هموم البنات

حياتي اتدمرت من غير اي ذنب

السلام عليكم..
انا حاليا عندي 17 سنه طالبه في الثانويه العامه علمي علوم و بفضل الله متفوقه جدا ..
من ولادتي و انا متربيه جوه بوابه البيت .. مدرستي كانت خاصه و دروسي كلها كانت خاصه لحد ما دخلت الثانوي و انا بخرج من البيت علي السجاده الحمره ..
اول معاناتي بدأت و انا عندي 4 سنين لما اغتصبني عامل عند بابا في المزرعه و ساعتها مكنتش طبعا عارفه اي حاجه ف اي حاجه .. .. و من تاني و انا عندي 7 سنين اغتصبني ابن خالي و بردو كنت ساعتها و لا اعرف اي حاجه..
انا بنت واحده مع اربع اولاد .. و بدأت اكبر و بابايا كان بيجيبلنا شيخ في البيت يحفظنا القران و كنت متفاعله جدا معاه و بحفظ كويس و اخدت في حياتي طريق الدين متدينه جدا و ملتزمه بخماري و السنه ال جايه ناويه علي النقاب و عندي صفحتين دعويتين علي الفيس .. كل دا و مكنتش اعرف يعني اي اغتصاب لحد ما وصلت ل 13 او 14 و ساعتها بدأت اعرف و افهم و .. فهمت يعني اي تكون البنت مغتصبه و بيودي لفين .. عرفت ان حياتي كده اتدمرت و طبعا ساكته و لا قادره اتكلم .. انا دلوقتي خاتمه القران من سنه و مداومه علي مراجعته عندي امل اني اجيب مجموع عالي و اسافر بيه و اكرس حياتي للعلم عشان محدش يجبرني علي الجواز لان لو اي حد عرف مين هيصدقني و هتبهدل و ممكن ساعتها اموت من القهر .. بس من جوايا انا عايشه في كابوس .. كابوس و رعب طول الوقت و سعات بيجيلي انهيار لما افكر في الموضوع و ببقا حاسه بضغط كبير عليا .. كتبت المشكله من اسبوع او حاجه علي صفحه علي اساس اني بحكي عن مشكله واحده صاحبتي و ناس قالت اني لازم مامتي تعرف او ان اروح لطبيبه بس انا مش عارفه اعمل اي .. التفكير ال هو مجرد التفكير كتعب و مؤلم بل كبير جدا .. بتمني تقدمولي اقتراحات تحل المشكله بس بليز تكون موضحه و منطقيه .. لاني فعلا محتاجه مساعده ..

مشاكل وحلول ذات صلة

اضيف بتاريخ: Monday, October 16th, 2017 في 17:50

كلمات مشاكل وحلول: , , ,

4 رد to “حياتي اتدمرت من غير اي ذنب”

  1. مؤمن
    25/10/2017 at 00:58

    الستر من الله لا تجعلي الشيطان يستحوذ عليكي واحسني الظن وتفائلي بالخير وان شاء الله انتي بكر وسوف يسترك الله بستره وتتزوجين وتعيشين في احسن حال وامك هي سرك وهي خير ناصح وخيرمعين بعد الله عزوجل اعرضي عليها الامرسترنا اللله واياكي في الدنيا والاخرة

    قَـيّـم هذا الحل: Thumb up 0 Thumb down 0

  2. ابوعبدالله
    17/10/2017 at 10:28

    يابنتي كان الله في عونك
    ليس لك حل الاحل واحد
    الاوهوان تذهبي لطبيبة وليس طبيب فيقوم برتق غشاء البكاره ويعيده لسابقة وهذا الحل
    المشكله نعيش في مجتمع لايرحم ابداء بمعني كلام الشيطان مسموع عنهم وهذه مصيبه
    عليك بالدعاء واسالي الله الستر بالدارين
    وانا لواعرفك ليس عندي مانع من الارتباط بك

    قَـيّـم هذا الحل: Thumb up 0 Thumb down 0

  3. عابر سبيل
    17/10/2017 at 01:59

    نصيحتي انك تهتمي بمذاكرتك حاليا لانك في سنه صعبه وخداعه وانك تاجلي المشكله دي بعد الامتحانات وانك في مره تروحي لدكتوره تتاكدي اذا كنتي بنت او لا لان ممكن الي اغتصبك كان مجرد تحرش والله اعلم ولو لقدر الله الدكتوره قالتلك ان تم الاغتصاب ممكن سعتها تعملي عمليه ترقيع بعد ما تحكي لوالدتك لانك مالكيش اي ذنب في حاجه ولتاني مره اهتمي بمذاكرتك لاني كنت السنه الي فاتت مكانك وحصلي مشاكل خلتني اهمل دراستي بس الحمد لله علي كل حال

    قَـيّـم هذا الحل: Thumb up 0 Thumb down 0

  4. ابوالبتول
    16/10/2017 at 19:24

    ياابنتي الغالية السلام عليكم ورحمةالله وبركاته ماحصلك من اغتصاب وانت صغيرة في السن 4سنوات او 7سنوات لايعنى انك فقدت بكارتك فليه الخوف والقلق اللي عايشة فيه انت الحمدلله فتاة حافظة للقران وعلى خلق وتربية ماشاء تبارك الله والانسان في الصغر لايواخذ بماعمله انما يكون التكليف عند البلوغ عندها يكون المرء محاسب على كل صغيرة وكبيرة عملها في حياته استهدي بالله واطمني فانت ان شاء الله بنت بنوته وعذراء وبكارتك سليمة ولو مش مصدقتني روح لاقرب طبيبة وتاكدي بنفسك او تكلم مع ماماتك في هذا الموضوع ولاتخفي عنها الحقيقة وابعدي عن الاوهام والوسواس التي تفكري فيها فهي سبب الكابوس والرعب والقلق اللي انت فيه وربنا يصلح حالك ويسترعليك ويبارك فيك وكل بناتنا المسلمات

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة