مشاكل الشباب مع البنات

بحب بنت واعترفتلها ورفضتني

سلام عليكم.
انا طالب فى 3 جامعة وكنت بحب بنت معايا ف الجامعة من اول سنة بس مكنتش قادر اقولها اتجرأت بعد سنتين من العذاب وكلمتها على النت وقلتلها ورفضتني لأني مش جاهز من اي حاجة ولسه متخرجتش ولا عملت حاجة ف حياتي. اتكلمنا مكالمة واحدة على النت اللى هي اعترفتلها فيها وبعد كدة مبقتش اروح الجامعة عشان مش عايز اشوفها عشان متعلقش اكتر بس فى ايام لازم اروح فيها وبشوفها غصب عني المشكلة دلوقتي اني كل ما اشوفها بتعذب وقلبي بيوجعني. ازاى تكره حد بتحبه اوي وهو مش بيحبك ويكون مش من حقك تتكلم معاه حتي ..؟

مشاكل وحلول ذات صلة

اضيف بتاريخ: Wednesday, October 11th, 2017 في 15:28

كلمات مشاكل وحلول: , , , ,

2 رد to “بحب بنت واعترفتلها ورفضتني”

  1. mohamed
    14/10/2017 at 15:02

    صلى على رسول الله .. اولا انا طالب فى السنة التالتة ليا بردو فى الجامعة وكنت معجب بواحدة معايا بردو فأعتقد انى ان شاء الله اقدر افيدك .. مبدأيا كدا بعد عذاب مع نفسى استجمعت قوتى ومسحت كل الsearch عنها فى الفيس وطلعتها من دماغى خالص دلوقتى 😀 والسبب بسيط جدا اننا كطلبة شباب لسا بندرس فى واقع لازم نعيشه اننا لازم نستنى وقت زيادة عن زمان عشان نبتدى نكون نفسنا ودى حاجة لازم نرضى بيها سواء حبينا دا ولا لا .. تانى شئ هيا واحدة لسا شايفة ادامها مستقبل ومع الاسف زى مفي شباب كتير محترم وناجح فى شباب كتير بردو مش كدا واللى عملتو دا دفاع بحت عن مستقبلها وافتكر انهاا مكنش عندها اى علم بأعجابك بيها الموضوع بالنسبالها جديد تماما .. تالت شئ لازم تفهمو انك لازم متقللش من قيمة نفسك لمجرد انك لسا مش جاهز افتكر ان الحاجة الكبيرة دايما بتاخد وقت عشان تجهز لازم يبقى عندك وعى وادراك قوى لدا مش هترتبط باللى بتحلم بيها الا لما تبقى مش فارقة معاك كتير وجودها قبل متعرفها وروابطك بيها متزودهاش من نفسك انما هيا اللى تزودها بوجودها جنبك .. ثالثا لازم تعترف انك ارتكبت غلطة ابعترافك فى الوقت دا بس مش عايزك تقلق لسا ملحوقة لازم متبانش انك بتتهرب من انك تشوفها مش بقولك اكرهها بس عيش حياتك عادى سواء فى وجودها او عدمه .. ولو سألتنى عن نفسى فأنا معترفتلهاش ومش ناوى اعمل كدا غير لما ابقى جاهز فى اسرع وقت رضيت اهلا وسهلا مرضيتش محصلش حاجة .. متتقدمش لواحدة الا لما تبقى 100 فالمية معتمد على نفسك وتقدر تشيل مسؤولية بنى ادم تانى ودا هيخليك فى الاساس كبير فى عين اللى بتتقدملها حتى لو رفضتك .. راحتك فى انك تدى نفسك حقها وتدى كل واحد حقه لا اكتر ولا اقل ..

    قَـيّـم هذا الحل: Thumb up 0 Thumb down 0

  2. ابوالبتول
    11/10/2017 at 21:43

    شوف يابن الناس الفتاة معها الحق انها رفضتك لانك لسه طالب في الجامعة وغير قادر على الزواج او ماعملت حاجة في حياتك هذا هو التصرف العقلاني ويجب عليك ان تشكرها على هذا وماتزعلش منها ابدا اوتخسر صداقتك لها صدقني انها فتاة راجحة العقل والتفكير ومش زي البنات الاخريات خلص دراستك وتخرج من الجامعة وتوظف وان كان لك نصيب مع البنت دي سوف تاخذه باذن الله وان كان لا فدي سنة الحياة وكل شي قسمة ونصيب وربنا يرفقك ويكرمك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة