مشاكل الحب الفاشل

حبيته بجنون وفى الاخر كله انتهي وخايفة

انا في الاول بشكر كل حد هيرد عليا او يديني نصيحة ربنا يخليكم يارب ومش يكتبلكم وجع في حياتكم
انا طالبة ثانوي عام عندي 18 سنة حبيت واحد هو يبقي قريبي من ناحية بابا اكبر مني بخمس سنين في كلية الهندسة حبيته من اول اولي ثانوي
كنت انسانة متدينة اووي وحافظة القرآن مع اني فى مدارس خاصة ومناهج امريكي كنت بكلمه وكانوا بابا ومااما عارفين اننا بنكلم ع اساس القرابة
وبعدين اعترف ليا بحبه وكلم اهلي ووافقوا بس اجلنا الموضوع لاني اولي ثانوي وانا صغيرة كنت بحافظ اووي ع كلامي معاه بس ده كان بيضايقه
بس شهرين وبدا يتعصب ويعاملني وحش وقالي انهو لما يتجوزني هيعلمني الادب وهيضربني وهيجريني من شعري
لاني بقوله انه احنا المفروض نتشارك مش رايه بس للي يمشي وقالي الراجل للي هو بيقول وانتي تعملي من غير نقاش والا هيبقي بالعنف
قالي مفيش كلية علميه عاوز اي كلية عادبة علشان مش اشتغل وكده واقعد ف البيت علشان اشوف طلبانه وانه مش عاوز مراته تشتغل
وبعدين سبني علشان تمسكت بالكلية وانا كنت بحبه بجنون جالي انهيار عصبي وبدات اخد مسكنات وكنت هدمن بس الحمد لله بطلت
وبعدين رجع تاني وكان سامحته وكان مش بيحب بابايا ومامتي خالص ولا اخواتي بس كان بيقولي هما عادي بالنسبة ليا لا بحبهم ولا بكرههم
جه البيت عندنا هو واهله وبعدين اتخانقوا ع موضوع تافه وشتموا اهلي هو كلمني فى الفون وشتمني وشتم مامتي بالزات
اهلي عرفوا للي حصل والمكالمة دي وبابا شتمته وقاله مش ليه دعوة بيا دخلت تانية ثانوي وانا مصدومة من للي حصل
خسيت 7 كيلو وشعري بدا يقع وحالتي النفسية كانت وحشة اووي ونزل مستوايا ف المدرسة وكنت بدخل اطمن عليه كل يوم من االاكونت
بعد سنة من للي حصل ده بدات اتحسن شوية وجسمي بدا يتحسن بابا عمل عزومة كبيرة وف حكم اننا قرايب قولنا مش مهم اي حاجة المهم صلة الرحم بابا عزمهم بس مش جم وبعدين هو رجع ليا تاني وكلمني انا سامحته ورجعنا اتكلمنا بس الموضوع كان اوفر اووي اتكلمنا فون وشات
وانا كنت بقيت متساهلة كنت مدمرة وحياتي بايظة من حبي ليه قولته ع كل للي حصلي وعيطت كتير فى الفون علشان مش يسبني تاني
بددا يتجاوز معايا ف الكلام اووي وانا كنت اقوله يبطل علشان حرام ومش ينفع قالي فى الاول هتقولي كده وبعدين هتحسي انك مبسوطة
وطلب مني صور ليا وحاجات كتير غلط وبردوو كان بيكلم بنات تانية وبيخرج معاهم وقولت ليه كتير مش ينفع س قالي لما نتخطب مش دلوقتي
قالي انهوو لما نتجوز مش عاوز يعرف اهلي تاني وانا للي هروح ازورهم ف المناسبات مش اكتر وهو مش هيجي وكلام كتير غريب
وكان بيشتم فى اخواتي وانا اتخانق بس بنرجع نتصالح تاني المشكلة ايه علشان بجد انا اسفة اني تعبتكم ف القراية كده
اني خلاص سبته من اسبوعين لانه طلع انسان بشع بيكلم بنات ومش بيهمه غير نفسه وبيكره اهلي وانسان نرجسي وبيعاملني بقسوة وانا والله لو حد قالي كلمة ولو صغيرة بعيط وبزعل وحساسة من جوايا وهو استغل ده وكان بيضغط عليا المشكلة انه بيحكي لمامته كل حاجة وخايفة اووي يكون حكي ليها للي قاله ليا ف الفون او التجاوزات وهي تقول لعيلتي كلها علشان احنا قرايب ويبقي شكلي انا واهلي مش حلوو وبزات ان اهلي مستحيل يجي ف بالهم اني اعمل كده والله انا ندمت والله كمان مرة استغغفرت ربنا كتير وتوبت ليه وانا عارفة اني غلطانة بس انا والله كنت بعشقه وكنت بكتب ليه كلام حب ممكن يتعمل كتب وكان لما يبعد عني دقيقتين ممكن اعيط بجد انا مش عارفة ليه كده هو دلوقتي حب واحدة تانية ادي ف السن فى مدارس IG واسلوبها قريب من اسلوبي كله ده ف اسبوعين انا مصدومة بجد انا لحد دلوقتي مش عارفة اخرج من للي انا فيه بفكر فيه كل لحظة مش عارفة اعيش حياتي حاسة اني بكره نفسي اووي وامتحاناتي بدات وخايفة اخيب امل اهلي فيا بجد انا انسانة مش استاهل كل للي بيعملوه اهلي علشاني
الحمد لله ع كل حال اسفة ع الاطالة بس مش قادرة اصدق 3 سنين من حياتي راحوا ع حد شبه ده
ساعدوني الله يخليكم اخرج من للي انا فيه انا حياتي باظت اووي والموضوع مسيطر ع دماغي وبجد تعبت ..

مشاكل وحلول ذات صلة

اضيف بتاريخ: Sunday, January 11th, 2015 في 05:28

كلمات مشاكل وحلول: , ,

4 رد to “حبيته بجنون وفى الاخر كله انتهي وخايفة”

  1. mostafa
    11/01/2015 at 18:36

    اللي المفروض تعمليه هو إنك تقطعي صفحة الماضي خالص و تبدأي من جديد و متحطيش في بالك أي حاجة غير مستقبلك و و دراستك و نجاحك هو اكبر انتقام منه و لو حس انك ناجحة هيحاول يقربلك تاني و ده لأن هو شخصية ناقصة أصلا عاوز يكمل نفسه علي حسابك و متفكريش فيه تاني خالص حتي لو هددك في أسوأ الاحوال لو نفذ تهديده فأنتي مش هتخسري كتير و هيبقي منظره في العيلة زفت برضه يمكن اكتر منك لأن الراجل المفروض يستر علي بنات قرايبه مش يفضحهم و هما معاه ساعتها محدش من قرايبك هيدخله بيته تاني و هيعاملوه زي اللي عنده جزام , بس اسوأ حاجة ممكن تحصلك دلوقتي هو انك تفشلي هو مستني كدة بفارغ الصبر و هيعمل اي حاجة عشان تفشلي و هزيمتك ليه إنك تنجحي و اللي زي ده عمره ما هيوصل لحاجة

    قَـيّـم هذا الحل: Thumb up 2 Thumb down 0

  2. Soooo
    11/01/2015 at 17:50

    حبيبتي المهم أن تكوني عارفة أنه مش بيحبك اصلا ده كان بيستغل طيبتك وسذاجتك عشان يرضي غروره لازم تحبي نفسك أكتر من كده أنت ماتستهاليش أنسان مريض زية أحفظي مشاعرك للأنسان اللي هاتجوزية مستقبلا وعلى فكره ممكن بعد شويه تلقيه بيتأسفلك وعايز يرجعلك أوعي ترجعيله مهما هددك بصورك أو بكلامك مترخصيش نفسك أكتر من كده
    ركزي في دراستك وطلعي فيها كل طاقتك هي الوحيده اللي هاتنفعك في حياتك بعد ربنا هو فاكر أنك هاتفشلي في دراستك بعد ماتسيبيه وده كله عشان يرضي غروره
    رجعي علاقتك بربنا أحسن من الأول وركزي في دراستك وسيبك من خوفك من أمه أو كلامك معاه دي كلها حاجات الشيطان بيلقيها في قلبك عشان ماتذاكريش وتفشلي محدش هايتحمل فشلك غيرك أنتي
    أستعيني بالله وأتوضي وصلي ركعتين لله وأبدائي من دلوقتي بدايه جديده وأستعيذي بالله من الشيطان لما تجيلك الأفكر السيئه دي كلها مشاعر طبيعيه في فتره المراهقه بس بعد كام سنه كل ماهتفتكري الموضوع ده هاتضحكي وتقولي أنا أزاي حبيته

    قَـيّـم هذا الحل: Thumb up 4 Thumb down 0

  3. veratti
    11/01/2015 at 14:10

    هذا الانسان منحط وسافل و الله لايستاهل ولادمعة واحدة تنزل منك واستغل حبك له وطيبتك للعب بك
    ولااريد منك ابدا ان تندمي على اي شيء فقط لازم توقفي وتمشي على جروحك وتمضي لبناء مستقبلك ولاتلومي نفسك لانه راح يسبب لك الم فضيع
    لازم اليوم تستفيقي من احلامك ولتعلمي ان الكرامة هي اهم شيئ لازم تحافظي عليها والبداية تكون بنسيانه ونسيان حتى شكله وهذه الامور صعبة وليست مستحيلة كل شيئ يعتمد عليك يعتمد على ارادتك والتاكد من ان مصلحتك اليوم لاتقتصر في نسيان هذا الندل انما مصلحتك اليوم هو مستقبلك هذا الذي لازم تعيشي لاجله
    افتكري كل ذكرياتك الاليمة مع هذا الوغد كلها عندما تنتهي من استرجاعها رددي هذه الكلمة في نفسك كثيرا انا نسيتك ايها السافل وهذه توكيدات وتخيلي بعدها انك سعيدة حسي بالسعادة تسير في عروقك وعلى فكرة هذا علاج نفسي اثبت قدرته على تخليص النفس من عدة امور وتحفيز الطاقة داخل الجسم وفي نفس الوقت اختي الفاضلة اكثري من اكل الخضر الطازجة والفاكهة وراح تدعيلي لكن استمري على هذا البرنامج وانا اعدك في الاسبوع الاول تظهر النتائج لكن مدة العلاج 21 يوم فقط وراح تنسي امر هذا الحيوان حتى ولو وقف امامك مراح تحسي باي شيئ معه
    قبل ماتبدي هذا العلاج اجلي في غرفة هادئة ومظلمة للاسترخاء لاتفكري ابدا الا في قصتك معه افتكري كل شيئ وممكن راح تبكي او تحسي بالم لكن استمري في التخيل والتامل بعدها تخيلي انك كرهته انك تمقتينه حسي بهذا مثلا تخيلي انك معه وتنظرين اليه باحتقار وعيشي على ان كارهاته وحسي بهاذا
    بعد الانتهاء في نفسك كرري الان انا لاحبه انا سعيدة انا فرحانة انا بنت مرحة كرريها لمدة 21 يوم في كل مرة تفتكريها او عندما تفتكريه قولي فقط انا اليوم لااحبه انا اكرهه
    هذه التوكيدات ستدخل للعقل الباطن وستقوم بمحي تلك المشاعر بالتدريج ومن دون عناء ولاادوية ولا بكاء
    لكن لازم ارادت وفي كل مرة تضعفين افتكري ماسببه لك وانه لو كان يحبك لما تخلى عنك ابدا وكيف لعب بكرامتك وان عدت اليه مجددا فانت بنت بدون كرامة ولاكبرياء وهنا اقول تستاهلي مايحص لك
    لازم تتشجعي وماتتركي لمشاعر تدمر حياتك انا لم ارغب في لومك حتى لااضعف من ارادتك لكن لازم ضحي لانك كرامتك مست

    قَـيّـم هذا الحل: Thumb up 4 Thumb down 0

  4. hmstshoog
    11/01/2015 at 12:33

    و عليكم السلام انا مدايقة اوي ع الكلام اللي قريته يا حبيبتي انتي لسا ثانوية عامة و قدامك مستقبل كبيير جدا و مستواكي كويس و اهلك حواليكي و اسلوبك حلو ليه بقى تدي لحد زي كده مجال انو يشغلك عن الجمال اللي حواليكي و مش بتشوفي غير وحشية انسان نرجسي و اناني و انتهازي اللي ملوش خير في اهله ملوش خير فية الناس و انتي اهلك مش قصرين معاكي ف حاجة بس معليش انتي غلطتي في حقهم مرتين مره لما كان يشتمهم وانتي و لا انتي هنا و مره لما خنتي اهلك معاه في التلفون وفي المقابل هو مهتم باهلو وطالع فيهم السما لانهم اهله و مامته مش مقصر بيقلها كل اسراركم و ده مش كويس ابدا انتي هتحبي و هتنحبي و هتنسي و هتتجوزي و هتنبسطي و باذن الله بس انتي ثقي برب العالمين و ارجعي اكتر لدينك و على فكرة لما نحنا بنغلط و نندم ده دليل انو ربنا مشتاق يسمع صوتنا ونحنا بندعيه و نستغفره عشان هو مخبلنا حجات حلوه كتبير لم تتوقف الحياة على احد لا سيما واحد زي ده مش محترمك و بيستغل طيبتك و براءتك و حبك الشيطاني ليه بقول شيطاني عشان الشيطان مش عايزك تتركيه و تتحرري من تحكمه و ظلم و انتهاكاته استهدي بالله و انتي مش لوحدك خالص اهلك ثم اهلك ثم اهلك و على فكره كمان انا عن تجربه بقلك مفيش حد في الكون زي مامتك ثم باباكي ثم اخواتك هما الروح اللي الانسان بيتنفسها و هما سر سعادة الله ربنا يخليهم لينا يارب .. و ربنا يوفقك و يعوضك كوني على ثقة

    قَـيّـم هذا الحل: Thumb up 3 Thumb down 0

اترك رداً أو حلاً لهذه المشكلة