مشاكل الشباب النفسية

لا اتحمل الضغوط واصبحت بلا شخصية

انا قصتي بدات من خمس سنين ..كانت طفولتي بريئة كنت وسيم جدا وشاطر في المدرسة كنت محبوب من الكل في المدرسة ومع الاصحاب لحد سن 15 سنة مراهقتي كانت بريئة كنت محترم ومحبوب مبعملش مشاكل لكن كانت شخصيتي قوية وسليمة ..بعد كده اتعرضت لمواقف غاية في السوء ..اتعرضت للاهانة وعدم الاحترام ..اتعرضت لابشع الضغوط النفسية والدي كان بيحرمني من حريتي كان ببصلي على اساس اني عيل وطفل ادامه ..في الاول لقلة معرفتي كنت بفتكر ان الغلط مني وانه هوا الصح ..بدات اغير من نفسي عشان ارضيه دا برضه والدي واكيد هوا الصح كدا لمدة تلات سنين ..اتغيرت ومبقتش افكر في نفسي خالص لدرجة اني كنت باقسو على نفسي عشان مأزيش والدي ..اوا اللي حواليا… مع مرور الوقت اصبحت بلا شخصية ..بالاصح ممكن اتهان من اي بني ادم …حتى نظرتي لنفسي بقت معدومة مع كترة الضغوط دخلت سكة العادة السرية وبقيت من فاشل لافشل في حياتي مبقاش في حد لي قيمة عندي ولا حتى نفسي ..ومع مرور الوقت حياتي بتتدهور .. وشخصيتي بتنتهي ..قريت في كتب التنمية البشرية لحد ماوصلت لستيفن كافي وانتوني روبنز عشان احل المشكلة دي ومش لاقي تغيير حقيقي ..ازدادت الضغوط والمعاناة وقوتي ومقاومتي ليها بقت شبه معدومة اللي منعني من الانتحار بجد ثقتي في ارق واحد في الكون دا كله هوا ربنا يا ترى هوا دا جزاتي قصاد طيبتي واحترامي مع غيري ..بالمناسبة انا في كلية هندسة كنت شاطر جدا ومع المشاكل دي اديني بعيد في سنة تانية ..انا خلاص تعبت جدا بقيت غرقان في السلبية اتحولت تماما …ارجوكم انصحو اخوكم ..

مشاكل وحلول ذات صلة

اضيف بتاريخ: Tuesday, December 28th, 2010 في 09:47

كلمات مشاكل وحلول: , , , , , , , , , ,

9 رد to “لا اتحمل الضغوط واصبحت بلا شخصية”

  1. محمد
    05/02/2012 at 10:51

    بص يا صاحبي .. انا تقريبا كانت عندي نفس المشكلة وكأنك بتوصف حالتي انا .. انت عارف اية اللي غيرني دلوقتي ؟!! لبست في الجيش ومن وقتها بقيت انسان تاني .. مبقيتش اسمح لحد انه يهيني او يستخف بطيبتي .. الحل هو الجيش الجيش الجيش الجيش
    ماتحولش تزوغ او تاخد تأجيل او معافاة .. حاول بقدر الامكان انك تلبس في الجيش
    شكرا

  2. رانا
    23/04/2011 at 01:31

    بس انا اختك هنصك شوية نصائح صغيورة بس مهمة حاول تاخد اى موضوع ببساطة حتى لو كان صعب 0 اخرج مع اصحابك وحب بجدوصلى وادعى ربنا وخلى كل اسرارك معاه صدقنى هيوقف جانبك بس اوعى تجرح حد

  3. زوووووما
    02/03/2011 at 16:26

    بص انا ليا بس تعليق علي اللي قال اقرا كتب للدكتور ابراهيم الفقي , مينفعش تقرا اي حاجه له لان كلامه هيحبطك اكتر عشان كلامه للناس العاديين اللي مش عارفين يوجهو نفسهم وطاقتهم , انما انت بتعاني من اكتئاب حاد ود.الفقي قال بنفسه كلامي ده .انا اعرف واحد صاحبي مر بنفس المشكله وكان متفوق جدا لحد سن المراهقه كل حاجه ضاعت منه لان السن ده كل حاجه اكتسبها الانسان بتظهر من حلو او وحش وحاله استمر علي كده حوالي من اولي ثانوي لحد تالته جامعه كان بيقول انه كل ما كان بيكبر همه بيخف اكتر واكتر بس عايزك تعرف حاجه انت انظلمت ظلم كبير وربنا مش هينساك وهيعوضك عن اللي مريت بيه بس المهم متفكرش كتير في حالك لانك هتتعب ومحدش هيحس بيك وحاول تخرج نفسك من جو البيت

  4. احمد كلية طب مصر
    21/01/2011 at 12:15

    إقرا لدكتور إبراهيم الفقي ولإنتة حتلاقي لٌلي بدك ياه والله معك

  5. momo
    30/12/2010 at 01:02

    غير كده فى مثل بيقولك
    احنا ولاد النهارده
    يعنى طلما ربنا كاتبلك تعيش يبقا الفرصه قدامك انك تتحسن و محدش ليه عندك حاجه
    بمعنى الى كان بيدك بالجزمه امبارح ممكن تديه بالجزمه النهارده
    الدنيا كده يوم ليك ويوم عليك بوههههه

  6. momo
    30/12/2010 at 00:57

    اقولك حاجه :
    انتا اتعرضت لجميع انواع الضغوط ياريت تحاول تهرب من الضغوط دى بس مش بجبن لأ بذكاء لأن انتا كده بتحافظ على حالتك النفسية و كمان تعرضك للضغوط دى تانى مش هيفيدك بحاجه بالعكس هيضرك بزيادة فى ظل الحالة النفسية السيئة هتبقا من سىء لأسوء و هتتعرض لأنهيارات عصبية مش هتفيدك بحاجه ولا خبره فى الحياة و لا زفت ضررها اكبر من مكاسبها
    فياريت تهدى على نفسك و تحددلك اهداف فى الحياة حاول تحقق منها على قد ماتقدر و ياريت ماتكسلش و لا تكبر دماغك هتلاقى تركيزك رجعلك وبدأت تفهم الدنيا صح وبدأت تحل مشاكلك بالعقل و بالهدوء وبعيد عن الضغوط الى بتأثر على قراراتك
    وياريت تعتمد على نفسك اكتر من كده و عود نفسك مش تشتكى غير للى خلقك لأن الشكوى لغير الله مزله

  7. نور عيني
    28/12/2010 at 22:54

    دا اكبر غلط ومكدبش عليك انت مش هاتتغير غير في فتره سنه مثلا صحاب شباب جدعه نزل اعد علي كافي كلام بنات من الجامعه اضحك هزر عيش حياتك مش مستاهله وربنا يعينك

  8. ahlam
    28/12/2010 at 19:01

    اول شيئ ياخي من خبرك ان شخصيتك ضعيفة نعم انت الي بتقتنع ان شخصيتك ضعيفة ولو قلت العكس ان شخصيتك قوية وعندك تيقة زايدة في نفسك وما فيش شيئ بيقدر يهزمك … كنت تعرف ان شخصيتك قوية
    لازمك تتيق ف نفسك وما تدكر ضعف شخصيتك لناس الي من حوليك وتنسى كل حدث لك في الماضي مع ولدك وتجدد العلاقة بينك وبينو وتضهر لو على انك انسان موتوق فيك ايوة صح كلنا نتعرض لاهنات بالصغر بس دا ما لازموما ياثر فينا ابدا انت انسان وانسان اقوة من طبيعة عشان هو بحرك بصباعو ما لازم تخلي طبيعة تتحكم فيك
    انت بتتكلم عن العادة السرية اد اعتبرنا ان من يعملها هو فاشل كنا اعتبرنا العالم كولو فاشل عشان الكل يكملها مش شباب بس بل حتى البنات
    اول شيئ انت بتبحت عن الحل عن مشكلتك والحل هو بيدك كما قلت لك دكر نفسك انك انسان اقوة من الطبيغة واقوة من الماضي واقوة من كلام الناس
    انت قولت ان اصحابك بهينوك وانت ما بترد عليهم تعرف ليش ؟ عشان انت انسان طيب وولد ناس مش عشان مشكل نفسي او ضعف منك خالص
    قسم وقتك حسب رغبتك وتعلم اشياء تفيدك اقرء القرءان والكتب وتعرف على اصدقاء جدد يفدونك وتفدهم ودخل مجال الرياضة وتعلم كل يوم شيء مفيد ولما توضع راسك على الوسادة افتكر شو سويت في يومك زين ومفيد وفكر في الغد شو راح تسوي فيه وهايك راح تجيب نتائج ان شالله حلوة
    افتكر انت قوي وفوق القوة وتعاملك مع البابا والاصدقاء هو لطف منك ومن طيبت قلبك واصلك بس مش ضعف او مرض
    تحياتي لك من اختك احلام

  9. snoop
    28/12/2010 at 18:25

    انت تبحث عن اطار اصلا يكون قالب للشخصيه
    ومن ثم تبنى بداخله شخصيتك
    ولا اجد احسن من تجربتى
    فكنت مثلك
    لكننى التحيت وحفظت القرءان
    والتزمت بايدلوجية اسلاميهومبادى واصبح لى هويه فجعلت منى ذو شخصيه
    كما ان التدين يحمى من الخوف من المخلوقات فهو شركى ومن الامعية ومن السكوت عن الحق
    ويامر بالنصيحه
    ستجد شخصيتك اقوى مع الله وانت متدين
    ستشعر بالقوة
    ستجد لك هوية ناجحه
    لاسيما ان الدين يحث على الاعمار فى الارض والاحسان فى الاعمال الدنيوية ايضا
    والله اعلم

اترك رداً أو حلاً لهذه المشكلة