تعبت نفسيا من امي تعبت وهي تعاملني كأني لسا مراهقه تعبت لأنها تشوف نفسها معطيتني الحريه وانا لو اقول لها بروح عند صديقه لي ترفض تعبت لان تمشي أمور حياتي على كيفها تعبت لدرجة اني كنت مره مرتاحه لانها سافرت لدرجة اني مابيها ترجع تعبت كثر مااشوفها كوابيس في أحلامي كل أحلامي عنها أنها تخنقني كل أحلامي عنها أنها تحبسني داخل صندوق واحس بكتمه واحس مو قادره اتنفس اصحى من النوم ويزيد حقدي عليها لهدرجة وصلت صرت اشوفها كابوس في منامي… خوفها المفرط اذاني وخلاني عديمة الثقه بنفسي خوفها المفرط خلاني اشوفها كابوس في حلمي خوفها المفرط طيحني في مشاكل كثيره خوفها المفرط خلاني انسانه ضعيفه خوفها المفرط دمرني وكل ماجيت اناقشها لاتسمعني لأنها تمتلك طبع سيئ وهو عدم تقبل أخطائها حتى مع الآخرين ترا نفسها الصح ماعمرها كانت حنونه علي ولاعمرها سألتني انا ايش اخباري مع هالدنيا ولما اقول لها اساليني عن حياتي تقولي ايش هي حياتك كلها اكل ونوم تعبت لأنها محاصرتني وترفض أشياء كثيره بدون اي سبب مقنع لما اناقشها اعطيني سبب مقنع يخليك ترفضي اكتشف انه ماعندها اي سبب مقنع ولكنها تحب تفرض شخصيتها علي وصلت لمرحلة لما اشوفها تتعب مااهتم ولما اشوفها تبكي مااهتم حتى هي تقول انتي بنت قاسيه وارد عليها انتي اللي خليتيني قاسيه رغم ان امي صغيره بالسن ولكن للأسف لاتفهمني حتى صديقاتي وصديقاتها ملاحظين عليها هالشي ب انها محاصرتني وانها غير متفهمه معي وانا صغيره من سن ١٧ إلى ١٩ حاولت كثير انتحر بسببها من الضغط النفسي اللي تعيشني فيه والى اليوم هاذا واحس كأنها تخنقني نفسيتي تعبت كثير
أختي العزيزة
أنصحك بإنك تكتبين مشاعرك بورقة وقلم بعدين تمزقين الورقة وتكبينها بالزبالة
أو تقولين مشاعرك مع شخص آخر تثقين فيه
وهذا الشي راح يخفف عليك صدق
وزيادة على كذا أنصحك انت وأمك انكم تروحون للأخصائي النفسي لأنه محاولاتك للانتحار ما راح تخفف عليك (ولا تقتلوا أنفسكم إن الله كان بكم رحيما)
وفي شي يمكن تشوفينه صعب عشان مشاعرك السلبية اتجاه أمك بس أحس راح يفيدك صدق
وهو إنك تكسبين أمك باللطف واللين
حاولي قد ما تقدرين إنك انت اللي تبدين تسألين عن أمك وكيف حالها لأن يمكن هي كمان تعاني من ضغط نفسي
واسأليها عن أحواليها وحبي راسها واحضنيها قبل ما تنام
وأحس انت الفايزة اذا سويتي كذا
وابدي تدريجيا إذا حسيتي مره صعب تسوين هذي الأشياء عشان ضغطك النفسي بس كونه صعب مو معناته إنك ما تقدرين
الحياة صعبة بس انت خلك أقوى منها واكسبي أمك واقنعيها إنكم تروحون سوا لعيادات نفسية وتقولون مشاكلكم هناك لأنهم أشخاص عندهم خبرة وبيفيدونك إن شاء الله
أتمنى إني أفدتك والله يكون في عونك يا رب