مشكلتى ان خطيبى عصبى جدا وحصلت مشكله مابينا وراح سبلى بالدين طبعا كنت مصدومه فيه على الرغم من انه ملتحى وسنى وتملى يظهر للناس انه متدين اوى واغانى لاء وتليفزيون لاء وحاجات كتير كده وهو معايا عادى جدا بيسمع اغانى وكل حاجه حتى اول خطبتنا تظاهر عليا بانه متدين اوى كده حتى صمم ساعتها انه يعلم الشبكه دينى وانا وفقت على كده لانى حبه كده وحبه تدينه ده بس لقيته بعد كده وانه وافق انه نعمل الفرح مش دينى وغير كده حصل مابينا كلام عن الجنس وانا كنت باخد موقف بس كان بيرجع تانى وبيتكلم وانا دلوقتى عرفت انه فى واحد جاى ونفسه اوى يرتبط بيا وانه محترم اوى وانا عارفه كده اوى ياريت حد يساعدنى لانى بجد مش عرفه اصدقه ولا عارفه اعمل ايه ؟؟؟بجد تعبانه اوى
من غير سؤال سيبيه فورا اياك تستمري معاه ابدا الكذب والنفاق وحش جدا جدا
خطيبك هذا شخص متناقض مع نفسه وغير ملتزم بالدين على الاطلاق ليس كل من اطال لحيته نقول عنه انه متدين وملتزم كل تصرفاته معك توكد انه بعيد عن الدين ولايعرف عنه شي يسب ويشتم بالدين وعصبي جدا ويتكلم في امور محرمة كالجنس انصحك بفسخ الخطوبة معه وربنا بيعوضك خير منه ولايمنع انك تفكري في الشاب الاخر اللي جاك اذا كان على دين وخلق بالفعل ومحترم ومن عيلة كويسة ربي يجعله من نصيبك
إبتعدى عن هذا المنافق وافسخى خطبتك معاه فورا بلا تفكير أو تردد..انا اعرف شخص مثله عادى جدا حتى لا يصلى الفروض ويفعل كل المحرمات وقبل ان يذهب لخطبة أى فتاه وخصوصا اذا كان أهلها من الأغنياء يقوم بتربية لحيته ويبدأ بالصلاه فى المسجد المجاور لمنزله عشان تطلع عليه سمعه انه شاب متدين فلما ييجى اهلها يسألوا عليه فى منطقته فالناس تقولهم دا شاب متدين وخلوق فيطمئنوا له ويعطوه إبنتهم