هموم البنات

مابي امي تتزوج هل انا انانية

السلام عليكم ورحمة الله وبركاته

لا اعرف ككيف ابدأ ولا كيف آنهي الموضوع لكنني سأكتب ربمآ اجد أجابة على سؤالي

ابوي طلق امي من كم سنة يمكن 3 أو 4 سنين وأحنا عشنا مع امي ف بيتنا وابوي يصرف علينا طبعا
انا واجهت كثير مشاكل من هالطلاق صحيح ان ابوي ما كان بذيك الحنية قبل الطلاق لكن بعد وبما اني اكبر بنت
واكبر ابنة من اخواني وعشت بينهم اكثر تعقدت جدا وخصوصا ان الطلاق كان مو كذا بس كان مصحوب بمشاكل كثيرة
آنا تغيرت ، شخصيتي تغيرت صرت غغغغغغير صرت غيورة ومعي حب تملك وكثير من الطباع الي مو زينة
ترعرعت بين المشاكل وتربيت وانا بينها واشوفها وافهمها ، اخواني كلهم وقت المشاكل كانو ما يفهمون كانو صغار لكن انا
كنت كبيرة شوي ، حملت هموم ع صغري وصار عقلي اكبر من عمري صرت شكاكة كثثير وما اوثق باحد
صرت كتومة جدا – لكن المشكلة ماهي هنا المشكلة اني خايفة امي تتزوج ؟ هالفترة كثير يقولولها تزوجي ويعطونها هالنصايح
لكن هي ماترضئ وتقلهم وتقوللي انا م رح اتزوج ! لكن انا خايفة ! وبنفس الوقت ابوي يدور زوجة !!!!!!!!! انا ما بي ابوي يتزوج ولا امي
انا ابيهم يرجعون حق بعض نعيش بينهم ك اي اسرة ! اختي الصغيرة بعد ولادتها الطلاق وما عاشت بينهم ابد وتسالنا دوم ليش
ابوي ما يقعد عندنا بالبيت انا مابيها تتعقد يوم تكبر ابيها تعيش سعيدة ، صحيح ابوي موب مقصر ولا امي بس .
انا مابي امي تتزوج هل انا انانية ؟ انا مابي ابوي يتزوج هل انا انانية ؟ انا ابيهم يرجعون ع بعض هل انا انانية ؟
كل يوم ادعي انهم يردون لبعض ويعيشون معنا اثنينتهم واحنا بينهم نعيش بسلام وحب وامان
امي هالفترة كله احسها ملانة ومتضايقة انا اخاف ان تبي تتزوج صحيح اهي ماكدة لي انها ماتبي بس انا اخاف ، انا مابي نتشتت اكثر من كذا
انا ابي امي ترد لابوي ، عطوني حل شأسوي ؟ وكيف آتصرف ؟

مشاكل وحلول ذات صلة

اضيف بتاريخ: Monday, December 11th, 2017 في 12:50

كلمات مشاكل وحلول: , , ,

اترك رداً أو حلاً لهذه المشكلة