زوجي طلقني|مشاكل زوجية

مشاكل زوجية

زوجي طلقني

السلام عليكم,والله انا متلخبطه ومش عارفه اكتب ايه ولا ابد منين,انا اتجوزت من 14 سنه ربنا وحده هو العالم عشتهم ازاي اقل حاجه ممكن اقولها اني عشتهم بذل جوزي كان يضربني وامه تضربني واخواته تضربني ويشتموني ويطردوني من البيت ده غير انهم كانو عايشن في نفس البيت وجوزي يصرف عليهم,وجوزي بده خاني كتير  ,سنين من الخيانه عاش خلالها مع عشيقاته وانا كنت عايشه مع اولادي واستحملت كل ده علشان خاطر ولادي انا وقتها كنت عاوزه اتطلق لكن اهلي رفضو علشان اولادي وانا رجعت لجوزي وقعدت حوالي اسبوعين مش بكلم اهلي لانهم رجعوني غصب عني ووقتها كنت صغيره ومعنديش غير ولدين وكان لسه عندي امل في الحياه قلت اطلق وارجع اكمل تعليمي لكن الجهات اللي كانت بتتدخل في الاصلاح بينا كانو بيفقو بينا واهلي رافضين فكره الطلاق المهم رجعت وحصلت مشاكل كتيره بعدها وكل يوم والتاني راجعه عند اهلي اقلهم مش عاوزه ارجع بسبب مشاكلهم والحمد لله ربنا هدى جوزي وبقى كويس اوي اوي بقى ملاك والله ومخلص ليا ولبيته لكن كل ما يزور اهله يرجع متغير ويكون شايل في قلبه وساكت ولو اتناقشنا يطلع كل الكلام اللي شايله ,اخر خناقه كانت من شهر تقريبا وكان سببها اني روحت زرت اهلي لاني عايشه في بلاد برا وانا ساكنه في شقه وحماتي في شقه بنفس البنايه وفضلت هناك كام شهر وكنت بزوح اهلي كل كام يوم وقامو بواجبهم معايا ومع اولادي لما رجعت لجوزي لقيته حاقد وشايل من اهلي وكل شويه يقولي انتي صرفتي الفلوس على اهلك مع العلم انه اداني مصاريفي انا والاولاد واتبقى معايا مبلغ ورجعته لجوزي وكل يوم يوم والتاني يقولي نفس الكلام ويقولي اهلك كانو يجو يزوروكي ولما يجو كانو ياكلو ويشربو من فلوسي واستغلوكي وخلصو الفلوس كل ما يجو يزورني وياخدو منك اجره ما كانو يوصلوكي بالعربيه من بيتك لبيتهم وطبعا كل كلامه عاري من الصحه واهلي زاروني في بيتي كام مره ,مره اول ما جيت جم يسلمو عليا ويشفوني ومره لما سافرت جم يودعوني لما سافرت ومره كنت عامله اكل وغصبت عليهم يتغدو عندي المهم الكلام وصله ازاي وصله من حماتي وابنها وكل شويه يقولي ضيعتي فلوسي على اهلك وانا والله ما كان معايا غير مصاريفي انا واولادي ورجعت منهم امبارخ اتخانق معايا للموضوع ده برده انا زهقت وقلت هصبر لغايه امتى والمشكله انه ظالمني وبستفزني باهلي ويولي لو كنت في البيت ساعه ما زارتك مرات اخوكي كنت………كلمه ما يصحش اقولها انا اول ما صحيت من النوم كلمت امي وقلتها على اللي حصل هيا كلمت جوزي بطريقه كويسه وقالها بتك طول الوقت تتكلم عن اهلي قالتله بالعكس كل ما تتكلم عنهم قدامنا وقدام اي حد بتمدحهم والدتي ست طيبه وغلبانه ومحصلش اي حاجه على التلفون لما جوزي قفل الخط قالي لانك كلمتي اهلك انتي طالق قالها 6 مرات وكان شايل فلوس في البيت اخدها وخرج قلتله انا متهمنيش الفلوس دي اخر حاجه ممكن افكر بيها انا الي يهمني اني احافظ على جوزي واولادي وبيتي واستحملتك السنين دي كلها علشان اولادي بس لما انت عاوز كده براحتك وعلى فكره قالي انه هيتجوز من بكرا وهو كل ما نتناقش او اقل كلمه اتنفس بيها يقولي هطلقك وهتجوز والكلمه دي لازقه بلسانه بقالها شهرين انا احترت والله اعمل ايه اكمل في الطلاق ومرجعلوش تاني ده يعني لو حصل ورجع ولا اعمل ايه انا في غربه وماليش غير ربنا واولادي انا والله بحبه برغم كل اللي هوا بيعمله وخايفه الاولاد تضيع في المشاكل ديه بحبه وخايفه منه خايفه لانه ملوش امان ممكن يغدر بيا بدقيقه طول عمرو بيخوني ويضربني وطلقني مره قبلها من والي 10 سنين ولما ربنا هداه رجع لطبعه الاول يعني حياتي معاه متعلقه بمزاجه وقت ما يحب يكون كويس ولو فتحت بقي بكلمه او حاولت ادافع عن نفسي ابقى روحي وانتي طالق واطلعي برا وهرميكي برا وهتجوز وووو انا لسه محدش بيعرف باللي حصلي ولا حتى اولادي بس هم عارفين انا اتخانقنا دلوني اعمل ايه حاسه اني ضايعه وهشتغل فين انا معنديش شغل وهروح فين وبيقولي معاكي كام يوم وتخرجي من البيت لاني هبيعه والحكومه هتيجي وتطردك منه

مشاكل وحلول ذات صلة

اضيف بتاريخ: Friday, March 2nd, 2018 في 00:30

كلمات مشاكل وحلول: , , ,

ردود to “زوجي طلقني”

  1. ابوالبتول
    02/03/2018 at 17:03

    لاحول ولاقوة الا بالله العلي العظيم كان الله بعونك ياااختي كل تصرفات زوجك هذا تدل على انه شخص مايخاف الله عزوجل ولايقدر الحياة الزوجية ولايستاهل ان يكون زوج لك واب لاولادك لانصحك بالبقاء معه على الاطلاق حتى لو كان اخر راجل في هذة الدنيا لاترجعي له هو الان طلقك وصار الطلاق بينكما خذي اولادك وروح لبيت اهلك وعيشي معاهم مكرمة ومززة حتى تحصلي على ورقة طلاقك منه رسميا واوعي ترجعي له مهما كانت الظروف عمرو لن يتغير ابدا ولاهيعرف قيمتك ولاقدرك الزميه بالنفقة للاولاد فهذا حقهم الشرعي واياك والتساهل معو او التنازل في حقوق اولادك حتى لو تطلب الامر الوصول للمحكمة ورفع دعوى عليه ومطالبته بالنفقة والمصاريف للابناء وانت عيشي حياتك حتى يكرمك الله بالزواج من الزوج الصالح اللي يستاهلك ويقدر الحياة الزوجية ويصونها ويسعدك معه طوال عمرك وانت الف من يتمناكي زوجة له ولست باول ولااخر مطلقة في هذا الكون ده هو نصيبك وقدرك انك تزوجت من شخص لاعنده ذرة من الدين ولا الرجولة ولا الاخلاق وربنا فضله كبير وعظيم سوف يعوضك ويكرمك باحسن منو الف مرة اتمنى لك كل الخير والتوفيق والسعادة في حياتك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة