مشاكل الخيانة الزوجية

انا وزوجة صديقي

بسم الله الرحمن الرحيم

اخواني الاعزاء مشكلتى ان ليا صديق محترم بعرفه كويس وبعد فترة اتعرفت علي زوجته  في شغل واتبادلنا ارقام الموبيلات علشان الشغل وبعدين ارسلت لي رسالة  وقالت انى مش انا المقصود ده بالرسالة ولكنى ظننت انها دى كانت اول حاجة عاوزة تعملها علشان تتكلم معايا وبعدين بدات تتكلم كتير معايا وبصراحة انا اعطيتها الفرصة وخليتها تقرب منى للعلم انا متجوز وعندي طفل وهي معاها طفلان واقر واعترف انى ارتكبت ذنب وانى خنت صديقي باقامة علاقة واتصالي بمراته بس ربنا يشهد انه كله كان مجرد تليفونات وساعات اقابلها المهم اني كنت بخاف عليها وهي بدات تدخل عالم النت وتقيم علاقات وتتكلم كلام كتير مباح وغير مباح وبدات تقابل رجالة في محافظات اخري بسبب سفرها لهذه المحافظات ولما نصحتها وقولتلها انى خايف عليها زعلت منى ومن اسلوبي وبطلت تكلمنى وبرضه مازالت تكلم الرجالة وتمشي معاهم وفيه كلام كتير هي مسئولة عنه معرفش هل هي مشوشة ولا غير متوازنة مع العلم ان زوجها راجل طيب ومتدين بس للاسف انه مريض بالسكر والضغط والقلب ربنا يشفيه وروماتيزم ربنا يشفي ويعافي وانا الان بعدت عنها واستغفرت ربنا وبقيت احافظ علي بيتى بس مش عارف اعمل معاها ايه هل اقول لزوجها ولا ايه بس مش عاوز جوزها يعرف انه انا اللي بلغته بكدة وهي كمان مش عاوزها تعرف انه انا اللي بلغ زوجها واشهد الله ورسوله وملائكته انى كنت ولا زالت خايف عليها وعلي بيتها وكنت اسايرها عشان كدة  علشان خايف عليها وعلي بيتها هل هي مش متوازنة ولا ايه

ارجوكم افيدوني بالحل ورايكم وجزاكم الله عنا خير الجزاء

مشاكل وحلول ذات صلة

اضيف بتاريخ: Sunday, November 21st, 2010 في 21:28

كلمات مشاكل وحلول: , , , , ,

22 رد to “انا وزوجة صديقي”

  1. ابوالبتول
    06/10/2018 at 10:19

    بصراحة اعجبني رد -بلبل – واتفق معه في كل ماقال لك ياصاحب المشكلة وعايزك تبعد عن المراة دي وتهتم بنفسك واهل بيتك اياك ان تفضحها امام زوجها فالله عزوجل امر بالستر على عباده وماكش دعوة بها خالص فاحذر ان كيدهن عظيم فهذة المراة الخاينة قد تتهمك امام زوجها وكل الناس وتدعي انك كنت على علاقة معها وتفسد عليك حياتك الزوجية وتخربها لاني مررت بمثل هذة التجربة مع زوجة صاحبي واعز الناس لي كنت اشوفها تتكلم وتمشي مع رجالة غرباء ولما جيت انصحها تشاجرت معي وقالت لي انت مش ولي امري وماكش خص بي وكنت متردد هل اخبر زوجها صديقي او لا فلم اجرو على اخباره لاني خايف عليه من هول المصيبة وقد يفقد صوابه ويقتلها لو عرف حقيقتها لكن شاءت الاقدار وافتضح امرها وضبطها جوزها مع احد الرجال وقام وطلقها لانها لا تقدر الحياة الزوجية ولاخير فيها

    قَـيّـم هذا الحل: Thumb up 0 Thumb down 0

  2. الفهدالاسود
    29/02/2016 at 23:30

    اخي انت مالك صالح بها متوازنة ولامش متوازنة اقطع علاقتك بها واهتم بزوجتك واعلم ان الدنيا توالي كماتدين تدان يوم لك ويوم عليك ومسالة انها مرات صديقك والرجل مريض ولايعرف ان زوجته بتعمل كده وتتكلم مع رجالة وتخرج معاهم فمن الافضل انك تخلي احد يكلمه ويبين له حقيقة ماتفعله مراته من خيانة زوجية دون مايشعر اويعرف انك انت اللي تنصحه اوتجيب سيرتك قدامه عشان صاحبك مايفكر انك على علاقة بمراته وهي ممكن تتهمك وتفتري عليك وتقول لزوجها انك كنت بتكلمهاعبرالموبايل وتتصل فيهادائما النوع ده من الستات مثل الافعى تلدغ من بعيد وتبث سمومها القاتلة لكل من يحاول يفضحها اويجرح مشاعرها عليك واعي وحذر منها وتركهاوابعدعن شرها احسنلك

    قَـيّـم هذا الحل: Thumb up 0 Thumb down 0

  3. العاشق
    26/02/2015 at 18:05

    المثل الشعبي يقول- الباب اللي يجيك منه الريح سده واسترح -انته ايش لك بوجع القلب والدماغ اترك الخلق للخالق النوع ده من الستات مايتورع عن اي شي في سبيل تبرير افعالها ومش بعيدتتهمك انته ومراتك انكم تمارسواالرذيلةوتلفق لكم مصيبة هي والرجالة اللي تعرفهم لماتحس بالخطر وانهاافتضحت وانته السبب في فضيحتهادي هي مش خايفة من ربناولاعامله حساب لزوجهاالمريض المسكين ومش غريب انه عارف وساكت ومش قادرعليها انته مقصرت معهانصحتهاوجزاك الله كل الخير الهداية من ربناعزوجل انك لاتهدي من احببت ولكن الله يهدي من يشاء دعهافي شانها واهتم بنفسك وبيتك ومراتك وربك يصلح حالهاويهديهاوكل نساءالمسلمين

    قَـيّـم هذا الحل: Thumb up 0 Thumb down 0

  4. محمد
    28/01/2014 at 19:48

    ابتعد عنها
    واسترها
    وادعوا لها باخلاص ان يتوب الله عليها

    قَـيّـم هذا الحل: Thumb up 1 Thumb down 0

  5. ابواميرة
    27/01/2013 at 11:33

    اخي الفاضل من راى منكم منكرفليغيره بيده فان لم يستطع فابلسانه فان لم يستطع فبقلبه وذلك اضعف الايمان والساكت على الحق شيطان اخرس الواجب عليك يحتم اخبارزوجهابكل الحقيقة ولابدانك ترسل رسالة من رقم اخر وتخبره بماتفعل زوجته مع الرجالة وتاكدانك تعمل الخيرمع صديقك ولاتريد الا الصلاح والخيرله وربي يوفقك ويهدي مراة صديقك ويتوب على الجميع

    قَـيّـم هذا الحل: Thumb up 0 Thumb down 0

  6. KaLoOoSh
    05/10/2011 at 09:12

    هذة امرأة تعشق الغلط والحرام
    فهى تبحث عن كل ماهو خطأ فى حياتها
    وزوجها رجل طيب كما تقول فلا يخطر على باله ما تفعله زوجته
    ومريض وهذة الثالثة فقد يكون غير مهتم بها بسبب مرضه
    الافضل ن تخبر زوجها حتى يطلقها لانها لا تستحق ان تعيش معه

    قيم هذا الحل سلباً او ايجاباً: Thumb up 3 Thumb down 2

  7. فارس
    27/12/2010 at 19:20

    اسمع ياعم الحاج ابعد تماما عن الست دي وانت نصحتها خلاص كفاية كدة خليك في حالك وفي بيتك واسرتك وانت المهم ابعد عنها واوعى تقول لزوجها لأن ممكن هي تتهمك بانك كنت من ضمن الرجالة اللي تعرفهم وتدخل في مشاكل وممكن جوزها يطلقها وتكون انت السبب وجايز جدا تتوب وترجع عن طريق الشيطان الله يهدينا جميعا ده رأيي وانت حر والدنيا وجهات نظر .

    قيم هذا الحل سلباً او ايجاباً: Thumb up 6 Thumb down 0

  8. قلب كبير
    05/12/2010 at 13:26

    الحل رقم جديد كلام قليل للزوج ايحاء بان مراته ان يراقبها

    وياخد باله
    المفاجئه
    ان الزوج يكون عارف
    ومش قادر يتكلم علشان مرضه

    قَـيّـم هذا الحل: Thumb up 2 Thumb down 0

  9. essam
    29/11/2010 at 19:19

    لو كنت تحب صديقك ضحي من أجلة واشتري خط لايعرف رقمه وإرسل له رسالة منه بما تحب أن تقوله ولكن في حدود لكي لا تسيره على أن يطلقها وعندما تصل له الرسالة كن بجانبه لكي تهديء من روعه وتنصحه بما يفعل وتتشاوروا في الأمر بينكم وما المفروض فعله في هذا الأمر بكونك صديك له والله ولي التوفيق .

    قَـيّـم هذا الحل: Thumb up 0 Thumb down 2

  10. عاشقة القران
    28/11/2010 at 10:22

    من راى منكم منكرا فليغيرة بيدة فان لم يستطع فبلسانة فان
    لم يستطع فبقلبة وذلك اضعف الايمان)

    قَـيّـم هذا الحل: Thumb up 1 Thumb down 1

  11. توتي فروتي
    24/11/2010 at 22:07

    انا من راي مالكشي دعوه بيها ولا بزوجها لا من بعيد ولا من قريب اللي زي دي ممكن تلبسك مصيبه سوده وهادخل نفسك في مشاكل معاها وتقول عليك كلام ماحصلشي رنك فضحتها وبعدين اللي ربك سترك لاتفضحه ومتنساش معاك بنات دي نصيحه ابعد عن الشر وغني ليه وهو زوجها مش عارف اني زوجته بتسافر هنا وهناك وعارف اني السفر لوحديها غلط ربي يستر عليها وعلينا يارب امين

    قيم هذا الحل سلباً او ايجاباً: Thumb up 5 Thumb down 0

  12. ♣♥♣ فارس ♣♥♣
    24/11/2010 at 01:28

    المشكل الان اصبح فيك انت هيه تمارس الرزيله وغيرها كتير من البنات والنساء يمارسون الرزيله ولنفترض قولك صحيح وانها فعلا ممارسه للرزيله ليه انت مصر على دى بالذات دون غيرها من النساء والبنات ابعد عنها وعن زوجك لتوقع نفسك فى مشكله انت مش قدها وربنا يهديها لو كانت عاصيه وربنا يغفرلك لو كنت بتتجنى حتى لو قلت لجوزها الى فيه خصله يستحيل يتوب عنها حتى ربنا قال فى كتابه العزيز انك لا تهدى من احببت ولاكن الله يهدى من يشاء وشكرا

    قَـيّـم هذا الحل: Thumb up 2 Thumb down 0

  13. عبدالحكيم
    23/11/2010 at 23:10

    بسم الله والحمد لله والصلاة والسلام علي رسول الله صلي الله عليه وسلم

    ما ستره الله لا تفضحه ، إن الله حليم ستير

    بداية ، الحمد لله انك انصرفت عن التمادي في هذه المعصية ،

    وبعد

    ما تبقي عليك أن تنصرف عنها ولاسيما انك سبق لك أن نصحتها

    سواء الأمر غيرة أو أو أو أو … لا يعني شئ

    الواجب عليك ستر ما تعرفه عنها

    وفي ذات الوقت الإنتعاد عنها وعصمة نفسك من الإستمرار في هذا الزلل

    ولو أراد الله فضحها وكشف ما تفعله بزوجها لفعل

    فاتركها واعكف علي التكفير عما سبق لك وفعلت : بالإمتناع عن تكراره والتوبة والإستغفار

    وطلب الهداية لك ولها واتق الله اتق الله اتق الله في نفسك وفي اسرتك وفي زوجها وفيها

    والله المستعان ولا حول ولا قوة إلا بالله العلي العظيم

    وصلي الله وبارك وسلم علي سيدنا محمد وعلي آله وصحبه وسلم

    قَـيّـم هذا الحل: Thumb up 1 Thumb down 0

  14. واحد وخلاص
    23/11/2010 at 12:49

    اهم شئ انا بدات واصلحت نفسك وبعدت عن الحرام ثانى خطوة لا تترك صديقك يعيش مع زوجة خائنة افعل اى شى لكى يعرف الحقيقة

    قَـيّـم هذا الحل: Thumb up 1 Thumb down 0

  15. EloMMary
    22/11/2010 at 12:37

    يا رجل خليك فى حالك واتقى الله عز وجل فى بيتك واهل بيتك وابعد عن المواضيع اللى بتخرب البيوت.

