حبيت استر عليها لكن اهلها رفضوني|مشاكل الشباب مع البنات

مشاكل الشباب مع البنات

حبيت استر عليها لكن اهلها رفضوني

انا اسف بجد بس بصراحة انا تعبت من التفكير وعايز حل بالله عليكم لانى تعبت جدا انا من سنة اتعرفت على بنت بداءنا نتقرب من بعض حكت لى انها من 3 سنين واحد اتهجم عليها وبقت مش بنت وخافت تقول لاهلها المهم حاولت اساعدها فى ان اخلى ال عمل كدا يصلح غلطته فهى قالت لى انا مش عايزاة ومع الوقت لقيتها متدينة وبتصلى وتابت بجد وبصراحة حبيتها وهى حبتنى جدا وعدتها انى اتقدم لها وفعلا اتقدمت لها بس والدها رفضنى بحجة ان بيتى قديم وبعدها مامتها قالت انها مش هتغربها مع انهم كانوا موافقين بس لما شافوا البيت مش عجبهم حاولت اصلح ما قدرتش او هما مش عطونى فرصة لد المهم هى بعد بباها ما رفض كانت معايا وكنت بقول شوية وقت واروح لاهلها تانى بس هى اتغيرت بجد معايا لحد ما وصلت انى اتخنقت بجد وكلمت مامتها عشانها قالت لى مش هتاخدها فاضطريت اقولها على السر ال بينا بدافع انها تتفهم الوضع وتعرف انى بحب بنتها ووالله سالت شيخ وقال لى امها سترها فقلت لها وياريتنى ما قلت بقيت طمعان فيهم وبلوى دراعهم وهى كدبتنى عند اهلها وقالت لهم مش عايزانى عشان الامر مش يتفضح وترجع تقول لى كنت لازم اعمل كدا فهى الوقتى لسة معايا بس شايلة منى انى قلت لامها وطبعا بباها عرف بس استغربت انة قفل ع الموضوع وقال انى مجنون مع ان ال عمل فيها كدا كان قايل لكل الناس والكلام وصل لابن عمها بس مش عن طريقى وقال لعمها بس بردة بباها قال بنتى كويسة وان انا مجنون وهى الوقتى معايا وانا بحبها ومش عارف اعمل اية اكمل معاها واحاول ارضى اهلها ولا اعمل اية بجد انا تعبت انا كدا غلطت انى قلت لامها ولا انا صح طب هى لية كدبتنى عند اهلها ويا ترى هنفضل كدا على طول لانها بترفض اى عريس عشانى وبتتحجج بالدراسة بس انا مش عارف اعمل اية وهى بتقول كرهتنى من ال عملتة هو انا كدا غلطان ولا لاء ولا اعمل اية بس ادونى حل لو سمحتوا وازاى ارضسها وارضى اهلها لانى مقدرش استغنى عنها بجد

مشاكل وحلول ذات صلة

اضيف بتاريخ: Saturday, June 9th, 2018 في 21:24

كلمات مشاكل وحلول: , ,

2 رد to “حبيت استر عليها لكن اهلها رفضوني”

  1. حمدى
    16/06/2018 at 15:45

    فكك يا عم منها دى شكلها بتحور عليك وشوف واحدة بنت ناس محترمة اتجوزها

    قَـيّـم هذا الحل: Thumb up 0 Thumb down 0

  2. ابوالبتول
    09/06/2018 at 22:23

    الظاهر انك مخدوع في البنت دي فهي كانت على علاقة محرمة مع شخص واعتدى عليها وافقدها عذريتها وبعدها تركها لمصيرها المجهول فخافت من الفضيحة امام اهلها وارادت انك تستر عليها وتقبل الزواج منها والان اهلها معارضين زواجك منها وياليتك تتتركها وتنسحب من حياتها نهاية وربك بيكرمك بحسن منها الف مرة يابن الناس نعم انت غلطان لما كشفت سرها لامها كان المفروض انك ماتخبر احد بما حصل لها كلهذا اللي حصل يدل على انو مافي نصيب لك مع البنت دي فارضى بماقسمه الله لك في هذة الحياة وابتعد عنها وربنا بيكرمك بابنة الحلال الصالحة اللي تستاهلك وتسعدك في حياتك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة