مشاكل الزواج

حبيت وخطبت وما معي فلوس اتجوز

السلام عليكم
حبيت احكي مشكلتي وبأختصار ما بحب اطول بالحكي, نفوت بالموضوع…انا حبيت وعمري 22 سنه حبيت سنتين واتفقت انا وحبيبتي انو نخطب بعد ما اخلص دراسه واشتغل عشان ما حد يجي يخطبها غيري,لانو اهلها كانو بدهم يجوزوها,طيب انا خلصت دراسه وظليت عاطل عن العمل سنه كامله بدون شغل والبنت بتستنى فيه اجي اخطبها المهم بعد سنه وجدت شغل بطلوع الروح والراتب كان مش كثير يعني ما بكفي الا لمصروف شب…ظلت البنت تحكيلي وينته بدك تيجي تخطبني وانا ما مجمع فلوس ولا معي مصاري اروح اطلب ايدهابعد ما اشتغلت ب 3 شهور طلبت ايدها وخطبتها بالرغم انو اهلها مش موافقين عليه لانو راتبي قليل بس البنت اقنعت امها وابوها ووافقو اخر شي….ظلينا خاطبين تقريبا 9 شهور وانا ما محوش شي للجوازابوها وعدني يجيبلي شغل مليح وانا تركت شغلي وسافرت عشان اروح على الشغل الثاني…بس يا ريتني ما تركت شغلي طلع كلو كذب ما شافلي شغل ولا شي كان حكي بس…وانا لحد هاذ اللحظه ما بعرف شو بدي اعمل عاطل عن العمل وبدون شغل ولا شي والبنت واهلها بضغطو عليه وبحكولي وينته بدك تتجوز…وانا ما بعرف شو بدي اعمل ما في شغل واذا في الراتب ما بكفي عشان اجمع فلوس واعيش وعلى فكره المهر انا لليوم ما دفعتو…
يلي عندو حل لمشكلتي يا ريت نسمع رأيكم وشكرا كثير على القراءه

مشاكل وحلول ذات صلة

اضيف بتاريخ: Monday, January 8th, 2018 في 22:39

كلمات مشاكل وحلول: , , , , ,

ردود to “حبيت وخطبت وما معي فلوس اتجوز”

  1. ابوالبتول
    09/01/2018 at 10:43

    شوف يااخي بدي قلك الصراحة البنت واهلها ماقصروا معك ابدا وافقوا على خطوبتك للبنت رغم ظروفك الصعبة وخلال 9 شهور من الخطوبة مش قادر على ايجاد شغل لك وتجهز نفسك للزواج ايش بدك اكثر من هيك والا عايز البنت تعلقها معاك مخطوبة طوال العمر مافي دين ولاعقل ولامنطق يقبل بهذا الوضع ابدا وحرام تظلم البنت معك من غير فائدة اذا كنت مش قادر على تحمل تكاليف الزواج واعباء المسوولية فافسخ الخطوبة معها وتمنى لها الخير والسعادة مع ابن الحلال اللي يستاهلها وبلاش تعلق البنت معك وتاكد ان ربنا بيعوضك ويكرمك طوال حياتك هتلاقي نصيبك مع بنت الحلال اللي تستاهلك وكل شي قسمة ونصيب واسال الله ان يرزقك من واسع فضله ورحمته وتلاقي لك عمل شريف تعيش منه ويسهل الله عليك ويسر امورك ويفرجها عنك ويكرمك بكل الخير طوال عمرك

اترك رداً أو حلاً لهذه المشكلة