مشاكل الشباب قبل الزواج

كيف بدي اقاوم شهوتي واخلي علاقتنا حلال

السلام عليكم ورحمة الله وبركاته
.
اسمي م****
.
من الاردن
.
عمري ١٩ سنه
.
انا بحاله سيئه واتمنى واحد يسعادني وبكون ممنون ليه ليوم الدين
.
انا حبيت وحده من اربع سنين يمكن كنت صغير ، يعني كان حبنا من واحنا صغار ، وهساا هي مثل روحي وما اقدر اتخيل تخيل اني اتركها او ابعد عنها او هي تبعد عني، بحس حالي رح اموت اذا تركنا بعض ، والله ما بذوق النوم من وراها ولا هي بتذوق النوم من وراي اذا كنا متطاوشين ،، وما بقدر اخطبها لانوو انا لسا بدرس وهي بتدرس كمان ،، وصعب اني اخطبها وانا لساا مش مئسس حالي يعني لساا ما ثبتت على مصدر لرزق ،، البنت هي بتحبني وانا مثل الروح الهاا كمان ،، امها بتعرف هاد الاشي ، اكتشفت من 6 اشهر انو احنا علاقتنا الها 4 سني ،، هي مراه حكيمه وعرفت انو اذا حاولت تبعدنا عن بعض رح ننضر انا وبنتها كثير لدرجه انوو نمرض او يصير فيناا شيء من كثر حبنا لبعض ،،عزمتني انا وبنتها على العشا في مطعم واكثر من مره تخلينا نشوف بعض انا وبنتها وطبعا هي تكون موجوده ،، خلتنا نتقابل بوجودها احسن ما انو نتقابل من وراها ،، المراه هاي بتكون بنت عم ابوي يعني قرايبنا ،، يعني بنتها صعب انو اكون انا وياها بنقرب لبعض كثير ،، ولحد الان انا احكي مع البنت 24 ساعه ضحك وزعل ومسخره ونمزح ،، وكثير انا وياها نحكي فيديو ومرات نكون نضحك واحنا نحكي فيديو انا وياها ومرات امها معنا ،، والبنت تكون تحكي معي فيديو بشعرهاا ومرات تكون لابسه لبس شوي مش ساتر ،، المشكلة اني مرات اشتهيها للبنت واتمنى انوو يصير بينا تلامس ،، طلعت انا واياه مره دون علم امهاا وصار بينه حضن وتقبيل لاكن مش زي ما تفكرون كان حضن وتقبيل من كثر الاشتياق الي بينا ،، وصراحه انو مرات بكون في محادثات منحرفه بينا مثل بدي اقبلك بدي احضنك او انام في حضنك ،، والشيطان بكون اقوى مناا بس تخلص هاي الليله ،، بقول لازم ارجع لربناا وبصير اصلي انا واياها يومين ثلاث وبعديها بنعاود ننحرف ومرات اجبرها تتصورلي صور فاضحه ،، من قوة الشهوة الي بتكون عندي مرات تجاهاا ومرات بكون ناسي اشي اسموو شهوه،، وبكون اصلي وبكون خايف ربناا ،، بعديها بفتره شهوتي بترجع وبنسا خوفي من ربنا وما بهتم ،، وهاض اشي بخليني امارس العاده السريه بكثره يعني ممكن توصل اكثر اشي ١٠ مرات في اليوم
وهاد الاشي صار ياثر على نفسيتي كل ما احاول اترك الشهوه او اترك العاده السريه ،، مش عارف شو اعمل اقسم بالله اني تبت لربناا كثيرر ،، اغلط واتوب اغلط واتوب اغلط واتوب ،، مش لاقي حل انا ضايع ،، كيف بدي اخلي كل اشي حلال كيف بدي اقاوم شهوتي كيف اخلي علاقتنا حلال ومستحيل اقدر ابعد عنهاا والله مستحيل صعب جداا ، اتمنى انكو تساعدوني والله اني تعبت كثيير ،، وانا بحب هاي المخلوقه جدا ،واذا ما حكيناا مع بعض يوم عنجد انوو بنشتاق لبعض جدا ،،وما بنذوق طعم النوم ،، والله هي زي روحي ،، بعرف انو مشكلتي رح يحسها البعض تافه بس بتمنى ابن حلال يساعدني وانشالله في ميزان حسناتكوو

مشاكل وحلول ذات صلة

اضيف بتاريخ: Monday, July 9th, 2018 في 04:18

كلمات مشاكل وحلول: , , , , ,

2 رد to “كيف بدي اقاوم شهوتي واخلي علاقتنا حلال”

  1. ابوالبتول
    10/07/2018 at 19:10

    لاحول ولاقوة الابالله شو صار لك ياابني حرام عليك تعمل في روحك كلهذا علاقتك بالبنت دي حرام ولاتجوز واستغرب جدا ان امها تكون عارفة بعلاقتكما وتغض الطرف عن تلك التصرفات الغير اخلاقية اللي تحصل منكما معا ولافي ام محترمة تقبل بهذا على بنتها مهما كانت الظروف كانها تساعدكم على الوقوع في المحرمات ومثل اللي يجيب النار قرب البنزين ولايريدها تشتعل لوكنت فعلا تحب هذة الفتاة فصارح اهلك برغبتك في الارتباط بها وتقدر تخطبها رسمي وينتظروا لحين انتهاءك من دراستك في شباب كثيرون خاطبين وقدامهم 4- 5سنوات على الاقل حتى يكونوا انفسهم ويجهزوا للزواج وان رفض اهلك فكرة خطوبتك لها وانت في السن دي فلاانصحك بالاستمرار معها في هذة العلاقة اتركها واهتم بنفسك وركز في دراستك ومستقبلك ولاتجعل الشيطان يفسد عليك دينك واخلاقك ويوقعك في المحرمات مع هذة البنت وحافظ على صلاتك وتقرب من ربك اكثر واقرا القران وصوم واكثر من الاستغفار والدعاء والله بيجعلك فرجا ويرزقك من حيث لاتحتسب

    قَـيّـم هذا الحل: Thumb up 0 Thumb down 0

  2. مدمنة السهر
    10/07/2018 at 02:47

    لازم تقللو كلام مع بعض و كمان تشوفها بلباس لائق لا تطلب منها تخفف لباس لازم ترفض يعني فرضا ١٠ مرات تمارس كيفك مع الصلاة اكيد تاركها مشان هاد شي حط الصلاة اولى اولياتك كل ما تفكر بالعادة روح تتحمم بماء بارد وتوضا و صلي خلي عبكم عذري حبكم نقي طاهر ساعدو بعض للقرب من الله مش من الشيطان انتم لسه صغار مش رح قلها اخطبها وتزوجو و يصير كل شي حلال عارفة الامر مش سهل انت محروم من شي لهيك حاجتك الو كبيرة وانت قاعد تتعب حالك اكثر لما اشوفها وتحكي معها بالجنس كانك حطيت بنزين جنب النار تجنب كل الشبهات وصومو انتم الاثنين واكثرو من الدعاء قلوبكم بيد الله وهو القادر على كل شيء

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة