مشاكل الشباب مع البنات

بخاف اكلم البنات ومفتقد الحب

انا طالب فى الكلية فى الفرقه التانيه شاب محترم جدا بس مشكلتى انى مش ناقصنى حاجه الا حاجه واحده وهى اهم حاجه فى الحياه هى الحب نفسى الاقى بنت احبها بجد وتحبنى  انا بعجب ببنات كتير واحس انى ممكن اكلمهم بس بخاف اكلمهم او بخاف ليكسفونى مش عارف ليه رغم ان شكلى مش وحش ولا مظهرى وحش انا جسمى مليان شويه بس انا بحاول اخس  كل اما اعجب ببنت واحب اكلمها اخاف لتصدنى فارجع فى كلامى تانى مش عارف اعمل ايه انا بجد تعبان اوى اوى اوى كل صحابى يعرفو بنات وبيحبو ويتحبو الا انا حتى قريبى بحس انهم بيعاملونى معامله خاصه وبحس انهم بيبصلى نظرات على انى منفعش ابقى حبيب  مش عارف ليه انا بجد تعبان اوى اوى من الموضوع ده لانى كل صحابى بيحبو ويتحبو وانا اما ببقى ماشى مع حد من صحابى بيبقى هو وحبيبته وانا ماشى جنبهم زى العزول رغم انى اعرف بنات بس مش اكتر من زماله وحبيت واحده ايام الثانوى وحبيت اصارحها بحبى وكنت شايف انها بتحبنى من نظارتها ليا لكن فعلا المثل اللى بيقول البعيد عن العين بعيد عن القلب مكدبش لانى لما كلمتها فى الجامعه وقابلتها لقيتها مبتبصليش حتى ولا فاكرانى خالص رغم انها اكتر واحده حبيتها فى حياتى مش عارف اعمل ايه انا بجد تعبان اوى اوى نفسيا لاعارف ازاكر ولا عارف اركز حاسس انى لو حبيت واتحبيت حياتى هتتغير للاحسن لانى دلوقتى حياتى مش عايش حياه مش حياه معنديش هدف اعيش علشانه ولا حب ياريت الاقى اكتر ردود ارجوكو ساعدونى انا جربت كل حاجه حتى حب االنت وملقيتوش ينفع بردو مش عارف اعمل ايه

مشاكل وحلول ذات صلة

اضيف بتاريخ: Saturday, January 8th, 2011 في 23:58

كلمات مشاكل وحلول: , , , , , ,

30 رد to “بخاف اكلم البنات ومفتقد الحب”

  1. المحترم
    11/03/2015 at 01:12

    اخلصوا وسبكوا من الخيابه دي 🙁

  2. حودة
    22/01/2015 at 20:24

    اولا مشكلتك ليها حل و بسيط جدا بس كل اللي انت محتاجه ثقة و جرأة
    ثانيا اي حد يبصلك بصة وحشة او يسخر منك طنشه و ماتاخدش في بالك
    و حاول تخلي البنت تبصلك و حاول تلفت نظرها بس متبينش و ممكن تخلي شوية من صحابك يروحوا يعاكسوها و انت تروح تضربهم و خصوصا ان البنت بتحب اللي يتعارك علشانها و بعدين حاول تتعرف عليها بس خليك واثق من نفسك
    و ظيييط يا معلم

  3. شرشر
    20/10/2014 at 17:35

    عارف يعني اية حب يعني قلبي يفضل شيلك جواه طول العمر يعني حضن وقت الحزن يعني انسان يكمل معاك اللي نقصك وبية تحس انك تموت علشان تحمية وبعمرك كلة تفدي

