أهل خطيبتي بيسألوني عن مرتبي

صاحبة والدتي عرفتني على بنت تعرف امها من زمان، بغرض الجواز، المهم روحتلهم البيت زيارة التعارف اللي اتكلمنا فيها وعرفنا بعض وسيبتها يومين تستخير وتفكر، بعدها ردو عليا بالموافقة بس ابوها محتاج يقعد معايا يتعرف عليا فروحت اقعدت معاه وسألني عن شغلي وظروفي ومرتبي فأنا اندهشت من سؤالهم عن مرتبي فقلت جايز يكون بحسن نية بيسالو عادي فقلتلهم مرتبي بس هم حسو اني اتضايقت شوية بس عادي القعدة عدت من غير ما نتكلم في تفاصيل الجواز عشان عرفتهم أنه المرة اللي بعدها هجيب والدي والدتي ونتفق، المهم سيبتهم اسبوع عشان يفكرو ويرتبو أمورهم واتصلت بيهم عشان أحد ميعاد المقابلة وأبوها اداني ميعاد ع أساس أنهم موافقين فروحت انا وخالي وأمي عشان نتكلم ف تفاصيل الجواز فاتفاجئت أنهم بيفتحو موضوع المرتب تاني وأنه مش عاجبهم ومن وجهة نظرهم أنه ميفتحش بيت فحاولنا نقنعهم بأنه ظروف الشباب كده ف الوقت الحالي إلا أنهم كانوا ماسكين ف موضوع المرتب وأنه مش هيكفيها مصروف وغيره ومتكلمناش ف تفاصيل الشبكة والعفش، فحسينا أن الناس دي ماديين وكل تفكيرهم أن بنتهم تعيش مرتاحة ماديا ونهينا القعدة ومشينا، المشكلة أنهم حطوني ف موقف محرج مع اهلي وكان ممكن يوفرو عليا مشوار زي ده أنهم يرفضو بشياكة ف التليفون قبل ما اروح لهم.. هل اللي عملوه ده عادي ولا ايه؟

مشاكل وحلول ذات صلة

• كيف اتصرف مع زملائي بحدود الدراسة والارتباط
• خطيبى اكتشف علاقاتى
• بحبها وعايز اتجوزها بس صعب دلوقتي
• خليجي واحب بنت مصرية واهلي يرفضونها
• اكمل معاه ولا اسيبو بعد اللي حصل
• بحب اخو خطيبى
• زوجي بيسألني عن الزواج مرة ثانية في السر