أنا اتعرفت على واحد مصرى ع الفيس هو عندو 18 سنة وانا عندى 24 كنت بعتبرو صديق بس ، هو ابتدا يحبنى وانا منعتو كتير بسبب فرق العمر الى بينا بس عاند معايا كتير وصمم ع حب ده وانا اتشديت ليه ازاى معرفش وحبيتو وقلت لصديقة لينا احنا الاتنين ع الفيس ع الموضوع ده شجعتنى احبو وقلتلى ايه يعنى 6 سنين وانا مش عارفة ده صح ولا غلط عايزة حد ينصحنى ويقلى حبو ده صح وموضوعى كلو صح ولا لا .
انا عندى المشكلة دى بس انا فى الاول وتقريبا محددة موقفى انه مينفعش علشان كده بحاول اوقف نفسى من البداية …بصى الفرق كبير وهو 18 سنة يعنى لسه صغير جدا جدا يرتنبط ازاى بيكى دلوقتى وانت هتستنيه لما يخلص تعليم ويشتغل وكده ولا ايه …بصى انت حرة بس البنت بتحب تحس ان الراجل اكبر منها وتتدلع عليه كده 🙂 تحس بانوثتها وكمان الستات بتعجز وبيبان فيها السن اكتر من الراجل يعنى لما تبقى 30 سنة او اكتر هو هيكون عايز يعيش مرحلة عمرية مختلفة ….ربنا يهديكى الصواب ويسعدك
انا واقع في نفس المشكله ومشعارف اعمل ايه هي 32 وانا 29 واهلى رافضين بسبب المستوى التعليمي والاجتماعي فيدون
حببتى انا عندى نفس المشكله بس انا قويه الاراده وخليتو خطبنى واحنا دلوقتى مخطوبين بدعى من الله ان يكون ليكى عذيمه وارده وانك تتحملى المصاعب مش فيه حاجه بتيجى بالساهل انا اتذلت لحد ماوصلت للخطوبه من اهله مش هو اما هو بيحاول يراضينى تفألوا بالخير تجدوه وسلميها لله
انا هقول لحضرتك حاجه انا واقع فى نفس الظروف بس هى أكبر منى بأربع سنين كل الموضوع ان بنحاول ان نقنع اهالينا وبنحاول نظبط ظروفنا وبحاول اظبط ننفسى ماديا عشان ننول بعض السن عمره ما كان مشكله طول ما فى تكافؤ عقلى ونضج
ابعدى أفضل هتتعذبى شويه فى الاول بس بعد كده هترتاحى هتفابلى حد من سنك يفهمك وتفهميه لان اهم حاجه التكافؤ وربنا معاكى
بصى أنا اول مرة أعلق على مشكلتك بس أنا شايف صراحة 6 سنين كتير أووووى ايه اللى يخليكى تحبى واحد أقل منك كدة أوى ياأختى خدى بالك أكيد فى ألف غيره يتمناكى بصى كويس وعيدى حساباتك وصلى استخارة ثم أن من أخر تعليق ليكى قريت ان انتى بتقولى عرفتى انه بيحبك عرفتى ازاه؟؟؟؟؟
عالعموم أهم ما فى الموضوع أن من رأيي الأحسن والأفضل شوفى واحد من سنك تحبيه ويحبك وماتخديش أوووووى اللى اصغر منك أنا شايف أنتى أخته الكبيرة حتى اذا فتح تانى الموضوع ده أقنعيه بأنه ماينفعش لصالحه حتى مش عشانك
وسلامى لكي
يا جماعة انا صاحبة المشكلة دى انا خدت بالنصيحة وسبتو بقالى 8 شهور بس اتشفت انى بحبه اوى وهو لسا بيحبنى اعمل ايه
طلاما هو بيحبك يبقى خلاص مفيش اى مشكله
6سنين كثير لمهيم ان يكون قادر على المسؤلية
بصراحة انا زايك في كل حاجة وهو مصري وانا مغربية وبيني وبينو 7 سنوات بس انا بشكر كل ناس على مساعدة ديه نفسي انا كمان ارتاح من عداب دة وبقول لصاحبت مشكلة والله مافي حد ممكن يكون حاسيس بيكي زاي ربنا يستر
بصى حببتى حب النت دة مينفعش صدقينى انا بردك كونت بحب واحد من النت ومازل بحبه من سنتين بس بجد حسيت انه اتغير وانه بيتسله ببنات كتير واصحابى من الفيس واصحابه نصحونى انى اسيبه لان بيتسله فاولا النت دة مش مكان للحب نهائى اما فارق السن دة عادى جداااا لان السيدة خديجة رضى الله عنها كانت اكبر من الرسول صل الله عليه وسلم فالسن انا مش شيفاه مشكلة اللى بيحب بجد مبيهموش سن ولا حاجة انا بتكلم ع الحب عن طريق النت وانتى من بلد وهو من بلد وياريت فى نفس الدولة فانتى كدة بتعلقى نفسك بحاجة متنفعش نهائى حاولى وهتقدرى وانا حسه بيكى والله بس ادعى ربنا وطبعا محدش يعرف ايه اللى ربنا ريده ادعى وسبيها على ربنا وان شاء الله هترتاحى
الحب ……..يعني الزواج ولامانع من وجود فرق بالسن
لكن هل هو يريد يتزوجك وعنده امكانية لذلك
وانا اكاد اجزم انه لسه بياخد مصروف من والده ومايفتح بيت وانه بيتسلى بيكي
ابتعدي والحب الحلال سيأتي لك وانتي كبيره والمفروض تدركي الامر دا الله يوفقك
عادى بس المشكلة هل لدية الامكانيات لفتح بيت وتحمل مسئولية الزواج وهل فعلا هيروح البيت يطلبك من اهلك ولا هيفضل يحب فيكى لين يتخرج ويكون نفسة ويخلص الجيش بتاعة ويدور على شقة وعمل ويحوش ثمن الشبكة والمهر والذهب والعفش وبكدة يكون عمرك عدى وراح بلا فائدة راجعى نفسك وشوفى لو هو جاهز الان ومستعد يبقى على بركة الله وافقى ولا تتاخرى لكن لو هيحصل زى مانا متخيل يبقى شوفى حد جاهز الان وربنا يوفقكك .
بصى اولا حب النت ده محدش بيقتنع بيه اصلا الحب اللى بجد لازم هو يكون شافك وعارفك صح وانتى تكونى عرفاه كويس وتسالى عنه وكدا فهمانى ولو و بيحبك بجد قوليله تعالى اتكلم مع اهلى وتشوفى رده ازاى ده لو بيحبك بجد وناوى على جوااااز بس علشان تعرفى فارق السن ملهووووش دعوه خاللص بالجواز اهم حاجه الحب والتفاهم بين الطرفين بس لازم تفكرى فى كل حاجه كويس قبل ما تعمليها لازم تتاكدى انه بيحبك علشان مش تتعبى او تقعى فى غلط لقدر الله بس انصحك بلاش حب من النت نصيحه من اخ لاخته معلش انا بعت الرسال دى ممتاخر بس بلاش حب النت واستنى شويه وكمان ربنا يرزقك حد كويس باذن الله …..
على فكره انا بحب واحده اكبر منى ب4 سنين بس هى قريبتى وعارفين بعض كويس جدا وفاهمين بعض الحمدلله بس اساس الزواج هو الحب والتفاهم
يارب يكون كلامى كويس
ياأختي و الله انا بعيش نفس الحالة بتاعك بس نصيحةصلاة الإستخارة و اللجوء إلى الله هو الحل.أو ربي معاكي.
ياحبيبتى الواد فى السن ده فى سن تسليه عارفة لو عنده 20 22 ماشى لكن ده عيل صغير سيبك منه وهتلاقى واحد احسن يكون كبير وبتاع جواز
هو رجع كلمنى واترجانى وبعتلى اضافة واضريت اقبلو تانى علشان العشرة الى بينا غير الحب طبعا وهو مش عايز يسبنى أنا اعمل ايه وبيقلى قال لاخته الكبيرة ومش ممانعة خالص وهو هيتحدى الدنيا كلها علشان نكون مع بعض أنا هتجنن مع أن الكل نصحنى انى ابعد بس مش عارفة بيحصل معايا كده ليه ….
ايه المشكلة لما تحبي واحد اصغر منك الحب مش حرام ولا عيب المهم تتاكدي انه بيحبك لو بيحبك فعلا وبحق ميهمكيكيش اي حد انا كنت بحب واحد من النت ودلوقتي هو خطيبي وهنجوز انشاء الله قريب وبتمنال التوفيق
اختي انا وقعت بنفس مشكلتك بالرغم انه اصغر مني واني حبيته خدعني وكان بيتسلى فيني نصيحه لايوجد حب هذة الايام وللاسف فما بالك باتعرف عن طريق النت او لهاتف من سابع المستحيلات بيكون حب وكمان فارق السن وانتي في بلد وهو في بلد الافضل لكلي انكي نسيتيه حتى لاتندمي غدا
يمكن هوارتاح معاكي مثلااوصل لدرجه معينه ووثق فيكي اولقي فيكي حاجه مش موجوده ف ناس كتيرواتهياله انه بيحيك لكن اصلا علاقات النت دي اغلبيتهابتكون فاشله مهماكان الانسان اللي ادامك محترم او كويس برده متثقيش في اي حدبسهوله وبعدين الدنيامش هتقف عليه لوكان حبك زي مابتقولي اكيد في غيره هيحبك بس يكون ف ظروف افضل متخليش عقلك يخونك لحاجه زي دي
والله حاجه تحير بس اكيد انتي زي محبتيه هتلاقي الحل يعني حاولي تعملي معاه مشاكل كتير وتطلعي فيها غلطان وهو هيبدا يتغير شويه بس بعد كده هينساكي ويعتبرك زي اخته الحل ده انا بقولهولك عن تجربه حقيقه
كلام اللي فوقي كله غلط … الحب كالموت لا يعرف صغيراً ولا كبيراً … و فارق السن ليس مشكلة بتاتاً و لكن المشكلة الحقيقية هي مصداقية هذا الحب لو عرفتي مصداقية هذا الحب فهو ابداً ليس من الغلط و حرام تعمليلوا دليت وهو يحبك فعلاً انتي كسرت قلبه … المطلوب فقط ان تتأكدي من مصداقية حبه لكي … و اللي بيقول علاقة الحب حتفشل انا أخالفه واقول الحب يستمر الى الأبد و مستحيل يفشل الى اذا لم يكن هناك حب بين الطرفين.
انا من رايي انه مش بيحبك الحب الى انتى تقصديه هو حاسس من ناحيتك بمشاعر الاخت الاكبر منه . وممكن هو يكون انه فاكر انه بيحبك فعلا لانه مش عارف يقيم مشاعره . اذا كانت مشاعر حبيب لحبيبته ولا مشاعر حب اخ لاخته ..
عملتلو دليت رغم انى عارفة ومتاكدة انه بيحبنى بس فرق العمر الى بينا هو الى خلانى اعمل كده خفت فى المستقبل يندم ويسبنى ويتجوز واحدة تانية خفت من الغربة كمان هو فى الاسكندرية وانا فى غزة رغم انى حبيتو اوى بس هحاول انساه وادعيلو ربنا يوفقو انا مسحتو خلاص وشكرا ليكم.
