هموم الشباب

عندي يقين أنه لايوجد حرام أو حلال

عندي سؤال صغير شاغل بالي السنة دي لو احمد شاف بنت حلوة وحبها من بعيد لبعيد عايز يقرب منها بس متردد ومافيش الارادة الي تخليه يقرب منها والبنت عارفة ومتربصة أي موقف يحصل لكن شاب ثاني اسمه محمود مشي بخطوات سريعة مر عليها وهو غريب عنها لكن الغريب انه كلمها في ثقة في ظرف دقيقتين طلعت له الموبايل وهو كمان طلع لها الموبايل وخد رقمها والمهمة اكتملت وعمل الي عليه واحمد بيموت بحسرته والبنت عارفة وتبص له بشماتة كدة لو رجعنا قبل ثلاث دقايق واحمد قرب منها فعلاً وقال لها كلمتين حافظهم كدة عشان يقرب لها وكانت بتكرهه جداً المهم ادته قلمين ولمت عليه الناس واتقال عليه متحرش جنسياً وبقى في السجن عقاب على غبائه فإذا كان التحرش حرام وظلم زي ما بيتقال للبنت مع اني شايفه ظلم للاثنين واحد بيتعاقب على غبائه وواحدة مشغلة اسطوانة الخوف من واحد (أقل منها مجرد شماتة ومش مستاهلة) طب ما محمود عمل كدة برضو تحرش بطريقة الخاصة لكنه نجح وماتعاقبش والمسألة بين احمد ومحمود مسألة ذات وكيان مش سلوك وماهياش زي السرقة محمود سرق زي احمد ما سرق لكن سلوك زي دة ماتفهمش ايه الصح والغلط فيه طالما البنت ترتاح لدة ومترتحش دة يبقى فين الحلال والحرام في السلوك دة ؟ إلا اذا احمد نفسه حرام ومحمود ذات نفسه مش حرام واحنا مش عارفين لكن للأسف لاحظت في الموضوع الصغير دة تطبيقات كثيرة أوي في حياتنا أساسها الحب والحب أعمى وميعرفش حلال ولا حرام مثال بسيط أوي من أسباب الفساد هو حب الفاسد واكتشفت ان مافيش خير محض ولا شر محض وشخصية الانسان بتكون من دة على دة لكن الي بينزل الانسان من مستواه وكرامته هو غبائه مش سلوك حرام أو عملة حرام حتى لو بيدعي ربنا ليل نهار ودة أثر على حياتي اني مبقتش أشكر الله على أي حاجة لاني بحس ان كياني كله شرب الغلط فبقى غلط والدول الي عايزة تتقدم تعمل اسلوب التضحية بتضحي بيه على طريقة النازية بس على نضيف ومش ملحوظ أو بمعنى أدق على طريقة البنت الي كانت مع احمد ومحمود انت عندك بلد تعدادها 100 مليون جايين على مواردك وبيستفيدوا منها فأفضل طريقة لترشيدها هو اختبار بسيط تعرف الذكي من الغبي وانتهى الموضوع على كدة لغاية ما الدولة تتقدم طيب واحد زي احمد في الموقف الثاني هو في السجن بتهمة انه غبي (ظلم المرأة واعتدى عليها بغبائه وذاته الغبية) هيعمل إيه ينتحر من نفسه أو يطلب خط ساخن للقتل الرحيم ؟ الله أعلم بس اعرف ان فيه كام مليون احمد بتعاطف معاهم و أتمنى نشر مشكلتي و شكراً.

مشاكل وحلول ذات صلة

اضيف بتاريخ: Friday, May 4th, 2018 في 21:17

كلمات مشاكل وحلول: , , ,

4 رد to “عندي يقين أنه لايوجد حرام أو حلال”

  1. ابوالبتول
    04/09/2018 at 10:39

    ياابن الناس الحلال بين والحرام بين والله تعالى شرع لنا الحلال وطريقه وحذرنا من الحرام وطريقه ارجع بارك الله فيك للكتاب والسنة وهتعرف مشروعية الحلال والحرام والفرق بينهما وكيف الوصول للحلال والابتعاد عن الحرام ولاتكن امعة ان اساءوا الناس تعمل مثلهم لا بل ان احسنوا تحسن مثلهم وان اساءوا تتجنب اساءتهم ولاشك ان عنفوان الشباب يجعلك تفكر في المعاصي والمحرمات ويوقعك في طريق الحرام والمهالك فانجو بنفسك من الهاوية والانزلاق الى هذا الطريق بان تتقي الله عزوجل في نفسك وفي كل تصرفاتك واقوالك وافعالك وتكبح جماح شهواتك ولاتطلق لها العنان بان تغض بصرك عن المحرمات من رؤية البنات والنساء وتحرص على عدم الاختلاط بهن والوقوع في الفتنة فان اشر فتنة على الانسان هي النساء كما اخبرنبينا الكريم عليه الصلاة والسلام – ماتركت بعدي فتنة هي اضر على الرجال من النساء- وان كنت في سن مناسب للزواج فاعف نفسك ياولدي وتزوج من بنت الحلال اللي تشاركك حياتك وتسعدك في هذي الدنيا وان كنت غير قادر على الزواج ولاعندك الاستعداد لتحمل اعباء المسوولية فعليك بالصوم فانه وجاء ووقاية لك من الحرام دعك من تصرفات بعض الشباب الساقطين الذين يهلثون وراء المحرمات والفواحش من التحرش بالبنات واقامة علاقات معهن فهذا ليس طريق المسلم اللي يعرف الله حق المعرفة وانما طريق الشيطان اللي يزين لهم سوء اعمالهم ويوردهم المهالك هل ترضى ان اختك تعمل هكذا تقيم علاقات مع شاب وتتكلم معه وتخرج معه الى اخره طبعا لا فكيف ترضها بالله لبنات الناس الاخرين كل انسان منا في هذي الحياة محاسب على عمله والله عزوجل لايخفى عليه شئ في الارض ولافي السماء ويعلم بما في القلوب ويمهل ولايهمل عزوجل وسوف ينتقم من كل شخص تعدى على اعراض الناس ويفضحه على روس الخلايق فهل تريد ان يكون حالك مثل هذا وتنال غضب الله عليك وسخطه فتوب الى ربك توبة صادقة واستغفره واندم على ماكان منك في السابق واصلح من حالك وتقرب لربك كثيرا واطلب المغفرة والرحمة والتوبة منه فهو ارحم بك من كل البشر حتى من امك اللي ولدتك اسال الله رب العرش العظيم ان يتوب عليك ويصلح حالك ويهديك ويعصمك من المحرمات والمعاصي والذنوب ويطهر قلبك ويحصن فرجك ويؤفقك لكل عمل الخير في حياتك انت وكل شباب وبنات المسلمين اجمعين

    قَـيّـم هذا الحل: Thumb up 0 Thumb down 0

  2. صاحب المشكلة
    08/05/2018 at 22:40

    كلامكم جميل وفيه احساس بالمشكلة لكنه مش مقنع وكإني جوه حاجز كبير مش بخرج منه . ممرتش بتجارب من دي بس انا متأكد اني تحرشت جنسياً لما بقرا أي موضوع عن التحرش الجنسي بحس اني بكره نفسي أوي معقولة نظراتي وحركاتي وسكناتي وجوارحي إرهاب للمرأة وتكدير للسلم العام وحد للحرابة زي ما البنت حاسة بكم الخوف الولد بيحس انه مكروه وعشان كدة معظم الشباب يبرر التحرش الجنسي بإطار اجتماعي أو ديني انما هو في الحقيقة مش عايز صورته تطلع وحشة أما يحس انه مرفوض شكلاً قبل ما يكون سلوكاً ولان سلوك بنسميه “تحرش جنسي” يكون فيها إيماءات جنسية بالنسبة لها تهديد ممكن تكون الإيماءات دي مصدر عادي عندها ومحبب من واحد تاني. عرفت ان مافيش حلال وحرام فيه قوي وضعيف لو هو قوي بيعمل الحرام دة وعنده ملكات ومواهب مش هتكون جريمة انما لو واحد مش عارف يخرج من دايرة احساسه انه مش مقبول وبيعافر عشان طبيعته انه يحس بالتقدير والأمان ومش بيتوفق برضه ويتوصم بالإجرام دي حاجة تجرح مشاعر أي حد مر بالتجربة وانا متعاطف معاهم جداً . المرأة الي بتبرر خيانتها والراجل الي عينيه زايغة بس معندوش مبرر غير ان عينيه زايغة وبس . المرأة الي بتبرر القتل وتخطط له والراجل الي يقتل في لحظة غضب . التقسيم الحقيقي من حيث النوع رجل وامرأة ولا شيئ زي مملكة النحل ذكر وأنثى وشغالين كفيل انك تحس بحياة الغاب الي بنعيشها . حتى لو بنت عاشت معايا وبقت شريكتي هفضل أتعاطف مع الشخص دة المعدوم الي كل حاجة منه تتفسر غلط هتعاطف معاه للنهاية هدعمه حتى لو وصلت لأعلى المناصب هنزع من نفسي قناع الراجل الحكيم خفيف الدم وأعلن أمام الملأ الانسان دة يمثلني مجرد انسان معندوش ملكات لأي حاجة الا غريزته أشبهه ويشبهني بدل ما تسجنوا واحد بيعاكس بنات ويحس ان الجريمة في ذاته مش في سلوكه وفعلاً مش بيعرف اسجنه في مكتبة في مستشفى رعاية يساعد الناس يقرا أبيات شعر .وبس

    قَـيّـم هذا الحل: Thumb up 0 Thumb down 0

  3. ابوالبتول
    05/05/2018 at 19:22

    انت ضعيف الايمان ولاعارفش الحلال من الحرام ولا الصح من الغلط وخسارة التعليم في واحد زيك ماذا دهاك علشان وحدة ساقطة ومنحلة تعمل كلدا في نفسك وتخليك تجحد بالله عزوجل وتقول مافيش لاحلال ولاحرام في هذة الدنيا ولاتعرف ان الحلال والحرام ورد في القران الكريم ذكره على لسان سيد البشر اجمعين عليه الصلاة والسلام وهو موجود في هذة الحياة حتى يرث الله الارض ومن عليها اتقي الله عزوجل وتوب لربك واستغفره واندم على ماحصل منك من قول او فعل يغضب الله عزوجل وتاكد ان الله يمهل ولايهمل ولايخفى عليه شي في الارض ولافي السماء ويعلم ماتخفي الصدور وهو على كل شئ قدير لاتكون امعة ان اساءوا الناس تعمل زيهم ولكن ان احسنوا احسن مثلهم وان اساءوا تجنب اساءتهم واللبيب بالاشارة يفهم انت شاب في عز شبابك والعمر لسه قدامك طويل وعايزك تعتز بدينك واخلاقك وبتربية الاهل لك وثقتهم فيك وتحافظ على تلك الثقة وتكون جديرا بها وتبعد عن العلاقات المحرمة مع البنات وتجنب النظر لهن او الافتنان بهن فهذا من عمل الشيطان ليوقع الانسان في الفتنة والرسول الكريم – ماتركت فتنة اشد على الرجال من فتنة النساء – وقال ايضا- من ضمن لي مافي فكيه وفخذيه ضمنت له الجنة – يعني لسانه وفرجه وهذا الحديث للعموم سوا ذكر او انثى الرجل والمراة لهما سوا احرص بارك الله فيك على صون نفسك من المحرمات والوقوع فيها ومن المعاصي والذنوب واعلم ان الله عزوجل سائلك عن كل صغيرة وكبيرة فعلتها في حياتك ولا يعزب عنها مثقال ذرة لافي الارض ولافي السماء وعامل البنات اللواتي تقابلهم سوا في الجامعة اوفي العمل او في الشارع كانهم زي اخواتك فهل ترضى لاختك انها تتكلم مع شاب او احد يتحرش بها طبعا لا كذلك الناس لاترضاها على بناتهم واشغل اوقات فراغك بطاعة الله عزوجل من التقرب اليه في المحافظة على صلاتك جماعة في المسجد مع المسلمين ومن كثرة الصوم وقراءة القران الكريم وتدبر اياته والتفكر فيها وكثرة الاستغفار في كل الاوقات ومن الصلاة على النبي وبر الوالدين والطاعة لهما والبروالاحسان لهما وصلة الارحام والصدقة ولزوم حضور مجالس الخير والذكر واختيار الرفقة الصالحة وترك رفقاء السوء والابتعاد عنهم و فكر في الزواج من بنت الحلال الصالحة انت بحاجة للزوجة وفيه الستر والعفة لك من الوقوع في الحرام واحسن الاختيار للزوجة من دين وخلاق وتربية وسمعة كويسة ولاتنخدع بالمظاهر والجمال الزايف فخير متاع الدنيا المراة الصالحة ربنا يصلحك ويهديك ويسترعليك انت وكل شباب المسلمين

    قَـيّـم هذا الحل: Thumb up 0 Thumb down 0

  4. Dr-aaa
    04/05/2018 at 23:45

    ماقلتش عمرك،،لكن واضح من كلامك ان سنك صغير،،للأسف خليت تجربة واحدة تحطمك وتدخلك في كلمة حلال وحرام،،الحلال بين والحرام بين وكله وضحه القرآن والرسول عليه الصلاة والسلام ،،مجرد قصة خلتك تبني احكام لا وكمان خلتك تجحد ربنا بعدم شكره،،مش معنى ان بنت تصرفت تصرف غير مناسب يخليك تروح لبعيد كده،،الانسان المحترم الي عاوز الحلال حيلاقي وحدة تفهمه وتفهم قصده من غير ماتتهمه ولا تسجنه وحدة محترمة،،والانسان غير المحترم حيقابل وحدة غير محترمة يمكن تمشي معه فترة بس مش حيستمروا،،اذا كان شخص محترم تعرض للسجن فمش معناه ان الدنيا انهارت ويخرج يجحد حتى ربنا وشكره،،واقرا قصة الامريكي الي اتحبس ظلم في قضية قرابة ثلاثين سنة ولمااتضحت براءته سأله القاضي عن التعويض الي يطلبه فكان رده جميل جدا ماقالش ليش يارب ولا عاوز ينتقم قال بس عاوز القوانين تتعدل عشان مايحصلش مع غيري الي حصل لي،،ده وهو مش مسلم،،فليش نحن المسلمين نكون على مستوى من السطحية والضعف لمحرد تجربة سلبية

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة