انا بحب واحد اوى من سنتين اهلى و اهلو عارفين بموضعنا احنا قدامنا سنتين على الخطوبه بحكم دراسته المشكله فى بدايه كلامنا كان الكلام عادى جدا و مره واحده قالى انا نفسي احضنيك و ابوسك انا كنت رافضه تماما وفى يوم كنت معاه و باسنى بس ع خدى و اتخنقت معاه راح صالحنى و قالى انا مش هعمل كده تانى بس من ساعت كده و لقيته بيقولى انا مش عايزك تكسفى منى نهائى و قالى انا عايز اكلم معاكى ف كل شى انا رافضه نهائى و كل مابقوله كده بيكون مضايق بس مش بيقولى وانا مش عارفه اعمل ايه وانا خايفه من ربنا اووووى انى اعمل حاجه غلط
اني صارلي مع حبيبي سنه وكم شهر لكن هذا الفتره احس نفسي اخاف منه كلش واحسه ماايحبني مع انو ماطلع منه شيء سيء ويضحي من اجلي بس احسه مايحبني وخايفه منه كلش وقلقه ما هو الحل..؟
بصراحــــــــــــــــــــــــــــــــــــــة دة مش بيحبك
حبيبت قلبى بلاش تضعفى قدام خوفك على زعله لان كل ماتكون البنت محترمه اكتر كل ماحبيبها يتمسك بيها اكتر وهو لو حس انك سهله حتا لو كان بيحبك وميقدرش يستغنا عنك لازم هيفكر انك زاى ماسمحتيله يعمل معاكى حاجه تسمحى لاالف غيره وسعتها هيسيبك حتا لو عارف انك بتعملى كدا علشان بتحبيه فاخليكى حريصه على كل تصرفاتك حتا لو كان من جواكى عايزه تعملى كدا ارفضى علشان يكون واثق انك محترمه ويتمسك بيكى اكتر وفتلك الحالات دى حاجه متزعلوش منك ولا سبب انه يسيبك
انا معاكي افرضي انكي بوستي وخضنتية وهو سخن وسخنك اي الليلة هتكون سودا وهتخسر كل حاجة نفسك واحترامة ليكي خرام يا حجة واتقي اللة
بسم الله الرحمن الرحيم :
* الحلال بين و الحرام بين ……- اللي انتي بتعمليه حلال و لا حرام ؟ هينفعك في الدنيا ؟ يعني لو خطيبك سابك ، مش هتحسي انك رخيصة ؟ يعني شهوة و بس ؟
– طيب ، هينفعك في الآخرة ؟ ربنا راضي عنه ، و هتاخدي أجر عليه ، و لا هتلاقيه ذنوب و بلاوي تتمني تتمسح من عليكي ؟
* هو خطيبك اختارك على أساس إيه ، مش الدين و الأخلاق ؟ ليه عايزهم فيكي ؟ علشان يضمن إنك تنحرفي بس معاه هوه ؟!!! مش كده ؟!!!
* فهمي خطيبك إن دينك أبقى ليكي منه ، و ربنا حرم الأفعال دي ، و حللها بس في الجواز : لو عايزها في الحلال يستنى الجواز ، و إلا أي واحدة تانية ممكن تنفعه ، بس مش إنتي . و ربنا يرزقك أحسن منه خلقا و تقوي و محبة: ما فيش مستحيل على الله . ربنا يهدينا جميعا .
*** و الله أعلم ***
خايفة من ربنا ازاي يعني مش فاهم!!!
يعني قاعدة معاه في مكان محدش شايفكوا فيه وبقولي مش عايزاه يعمل حاجة
امال عايزاه يعمل ايه يقرالك قرآن ولا يقول يصلي بيكي ركعتين
لازم تفكري صح وتتعلي دينك مظبوط علشان متكونيش ضحية التسيب العائلي ده..
متصبهوش بس لو قالك كده تانى ارفضى علشان مسلحتك وعلشان مستقبلك وقبل كل ده علشان ربنا مافيش حاجه هتفيدك يوم القيامه اسمعى منى
بصي يا حبيبتي ده حرام لان مش من حقة يمسك ايدك فلازم تحافظي علي نفسك حتي يتم الزواج لان لو توعطية هتخصري نفسك وكرامتك لابد واحتمال يسيبك بعد اماياخد الا هوة عايزة فارجوكي ابعدي نفسك عنه حتي لا تضعفي
انتي ادعي يسامحك وانشاء الله غفور رحيم ولا ترجعي ع هيك امووور
انا بحب واحد اوى من سنتين اهلى و اهلو عارفين بموضعنا ؟؟
مممممممممم
العلاقه اصلا عيب من الاول وحرام ازاى اهلك يبقوا عارفين انك بتخرجى مع واحد
ويسبوكي كدا معاه ع حل شعرك
سورى يعني انتى مفيش حد في عيلتكم دي راجل بمعنى الكلمه
لازم تكونوا ع الاقل مخطوبين عشان يسبوكم تخرجوا مع بعض غير كدا تييييييييييييت
بصي انا هقولك حاجه انتي ممكن تبوسيه وتحضنيه ده اصلا هيقرب بينكو لانو اكيد هيضعف لما يكون قدامك ولو انتي مش بتحبي ده معاه يبقي انتي مش بتحبيه لا الحب 50 فالميه حب الروح و 50 فالميه حب جسد بس بلاش تتكلمي معاه فكده ده يبقي انسان مش محترمك ولا محترم نفسو وخصوصا انو بيدايق لما مش بترضي وانتي هتكريه صدقيني لو اتكلمتي معاه فحاجه كده
الحب شى جميل وهى مشاعر رائعة توجد فى الانسان وبخصوص الفتاه لانها الاكثر حنية ولانها بحر متدفق من المشاعر لكنها عندما تختار حبيبها وتحبة تبقى دوما فى محاولة اسعاده ودون تفكير لا تتحمل زعلة وتتمنى دوما ان تكون اداه ترسم بها البسمة على وجهه ها هى المراءه مجموعة من الحنان والعطف فهى تخاف علية ولو كان ابنها ولكن فى ما قلتى انا لا ارى الا شى واحد وهو انة بيختبرك حطى دى قدامك واعرفى ان رفضك لمطالبة بيخليكى غالية عنده وبيحبك اكتر بس بيدارى دى عنك فكرى كويس فى كلامى
انا كنت كدا كنت مخطوبة من سنتين ونص وخطيبى فضل سنتين مش بيقول حاجة وبعد كدا من حوالى 3 شهور بدا يتكلم وانا كنت مرة ازعل ومرة لا وبعد كدا الكلام اتطور اكتر وعشان كنت بحبة كنت بسكت لكن كنت بقولة انى مش بحب كدا وكنت بقعد اكتر من اسبوع مش عايزة اكلمة ودلوقتى انا سبتة لانى مش قادرة اكمل معاة حاسة انى ضيعت كرمتى وبعد كدا ممكن يقولى بعد ما نتجوز انى كنت بتكلم معاة وبسكت بس صدقينى واللة انا مش طيقاه بعد ما اتكلم وهو ابن خالتى (لا طاعة لمخلوق فى معصية الخالق) هتندمى كتييييييييييييير لو سكتى لازم ترفضى عشان كرمتك وثقة اهلك واحترامك ليهم ولنفسك
هو بيحس باحساس الشهوة عندوة وعايز يرضى غروروة بيكى بس حافظى على نفسك
انا حصل معايا كده وحبيبى طلب منى وبعد الحاح منه جامد طوعته بس بعد كده ندمت جامد لان حرام حرام واحنا مش متزوجين وخوفت من ربنا جامد وقعدت ادعى ربنا يسامحنى ودلوقتى انا مع حبيبى بس برفض اى حاجه زى ده وهو بيزعل وانا بصالحه وبقوله الحاجه ده مش من حقنا دلوقتى ادعو ربنا يصبرنا لغاية ما نتزوج فاياكى اختى وفعل الحرام
بصى انا واقعه فى نفس مشكلتك دى بس انا عشان للاسف بحبه مش بقدر اقوله على حاجه لا فممكن دى تكون حاجه غصب عنك وممكن كمان تكون برضاكى افتكرى ربنا دايما وخليه قدامك لان اللى انت مرتبطه بيه ده مش هينفعك يوم الحساب وهيتخلى عنك وادى ربنا انه يسامحك وانا كمان بدعى ربى انه يسامحنى والله غفور رحيم
هحيلك على حاجة عن تجربة هو جارى وفضلى سنتين برضة على الخطوبة بحكم دراستو فى البداية كان كلامو عادى وبعد كدا برضوو عايز يحضنى ويبوسنى واكيد برفض وبقى بيزعل ويسبنى وانا كونت مش بعرف انام وهو زعلان منى وعشان زعلو بعد سنة انا وفقت وعملت الى هو طلبو منى وبعد ماعملت كدا طلب منى ان نخرج عادى مع بعض ووافقت وخرجت معاة وفى اليوم واحد صاحبو جالنا وجايب معاة فديوهان لحبيبي وراسة وصاحب الشقة بيهدده لو مجبش فلوس بعد ساعهة واحدة هينزل الفديوهان على الت انا كونت لبسة دهب قلعتو وديتهوله عشان يحل المشكلة دى وواعدنى انو مش هيعمل كدا تانى وبعد اسبوع اعرف انو مع واحدة تانية ولمة كلمتو شتم وقالى انا مش بتاع حب ولاة جواز وفكك منى
يا قمر بلاش بلاش تعاملي حاجه زي كده هتمشي في طريقه مش بتاعك صدقيني لو كانتي وفقتي علي البوسه دي ومزعلتيش منو كان هيقول عادي بنت زي غيره ولا هتفرقي معاه لكن خليكي مختلفه عن بقيت البنات الاتانيه صدقيني يا قمر ايه يعني لم يزعلا بس المهم انتي انتي يا قلبي بنت سعات لم يحصل شي الناس هتعيبك انتي بس الولد او الشاب مش بعيبو شي نصيحه مني حفظي علي نفسك الدنيا ملهاش امان ولو مشيتي في الطريق ده افتكري اهلك وكرمتك يارب يتسترك ويسترني ويستر بنات الناس اجمعين امين يارب ربنا معاكي
اختى اياكى واياكى ان تجارية فيما يطلب حتى لو اردتى هذا اولا لانة حرام وثانيا حتى لو اتخطبتوا وانكتب كتابكوا وقالك انتى زوجتى اياكى ان توافقية لانة سيتذكرها لكى ويحطها فى دماغة ويقولك انتى سهلة اوى وهتنعدم ثقتة فيكى فهو مثله مثل اى رجل عربى وممكن يكون دا اختباره ليكى.
بصى مدام اهللك عارفين وهو عارف ان هما عارفين يبقى عمرة ما هيعمل معاكى حاجة غلط او ممكن يكون بيختبرك انتى افضلى كدة علطول وقليلو ان انتى بتحكى لممتك على كل حاجة ولو لقتية بيتهرب منك ابعدى عنة لو عادى خليكى زى مانتى واسالى مامتك
كم من خاطب ذهب بأسرار الأهل و البنت!!!
حبيبتي ده استهبال لسه قدامك سنتين ولو الدنيا كلها عرفت مش اهلك بس متكلميهوش
ده غبي سوري يعني ومترباش كمان وربنا بيفضحه وبيوريكي حقيقته من دلوقتي
متعميش عنيكي وتعملى زي شيرين مابتقول متحاوليش تشوفي حقيقه حد كامله
باين انه شهوانى ومش هامه غير الكام يوم اللي هيتسلى بيهم معاكى
والبوسه دي كانت ممكن تفتح ابواب تانيه اتقي الله ونظرته ليكي اتقي غضبه
لما من اولها هيبوسك بعد كده هيعمل ايه ؟
ولما يكلمك فكل حاجه سبتوا ايه للجواز كل اللذات هتروح دلوقتي انا بقولك اهو وابقي قولي تقى قالت
والله ده انسان مش محترم وانا اتحدي لو اهلك عارفين بحوار البوسه والكلام ده واحضنك وكده اصلا لو عرفوا هيبعدوكي عنه
ودي ليكي بجد خديها كنصيحه اي حاجه بس متنسيهاش
متديهوش اي فرصه فانه يذلك بعد كده يعني امشي معاه بما يرضي الله عشان لو سابك تبقى نضيفه ومتلمستيش وميقدرش يهددك ولا يفكرك ويقولك فاكره لما بوستك ها فاكره لما اتكلمت معاكى وقلنا حاجات وبطيخ ولما حضنتك طب هقول لامك ودنيتك هتسود وحياتك تتقلب جحيم
وكمان الولاد بيصيعوا يصيعوا ويعوزوا بنت محدش لمسها في الاخر بمعنى انه هيتمسك بيكي اكتر لما ميقدرش يوصل للي عايزه معاكى ويعرف انك انتى اللي هتصونيه لو حطك بين ميه راجل و متفكريش انك لو مشيتي وراه هترضيه لا يا حبي هيرميكي في الاخر لانك ساعتها هتبقي فنظره حقيره وكرامتك فين راحت واحترامك و و و
خليكي بنت عاليه باخلاقك واللى عايزك ده يتقدملك بعد سنتين ولو مكتوبلك يا روحي وربنا هتاخديه غصبن عن بوزك وبوزه بس شوفي دي هتعجبك وفكري فيها كده
تبا ليوم اغضبت فيه ربي لارضي فيه عبدا .. افتكري ربنا وبس واعرفي انك ولا حاجه من غيره ولا انتى ولا هو تقدروا تعملوا حاجه الا بامر منه وتوفيق منه يبقى لازم نرضي اللي خلقنا الاول بعدين نفكر في رضى الخلق .. ربنا معاكى