بسم الله الرحمن الرحيم ,, انا متابع موقع مشاكل وحلول من زمان وبجد موقع هايل .. حبيت اعرض مشكلتي واشوف ارائ حضراتكم فيها
انا دلوقتي شاب عندي 18 سنة من حياة بسيطة شاب مليش علاقة بالناس كتير ولا ليا تجربة مع اي بنت ولا ليا اي قصة حب مع اي بنت اتعودت من صغري ع الخجل ودي المشكلة الاساسية اني مش جرئ في الحاجات دي انا ماحبتش غيرها بجد في حياتي حب حقيقي وحب صادق هي عندها 17 سنة وانا اكبر منها بحوالي سنة لكن اللي انا حاسه وعارفه ومتأكد منه انها بتحب شخص اخر والشخص ده هو ابن عمي برده للاسف لكنه اكبر منه بحوالي5 سنين !!! وعكسي تماما : انا مؤدب هو صايع (دي حقيقة) انا لا باشرب سجاير ولا اي حاجة هو بيشرب سجاير وكل حاجة انا مليش اي علاقة مع بنات وهو كل يوم يكلم بنت جديدة وله علاقات كتير مع البنات اانا مش مأمن مستقبلي ولا جاهز وهو عنده كل حاجة جاهزة ومنتظر يخطب بس يعني هو عنده شقته موضبها وكله تمام ومستعد يجيب احلي شبكة بفلوسه هو مبسوط ماديا جامد يعني ماشاء الله لكن انا العكس برده !
هي بتحبه هو وانا عارف وهو كان اتقدملها كمان وهي كانت موافقة لكن اللكلام اتاجل لحد ماتخلص دراستها
انا خايف تضيع مني من قبل حتي ماتعرف اني بحبها .. مع اني حاسس انها حاسة من تتصرفاتي انا باحبها كنت باكلمها ع الميل وابعت لها اغاني حب يمكن تفهم ! لكن كانت بترد باغاني غير معبرة خالص
انا للاسف حيران : ياتري اعمل ايه علشان اخليها تحبني وتحس بيا! ومحدش يقول لي اعترف لها بحبك لاني عارف انها بتحبه هو ! يعني ازاي اعترف لها بحبي وانا عارف انها بتحب واحد تاني مش معقول طبعا
انا دلوقتي كان حصل معاها مشكلة كده ومن ساعتها داخل علي اكتر من شهر اهو ولساني مش بيخاطب لسانها حتي اما تيجي في بيت العائلة وكده باسلم علي كله الا هي وهي كمان نفس النظام
ساعات بتبصلي كده واحس انها سرحانه فيا ساعات يعني لكن الله اعلم ممكن يكون ده علشان انا ليا معاها ذكريااات كتيييييييرة جدا ذكريات طفولة اجمل مما يمكن لكن للاسف كبرنا وحبتها ! انا حبتها مش حب عادي .. والله العظيم ياجماعة انا كل يوم بافكر فيها مش بتغيب عن بالي لحظة اصحي من النوم افكر فيها ادخل انام افكر فيها اجي انزل من البيت افكر البس ايه يعجبها يعني حياتي كلها مبنية علي واحدة بتحب غيري اصلا
ارجو منكم الدعاء ليا من قلبكم بجد انها تحبني زي مابحبها وتتمني الارتباط بيا زي مابتمني الارتباط بيها
واسف جدا ع الاطـالة
اعترفلها بحبك وهيك راح تتخلص من هذا التوتر
ياعم والله العظيم فكك حصلت معايا بس ربنا عارف الحب بدعه فخلق نعمه النسيــــــــــــــان ولو مدياق وش خلاص ياعم الي خلقها خلق غيرها واحسن منها يا عم فكك طنش تعيــــــــــش زميلك صاصا التوب
قولها والحب مش بلعافيه ويمكن ابن عمك مش بالشكل الي وصفتو لان الغيرة منه بتخليك تقول اكتر من كده وزي ما قلت الحب مش بلعافية لو بتحبها قولها من دون اي تردد
عارف تعمل اية الاول حوال تخالى الخلف اللى ما بنكو زى الماء تود لمجريها وشغل عقلك
هاقوالك ازاى
اكيد هى بتدخل على النت كتير وليه اصحاب كتير
واكيد الميل بتاها معاك
هتعمل اية يا صحابى بقا تعمل ميل جديد ليك
وكلمها قاله انا انسان بيحبك اوى وتعرفيا اوى لكن يمكن صعب اوصل كل حاجه
لان مش كل اللى انسان عاوزها يقدر يحققه لكن انا اكتفيت انى اطمنا عليك
يوم بايوم دة عندى بالدنيا وانك لو بيحبى شخص اخر دة اختيارك بس محتاج اطلب منك طلب
ممكن الاول تاكيد من حب الانسان اللى بتحبيها ومايكانش بيخدعك
علشان انا خايف فى يوم من الايام حد يجرحك ويارت زى مانتى عارف انا الناس كله بتحبك
بس اكيد مش زى خد بالك انو ممكن فى يوم من الايام هايجرحك علشان قدر يحكمك انك اللى بتحبها زى ابن عمك فاهمنى
وفاهمها انك عارف الموضوع كله
الاول هاتفهم انك انت وبعدينا غير كدا هاتحوال تحاسس باحساسك علشان تسعدك
لكن ماقدرتش تكلمها وبعينا هاخليه تثق فيك جدا
هاقوالك ازاى
احكله كل حاجه
مهم كانت صغير او كبير
وديما قاله خالى بالك على نفسك
كدا هاتخس انا فى حد بيخاف عليه بجد
ياريت تبعد عنها وتخليها تكمل حياتها طبيعية لو قولتلها حتحملها فوق طاقتها
وبعدين انت عارف انها بتحب غيرك لو انت فعلا بتحبها سيبها تكمل حياتها مع الانسان
اللى هى بتحبه
يابني انت اول حاجه لازم تعملها بجد انك تشوف اي بنت تانيه
حاول تحب اي واحده تانيه غيرها ده انت من دلوقتي كده امال لما تتخطب لابن عمك هتعمل ايه
نقى واحده تتحب بجد ملتزمه ومحترمه تشدك للصح وشويه شويه هتنسي قريبتك
لازم بردو تعرف انها مش غلطانه زي مانت بتحبها هي كمان بتحب غيرك وهي مبتعملش حاجه غلط هي مستنيه حبيبها يتقدملها لما تكبر وخلاص يعني حرام لو رحت قلتلها وتسيبها حيرانه بين نارك ونار ابن عمها وممكن متتبسطش طول ماهى عارفه ان في حد بيحبها وهي ولا هنا .. انا معاك مليووووون في الميه خلبك على نظامك ده لا تبص ولا تتكلم .. ومحدش بيموت من الحب يا اخى يارب يصلحلك احوالك ويرزقك باحلى منها باذن الله
تعارف وربنا انت اصلي واي بنت تستمنك والله لو حبيت تاني لاتنساه حببتك لابد صدقني وطول ماهي بتحب غيرك عمره مهترجع تحبك عارف ليه لاني الحب الاول مش بيتنسي اسمع كلامه من اختك ايه بنت تستمنك ومش مهم اني عندك شقه ولا جاهز لالالا البنت الاي هتحبك مستنيه منك حبك ليه بس بص حوليك هتلقي بنات كتير بتحبك يمكن مش مستريحله بس اكيد مع الوقت هتحبه يارب تنسه قول امين
انا قريت كل تعليقات حضراتكم وواضح ان كله متفق علي اني انساها !
علي فكرة هو ده اللي حاصل دلوقت زي ماقلت لحضراتكم اني قاطعتها ومبقتش اكلمها
ولا احاول ابص في وشها حتي ومازلت مُصر علي دهـ لاني عايز انساها فعلا
بس مهما حصل راعوا شعوري النسيان عمروا ماكان سهل
الله اعلم انا حبيت البنت دي قد ايه .. بس للأسـف مش حاسه بيا
انا نفسي تحس بيا وتفهم اني احبها لكن مش عارف ازاي
مش عارف ازاي اعرف ان كانت بتحبني ولا ايه مش عارف
شكرا لكل اللي حاول يساعدني ربنا يخليكوا
وانا متابع الموضوع
انتبه لنفسك واستيقظ
لو بنت عمك عارفة ان خطيبها صايع وبيكلم بنات وغيره من اللي انت قلته يبقى أكيد متنفعش معاك وممكن تكون بتحبه علشان جاهز يعني طماعة وممكن تكون طيبة ومحترمة ونيتها خير كدة كدة حاول تنساها مادام انت متأكد إنها بتحبه يبقى مفروض تنسى معلش انسى وحاول علشان الموضوع ميزيدش ، أنا عارفة إنه صعب بس مفيش حاجة مستحيلة كل حاجة بتيجي بالوقت ، وعلشان تنساها بسرعة والموضوع يبقى سهل دور على واحدة محترمة تحبها وتحبك وإن شاء الله ربنا يعمل لك إللي فيه الخير ، في الموضوع ده و في كل حاجة في حياتك يارب .
يا صاحبي
حتى لو ابن عمك التانى مش هيوافق انه يتجوزها
هي مش هتقدر تنساه حتى لو ارتبطت بيك
ممكن تحبك اه مع الوقت وتاخد عليك
بس حب ابن عمك التانى في قلبها لسا
شوف
انت شكلك في الجامعه يعني اودامك بنات اشكال والوان
شوف غير بنت عمك لانها لحد تانى
متزعلش من كلامى بس انت باين عليك كويس وطيب
يبقي عندنا تلات نقاط لنسيانها
1 , بنت عمى مش بتحبنى بتعاملنى زى اخوها يبقي انا خلاص هي قلبها مع حد تانى يبقي انا مليش فيه
2 : لازم ابطل افكر فيها طب ازاى استنى لما الاقي بنت الحلال اللى تحبينى واحبها
لان الحب من طرف واحد اصعب انواع الحب
3 ” خليك متفائل مبتسم دايما مع الناس .. اجتماعى خلط على ده وده عشان تفهم الدنيا رايحه فين وجايه منين واعرف الكويس وصاحبه واتعامل مع الوحش بس من غير صحوبيه
عشان تعرف طبع الناس كلها لازم تتعامل مع الناس كلها
ربنا يكرمك
اولا:ادعي ربنا انوا يساعدك .
ثانيا:طالماابن عمك ده غني وبتاع بنات زي ما انت بتقول يبقى في احتمال انها بتحبوا عشان نفسه او عشان فلوسوا ده لو هي عرفا انوا بتاع بنات …فلو عندك اخت قول لها و خليها تعرف منها هي بتحبوا لاي سبب .
ثالثا:حاول تصلح المشكلة الي بينك و بنها.اتأسف ليها.
رابعا:اتكلم معاها.اخرج و كدة يعني .و حاول تمتعها اكتر بحيث انها تعرف انك بتحبها .و بعدين اعترف لها.
السلام عليكم ورحمه الله انت بتسال وبتجاوب على نفسك سبحان الله عارف اسوء حاجه فينا ايه اننا بنبقى عارفين حل الموضوع بس مش عاوزين نصدق نفسنا لان الحل بيبقى صعب طيب منت عارف انها بتحب غيرك يعنى ايه خلاص مش با يدك حاجه ومينفعش تصارحها ياجماعه عاوزين نحافظ شويه على كرامتنا ممكن يكون علاج الجرح صعب لما تكويه بس لزم تعمل كده لزم تسبها ومتفكرش فيها عارف ليه لانها مش بتحبك بتحب ابن عمك يعنى انت بتحبها لكن حبك من طرف واحد وده مش حب لان الحب اخذ وعطاء سيبك منها يا ابن الحلال حاول متفكرش فيها احرق درج ذكرياتك لو فيه رسايل الميل بتاعها اى حاجه تخليك تفتكرها امسحها من حياتك صدقنى مفيش غير كده متزعلش منى لو ردى شدشد بس نصيحه من اخ ليك
اولا السلام عليكم ورحمة الله وبركاته
صديقى العزيز اراسلك وانا على علم ان كلامى هذا سوف يكون كالماء البارد لك فى عز الشتاء اولا الحب علاقة عاطفية مشترك فيها كل الجوانب والمشاعر والاحاسيس بين الحبيبين وليس بين حبيب من طرف واحد انك تحبها من جانبك فقط وهى لا ولم تحس بيك ابدا لان قلبها مشغول بانسان اخر وهو بن عمك وهذه مشكلة اخرى لانه اذا حس ما بداخلك سوف يقول لها وهى تؤمن على احساسه وبالتالى سوف يكشفوا الموضوع امام العائلة كلها وتكون انت الخاطئ لانك تريدها زوجة لك مع انها تحب ابن عمك وهو يحبها اذا عليك يا صديقى الابتعاد عنها كل البعد حتى لا يلاحظك احد واذا كنت تحبها فلازم تضحى من اجل سعادتها التى هية مع حبيبها وليس انت ارجو ان تكون استوعبت ما اريد ان اقوله لك والسلام خير ختام