واحد معايا فى الجامعة وفى نفس مرحلتى ، بيراقبنى دايما وعيونه علييا فين ما يشوفنى ، بقاله سنة عمال يراقبنى ويتكلم اكيد مع بقية الزملاء عنى ، لانى لاحظت نظراتهم لييا هم كمان فى كل حتة، ومحاولات كتير منه انه يخلينى اشوف مواقفه البطولية وهوا بيساعد زميله المعاق او يتكلم بصوت عالى لما يكون قريب منى، وآخر حاجة حصلت انه اتصل بييا ومش عارفة ليه اصلًا سعى انه يجيب نمرتى من واحدة خاينة استحلت انها تعطيله نمرتى ، المهم كلمنى فى الموبايل وقلتله سلامو عليكم مردش السلام حتى ، ولما قلتله مين معايا؟ قاللى فلان (اسمه يعنى) ، قلتله فلان مين ؟ قاللى فلان وهوا بيقول اسم والده حسيت انه مش عايز يقول اسم الوالد كان بيقول اسم والده بصوت منخفض حتى معرفتش اميز المقطع التانى من اسمه (ايلى هوا اسم والد) فقفلت الخط فى وشه ، ومن بعدها لقيته واقف مع شلة بنات وهوا واقف كان رقبته مللووحة بيبص علييا ويبعد عنيه لما بصيتله وانا ماشية ، فمشيت بهدوء ومعبرتوش .( فاكرنى يعنى هتغاظ مثلًا انه وقف مع دى ودى؟ ) وبعدين فضل يتصل مرات ومرات وبأرقام مختلفة وكل شوية اعمله بلوك (تجاهل) لحد آخر مرة قفلت الموبايل خالص ومن ساعتها خلاص معدش بيتصل بس لاحظت بئا من بعدها انى كل ما امشى فى الجامعة الاقى الشباب بيبعدوا نظرهم عنى بشكل مزعج الصراحة كأنهم شافوا البعبع العفريت مثلًا.. وطبعًا قلت لأهلى عن كل ده ، أنا عايزة أعرف بس ليه الشباب كده وعايزين ايه بالظبط من واحدة فى حالها لا بتكلم فلان ولا علان ؟ ومن البيت للجامعة، ومن الجامعة للبيت وتعاملاتى مع اى زميل والله فى حدود ضيقة جدًا جدًا فى مجال الدراسة بس ، ومش انا كمان ايلى بروح اسأل او اطلب حاجة من ولد ، اعمل ايه يا ناس ؟ وايه تفسير ايللى عمله الاخ ده معايا؟ انا معملتلوش حاجة تضيع مستقبله وما اذيتوش فى حاجة والله ومش بحب اعمل الغلط لانى ضميرى بيأنبنى لو عملت الغلط وبخاف من ربنا و بحب والدى اكتر من اى حاجة فى الدنيا وما قدمتش للواد ده الا الخير يوم لما طلب منى انه ينقل حاجة من مذكرتى وبس، بس هوا استحلى الحكاية وفاكرنى تقريبًا من اياهم ، الله أعلم يمكن أكون ظالمة بس بجد عايزة اسمع آراء حضارتكم جميعًا لان اول مرة يحصل معايا كده. وآسفة بجد على الإطالة
أشكر حضاراتكم شكرًا جزيلًا ، على النصيحة الغالية والدعوة الجميلة ، جزاكم الله كلَّ خير ، وكل عام والأمة الإسلامية بخير وسعادة آميــن يارب العالمين.
هذة من مصائب الاختلاط بين الذكور والاناث في الجامعات والوظائف وغيرها وهذا حرام شرعا في دين الله الاختلاط ولة اثار سلبية بحياة البنت من تحرش ومضايقات ومشاكل بسبب الاختلاط وحسبنا الله ونعم الوكيل على من يدعو للاختلاط باسم التقدم والتحظر عليكي بكثرة ذكر الله وقرائة القران والصلاة بوقتها قولي حسبنا الله ونعم الوكيل كثيرا وخاصة عند المضايقات علقي قلبك بذكر الله ولا تشغلي بالك بذلك الحقير التافة قال تعالى (ولذكر الله اكبر )ما في اهم في هذة الدنيا من ذكر الله لان فية الامان والسعادة والحماية من الله وصرف الاعداء قولي اللهم اكفينية بما شئت وكيف ما تشاء انك على كل شيئ قدير اللهم اجعل كيدة في نحرة ونعوذ بك من شرة هذا دعاء يحميكي من الاشرار اكثري منة عند رؤية من يضايقك وعند دخولكي الجامعة قولي اعوذ بكلمات الله التامات من شر ما خلق اشتري كتيب حصن المسلم في من الاذكار اليومية ما يحميكي الله بة والتزمي بما فية من اذكار الكتاب والسنة بينفعك كتير بحياتك ليتك تسمعي لنصيحتي ربنا يوفقك ويحميكي
اختي دي تصرفات غيراخلاقية يقوم بها الشباب مع البنات لاجل لفت انظارهن وايقاعهن في شباكهم الدنئية والحقيرة احذري منه تلك التصرفات من هذالشاب اوغيره واياكي والانخداع بهم والانجداب نحوهم حتى لاتقعي فريسىة لهولاء الكلاب السعرانة عديمي الشرف والاخلاق والمروءة وحافظي على دينك واخلاقك وشرفك وتربية الاهل لك وثقتهم فيك وابلغي عن اي تصرف مشين وغيراخلاقي يصدر منهم معك وتاكدي ان لوكل بنت محترمة وشريفة تبلغ عن مثل هذي التصرفات الغيراخلاقية وعن هولاء الشباب لتخلصنا من مشاكل التحرش والمعاكسات في مجتمعنا للابد اتمنى لك دوام التوفيق والنجاح في دراستك وان يحفضك الله من كل شرورهم ويسترعليك انت وكل اخواتنا وبناتنا المسلمات
تلاقيح بعيد عنك, الدنيا مليانة ظلمة وبالذات فى وقتنا دة فى انهيار شديد فى الأخلاق. معلش اصبرى واحتسبى ولا يهمك. صدقينى اللى بيظلم بيظلم نفسه فى الحقيقة وانتى الكسبانة عند ربنا فى الحقيقة. حاولى بقدر الإمكان متهريش فى نفسك وتقعدى تفكرى فى الموضوع دة ولا حتى فى مشاعر كره للشخص دة, كدة أحسن ليكى نفسيا وأحسن عند ربنا.