انا عندي مشكلة في عدم معرفة التكلم مع الاخرين لكن ليس في كل الاوقات فمثل في البيت مع اسرتي و مع بعض من اصدقائي اتكلم عادي جدا لكن لا اعرف اتكلم مثلا عند مقابلة اخي بصديقة عندما اكون معة مبعرفش اتكلم ولا اقول اه وبردو لما حد يتريق عليا مبعرفش ارد علية زي ما يتريق عليا والايام دية في كذا حد من صحابي مطلع علية لقب لا اريدة يقلل مني امام اسرتي واقاربي كيف اجعلهم ينسون هذا اللقب او كيف ارد عليهم عندما يناديني به شكرا لكم ارجو الرد
مشاكل الشباب النفسية
شخصيتي مهزوزة لا استطيع التحدث مع الاخرين
اضيف بتاريخ: Sunday, August 10th, 2014 في 11:04
كلمات مشاكل وحلول: شاب, مشاكل الشباب
اخى عليك ان تتجنب الافكار السلبية وكن ايجابيا ولا تشغل نفسك بسخرية احد منك ودعك من الماضى وابدا من الان وكن شخصا عاديا قويا لا يهزك احد باستهزاءه
اخى انت خجول واذا ازداد هذا الخجل يصبح مرض نفسى يطلق عليه الرهاب فعليك ان تحاول التخلص من هذه المشكلةبالاختلاط بالاخرين وهذا من الاخذ بالاسباب مع الابتعاد عن المعاصى وعليك ان تتجنب الافكار السلبية وكن ايجابيا
السلام عليكم…طالما يمكنك التحدث مع افراد اسرتك وبعض الاصدقاء فالمشكلة ليست برهاب اجتماعي بل بالخجل الشديد امام الجمهور ويتوجب عليك قراءة وسماع الكثير من الفيديوهات من اليوتيوب وذلك بالعربي والاجنبي بكيفية التحدث امام العامة …لتتعلم كيفية ترتيب افكارك قبل التكلم وايماءات الجسد كاملة متمثلة بلغة الجسد ويمكنك الالتحاق بمركز ثقافي ينناقش كتب وافكار ومشاكل يومية ويقوم هذا المركز بمجرد الالتحاق به يقوموا بتدريبك …اولا سيكون الامر صعب وارتباكك كبير وبعدها ستتعود طبعا مع بذلك لجهد كبير في التدريب والاجتهاد
لازم تكن لك شخصية قويةمع اهلك وكل اصدقائك والناس الاخرين ماينفعش انك تيقي ضعيف اوجبان اوخايف شارك اهلك همومهم ومشاكلهم وتناقش معهم في امورحياتكم وكذلك مع الاصدقاءفي المدرسةاوفي الشارع شاركهم الاراءوالهموم وماتبقاش انطوائي اومعزول عن الاخرين وماتسمحش لاحدان يلغط عليك اويتريق عليك وردعليهم وماتخافش وماتسكت عن حقك في الدفاع عن نفسك مع اهلك اوالاخرين وخليك عاقل وماتتهورفي الرد وتلجاللعنف لا كون حكيماولبقاوذكيا وافهم الحياة كيف ماشيةوالاحترام والحلم سيدالاخلاق وربي يوفقك ويسعدك
انا مع محمد في ده لازم تبقى واد صايع من اخر كده متخليش حد يتريق عليك والى يتريق عليك اتريق عليه وخليه مسخرة اخر حاجة علشان محدش يتكلم عنك تانى ولو حد فضل يتريق عليك متعبرهمشى وشوف أصحاب تعرف قيمتك مش تتريق عليك الى أصحاب الى بجد ميتريقوش على صاحبهم بل يخلوا لصاحبهم قيمة عندهم فاهم
وربنا معاك
شوف اولا لو عايز تنجح لازم تشيل من دماغك فكرة ( انا مبعرفش ارد ) .. انساهاااا … اول حاجة لازم تحط فى بالك فكرة ( انا قادر اتكلم وارد ) فى اى وقت فضل الله الموضوع مش هييجى بين يوم وليلة لكن بالتدريج .. عيزك تشوف حد انت معجب بطريقة كلامه وتبدا تشوف الصفات المميزة فيه وتعملها .. وباختصار مش هتعرف تتكلم او ترد على حد الا لما يبقى عندك اقتناع كامل ان شخصيتك قوية وتستحمل .. بالنسبة للناس اللى بتقول انهم بيقولو عليك لقب مش عاجبك روح قولهم الكلام دا فى وشهم .. وبين انك بتتكلم جد ومتسبهمش الا لما تخليهم يبطلو الكلام دا نهائى .. حسسهم انك انت المسيطر هنا وان الكلمة كلمتك خلى عندهم شعور انهم لو منفذوش كلامك هيتعقابو عقاب مش هيعجبهم .. (دا طبعا مجرد انك تحسسهم بكدا مش تضربهم مقصدش ) .. دايما حط فى بالك انك تقدر تتكلم فى اى وقت وترد .. وبالنسبة لموضوع اصحاب اخوك متقلقش اصلا عادى انك متلاقيش حجات كتير مشتركة بينك وبينهم لان ممكن تكون شخصيتك مختلفة عن اخوك .. وبالتالى شخصية اصحابه هتكون مختلفة عنك .. عشان بالنسبة للموضوع دا انت مش محتاج غير انك لما تشوف حد من اصحاب اخوك تبتسم وتسلم عليه بصوت قوى وتسأله عامل ايه اخبارك وكدا ولو لقيت فكرة تتكلم فيها معاهم اتكلم فيها لكن حافظ بردو على هدوءك وصوتك القوى .. وبالنسبة للقب دا متسكتش عن حقك هما لو صحابك بجد لما يشوفوك بتتكلم جد فى الموضوع دا هيقدروك