لو سمحت انا عندى مشكلة صغيرة واتمنى حد يساعدنى ويريحنى برايه عشان أنا محتارة اوى انا فى اولى جامعة والحمد لله لبسى محترم وواسع ومش ملفت للنظر وانا الحمد لله مواظبة على صلاتى وبصلى اول باول ومواظبة على قراية القران وكمان بحفظ القران وبحب ربنا اوى وبخاف منه جدا وبعمله الف حساب بس مشكلتى ان أنا كنت بحط مكياج وكدة يعنى بس مكياج خفيف اوى يعنى اخرى احط كريم اساس وروج خفيف اوى يعنى مش ملفت للنظر بس انا جيت دخلت على موقع دينى وسالت عن المكياج الخفيف اذا كان حرام ولا لا ولقيت ناس كاتبين طالما خفيف ومش ملفت للنظر يبقى عادى وناس كاتبين انه المكياج كله حرام سواء خفيف او تقيل فانا بصراحة محتارة ومش عارفة اصدق مين بس انا لما جيت قعدت مع نفسى كدة وفكرت قلت ان المكياج حرام وحسيت ان دى حاجة بتغضب ربنا وانا الحمد لله جميلة مش وحشة بس انا قولت مع نفسى طالما ربنا خلقنى بطبيعتى يبقى حرام اغير فى الخلقة اللى ربنا خلقنى بيها وانا بحب واحد اوى وهو بيحبنى جدا وخدت رايه فى الموضوع ده لقيته بيقولى انه هو بيحبنى زى ما انا ومن غير ما احط مكياج وبيقولى انتى جميلة وعجبانى بطبيعتك زى ما ربنا خلقك وقالى وبعدين هو انا لما شوفتك وحبيتك كنتى بتحطى مكياج فقولتله لا فالى طيب انا لما حبيتك حبيتك بطبيعتك وانا عايزك كدة زى ما انتى ومش عايزك تحطى مكياج تانى وبصراحة بيفضل يشجعنى كتير ويحمسنى وبصراحة انا اقتنعت برايه اوى وعجبنى جدا بس المشكلة ان انا فى ناس قرايبى وصحابى بيفضلوا يقولولى طالما مكياج خفيف يبقى عادى ومش حرام والناس اللى شجعتنى انى محطش مكياج هما الانسان اللى انا بحبه ومامتى واختى بس وفعلا انا الحمد لله بقالى فترة كبيرة مش بحط مكياج خالص فى وشى وحسيت كمان ان وشى ابتدى ينور لما بطلت احط مكياج عشان المكياج كان بيبوظلى وشى عشان انا بشرتى حساسة جدا وبتتاثر باى حاجة المهم انا بفضل اقول مع نفسى انا ميهمنيش الناس تقول عليا ايه انا اللى يهمنى ربنا بيقول عليا ايه وانا عارفة طبعا ان من ترك شئ لله عوضه الله باحسن منه بس انا محتارة ومش عارفة اذا كان المكياج الخفيف حرام ولا لا وخايفة ارجع اضعف تانى واحط مكياج انا عارفة ان حضرتكوا هتقولوا عليا تافهة ومشكلتى تافهة ومتستهلش ان انا ادخل اسال فيها بس بالنسبة لى انا مهمة جدا عندى لانى خايفة اعمل حاجة من غير قصدى وتغضب ربنا وانا بخاف من ربنا اوى وبعمله الف حساب ومش عايزة ربنا يغضب عليا بس انا دخلت هنا عشان بجد انا محتاجة ارائكوا اوى لانها هتفدنى وهتريحنى اوى عشان انا بجد محتارة جدا فارجوكم اى حد عنده راى او حل هيفدنى وهيريحنى يدخل يقولهولى وميبخلش عليا برايه ارجوكم واسفة على الاطالة بانتظار ارائكم
خلي مكياجك في بيتك قدام زوجك..او امام صديقاتك في البيوت..لكن لاتعمل مكياج في الجامعة ولا الشارع لإنه وسيلة زينة وربناإمرالمرإة الاتظهر بزينتها الا امام محارمها
شوفي يابنتي بارك الله فيك لامانع من وضع المكياج الخفيف سوا كنت في البيت او في الجامعة اومع صحابتك بس المنهي عنه وضع العطر والتزين امام الناس حتى لاتقع في الفتنة وربنا يسترعليك
حبيبتي.. بصي من رأيي متحطيش وخلاص لو حلال او حرام.. لان دي حاجة بيختلف فيها رأي الناس كل واحد علي اد فكره وعلمه وثقافته.. لو محطتيش يبقي اريح بكتيرلو حلال فعادي انتي معملتيوش لانه مش فرض والزام يعني ولو حرام فانتي خدتي احتياطك والحمد لله