ههههههههههههه انتي عارفا انو غلط
ومتئكده من ده كمان
اولا مفيش حاجه اسمها حب علي النت
دا كلو وهم احنا بنعيش فيه وبنعاني منو معا اول صدمه تحصل
انصحك بالنسحاب من العلاقه دي
علشان ببصاطه هتكون سبب قوي في وقوعك بالمشاكل
اختى العزيزه انا فى مشكله مثلك مع فارق انى تعرفت عليه عن طرق العمل وسار بينا حب غير عادى ولكن عندما وصلنا الى مرحله الزواج لم يصدق ومع ذلك يقول انه بيحبنى فلا احب ان تكون واحده فى مكانى لشده العذاب التى اعانى منه لفراق من احببته ثلاث سنوات لا تستمرى وستجدى من يحبك اكيد
غلط الفرق كبير عن اللازم اوى مع احترامى للحب و لن يرضى اهلك و اهله
على الفيس يعنى متعرفيش عنه حاجه اكيد وهل انتى متخيلة ان اب اولادك تعرفيه من الفيس ؟
عرفتى ازاى طباعه , ثانيا كلمة صداقة هى بداية باب من التوهه غير ان فرق السن كبير وعشان يتزوجك غالبا هيحتاج مش اقل من 4 سنسن او اكتر
الموضوع مقلوب خالص نصحتى ليكي العمر بيتعاش مره وحده عشان كده مينفعش تضيعي وقتك فى كلام هتندمى عليه
اختي نصيحة لك
انتي زي اخته الكبيرة دلوقت وهو واحد عاوز يتسلى بيكي زي بقيت الشباب الي في السن ده
في واحد يحي واحدة اكبر منه لييه يعني واكيد الشاب ده عارف مليون واحدة
انصحك تبعدي عن كلام الحب لانه بعد كده حيجرك لحجات اعمق واعمق تندمي عليها في الاخر
فكري بعقلك واوزني الامور وقربي من ربك
وسيبك من صاحبتك دي لانها حتوديكي في داهية دي صديقة سوء مش خير ابدا لو هي فعلا بتحبك وبتخاف عليكي ماكانتش قالتلك كده وبعدين حب النت ده وهم كبير هو شافك فيين عشان يحيك اتعامل معاك وعرف عيوبك وانت اتعاملتي معاه عشان تعرفي عيوبه
النت بيظهر الجانب الايجابي للاشخاص بس مش بيظهر السلبي
يعني ممكن تتعرفي على حد يبان انه ملاك ويطلع في الاخر ذئب ماكر
قربي من ربك
هذه نصيحتي
اتمنى اكون افدت
اه كمان اخر حاجه هقولك عليها
خلي دايما الشاب ميتوقعش اي حاجه منك غير رسميااااااااااات
عشان لو اعتقد انك هتقبلي بغير كدا
يبقا معلش يعني ابو شكله دا اللى يفكرك مش كويسه
وفداهيه الحب دا اللى يخليكي بت مش تمام
قوليله انا بنت بتحترم اللى هتجوزه حتى قبل مايجي
انا عايزه اول واحد اكلمه واقرفه فعيشته يبقى خطيبي
واتقي الله فيه عشان هو كمان يتقى الله فيا
وانى هحافظ على نفسي عشان ربنا يحافظلى عليه
وهكون ليه فاطمه عشان يكونلى على
يابنت انتى غاليه مترخصيش نفسك الله يكرمك
الله يحرق الفايس دا
ردي عالاسئله دي
هيحبك ازاى من غير مايشوفك؟
ولا يسمع صوتك ؟
ولايعرف شخصيتك ؟
هل انتى فاكره انه بيحبك عشان صمم ( عالفايس ) انه يحبك ؟
هل انتى متوقعه انه بيثابر عشانك انه يصمم عالفايس انه يحبك ؟
اختى انتى مش صغيره عشان حد يضحك عليكي بالسهوله دي وصحبتك مش مفتي الديار المصريه
هقولك حدوته حلوه اوى بس يارب تصبري عليا لحد ماحكيها
مره واحده اتعرفت على واحد من عالنت وكانت بتفضفضله وبس
هو حبها شويه شويه وبدا يقنعها وهي كمان ابتدت تحبه
كلمها وقالها انه نفسه يسمع صوتها برغم رفضها لكن وافقت
وافقت واتقابلو ولقاها جميله واجمل من الصوره اللى كان راسمها فباله
وبدا فعلا يحبها لحد مابدا يحس بالشهوه ناحيتها
اقنعها تفتحله الكاميرا موافقتش
راح قالها تروحله الاستديو اللى كان بيشتغل فيه عشان ياخد معاها صوره تذكار
وراحت قالها ظبطي نفسك على ماجيلك راح قفل باب الاستديو
وجالها والشطيان اضعفهم ووقعوا فالغلط
البنت بكت اه بس هو حس انه بيحبها بجد وقالها مش هسيبك
وفضلوا يكلمو بعض بردو لحد مابدات البنت تحس ببوادر حمل
الواد حس ان في مصيبه جايه على دماغه عمل ايه ؟ بدا يبعد ويهملها
البنت انهارت وجربت تنتحر وابوها مات من حسرته وامها فقدت عنيها من البكا
ففمره امها جت تصحيها عشان تروح كليتها والبنت مكسوره وضعيفه
خرجت لقيت ابوها صرخت وقالت ايه دا انت مش مت ؟ استغرب الاب والام بس هي غيرت الموضوع
رجعت عالنت لقيت حبيبها بعتلها ممكن اخد معاكى صوره تذكاريه
قالت له لا ومسحته وشكرت ربنا ان الحلم جالها يوعيها
اقري بقا الجمله دي وافهميها صح
قد تمر في احدي الأيام بمثل هذه المواقف.. ولكن للأسف لن تجد حلم ينقذك .. بل كابوس يقضي عليك
انا نفسي اساعدك وافهمك ان مهما قال متصدقيش والله فكري وبصي لقدام
انتى من الاول متضيفيش حد خلى علاقاتك بناويتي احسن ترتاحى مالك انتى ومال الولاد
الولاد للولاد ياختى والبنات للبنات
ووقت ماتتخطبي ابقي حبي وعيشي جوك انما دلوقتي متسمحيش لحد يحبك
طب فكري بردو وخليكي ذكيه هو بعد الحب دا ايه هتديله نمرتك عالفايس بردو
هتديله عنوانك ؟ عالفايس بردو ؟وتجوزوا عالفايس وتخلفو بالطبعه .. طب هتقولى لاهلك ايه
اااه مصيبه دي هتتفقوا على كدبه تلفقوها انتو الاتنين
وتبقو ابتديتو حياتكو كدب وتبقى الكدبه دي نقطه سودا فحياتك
بجد امسحيه امسحيه روحي اعمليله دليت واعملى اكونت تانى
وهتيجي بعد كدا تبوسيني
يابنت حافظي عالصلاه وقومي الليل
بس هقولك حبي ربنا وشوفي الناس هتحبك ازاى ارضيه وشوفي هيرضيكي ازاى
وفكل خطوه هتقربيها من ربنا اعرفي انك هتقربي زيها لنصيبك
ربنا يجمعك بيه قريب يارب وكل البنات
معلش طولت بس يارب كلامى يغيرك لو خمسين فالميه يارب
ممكن يكون بسبب الوحده الي انتي فيها وممكن يكون حب بس الموضوع صعب شويه بس فرق السن عادي بس 6 سنين كتير لانه غير ناضج فكريازيك
كان زمان فرق السن مش مقياس والدليل سيدنا محمد صلى الله عليه وسلم والسيده خديجه… اما دلوقتى بتفرق صدقينى لانه مهما حصل انتى هتبقى ناضجه اكتر منه وتفكيرك هيبقى افضل منه . الموضوع مش مظبوط ياحبيبتى.. سيبيها لله وسيبك من الموضوع ده وان شاء الله ربنا يوريكى فعلا الانسان الصح 🙂