انا بشتغل فى مكان ما…. بتعامل فى مع دكاترة ومرضى فى دكتور صاحب المكان اللى بشتغل فى انا بموت فى وبحب اتكلم معاه وهو كمان بس هو اكبر منى 13س تقريبا ودايما يقولى انت زى اختى الصغيره بس انا مش بحس كده مع انى عارفه انه مجوز وعنده 3 بنات وان موضوعنا مستحيل بس انا بحبه جدااا وانا الوحيده فى العمل اللى بيعاملنى معامله خاصه ودايما حنين معايا قوى وساعات بيبصلى بصات مش بصه اخ لاخته خالص اعمل اايه؟؟؟
مشاكل البنات مع الشباب
احب شخص متزوج اعمل ايه
اضيف بتاريخ: Sunday, October 30th, 2011 في 07:33
كلمات مشاكل وحلول: متزوج, مشاكل البنات
شوفي انابجكم خبرتي في الحياةومعرفتي بطبيعةالعمل في المستشفيات اقول لك انواغلب الاطباءوالدكاترة حياتهم الخاصةمليئة بالكوارث والبلاوي والفساد تجدي الواحدمنهم يقيم علاقات غيرشرعيةمع زميلاته في المستشفى بل ويمارس الجنس معهافي عيادته داخل المستشفى وكل مرة تطلع علينافضايح نسمعهاكل يوم بل الامر تجاوز هذالشي صارالواحدفيهم يمارس الجنس مع مرضاه من البنات والستات داخل اروقةالمستشفيات اين شرف المهنةواخلاق المهنة خلاص بح انتهت الامارحم ربي والمثل يقول يداوي الناس وهوعليل واذالم تستحى فاصنع ماشئيت ربنايهدي الجميع ويصلح احوالنا
اولا ارد على المدعو – قاضي الغرام – انت انسان تافه وحقير وكلامك يدل على سوءاخلاقك وتعاملك مع الاخرين الافضل انك ماتردش اصلا لان فاقدالشي لايعطيه اما الاخت صاحبةالمشكلة اقول لهااتقي الله في ماتقولين هل البنت المحترمةتفكرفي رجل غريب عنهاوتعشقه وتريدمنه ان يبادلهاالحب والمشاعر وترضى بهالوضع المشين الغير اخلاقي تماما اعلمي انك بهذاتكوني زانية حتى لوماعملت معه الزنا ماذاتريدي من رجل اكبرمنك في العمرومتزوج وله ابناءفي مثل سنك اواكبر اعقلي وارجعي لرشدك وتوبي لله واستغفريه وصوني شرفك وكرامتك وكرامةاهلك والافضل انك تتركي العمل مع هالدكتور وتذهب للعمل في مكان اخر حتى تخلصي منه وتحمي شرفك وتصونيه من كل متربص شيطان يريداغواك والنيل منك وربي يسترعليك ويكرمك بابن الحلال اللي يستاهلك ويقدريسعدك
ضبي حالك يابنت حب بنت لشخص متزوج حرام وزنا اللي تحب متزوج زانية في گل الآديان السماوية حتى عنا في المسيحية
صباح الخير على كل الاخوه المشتركين كل عام وانتم بخير الاخت نانا والاخ قاضلى الغرام والاخت الفاضله حواء وجروحى اقرب اصثحابى والاخت نور كلنا مشتركين للاراء الصحيحه والتى تفيد صاحب او صاحبه المشكله ولاكن تكون بحكمه وبدون اى تجريح او اختلاق مواضيع خارج المشكله يمكن الاخ قاضى الغرام شوى قاسى على صاحبه المشكله وتطرئ تفكيره للاستنتاجات بعيده عن محور المشكله شويه فمش عيب انى اعلق عليك او انت تعلق عليه فى حاله البعد الفكرى عن اساس الموضوع فياريت منزعلش من بعض او نتحامل على بعض اكثر من اللازم ونقبل بالنصيحه ونقر بالخطاء كلنا مشتركين وبنتحاور وبنساعد اصحاب المشاكل وربنا يجعلنا ديما نفيد ونستفيد ايضا انا بشكركم كلكم بس انا ليه توجيه بسيط لاصحاب المشاكل انهم يردو على حلولنا حتى نعرف اننا افادناهم ونستفيد من نتائج حلولنا او تعليقهم عليها ولو امكن ادارة الموقع الكرام انمهم يوصلو الفكره دى لاصحاب المشاكل انهم يردو على اصحاب الحلول او الاقتراحات اميلى موجود لدى ادارة الموقع ياريت تردو عليه بخصوص هذا الشاءن انه هل فى طريقه من عندكم تخلصى صاحب المشكله يرد او لاء ؟ وربنا يوفق الجميع وانا بشكر كل القائمين على ادارة الموقع الجميل ده وبشكر اخوانى واخواتى المشتركين بالحلول لمن هوه فى احتياجها / المحامى
انا رايي من راي الاستاذ اللي قالي لا تبني بيت علي حساب الاخرين وكمان من رايي الاستاذ اللي قال متخربيش بيت حد علشان ميجيش يوم لوحده وتخرب بيتك شوفي الكلام اللي بننصحك بيه وحاولي تقريبي من ربنا وهو هيدلك علي الصح اكتر مننا
صدقي كلام ربنا لو انتي مش مقتنعه بكلمنا noura
قاضى الغرام انا مجرحتكش بكلامى ولا كنت اقصد ان انا اجرح حد بكلامى لانى بحافظ على اسلوبى وطريقة كلامى كويس اوى مع الناس وعمرى ما جرحت حد بكلامى حتى لو مش اعرفه والحمد لله انا اسلوبى مهذب فى التعامل مع الناس وحضرتك مش اللى هتيجى تعلمنى اتعامل ازاى ماشى والحمد لله انا عندى ثقة فى نفسى كبيرة جدا واسمى الحركى ده عشان انا انجرحت من صحابى كتير وانا ميهمنيش راى حضرتك وانت اللى مش هتيجى تعرفنى انا عندى ثقة فى نفسى ولا لا ماشى لانى الحمد لله عندى ثقة فى نفسى وانا متعودة اللى فى اللى قلبى على لسانى بس بجد شكرا اوى على اسلوبك فى الكلام معايا لانى اصلا كنت بكلم معاك بكل احترام وذوق ومكنش قصدى ان انا اجرحك بكلامى وربنا يسامحك سلام
جروحى اقرب اصحابى *** تعيبين على لانى جرحت صاحبة المشكله ولم تبالى بجرحى باسلوبك فهذا لا يعنينى والك كامل الحرية بتعليقك سواء اكان مع او ضد لاكن راحت صاحبة المشكله ولم تبالى بالرد وكان المشكل لا يعنيها واصبحت مجرد قارئه للتحليلات وتوقفت اصابعها عن الحراك حتى تبدى رئيها وكان الامر لا يعنيها فى شي *** كنت اتمنى ان تدخل صاحبة المشكله وتجيب على اسئلتى الاخيره وبكل مصداقيه لحتى اثبت مدى مصداقية كلامى انا قدمت شكرى لحواء لان اسلوبها فعلا كان منمق وجميل وراقى يدل على هدوئها التام فى ردودها وافعالها اما جروحى اقرب اصحابى واضح من الاسم الحركى انو حالة فقدان الثقه عندك تجعل من انعدام الثقه فقدان للواقع وهاذا ايضا لا يعنينى فى شي وانا لن اعلق على اى شي فى خصوص هذا الموضوع الا لو تدخلت صاحبة المشكله ووقفت بكل مصداقيه على اسئلتى واجابت اجابه صريحه وواضحه وقتها اما اعتذر عما بدر منى او اثبت مدى تقديرى فى تحليل شتى الامور انا اشكر حواء لاسلوبها المنمق واذكر جروحى اننى لا استقى كلامى من احد فانتى استعنتى برأى حواء واقتبستى من اسلوبها نمط فى الرد على كلماتى وكان من الاحرى ان اجد من اسلوبك كلمات مباشره ترثى عن عبارات ناتجه عن فكرك الصائب واما اتهامك لى بعدم الفهم الجيد للامور فهذا بلا تعليق وشكرا
حواء باشكرك على اسلوبك الراقى وهدوئك الملحوظ لاكن كمان باتمنى انو صاحبة المشكله تدخل تقلنا انهو تعليق استفادت منو اكثر وبعد كل التعليقات دى وصلت لايه بينها وبين نفسها وقررت ايه حتى نصل لحل جزرى لاكن انا لا اتكهن انا قلت من البدايه انا هقول كلمات يمكن متكونش صحابة المشكله عايزه تفكر فيها واتكلمت عن الفقر ومستوى التعليم كان ممكن صاحبة المشكله تدخل و ترد على كل تعليق على حده وبكل مصداقيه زي بالضبط مقالت مشكلتها بكل مصداقيه بعدها كل واحد قالت تحليل هيعرف نقط الضعف الى بتحليلو انا دايما احب اكون واقعى محبش الكلام المزيف او الكلام المكرر انتى قلتى بنفسك انو انا لو متجوزه مرضاش لا مستوى اقل ولا اكثر — اقول لصاحبة المشكله واسئلها ليه ده بالذات الى اخترتيه مع انو متزوج وانتى على علم بزواجو مع انو مستحيل بنت تفكر انها تتجوز من شخص متجوز الا لو كان هناك هدف محدد وغرض مرجو طيب ماهو الشباب متلقحين من غير زواج يعنى كان ممكن تحب وتختار شخص غير متزوج او حتى من الاشخاص الى بيعملو مع الدكتور من اصدقائها العاملين ليه الدكتور بالذات مش هاتكهن واقول طمع فى المال ولا طمع فى انها استحوزت على دكتور مع انها حتى لو اتجوزتو هتعيش تعيسه حساتها كلها بانتظر صاحبة المشكله تدخل وتدلى بارائها وبتعليقها وتدلنا على حقيقه امرها وطبيعه عملها ومؤهلها والدكتور ده متزوج من دكتوره ولا ست بيت وياريت كمان تقلنا بكل مصداقيه هيه بتشتغل ليه وقتها هتكون التعليقات ادق وانقى فى التعبير وستجد حلول ارقى من كل الحلول الموجوده فى الوقت الحالى وشكرا
بالنسبة لقاضى الغرام انا مع كلام حواء وعجبنى كلامها جدا وحضرتك خلتنا متجوزين وخلاص وعمال تقول حاجات من دماغك محصلتش وبعدين هو انا قولت محدش يقول رايه كل واحد ويقول الراى اللى يعجبه بس باحترام ومن غير ما يجرح حد بكلامه هى بتاخد راينا واحنا ندلها على الصح وعلى اللى المفروض تعمله بس من غير ما نجرحها بكلامنا وبعدين حضرتك خلتنا موافقين على انها تتجوزه لا طبعا احنا مش موافقين انها تتجوزه او تخرب بيت حد لاننا لو كنا متجوزين عمرنا ما هنرضى ان اجوازنا يروحوا يتجوزوا علينا لان اللى منردهوش على نفسنا منردهوش على بنات الناس وصحيح حضرتك قولت حاجات صاحبة المشكلة مذكرتهوش ولا قالته فى مشكلتها خالص فحضرتك متقولش حاجة من دماغك غير لما تفهمها الاول سلام
نسيت أقول لحضرتك أنو أنا لو كنت متجوزة مش هرضى جوزي يتجوز واحدة (سواء كانت أقل مني في مستواها أو أعلى أو حتى في نفس مستوايا )
بالنسبة لحضرتك ( قاضي الغرام )أنا لم أأعترض على الكلام الذي قلته لأنه مخالف للكلام الذي قلناه او لأنو لازم يكون كل الردود متشابهة بالعكس …….وأنا دايما بهتم بقراءة ردود حضرتك لكن في هذا الرد فوجئت ان حضرتك اللي كتبتو لأني لم أعتد على أن تستخلص النتائج و تضع الحلول بدون ان تعرف الحقائق بل ان حضرتك وضعت حقائق من عندك و أكدتها و هي لم تكن مذكورة في المشكلة بل و بنيت عليها من دون أن تخبرنا بأنها مجرد افتراضات افترضتها لقلة التفاصيل فمثلا لقد قلت (هو اكيد متزوج دكتوره )ما الذي أكد لحضرتك أنه متزوج من طبيبة و هي لم تذكر ذلك في المشكلة و حضرتك بنفسك قلت مش شرط دكتور يتجوز دكتورة فلماذالا يكون مستواها العلمي متدني اكثر من الفتاة صاحبة المشكلة و قد قلت أيضا أنه(لو كانت قالت فى رسالتها هو تعبان من مراتو كنت قلت بيهرب من مراتو بعاطفه خارج البيت لاكن حتى دى مقالتهاش وده دليل على انو سعيد مع مراتو)و ما أدراها هي اذا ما كان يعاني مشاكل مع زوجته او لا …بالتاكيد لن يقول مثل هذه الأمور و قد قلت أيضا أن :(هو اكيد متزوج دكتوره فمن الصعب انو هيبص لبنت اقل منو فى المستوى العلمى لمجرد حاجه اسمها حب طبعا )فلنفترض ان مراتو دكتورة يعني حتى لو كان تعيس في حياته مش هيحبها لان مستواها العلمي أقل؟؟؟!! ليه هو هيحب بعقلو !! و قد قلت أيضا(وهو عارف انك بتشتغلى لانك مش لاقيه تصرفى على نفسك لانو لو انتى بنت لاسره ميسوره مش هيخلوكى تشتغلى فمن المؤكد انو بيرأف بحالتك )و ما أدراك أنها فقيرة لهذا تعمل مع أن صاحبة المشكلة لم تذكر ذلك لهذا قلت لحضرتك أن هناك الكثيرون يعملون دون الحاجة للمال …الأسوأ من هذا كله أن حضرتك فسرت أني موافقةعلى أن تتزوجه مع أنني لما كتبت الرد كان واضح جدا أني معترضة و رافضة تماما فكرة انها تتجوزو بدليل اني وافقت (الطيار الرايق على كلامو اللي بيقول (ما تخربيش بيت ……) و لم تكتفي بهذا بل ان حضرتك قلت اني متزوجة و أكدت ذلك مع أني لست متزوجة و لا مخطوبة و لا اي حاجة و هذه كلها ادلة على ان حضرتك ذكرت أشياء غير صحيحة و بنيت عليها و أكدتها
بالنسبة لمسئلة الحب فهو يأتي بدون موعد و في أي سن و اي مكان كما أنه لا يطرق الباب قبل أن يدخل القلب ليسئل إن كان متزوج أو غني أو تعليمه عالي أو غيره فبالحب لا نعقل و بالعقل لا نحب … أنا لا أقول هذا الكلام لأني أؤيدها في أن تتزوجه أو لأبين أنه يحبها لكي تتمسك به لكني قرأت ما لم يعجبني عن الحب في ردك مع ان حضرتك مسمي نفسك(قاضي الغرام)؟؟؟؟!!!
( جروحى أقرب أصحابى ) *** ( just smile ) *** ( حواء ) اولا انا هجاوبكو كلكو بنمط واحد لاكن الاول اقول just smile او لمجرد الابتسامه انو انا مذكر ولست انثى انا اسمى قاضى الغرام ولست قاضية الغرام اما بالنسبه لموضوع صاحبة المشكله فيه مشاكل وقضايا و احوال مينفعش فيها التروى او المعامله الحسنه او الاسلوب الرقيق هيه ارسلت المشكله حتى تجد حل جزرى شامل لكل الخيوط انا مش منجم ولا عرفت مؤهلها ايه ولا هنقدر نعرف العلاقه الى بينها وبين الدكتور لاكن لو بصيتو لبدايه رسالتى لها قلتلها هقولك على حاجه يمكن متحبيش تفكرى فيها طبعا كلنا بنعرف المثل الى يقول الى يبص لفوق يقع لو الدكتور ده مش متجوز كان من حقها انها تحبو وتجبرو على الزواج كمان ووقتها لا يشترط مؤهل ولا منصب ولا جاه ولا سلطان لانها كانت هتحطو فى مملكتها لوحدها ومكانش يهم كمان وقتها اذا كانت دبلوم او مؤهل متوسط او مؤهل عالى او حتى فلاحه مكانش يهم انا اعرف دكاتره اصدقائى متجوزين من بنات مؤهلاتهم دبلوم تجاره وزراعه لاكن كانت الاولى وقتها هو الى اختار كان لازم بقى من لهجه قاسيه علشان تعرف مكانها الحقيقي فين لان التعامل باسلوب ميسور وسهل ونمطى مينفعش فى الاحوال دى هيه اعترفت بنفسها وقالت انو قالها انتى زي اختى الصغيره المفهوم من جمله الدكتور انها حتى مش مجرد اختو وبس دى اختو الصغيره يعنى كمان حجم مكانها وحجم تفكيرها وبيعاملها على انها طفله وده من كلامها انا مجيبتش حاجه من عندى اما بالنسبه لكلامها انو بيبصلها بصات مختلفه ده توهم هيه بتتوهم انو معجب بيها طيب ماهو لو معجب بيها مستحيل هيقولها انتى وز اختى الصغيره انا معكو ان الفقر مش عيب وكلنا فقرا لربنا لاكن انا حبيت اخليها تبص لمكانها الحقيقي يمكن تكون ناسيه او متوهمه ماهو فيه احلام يقظه الواحد مننا بيروح لفوق القمر وبيتخيل انو عالم فلك وبيتخيل انو ممكن يكون سحابه طايره فى السما كل دى افكار لاكن لما ييجى واحد ويقولى فوق انت واحد مننا متفكرش اعلى من مستواك انا هاشكرو كتير لانو احياننا العقل الباطن يؤدى الى التهلكه ويضر صاحبو ميفيدوش بالنسبه بقى لحوار الى بتقول الحب مفيهوش فقر ولا غنى معك انا لاكن الحب من اول مره بدون اى ارتباطات مسبقه يمكن يكون فيه تنازلات بعض الشي بين اتنين لسه متجوزوش خالص لاكن واحد متجوز وتقولى الحب مفيهوش فقر وغنى طيب ماهو متجوز هيبص لدى على ايه يمكن لو كانت قالت فى رسالتها هو تعبان من مراتو كنت قلت بيهرب من مراتو بعاطفه خارج البيت لاكن حتى دى مقالتهاش وده دليل على انو سعيد مع مراتو يبقى هنا فيه خطوط لا يمكن نتخطاها وهنا كمان تحفظ كتير ايه الى عرفنا ان الدكتور دلوقتى مفكرش الف مره ان البنت دى بتبص على الفيزيتا ولاى بيدخل للدكتور وهو متاكد انها بتبص لفلوسو ماهو كمان بيفكر زي ماهى بتفكر حتى لو هيتجوزها هيكون عارف انها بتتجوزو علشان فلوسو — اروح لصاحبة الابتسامه واوقلها انتى كمان غلط لاننا دسنا بالجامعات علشان نبنى مستقبل علمى بالاشياء الى درسناها يعنى مكونش دارس طب واروحخ اشتغل حلاق واقول اهو شغل وخلاص والشغل مش عيب لا طبعا اكيد انا لو دارس باى مجال هلاقي مليون عمل بمجالى ولا نعمل زي الى بيقولو منين نلاقى شغل الشغل فى حد ذاتو مش عيب لاكن العيب اننا نتخذ من الشغل وسيله لاهدافنا ونطمح فى حاجه مش من حقنا — اروح بقى لجروحى الى بتقول عيب كده انت جرحتها بكلامك بالعكس انا فوقتها بكلامى اما لو ارائنا كلها واحده يبقى الموقع ده ملوش لازم ممكن الماستر يحط حل لكل صاحب مشكله واحنا ملناش لازمه هنا لاكن لما تتغير وتختلف الاراء هتلاقى حاجه من كل راى هتبنى عليه فكر وحياه جديده وتستغل كل تعليق والتعليق الانسب لها بتتبعو — اروح للنهايه علشان تعبت اكيد انتو الثلاثه متزوجات اى واحده فيكو ترد وتقول عادى زوجى ممكن يتجوز عليها واحده اقل منى بالمستوى والمستوى بالنسبه للانثى بيتعدد منو مستوى جمالى ومنو مستوى علمى ومنو مستوى مادى اتحدى لو واحده فيكو وافقت ولو واحده فيكو زوجها وقع فريسه لموضوع زي ده انا متاكد ان اسلوبكو هيتغير ومش بعيده هتخلوها عيشه طين عليه وعليها وعلى اهاليهم ووقتها بقى هتقولو مينفعش الكلام رويدا رويدا ولا ينفع الاسلوب السهل الميسور يلا سلام كفايه كده
حبيبتى لاتبصى لراجل متزوج لانك انتى الى هتتعبى حتى لو كنتى بتموتى فيه
مع ان ربنا حلل للرجل يتزوج اربعه بس فى الزمن ده عمرك ماتلاقى الرجل الى يعدل الا اقل القليل والى انتى فيه مجرد وهم او مراهقه ومتحوليش تبينيلو حاجه عشان متدهوش الفرصه يتسلى بيكى علشان هو لو كان عندو مشاعر من ناحيتك كان مستناش وكمان مكنش قالك انتى زى اختى ارجو انك تفهمى كلامى وربنا يكتبلك الى فيه الخير ليكى
لاتبنى بيتنا على حساب الاخرين
على فكرة ياقاضى الغرام انت عيب اوى الكلام اللى انت قولته لصاحبة المشكلة دى لانك كدة جرحتها بكلامك ده بجد حرام عليك ترضى حد يقولك الكلام ده ومالهم يعنى الفقراء عالاقل اجدع ناس وبيفهموا فى الاصول ومبيجرحوش حد بكلامهم مكنش له لازمة كل الكلام اللى انت قولتهولها دا لانك بكلامك ده جرحتها واهنت كرامتها واتمنى انك متزعلش من كلامى لانك بجد مينفعش تقولها كدة عشان حرام عليك بجد وانا مع كلام نونا وبتفق معاها فى رايها احسن حاجة ليكى انك تسيبك منه وتقربى من ربنا واقرئى قران وان شاء الله ربنا هيهديك للطريق المستقيم ربنا يهديكى ويصلح حالك ويبعد عنك ولاد الحرام ويرزفك بابن الحلال اللى يستهلك ويرزقك بالذرية الصالحة ربنا معاكى ويوفقك فى حياتك ان شاء الله
الاستاذة اوالاستاذ- قاضي الغرام-بالراحة مش كه دي بتاخد رايناومش معني كده اني موافقة علي الموضوع وعلي فكرة الفقرو الشغل مش عيب احنا بدرس في الجامعات علشان نشتغل وبالنسبة للتعليم مايفرقش بالنسبة للبنات والشباب هو مش مكتب تنسيق الثانويةالعامة ده تفاهم هو اعلي هي اعلي مش هتفرق وبعدين حتي لواتجوز مش حرام شرعاومش معني كده اني موافقة وانتى عرفتي ازاي انهامش متعلمة اصلاممكن تكون من *كلية تمريض *والفرق بينهم 9%
زي ما(الطيار الرايق) و غيرة قالولك ماتخربيش بيت حد عشان ربنا ما يبعتش الي تخرب بيتك بس بجد انصدمت ان حضرتك (قاضي الغرام )قلت الكلام دا لانو الي بيحب ما بيهموش حبيبو غني ولا فقير ولا بيهمو مستواه العلمي عالي ولا متدني و مش شرط انو لما الواحدة تبقى محتاجة تفرط في اغلى ماعندها حتى لو لحبيبها و على فكرة في بنات كتير اوي بتشتغل و هي مش محتاجةو يمكن كان بيرفضها لانو بيحب مراتو او عاوز يحافظ على بيتو لانو خايف على بناتو او لاي سبب غير ان مستواها العلمي و المادي وحش انا مع حضرتك انو لو كان مش كويس كان عمل معاها حاجات وحشة و انو قالها انتي زي اختي لانها قد تكون اتعدت حدودها بس هو لي بيعاملها بطريقة تخليها تفتكر انو بيحبها بالعكس هوا لو عايزها تبعد كان عاملها زي ما بيعامل الناس التانية و ما حاسسهاش لو للحظة انو بيفكر فيها اومهتم بيها ما تقوليش لانو بيشفق عليها لانو في فرق كبير اوي اوي بين الحب و العطف ..اي حد ممكن يلاحظو لانهم عاملين زي الزيت و الماء لايمكن يختلطو ابدا و ما اعتقدش ان اي واحدة في الدنيا ممكن تحب واحد بيشفق عليها لان انا عن نفسي بعتبر الشفقة اهانة
من كلامك يبدو انك انسانة عاقلة ومن المفروض ان تتركى العمل فوراً حفاظاً على نفسك واحتراماً لها لان موضوعك لن يكتمل ومن ا لممكن ان تخسرى نفسك وهذا اهم شئ فى الموضوع
بصى حببتى انتى عارفة ان الموضوع دة مش هينفع خالص لان انتى ممكن كدة تهدمى بيتة لان حبك لية كل ما هيذيد هيخليكى تعملى اى حاجة وانتى مش حسة ممكن يخليكى تروحى وتقوليلوا انك بتحبية فهو لو كويس هيقولك انك زى اختة لو مش كويس هيستغلك فهو حلو واحد بس الى ادامك هو انك تبعدى عنة خالص واحسن طريقة هو انك تطلبى نالك من المكان دة عشان تقدرى تنسية وتبعدى عنة خالص انما حبك لية دة مش هيجى من وراة غير الخراب ممكن حبك لية دة يسعدك ويخرب بيت وحدة تانية وممكن حب لية دة يتعسك ويسعد وحدة تانىة ملهاش ذنب انها تحزن وان بيتها يتخرب انتى سيبى الموضوع دة على ربنا وهو ان شاء الله هيعوضك بالى احسن منة واحد يحبك ويستهلك ويكون ليكى انتى لوحدك وربنا معاكى ويسعهدك
ادعي ربنا يساعدك علي النسيان وسيبي المكان ده لان ده خطرررررررر عليكي ولو مش ممكن يبقي اقطعي علاقتك بالدكتور ده نهائيا 1-فرض لومعجب بكي تبقي مصيبة لانه زي مابصلك هيبص لغيرك-حتي لوفيكي مميزات عن مراته الالوكانت بينهم مشاكل مستحيلة-ويبقي ماعمل حساب لبناته يبقي هيعمل ليكي حساب وانت اصلا ترضيها علي نفسك وعلشان حتي بناته فمن ترك شى لله عوضهالله باحسن منه 2-فرض يكون الموضوع بالنسبة ليكى كده اوكده ليه!!!!!بكره تحبي زوجك ويكون ليكي لوحدك صدقيني هتكوني اسعد بكتييييييير3-وبعدين اكبر منك ب13سنه ده عمر——-ممكن اصلا ماتكونيش بتحبيه ولكن متعلقه بي —–وليه تخلي ناس ماعملوالكي شىء يكرهوكي ويدعو عليكي
ادعي ربنا يسعدك علي النسيان وتوكلي علي الله. افضل حاجة تسبي المكان ده لاني اللى انتى فيه خطرررررر عليكي جدا او لو مش ممكن يبقي تقطعي علاقتك بالدكتور ده نهائيااول فرض1- لوكان بيحبك تبقي مصيبة زي مابصلك بعدك ممكن يبص لغيرك اللي يمنع حتي لوكان فيكي مميزات اكتر من مراته -الالوكانوا العيشة بينهم في مشاكل مستحيلة- وهو اصلا بكده يبقي معملش حساب لبناته يبقي هيعمل ليكي حساب 2-فرض ممكن يكون الموضوع بالنسبة ليكي بس وبكده اوكده ليه !!!سيبيه علشان بناته ومن ترك شى لله عوضه باحسن منه وبكره تحبي زوجك اللي هيكون ليكي انتي بس صدقني هتكوني اسعد بكتييييييييير3-فرض ترضي انك تكوني مكروه من ناس ماعملوش فيكي حاجة
شوفى يا ستى انا بقى هقولك على الحقيقه المره الى لا يمكن تعرفى تفكرى فيها ولا حتى تحبى تفكرى فيها اولا ده دكتور واكيد انتى اخرك دبلوم ده لو كنتى متعلمه اصلا وطبعا هو اكيد متزوج دكتوره فمن الصعب انو هيبص لبنت اقل منو فى المستوى العلمى لمجرد حاجه اسمها حب طبعا انا لا اشكك فى اخلاق الدكتور وواضح انو انسان كويس جدا وخلوق لاكن ولنفترض انو مش اخلاق ولا كويس ومتجوز وانتى اقل منو فى المستوى العلمى مش هيبصلك غير للنزوه وانو يتسلى عليكى وبس لاكن واضح ان الدكتور ده انسان خلوق — نروح بقى للنقطه التانيه الى يخليكى تشتغلى اكيد لانك فقيره ومحتاجه للمال علشان اما تساعدى اهلك او تجهزى نفسك فى الحاله دى كمان مفيش انسان محترم ومتجوز هيبص لواحده زيك بتشتغل عندو وهو عارف انك بتشتغلى لانك مش لاقيه تصرفى على نفسك لانو لو انتى بنت لاسره ميسوره مش هيخلوكى تشتغلى فمن المؤكد انو بيرأف بحالتك ولانو شايف انك تعديتى حدودك ابتدا يقولك انت زي اختى علشان ميجرحكيش وانتى معندكيش احساس — نروح بقى للنقطه التالته لو اى حد حس بالموضوع ده ومراتو عرفت اتاكدى انك اتطردتى من الشغل وهتقعدى فى البيت وهتندمى على اللحظه الى فكرتى فيها تبصى اعلى من مستواكى — نروح بقى للنقطه الاخيره احمدى ربنا انك بتشتغلى مع دكتور يخاف من ربنا والا كان استغل الى بتعمليه ده وعمل كل الى نفسو فيه لاكن ربنا بيحبك ولازم ترجعى لعقلك ده انسان محترم وحب يقولك ان مستواكى اقل من مستوايا بس باسلوب رقيق لاكن انتى مبتفهميش بسهوله — باتمنالكم التوفيق وشكرا
السلام عليكم يا انسه لازم تفكرى فى مراته وبناته انتى هتدمرى اسره كامله حتى ولو كان بيحبك انت بالنسبه ليه هتكونى نزوه مش اكتر ابعدى عنه لانك هتدمرى اسره ممكن تكون سعيده انتى هتتعبى شويه مش مشكله لكن متتعبيش 4 افراد وتكونى مصدر تعب وحزن وقلق وبعدين انتى لازم تاخدى شاب زيك انتى لو اتجوزتيه ممكن انتى اللى تندمى بعدها بس ارجوكى ابعدى عنه وربنا يهدى ويصلح الحال
متخربيش بيت حد علشان ربنا ميبعتش الا تخرب بيتك وغضى النظر عنه خالص شوفى شغلك وبس وصلى واهتمى بالصلاه خلى ربنا يحفظك / المحامى