مشاكل الشباب قبل الزواج

فرحنا قرب ولسه مش عارف اتعرف على خطيبتي

بسم الله الرحمن الرحيم يا اخوانا انا بجد مش عارف اعمل ايه انا قرات كتير من المشاكل واعجبتنى الحلول الجميلة لها وانا الان احتاج الى مساعدتكم ليا انا حبيت بنت وانا كنت فى الكلية ومكانش ينفع اخطبها علشان انا لسه فى الكلية والحمد لله ربنا كرمنى وخلصت من الكلية وبعدين ربنا يسرها وانا ربنا كرمنى واشتغلت وبعدين اتقدمت ليها واستمرت الخطوبة لمدة سنتين وطول السنتين دون مقعدتش معاه ولا مرة والله لانى ابوها وامها كانو دايما كل لما اروح يجلسو جنبى وميعطونيش لانا ولا هى فرصة ان نتكلم مع بعض فالمهم ربنا كرمنا وعملنا شبكة رسمى وفرحى بعد شهر ونص وامها مش راضية تخليها تتكلم معاى وكل اما اتصل بيها امها تقعد جنبها او لما اجى اكلمها على الاميل ابتاعها امها تجلس جنبها ومتخلناش نعرف نتكلم فانا مش عارف اعمل ايه انا لحد دلوقتى ما اعرفش اى حاجة عن خطيبتى ارجو المساعدة ومعلش لو كنت طولت عليكم والسلام عليكم ورحمة الله وبركاته

مشاكل وحلول ذات صلة

اضيف بتاريخ: Saturday, February 2nd, 2019 في 05:49

كلمات مشاكل وحلول: , , ,

2 رد to “فرحنا قرب ولسه مش عارف اتعرف على خطيبتي”

  1. س
    06/02/2019 at 02:15

    اتمسك بالبنت دي وربنا بيحبك انك ناسبت ناس زي دول لانهم محافظين واللي بيعملوه هو الصح ولما تتزوج ان شاء الله هتفتكر كلامي وسيبك من اللي بيتهم الناس ويتهم البنت بالباطل وكل ما في الامر انهم بيحافظوا علي بنتهم ولازم يكون فيه رقابه من اهل البنت ومحدش يقول اصلوا فين الثقه لا يا حبيبي الثقه حاجه ولما يتركوا اتنين مع بعضيهم حاجه تانيه لان الشيطان بيكون حاضر وربنا يسعدك بيها ان شاء الله

    قَـيّـم هذا الحل: Thumb up 0 Thumb down 0

  2. Peace
    04/02/2019 at 09:12

    يا حبيبي اخلع من الموضوع ده واوعي تكمل حتي لو بقالك ١٠سنين خاطب حياتك هتبقى تعيسه من اول يوم جواز.المفروض يسيبوك تتكلم معاها من اول يوم وتخرج وتعرفوا بعض تدخل امها ده وراه بلاوي.يا أما البنت دي عندها حاله نفسيه وامها بتوجيهها لحد ما تلبسها لحد.او البنت دي كان ليها علاقة ما حدش يعرفها غير والدتها ومش عاوزاها احكيلك وتتلخبط في الكلام معاك.يا ممكن تكون امها مبرمجاها وبتحركها وفي الحاله دي يبقى هتتجوز الاتنين يعني قصدي الاكل بأمر ماما النوم بأمر ماما المشاكل بأمر ماما ويا عالم ايه كمان لما تسأل ماما.شوف اخلع من الموضوع ده حتي لو هتسيب الشبكه اللي اشترتها واوعي تكمل حتي لو عملوا ايه اشتري نفسك وشوف اسره متفهمه وبنت طبيعية عشان انتا شكلك طيب وابن حلال دور علي اللي تبادلك كل حاجه وتحس انها سرك وسترك وربنا يوفقك انشاء الله.

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة