انا عمرى 17 سنه مش عارف اللى كنت بعملو صح ولا غلط عرفت بنت من على النت وكان تفكيرى كلو ان دى زى اختى مش اكتر ومش هرتبط مع الوقت بس بعد مده تقريبا 6 شهور لقيت نفسى اتعلقت بيها وكنت محرج اقولها بحبك وهى كمان كانت بتحبنى ومحرجه انا عرفت كده بعدين لما قولتلها من غير تفكير منها او تردد وافقت وانا فرحت جدا كان اسعد يوم ف حياتى وبقالنا لحد دلوقتى يجى سنه تقريبا مع بعض هيا اصغر منى بسنه بالظبط حتى انا وهيا نفس اليوم والشهر كانت الاول مامتها عارفه ان انا بكلمها ومكنش فى اى اعتراض غير بس عشان المذاكره وفعلا قللنا كلامنا لان ف اليوم كان بيزيد كلامنا عن 6 ساعات ف وسط الامتحانات عرفت ان احنا ارتبطنا عشان مامتها كانت فاكره ان احنا اصحاب مش اكتر وعندى ف البيت مش بخبى عليهم حاجه مامتها كلمتنى حاولت تفهمنى كده غلط اعتبرها اختك وخلاص نهاية سعيدة انا مش قدرت اسيبها واتأثرت جدا واثر عليا فى امتحانى وكان ده ليلة امتحانى بس الحمد لله رجعنا لبعض بس للاسف من ورا مامتها وشافتها كذا مره تحاول تقولها لا بس هيا بترفض ولسه مع بعض وكل يومين تقريبا يحصل مشكلة حصل بقى حاجه انا مش كنت ناوى عليها خالص او هيا ومش عارف ده صح ولا غلط احنا اتفقنا على الجواز طبعا ومكنش فى بينا كسوف ف مش كانت عارفه خاااالص اى حاجه عن الجواز كانت فاكرة ان الطفل بيجى لموأخذه من البوسة او الحضن مش اكتر وانا صراحه كبرت ف نظرى جامد ولما قالتلى كده كانت مكسوفه جدا عشان والله محترمه ودليل على كده مش كانت عارفه الحاجات دى بس انا كانت مش نيتى حاجه هيا بقى لما عرفت ان فى حاجات تانيه اصرت تعرفها والا هتزعل منى زعل جامد انا اضطريت اقولها وكلامنا كبر وعلاقتنا اتطورت بس الحمد لله لحد دلوقتى كلام بس وفضلنا كل يوم نمثل كأننا اول يوم فى فرحنا جه يوم اتفقنا خلاص مش هنعمل كده تانى والحمد لله الموضوع خلص وانا ملاحظ ان من ساعة مابدأنا كده فى حاجه غريبه بينا اى نعم بحبها لسه وانا والله مش بتسلى بيها وهيا بتبادلنى حبى ليها بس حاسس ان ربنا بيعاقبنا على كده وان ده كان غلط انا صراحه مش عارف اذا كان ده غلط او لا وانا مش كان ف دماغى انها هتبقى مراتى وخلاص وهيحصل كده ف مش لازم كسوف بس كل حاجه رجعت زى الاول بس خايف ربنا يعاقبنا اننا نبعد عن بعض بسبب الكلام ده وهل كان صح ان انا افهمها كده ولا اسبها من غير ماتفهم ياريت بجد اى حد يهتم بموضوعى عشان فارق معايا بجد وحاسس ان انا بوظت اخلاقها ومش راضى عن نفسى بكده وانا الحمد لله والله بصلى كل الفروض وهيا كمان بتصلى بس حاسس ان احنا عملنا ذنب كبير اتمنى اللى يرد عليا ينصحنى مش يلومنى او يحسسنى بالذنب
اسمعني يا صديقي
الشي اللي انت فعلته متوقع جداً ، ويمكن أقولك طبيعي أو هو المسار اللي بيسلكه أي اثنين .
أحكيلك نصيحتي وعن تجربة
أولاً حاول أنك ما تتسوعش في الموضوع ده ولا تتعمق فيه أكثر من كده .
ثانياً لا تلوم نفسك انت انسان والانسان لديه غريزه خصوصاً لو دعمت بالمشاعر .
إيااااااااااااااااااااك تفكر تسيبها إياك .
حافظ عليها وانت لا بوظت أخلاقها ولا حاجة ، خلي حبكم زي ماهو لطيف وبريء ، كون نفسك واشتغل واتعلم وروح اتقدملها ، خليك راجل وخليك قد المسؤولية ، وحتعيشو حياة سعيدة إن شاء الله
تمنياتي لك بالتوفيق 🙂
عم انت بعملك ده بوظت اخلاق البنت وافسدتها وحرام عليك تتكلم معها من اصلو ابتعد عنها واقطع علاقتك بها نهاية وللابد واهتم بنفسك وبدراستك وهي كمان خليها تهتم بدراستها
نعم انت بعملك ده بوظت اخلاق البنت وافسدتها وحرام عليك تتكلم معها من اصلو ابتعد عنها واقطع علاقتك بها نهاية وللابد واهتم بنفسك وبدراستك وهي كمان خليها تهتم بدراستها ولاتنسى ان امها عرفت بمايحصل بينكم وده قد يجلب لها ولك المزيد من المشاكل والمتاعب لوكنت فعلا تعزها اعتبرها زي اختك وحافظ عليها وعلى شرفها وسمعتها وسمعة اهلها وعاوزك تعرف ان كلدي تصرفات مراهقين سوا منك اومنها ومرحلة وتعدي في مثل سنكما واكثر من المحافظة والمدوامة على صلاتك وقراءة القران والصوم واشغل وقتك بطاعة الله عزوجل من العبادات والاعمال الصالحة ولانكثر من الجلوس على النت اواستعماله في الامور المحرمة استفد منه في الخير وبمايعود عليك بالنفع والفائدة في دينك واخرتك وصلاح شانك وربنا يبارك فيك ويوفقك ويسعدك في حياتك كلها