  4. محمد محروس
    05/05/2014 at 06:34

    ادخل علي البنت اللي انت معجب بيها بتقل وببتسامة لطيفة واتكلم كأنك بتتكلم بجد وقولها مثلا ((لو سمحت هوة صيدلية ابوتريكة للاجهزة المنزلية فين ))هترد بحاجة من اتنبن…..يأما (معرفش )….يأما (احنا هنهزر ) …….لو قالتلك معرفش قولها ….لية هو انتى مش من هنا ….هتقولك لأ قولها امال منين؟؟؟بهبل كدة هتقولك من كذا….قولها اهلا بيكى انا محمدعبد المحسن وفى كلية كذا اصل انا من هنا وكنت بستهبل علشان اتعرف عليكى …….وهزر بقى ودوس يا معلم…اما بقى لو قالتلك ((احنا هنهزر )) قولها ((لا والله اصل انا قلبى تعبان اوى ومش عارف الصيدلية دى فين ))هتقولك ((طيب روح دور عليها بعيد يا حبيبى )) انت بقى هتقولها ((ما هما قالولى ان هى هنا فى الحتة دى فقلت اجى اسألك))هتقولك حاجة من اتنين….يأما ((معرفش هى فين )) ودى قولنا هترد عليها ازاى…..يأما هتقولك ((يعنى حبكت هنا جمبى ))انت هتقولها بقى ((ما هما قالولى هناك كدة هتلاقى واحدة زى القمر وعسولة وطيبة اوى هى اللى هتدلك يأما لو بصيت لعنيها شوية ممكن تخف هتقولك(( يا سلام هما مين دول بقى اللى قالولك كدا )) هتقولها ((قلبى وعنيا وعقلى كلهم بيشاورو عليكى )) هتبتسملك ابتسامة لطيفة كدة…..دوس بقى يا معلم.

  5. الخجول
    15/11/2013 at 10:41

    ينهر اسود الوحد كان فاكر انه لوحده طلعت مصر كلها بتكسف

  6. ابواميرة
    29/10/2013 at 11:11

    مافي شاب محترم وابن ناس محترمين يكلم بنات اويعاكسهم الااذاكان فاسق ومنحط وقليل الادب والاحترام ومش متربي خالص واعلم ان الدنياتواليك يوم لك ويوم عليك وكماتدين تدان واللي تعمله مع بنات ناس بيتعمل مع اختك اومراتك وهكذا احفظ نفسك من المعاصي والذنوب وربي بيوفقك ويكرمك بكل الخير في حياتك

  7. مفيش حب صالح كله بتاع مصالح
    14/07/2013 at 12:46

    بس يا صاحبى البنات بتحب الولد الشجاع وبتحب الولد ال يطنشها وبتحب الكلام الناعم اسرح بيهم بس صدقنى @كما تدين تدان ولبو بعد حين @ انا كان ليا صاحب والله ما كان بيسيب التليفون من ايده خالص يقفل مع ديت دى ترن عليه ويروحلهم بيةتهم وهما بيجوله وكان فيه ال مجوزين كمان والله زى ما كانم بيعمل معاهم كان بيتعمل فى اهل بيته كان يوح فسح مع البنات اخته كان الشباب بتخدها فسح كان لما يعمل حاجه مع اى واحده كانت بترد فيى (امه .اخته )شوف انت بقا لما واحد يقابلك ويلقيقك عمال تقول انا كلمة البنت كذا وسجلتلها وعملت وعملت وتبس تلاقى واحد من ال انت قاعد معاهم يقولك طب ما انت كذا بيعمل مع اخت كذا ومكذا بيعمل مع امك كذد بزمتك يا صاحبى ردك ايه بس يا صاحبى البنات حاجه جميله فى الحياه بس فيما يرضى الله والشيطان ميضحكش عليك وحت فى دماغك كما تدين تدان اوع تقول انا معنديش بنات اخوات لا يا عم مش فى خواتك ممكن فى الوالده تقول والدتى متوفيه متخفش طلاما ما انت عملت الحاجه دى هترود لو فى مراتك فى بنت

  8. تعبت
    14/05/2013 at 04:00

    بص يا صاحبي انا حبيت واحده وروحت كلمتها وقولتلها علي كل حاجه واني معجب بيها وكدا وبعدها ب3 اسابيع انفصلنا علشان هي عايزاني ما اخدش الاكونت بتاعها ولا رقم تلفونها والمشكله انها من محافظه وانا من محافظه تانيه وحاولت اقولها كدا مش هينفع لاني مش هعرف اتواصل معاك افتكرت اني بلعب بيها

  9. مش مهم اسمي
    16/04/2013 at 19:02

    يا عم انت هتوجع دمغنا علي ايه بس عايز تحب حب بس متزعلش اما تكبر وتلاقي بنتك بتخرج مع شباب وتصحبهم سعتها ابقي افتكر اللي عملتوا في بنات الناس ااااه نسيت فكر كمان هتقول ايه لربنا لما تقبله وعلي فكره مش معنا ان الناس بتغلط يبقي لازم اننا كمان نغلط زيهم لان ربنا هيحاسب كل واحد لوحده ومش معقوله هتقول لربنا اصل ******* كان مصاحب بنات اشمعنا هو

  10. يوسف الفاسي
    19/03/2013 at 16:00

    اذا كان الخجل شديد لدرجة انك بدوخ بتاتيك الدوخة عندما تكلم فتاة فهذا يعني انك تعاني من ازمة نفسية لهذا عليك ان تشتري بعض الاقراص الطبية التي تساعد على تهدئة النفس مثل اقراص الصدمات الكهربائية و كذا الاقراص المنومة و الاساسي عليك ان تعبر بما في داخلك من غير حرج لاشخاص تثق فيهم و قد يساعدونك في الاستماع في الاوساط التي تعيش فيها حتى لا يطول هذا

  11. ميدو
    29/10/2012 at 13:55

    لية ياعم اضرب النيا طناش حب اية احنا اخرنا نتسلااا

  12. elmanss
    03/10/2012 at 22:46

    انا زيك بالظبط و الله و لما بشوف حد من صحابي بيكلم حبيبته بضحك و بهزر علشان اداري علي الفراغ الي عندي بس انا مشكلتي شبه مكشلتك بالظبط بس انا الي يفرق ان انا البت الي بوعجب بيها بعكسها و ديماا بتمشي مش عارف ليه بص اقولك اصبر كل واحد بيجيله يوم و يحب و يرتبط و يمشي مع واحده و اتنين و تلاته بس الصبر و انتا حتنور مراضك و احاول تكون شخصيتك المستقله فالبنات بتحب الشخص المستقر الواصق من نفسه خلي عندك امل في ربنا كتير

  13. البرنس
    26/08/2012 at 15:23

    انا عندى نفس المشكلة بس عايز اعرف ازاى اوقفها واقولها واقول ايه وبصراحة بحس انا هى مش هترضى علشان معاها اصحابه فاعمل ايه ارجوكم اللى يقرأ السالة دى يقولى ومتبخلش عليا بكلمتين حلوين اقولهم

  14. محمد سلامة مسعود
    02/07/2012 at 18:52

    هقولك لو بتحب بنت حاول ان تحللها اى مشكلة تقع فيها ولمح فى الكلام انك بتحبها وهيا هتحس بسرعة وشكلك ابن حلال

  15. محمد سلامة مسعود
    02/07/2012 at 18:46

    خليك يا ابن الحلال صريح مفيش احسن منها

  16. k
    27/05/2012 at 03:46

    البنات تحتاج الى يهتم فيهم حتى ولو صدتك هتفكر فيك ولا تعطى اى اهتمام لهم ولا كانهم موجودين فى الدنيا والجسم عملرة ما كان عبى

  17. OrTeGa
    18/04/2012 at 20:08

    وحيات بيت ربنا انا زيك بالظبط.. بص زى ما الشباب دول ما بيقولوا
    الصبر حلو وانا مقتنع جدا بالجملة دى .ادعى لربنا وقرب من ربنا اوى علشان ربنا يبقى معاك على طول. واتمنالك كل السعادة..

  18. محمد
    12/02/2012 at 22:41

    انتا تحاول تعاكسها….اه!عاكسها وفى نص المعاكسها قولها انك معجب بيها اوى وانك مش عاوز تعاكسها بقصدى علشان دى مش اخلاقى…..هو هتبدا تفكر فيك بس لازم تخليها كل يوم تشوفك وتكلمها فى اى حاجه وقشطه

  19. شوشو هيما
    25/01/2012 at 15:30

    اوعا تدور علية هو ال هيجيلك لسة نصيب مجاش انشاء الله هتحب وهتتحب وربنا هيوفقك

  20. KaLoOoSh
    13/09/2011 at 12:48

    خدلك حباية ثقة فى النفس
    هتبقى تمام 😀

  21. انا زيك
    08/09/2011 at 00:37

    علي فكره انا زيك باضبط بس الفرق اني حبيت قبل كده مرتين وبسبب الحب التاني واللي اتعمل فيا اتعقدت وفقدت الثقه في كل البنات وكل مشوف واحده تعجبني واتمني اتعرف عليها لاني عارف ان الحب حاجه جميله بس انا حاليا زيك مش عارف اعمل ايه لاني حاسس اني مش هلاقي وحده كويسه ومش عارف هلاقيها فين ومش عاوز الارتباط يكون مني انا الاول انا حياتي بقت ممله جدا ومفيهاش جديد انا لما كنت بحب مكنتش محتاج حاجه من الدنيا بس دلوقتي بتمني اموت واستريح ومش عارف اعمل ايه

