مشاكل الشباب النفسية

مش عارف اتأقلم واصاحب في مدرستى الجديدة

أنا رحت مدرسة جديدة دبلومة امريكية .. مفيش اى مشاكل بقابلها غير انى مش عارف اندمج اوى مع الناس زى ما كنت مندمج فى مدرستى القديمة .. بحاول بس مش عارف .. المشكلة ان احنا 3 اعمار مع بعض ( الفسحة و الرحلات مع بعض ) اولى و تانية و تالتة ثانوى فا الولاد بتوع تانية و تالتة بيصاحبو بنات من عندنا .. انا مش عارف اتكلم اوى مع البنات غير كلام بسيط خالص لكن معظم الباقيين بيعدو مع بعض و بيتكلموا .. تانى حاجة انى عشان شوية خجول فا مش عارف اظهر شخصيتى ( مش ببقى على طبيعتى ) فا مفيش حاجة ملفتة فيا .. فى مشكلة كمان ان بتوع تانية و تالته ثانوى فى منهم صايعين و بيشربوا حشيش و احنا هنبقى نطلع ف رحلة مع بعض ف انا خايف يتعاملو معايا معاملة مش حلوة يعنى ان انا مش ” روش ” زيهم .. يعنى من الآخر انا عايز يبقى عندى وضع فى المدرسة الناس بتحترمنى و بيحبونى .. اعمل ايه … ارجوالرد بسرعة و شكرا لتعبكم

مشاكل وحلول ذات صلة

اضيف بتاريخ: Saturday, October 24th, 2015 في 14:44

كلمات مشاكل وحلول: , , , ,

اترك رداً أو حلاً لهذه المشكلة