مشاكل الشباب قبل الزواج

حاسس ان خطيبتي باردة ومش بتحبني

انا خاطب من 6 شهور وفي مواقف حصلت وبتحصل حاسس انها مش بتحبني مثلا :
بتكلم معاها في انها تمنع الخروج في القوافل خوفا عليها من الحوادث بتقولي لا انا قولتلك ان انا بحب اطلع وبعدها بفترة قالتلي انا افتكرت انك عايز تشوف اني هسمع كلامك واللى لا ردها ضايقني ومش بتتصل تسأل الا لو انا اللي اتصلت
ولما بروح زيارة ليهم باخد معايا الزيارات يعني مش بدخل بيتهم فاضي الاستقبال بتاعهم كوباية شاي وبعض الاحيان كيكه بطلت ادقق على الموضوع ده لاني مش مستني حاجة منهم بس اللي اتأكدت منه انهم بخلاء وهي كمان مش بتكلمني عشان كده
بدأت اتكلم معاها كلام حلو يعني مش وحش زي وحشتيني انتي كذا بحس انها بارده معندهاش مشاعر نهائيا وردودها تصد انا كمان من النوع الحساس لو سمعت كلمة مش عاجباني مكررش الكلام ده مش هقل من نفسي طبعا وبتقولي مشكلتك انك رومانسي ؟؟؟
بدأت اناقشها في الكلام ده واني مش حاسس بيها بقت تقولي كلام بس حاسس ان الكلام مش من قلبها بمعني مثلا تقولي انت وحشتني وهي مفكرتش تسأل عليه برسالة حتى ولو سألت بتكون بعد مدة كبيرة ..بمعني اصح سلوكها غير الكلام اللي بتقوله
ولما بكلمها في التلفون او اعملها مفاجئة بتقول لابوها وامها اني كلمتها مش عارف ده صح واللي خطأ بس والدها بيقولها تقلل كلام معايا واحنا اصلا مش بنتكلم كتير حاسس ان القرار ده بتاعها كمان
سألتها اكتر من مرة انتي مجبورة على الخطوبة قالتلي لا بس مش حاسس اني في اولوياتها هي بتدرس في اخر سنة وانا مراعيها في الموضوع ده مش بعطلها بس بدأت اتخنق وقفلت وحاسس كأني مش خاطب
المشكلة بقي اني جايب شبكة وفي ناس بتقولي كمان لو انت فشكلت الشبكة هتاخدها هي مع اني مش كاتب كتاب ده اتفاق واحنا قولنا في اول قعدة ان لو مفيش نصيب بعد الخطوبة كل واحد يروح لحاله
شكرا معلش انا طولت عليكم

مشاكل وحلول ذات صلة

اضيف بتاريخ: Monday, September 24th, 2018 في 05:16

كلمات مشاكل وحلول: , , ,

ردود to “حاسس ان خطيبتي باردة ومش بتحبني”

  1. ابوالبتول
    25/09/2018 at 14:48

    شوف يااخي كل الكلام اللي حضرتك قولته عن خطيبتك دي يؤكد انها فعلا ماتحبك ولست في اولوياتها وسوف تخلق مشاكل ومتاعب لك بعد الجواز وربما يودي هذا الى افشال حياتكم الزوجية من البداية كل الاحتمالات واردة جدا وغير مستبعدة واظن ان فترة 6شهور خطوبة مدة كافية لكي تحكم عليها وعلى تصرفاتها ومشاعرها معك وعمرها لن تغيير طباعها ومشاعرها فيها نوع من البرود والجفا واللامبالة فمن الافضل لك انهاء تلك الخطوبة وكل واحد يروح لحاله ومسالة الشبكة ليست من حقها وهي من حق الزوج عند فسخ الخطوبة اذا كان دفعها لها على سبيل انها من المهر اما اذا كان اعطاها او وهبها على سبيل الهدية فلا يجوز له استراجعها

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة