بكتير جدا و كان في استحالة للارتباط بينا و مستواه الثقافي بردو مختلف جدا عني يعني فيه فروق بينا كبيرة اوي في كل حاجة بس انا مش حسبت كل دة في حبي ليه و بجد تعبانة دلوقتي جدا جدا و كل ما بفتكر اللي حصلي بحس اني بكره نفسي و المشكلة انه ظهر واحد في نفس الوقت بيحبني اوي و بيتمنا لي بس اكون مبسوطة مش عارفة هل اكمل معاه ولا لاء و خصوصا انه مستعد يكلم ماما و بابا كمان فمش عارفة بجد اعمل ايه انا بتمنا ان حد ينسيني الجرح و الاهانة و يرجعلي كرامتي و ثقتي في نفسي بس بجد حاسة اني كارهة الناس و الحياة و كل حاجة و بحس اني لو انتقمت من الشخص اللي حبيته دة هرتاح ممكن تقوليلي انتقم منه ازاي اخد احقي و ارجع كرامتي حتي علي اقل

مشاكل وحلول ذات صلة

اضيف بتاريخ: Tuesday, May 15th, 2018 في 03:47

كلمات مشاكل وحلول: , , , ,

2 رد to “حياتي ادمرت بسبب الحب”

  1. Lonley One
    16/05/2018 at 14:23

    تحياتي لكِ أختي الكريمة ..
    يقال ان الحياةُ مدرسة .. لكن دروسها دوماً موجعة .. فها أنتي الان .. أستنفذتي جل مشاعرك على الشخص الخطأ .. وحينما ظهر الشخص المناسب .. تحولتي لنسخة كسيرة من قاتلك .
    لابأس اختي العزيزة .. فمن منا لم تجرحه سهام الغرام .. كلنا ضحايا المشاعر .. انما الان يتوجب عليك الحرص أكثر .. فالقلوبُ مدائنٌ .. لذا من المهم ان نختار قاطني قلوبنا بعناية .

    أسأل المولى تعالى لكِ التوفيق و السداد

  2. ابوالبتول
    15/05/2018 at 14:13

    شوفي يابنت الناس سبق وحذرناكم انتو البنات ان العلاقة من خلال النت تكون علاقة غير صحيحة ولاصادقة وبها الكثير من الكذب والخداع والتضليل ولكن لاحياة لمن تنادي نعم هذا الشاب كان يتسلى بك ويضحك عليك وعمرو ماحبك ولافكر في الارتباط بك وانما غرضه هو التسلية معك والعبث وضياع الوقت معك والحمدلله انك عرفت حقيقته قبل فوات الاوان وقبل ماتتورط معو في العلاقة دي لازم تاخذي العبرة والعظة مما حصلك في السابق ولاتقع في الخطا مرة اخرى وتحرصي على صون شرفك وسمعتك وسمعة اهلك وكرامتهم وتبعدي عن التعارف بالشباب والكلام معهم فهذة السلوكيات محرمة وغير اخلاقية وتجلب للبنت العار والفضيحة اصبري حتى ياتي نصيبك مع ابن الحلال اللي يستاهلك ويجي حسب الاصول ويخطبك من اهلك وبرضاهم وموافقتهم تحصلين على الخير والسعادة الدائمة طوال حياتك ربي يصلحك ويسترعليك ويكرمك ان شاء الله تعالى

اترك رداً أو حلاً لهذه المشكلة