بسم الله الرحمن الرحيم
انا طالب جامعى سنه تانيه – قبل كدا حبيت مره واحده بس وكانت من النت وانتهى الحب دا بمشاكل وسبنا بعض
وانا مش بعتبر انها محطه فى حياتى – لأنى نسيتها وعرفت ان دا غلط وهبل ومفيش منه فائده
دلوقت انا عندى مشكلة انى بحاول احب بنت – عايز الاقى بنت مناسبه علشان والله اخطبها مش علشان اتسلى
انا عارف ان دا ساعات غلط وان المفروض الحاجه دى تيجى بالصدفه – لكن انا تعبان نفسياً ونفسى احب بنت
علشان اعرف اعيش حياتى واتغير لأن لما كنت بحب قبل كدا من النت اتغيرت وكنت دايماً فرحان بيها
عايز مشغلش بالى بالحاجات دى الا لما تيجى سنه رابعه – وفى نفس الوقت خايف وقتها السنه تعدى ومعرفش حد
وانا علشان منطوى حاسس انى مش هعرف حد بعيد عن الكلية – اعمل ايه ؟ الأحساس دا والمشكلة دى عند معظم الشباب
ياريت تقلولى اعمل ايه ؟ بس بلاش كلمة اصبر – عايز طريق امشى فيه ومبررات بحيث ابعد عن التفكير دا او اكمل فيه
شوف يابن الناس لوكنت فعلا تريد الزواج وترغب في بنت الحلال فدع الاهل هم يختاروا لك الزوجة فهم اعلم منك بمثل هذة الامور وان شاء الله يلاقوا لك بنت الحلال الصالحة دينا وخلقا وتربية واهلها كويسين ومحترمين ودعك من افكار الشباب اللي يقولوا لازم انك تبحث عنها في النت وتتعرف عليها فكل هذة الافكار غلط في غلط واغلب العلاقات من خلال النت كلها كاذبة وغير صادقة وفيها الخداع والتضليل والاوهام اتمنى انك تستوعب كلماقلت لك وتعمل به لاجل الخير والسعادة لك وصلاح حالك وربي يؤفقك ويكرمك بابنت الحلال قريب ان شاء الله