مشاكل حب المراهقة

بكلمها ومعرفش صح ولا غلط

السلام عليكم
انا شاب 17 سنه إلا شهرين
فى 2 ثانوى عام
مستوايا وحش ف الدراسه 🙁
وشاطر جداً ف الكمبيوتر والتكنولوجيا 🙂

انا قعدتى دايما عالنت وبشتغل عالنت وبعمل مواضيع عن برامج والعاب كمبيوتر وبحط فيها اميلاتى وهكذا……

انا عمرى ماباخد اميلات بنات واضيفها عندى  ابدا لإنى اصلا مبحاولش اعرف بنات ف الحقيقى أو عالنت
وكنت معجب بواحده معايا ف الدرس من 3 سنين وأنا ف 3 اعدادى بس مكلمتهاش وحتى كنت بخاف أبص ف عنيها
بس أنا خجول اوى وبتكسف اصلا اكلم بنات ف اى موضوع حتى لو معايا ف الدرس….
كنت ف الفتره دى (فى 3 اعدادى)بفكر ف موضوع الحب جامد ونفسى احب بنت وكده بس فكرت بعقلى لاقيت انه مش هينفع خالص ف الوقت ده ومن ساعتها مبقتش افكر ولا ف الحب ولا ف اى حاجه وقولت اسيبه ييجى لوحده

من شهر ونص تقريبا لاقيت واحده بتكلمنى عالنت وطلعت ف 2 ثانوى ف نفس سنى واتعرفنا ع بعض عادى جداً
بعدين قبل ماتقفل الميل طلبت منى رقم موبايلى..قلتلها ايه؟
قالتلى نبقى اصحاب وكده ولو مش عاوز بلاش
قلتلها لا عادى ورقمى هو …… وكتبت الموبايل
تانى يوم لاقتها بتتصل وبتسلم عليا وكده بعدين سألتنى….انت بتكلم واحده؟
انا طبعا مكنتش اعرف انها هتتصل حتى وقلتلها لا وسكت
هى مكانتش مصدقه
بعدين لاقيت ف الايام اللى بعديها كذا بنت بتتصل حوالى 3 بنات كده صحابها ف المدرسه (مدرستها اعدادى وثانوى)
ودلوقتى واحده بتكلمنى اسمها س
المهم س دى كل يوم كانت بتتصل بيا وتسلم عليا وعادى وعرفت انها ف 3 اعدادى
وبعدين قالتلى انها معجبه بشخصيتى وبتحب الانسان الخجول وهى مبسوطه لكده
وأنا جيت ف فتره وحبيتها بس جيت فكرت بعقلى لاقيت الموضوع مش هينفع دلوقتى قلتلها وحكيتلها هى تقبلت الموضوع وقلتلها بس هنفضل اصحاب وكده قالتلى اه طبعا
بعدين رجعت تتصل اليوم اللى بعديه وقالتلى انت بتعتبرنا اخوات ولا لأ؟
أنا مكنتش قادر اقولها آه..عزبتها شويه لغايه ماقلتلها …لأ
قالتلى تمام
ومن كام يوم اتصلت بيها وسلمت عليها وكده وقالتلى (ليك واحشه)
انا ضحكت وسكت
قالتلى انت فيك حاجه غريبه اوى بتجذبنى ليك بجد
وانا اليوم اللى بعديها قلتلها وحشينى
هى كانت فرحانه اوى انى قلتلها وقالتلى طالعه منك حلوه اوى
وامبارح قلتاها بحبك بس بردو بعد ماعزبتها وقعدت تقولى يارخم وكده علشان مكنتش عاوز اقولها
وهى كمان قالتلى بحبك
بس من صوتها كانت مكسوفه اوى وهى بتقولها
وبعتتلى صورتها
وأنا مسجل كل المكالمات بينى وبينها من البدايه خالص

وأنا متردد مش عارف انهى علاقتى بيها ولا لأ………
وعاوز انهى علاقتى بيها لإنى مرداش لاختى يحصلها كده……بس ف نفس الوقت مش عاوز اجرح مشاعرها…
ياريت تنصحونى يا أهل الخبرة 🙂
وآسف جداً على الإطاله

مشاكل وحلول ذات صلة

اضيف بتاريخ: Monday, October 1st, 2018 في 00:13

كلمات مشاكل وحلول: , , ,

ردود to “بكلمها ومعرفش صح ولا غلط”

  1. ابوالبتول
    01/10/2018 at 08:34

    شوف ياابني انت في الاول كنت كويس جدا ومثال الشاب المحترم الخلوق لكنك خربتها تماما بتعاطيك بالكلام مع البنت دي وبوظت كل حاجة حلوة فيك دي الحقيقة مافيش حاجة اسمها صحاب ولااخوات بين الشاب والبنت ده كله من عمل الشيطان وصدقني ياولدي البنت مش كويسة ولامحترمة ابدا وتلاقيها تعرف شباب بعدد شعر راسك ابتعد عنها واتركها واهتم بدراستك ومستقبلك وعاوز اقولك ان البنت اللي تكلم شاب غريب عنها وتبعث له صورتها دي مش محترمة ولامتربية ابدا ربنا يهديك ويصلحك اتركها واقطع علاقتك بها نهايئا

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة