انا شاب وكنت على علاقة حب كبيرة جدا بفتاة لمدة 7 سنوات ومازلت احبها حتى الان واجهت مشاكل كثيرة جدا من الاهل ومع الرغم زاد حبى لها وبعد هذة الفترة مرة واحدة وبدون مقدمات طلبت الانفصال نهائى وبعد عاميين تزوجت مع الرغم بانها تعرف جيدا مدى حبى لها وبعد شهور خطبت انسانة بمعنى الكلمة ولكن حتى الان لم استطيع نسيان الاولى مما ادى اننى لم اعرف اقوم بعملى جيدا من شدة التفكير حيث اننى احبها حتى الان فما العمل اجيبونى
مشاكل الشباب مع البنات
خطبيت واحدة ولسة بحب الحب القديم
اضيف بتاريخ: Monday, December 20th, 2010 في 18:28
كلمات مشاكل وحلول: البنات, الشباب, حب, شاب, علاقة, فتاة, مشاكل الشباب, مشاكل الشباب مع البنات
ارضى بماكاتبه الله لك انا كان عندى نفس المشكله و بادلت خطيبتى نفس المشاعر وحبيتها اكتر ماهى بتحبنى كمان رغم انى كنت بحب الولنيه كتير جدا لدرجة انى كنت هموت نفسى علشانها حب خطيبتك وعيش صدقنى هتعيش في سعاده اكتر من الاول
مش حرام عليك البنت اللي خطبتها ذنبهاايه وانت قلبك وعقلك مع البنت اللي تحبهاوسابتك اتقي الله في بنات ناس وارضى بماقسمه الله لك في الحياة تعش سعيدامرتاح البال ربنايهديك ويصلحك
خلاص فكرفي خطيبتك دي مش حرام عليك ترتبط بها وعقلك وقلبك بيفكرفي القديمة بنات الناس مش لعبه ياباشا خليك راجل واهتم بخطيبتك وانسى الماضي خلاص انتهى وراح بلاش تدمرحياتك وتسي للاخرين وصدقني حتلاقي السعادةوراحةالبال مع الانسانة دي اللي خطبتها اذابادلتهانفس المشاعر والعواطف مثل القديمةواكثر وربي يهديك ويوفقك
هي اكيد في سبب علشان تنفصل عنك نهائيا وتبعد عنك كده بس هيا خلاص اتجوزت يعني مش ينفع انكوا ترجعوا لبعض تاني مش تتعب نفسك علي الفاضي اكيد ربنا ليه حكمه في كده ارضي باللي ربنا اختاروا ليك ومع الايام هتنسي شويه بشويه
انت ربنا كرمك لانها هيه اللى طلبت منك الانفصال لانى النوع ده مش بيملى عينه راجل واحد ودى خانتك انت كنت بتحبها وهيه بتحب واحد تانى دى متنفعكش ومتستاهلش التفكير ده كله انا معاك فى انها الحب الاول لاكن الحب الاول منقبلهوش زى ميكون وحبك الاول خاين ومكنتش مخلصه ليك وهى معاك وهى اللى طلبت منك الانفصال
تاكد ان اللى ربنه اختاروا ليك افضل حاجة وعسى ان تحبوا شئ وهو شرا لكم او تكرهوا شئ وهو خير لكم وخليك واقعى هى اتجوزت وعايشة حياتها ماتعيش انت التانى حياتك ومادامت خطيبتك كويسة حاول تحبها وتنسى التانية لانها متستهلش حبك اصلا ولو كانت بتحبك فعلا مكنتش سبيتك وانسى الماضى بقى متندمش على حاجة حصلت وانتهت وربنا يوفقك مع خطيبتك واللى انا متاكدة انها احسن لمنها
العمل انها تزوجت وماتعرفشي ايه اللي كاتبه ليك ربك يمكن يكون انكم اقترقتم خير ليك انتا ماتفكرشي فيها وحاول تتقرب من خطيبتك لاني خلاص كل واحد بقا ليه طريق وانتا مش من حقك حتي تفكر فيها لانها بقيت علي ذمة راجل تاني
يا اخي العزيز لا تضلم خطيبتك اما ان تنسى حبك الاول او ان تنفصل عن خطيبتك ولاكنني اقول لك حاول ان تحب خطيبتك لانها تستحق حبك وحنانك و انسى من تخلت عنك دون اي سبب او انذار