  22. have no one
    10/08/2011 at 08:37

    بص يابنى بص يا حبيبي اسمع كلام اخوك اوعى تدور ع الحب الحب هوه اللى هيجيلك لحد عندك وهيلف حوالين رقبتك ويشنقك خليك ف الصداقه يعنى تضحك تهزر لكن الحب متستعجلش كل حاجه فى وقتها خلى بالك من نفسك يا مان
    اشطه وبيـــــــــــــــــــــــــــــس

  23. هجورة
    07/08/2011 at 16:41

    اولا بالنسية للشكل( انك حاسس ان مفيش بنت هتحبك ) انا بنت واعرف البنات كويس اوى ..البنات مبتفرقش معاها شكل الولد خالص اهم حاجة بتبقى عايزاها ان هو يكون راجل بمعنى الكلمة (يعنى يكون راجل فى تصرفاتة مش عيل تافة ..البنات بتحب الولد اللى تكون هى اول واخر بنت فى حياتة ) ..والبنت لما بتحب ولد بتشوفة احسن واحد فى العالم مهما يكون شكلة ..بالنسبة للحب وانك عايز تحب مثل اصحابك انا مانصحكش بحاجة مثل دى (لان حرام انك تعرف بنات من ورا اهلها )..انت اذا حبيت فكر ع طول فى الارتباط الجد وروح اخطبها من اهلها علشان يبقى العلاقة فى النور (والبنات بتحترم جدا الولاد اللى زيك) .الاحسن ليك دلوقتى انك تركز فى مزاكرتك علشان تبقى حاجة (ولما تتقدم لاى بنت توافق عليك ع طول) ..بتمنالك السعادة وتلاقى البنت اللى تحبك وتفهمك …..

  24. انا بعترض
    09/07/2011 at 12:26

    انت بتحب الاحساس انا ذيك على فكلره انا عندى 18 سنه وفى بنات كتير بالظبط قدامى وكذا مره بحاول بس يقولولى لا ومش عارف ايه لا احنا مش بتوع الكلام ده عيب وتلاقى البت بتكلم 20 واحد والله يابنى انا بزعل اوى كل شويه وانا اعد مع صحابى بلاقى واحد مكلم واحده يقولها ايوه يا حبيبتى انا من جوه بتهز بزعل بعد اقول يارتنى كنت مكانك بس فى الاول وفى الاخر كل شى قسمه ونصيب واصبر وكل حاجه حتجيلك لحد عندك مش انت اللى هتروح برجليك اصبر (الصبر مفتاح الفرج ) ولو انت بتعمل حاجه غلط حاول تبعد عنها صدقنى والله دى حقيقه بيقولك (من ترك شيا لله عوضه الله خيرا منه ) يعنى لو انته بتعمل حاجه وحشه حاول تبعد عنها وربنا هيكرمك فى كل حاجه بس انت حاول على اد ماتقدر تقرب من ربنا مش علشان الحب بس وعشان اى مقفوله فى وشك هتلاقيها اتفتحت وانشاء الله هتلاقى بنت الحلال بس اهم حاجه لو بتعرف تختبر البنت الاول اختبرها علشان البنات بتوع الجيل ده ملعوب فيهم اصدى يعنى فى دماغهم ربنا معاك ومعايا

  25. جميلة انا
    06/07/2011 at 22:31

    انت مش محتج بنت تحبك انت محتاج تحب بجد ولا تفكر انا بحب دي علشان عيز احب لا انت لي حتوجهلة شعورك اوعدك زاي محتوجهلة حتوجهلك وقرب من ربنا علشان انت عيز تقرب من ربنا واخذ نيحة دي من اخت

  26. ارنشا
    20/05/2011 at 12:22

    انت حاسس انك فيك غلط وده اكبر غلط صفى ذهنك واستنى الحب ممكن يجيلك وانت مش حاسس بيه وانتبه لمذاكرتك المفروض ان مفيش حاجة فى الدنيا تعطل مستقبلك وصدقنى حتحب يعنى حتحب وفتح عينك كويس ننمك تلاقى بنات كتير اوى بتحبك وانت مش حاسس استنى الحب

  27. احمد شعبان
    12/04/2011 at 13:50

    حاول تركز في مذاكرتك وصدقني الحب مالهوش مواعيد وبيجي فجأة وانت انسان محترم وكويس وسيبك من الشكل لان اللي بتدور علي الشكل تبقي انسانه تافهة وان شاء الله تدوق الحب الحقيقي العذري وربنا يوفقك

  28. زملكاوى
    14/01/2011 at 02:46

    – قرب من ربنا وادعى ربنا يصلح حالك لأنك محتاج بجد لربنا مش لبنت تخفف منك ومن وحدتك
    – مش تنتظر الحب لأنك مش هتلاقيه طول مانت بتدور عليه
    – خليك شيك فى لبسك وواثق من نفسك وامشى بتقل كدا واعمل ظابط هههه بجد والله خليك واثق من نفسك كدا بس مش لدرجة الغرور والتكبر
    – حاول تبقى مبتسم كدا ومش تضرب التكشيره على اساس انك تقيل وكدا هههه لأ حاول تبتسم فى وش اى حد يقابلك
    – لو اعجبت بحد لازن تلفت انتابه عشان ياخد باله وهو كمان يعجبك بيك ولما يعجب بيك لازن تروح وتقله انك معجب بيه عشان هى تتأكد انك معجب بيها
    – حاول تعرف شخصية البنت الأول مش كل واحده جميله تبقى هى دى اللى هكلمها لأ مش كدا
    المتدينه واخلاق بيبقى ليها طريقه والناس التانيه ليها طريقه برضو وهكذا
    – مش تفتكر ان الحب هو اللى هيخليك اسعد واحد فى الدنيا لأ والله
    ما ممكن تحب وتتخدع وتخسر دراستك !!
    سبيها على ربنا وان شاء الله هتلاقى الحب دا
    ودا نصييييييييب بس حاول قبل ما تحب تعرف انك اللى بتحبها دى هتبقى مراتك يعنى سرك يعنى شرفك يعنى سندك
    لازم تختار كويس مااااااااااشى ؟

  29. محب للخير
    09/01/2011 at 09:18

    السلام عليكم
    أعتقد أن مشكلتك لها حل واحد من وجهة نظري وهو:

    أصحابك!
    لان كل اصحاب كما قلت حبيبه فلا بد ان تكون واحد منهم (حبيب بردو) لكن من الواضح ان دا مشكلة بالنسبة ليك لاسباب:
    انك خجول، تفقد الثقة بنفسك ، دراستك أهم ، والاهم من هذا كله أن هذا لايرضي ربك !

    فالحل كما قلت هم أصحابك ؛ عليك بأن تحاول قدر المستطاع أن تبتعد عنهم وأن تصاحب من هم على خلق ويخافون الله ولا يمكن أن يجروك إلى معصية وستجد السعادة معهم لانهم على الاقل لا يجرحون مشاعرك بنظرة فيها سخرية ولا يخرجون مع زميلات وأنت تجلس وحيدا وستجد أيضا معهم الانشغال عن الامور التي ذكرتها وسيملؤن الفراغ ( وهو من أسباب المشكلة أيضا ) في حياتك

    وفي النهاية إن كنت مسلما أقول لك
    ومن يتق الله يجعل له مخرجا
    عليك بالصوم فإنه حماية لك

    أشكرك
    والسلام عليكم ورحمة الله

  30. نادو
    09/01/2011 at 02:12

    بص هقولك حاجة لو اعجبت ب بنت حاول تقرب منها وتكلمها بس هقولك حاجة الاعجاب دا ممكن يكون شكل اسلوب لكن طباع ممكن تكون مش حلوة ما المفروض تقرب منها وتكلمها وتشوف الاعجاب بيجيب بعد كدا حب تعود مرة ف مرة هي اكيد هتحس بيك واي بنت مش بتحب الواحد يكون بيتكسف يعني في الزمن دا انا شايفة ان البنت بتروح تقول للود بحبك مش عارفة ازاي بتجيلها جراءة اساسا ما انت حاول تغير من نفسك شوية وتعامل عادي ويريت كلامك يكون كويس مش يديقها منك وحاول تحسسها انك مجب بيها اهتم بيها شوية

اترك رداً أو حلاً لهذه المشكلة