    قَـيّـم هذا الحل: Thumb up 1 Thumb down 0

  16. صلوا على نبيكم محمد(مسلمه
    22/11/2010 at 05:27

    عرفت منين انها بتكلم رجال ثانيه غيرك هى حكتلك ولا انت غيرت لما عرفت ده وكنت بتحسب انك دنجوان عصرك وانها حبتك من اول نظرة كنت بتحسب انها بتحبك انت مخصوص ولكن لما عرفت بانك ذيك ذى غيرك غيرت عليها وهبيت تنصح زوجها علشان تبعد عن الرجاله دى مش كده

    قَـيّـم هذا الحل: Thumb up 2 Thumb down 0

  17. محمد
    22/11/2010 at 05:02

    لازم تبلغ جوزها ياءمة تكون مشترك في خيانته و الأهم إن كتمان الشهادة من أكبر الكبائر لازم تقله حرام عليك

    قَـيّـم هذا الحل: Thumb up 0 Thumb down 1

  18. بلبل
    22/11/2010 at 00:27

    انت خايف عليها؟
    وانت بلسانك قلت “وبصراحة انا اعطيتها الفرصة وخليتها تقرب منى للعلم انا متجوز وعندي طفل وهي معاها طفلان ~~~~واقر واعترف انى ارتكبت ذنب وانى خنت صديقي~~~~ باقامة علاقة واتصالي بمراته”
    ارجو من الله سبحانه وتعالى ان يتوب عنا جميعآ
    وعلى كل:
    عليك انت بالنصيحة فان لم ترد على كلامك سيبها
    لانه لو قمت انت بابلاغ زوجها مش بعيد “ودا من كيد النساء اللي مثلها” مش بعيد تتهمك انت امام زوجها بانك انت تتقرب منها وتقيم علاقات معها ووووو………. وتمثل دور الشريفة المسكينة البريئة المغلوبة على امرها

    قَـيّـم هذا الحل: Thumb up 2 Thumb down 0

  19. محمود 2222
    22/11/2010 at 00:19

    ممكن تبعت رسالة عن طريق التلفون بس تكون نمرة مش بتاعتك وتقول فيها كل شى لزوجها وانها بتمشى مع رجالة وتشرح كل شى هية بتعملوا وتلحقوا بالرسائل باستمرار

    قَـيّـم هذا الحل: Thumb up 0 Thumb down 1

  20. بودا طلعت
    22/11/2010 at 00:04

    الساكت عن الحق شيطان اخرس الواجب عليك ان تخبر صديقك بما يحدث انك نصحتها كثير ولم تستجب وسئقول لك شيء لو انك مكان صديقك هذا هل ترضي ان تكون علي عماك انقذ صديقك من هذا الوحل

    قَـيّـم هذا الحل: Thumb up 0 Thumb down 1

  21. صلوا على نبيكم محمد(مسلمه
    21/11/2010 at 23:25

    انت مالك متوازنه ولا مش متوازنه خليك فى زوجتك وبس يعنى هى كانت كويسه لما كانت بتكلمك انت واصبحت وحشه لما علمت انها بتكلم رجاله ثانيه ملكش دعوة بيها خالص دى لا زوجتك ولا امك ولا اختك وبلاش تعمل فيها الناصح الامين لانك من البدايه كنت خاين لصديقك وانتبه لزوجتك عشان ربنا ميعملش معاك زى ما عملت مع صديقك

    قَـيّـم هذا الحل: Thumb up 2 Thumb down 1

  22. مصلح...
    21/11/2010 at 23:13

    أنت السبب ياعزيزى..كان من البدايه لازم تفهمها إن اللى بتعمله غلط..حاول تلفت نظرها وتنصحها ..إن لم تستجيب هددها بإخبار زوجها عن سلوكها غير المتزن…..

    قَـيّـم هذا الحل: Thumb up 2 Thumb down 1

اترك رداً أو حلاً لهذه المشكلة